紅椰樹 (已結業)

收工行去東廣場～搵野食～食飯時間到到都好多人～一見到喇沙，就已經決定左～因為我真係好鐘意食喇沙～lol蘆薈特飲～味道普普通通～唔會太甜～佢都有幾多蘆薈～好似飲極都有咁～有得食喇～如果我知會係有殼既～我應該唔會叫蝦lol食喇沙～最緊要緊係個湯～湯低唔算好稠，如果你唔係食開濃味的～應該就會覺得岩岩好～但因為我係食開重味的～所以就覺得差少少喇～再左辣醬就岩岩好喇～＄５０幾蚊包埋一杯飲品～我覺得還可以～可以一試～

分量小，味道真麻麻。叫咗個牛腩飯，牛腩得幾舊仔，D汁水汪汪。喇沙，D虾又冇脫榖。D 湯又希。重點系冇味。一間不知名茶記都大可能好過佢。如果食里D直接去去茶記冇咁嬲。肯定冇下次。

前排成日經過觀塘東廣場都見到好多特色小店, 今次終於都有機會試啦. 星期日,我同我朋友大約下午1點鐘到, 見到都幾多人, 咁啱有客人食完, 所以唔駛等位. 見到間小店牆上貼咗好多美食, 樣樣都想試. 我地最後叫咗扎肉喇沙, 雞絲冬陰功, 香茅雞雞翼, 荔枝玉露 & 例湯. 扎肉喇沙 ($53, 包特飲或例湯)喇沙湯底好香好濃, d扎肉入面都充滿喇沙嘅香味, 之後食食下驚喜就出現, 原來碗喇沙有兩個麵底 (油麵, 米粉), 問返老闆娘先知原來佢地個喇沙係有兩個麵底, 可以俾我地係同一時間試兩種口感, 好特別, 而且個湯底係佢地自己淆, 好正例湯係紅蘿蔔粟米雞骨湯, 味道好清, 好有雞骨味, 完全冇味精, 好有家嘅感覺雞絲冬陰功金邊粉($53, 包特飲或例湯)呢間d雞絲好有雞味, 香茅同青檸味好香, 酸酸辣辣, 好開胃香茅雞翼 ($30, 有5隻)雞翼就冇乜特別不過, 我地都覺得兩碗麵嘅份量細份左少少, 因為食完, 湯底都飲埋, 都仲差少少先飽, 強烈推介呢間小店, 用心之作, 我下次會再去

聽朋友講，觀塘東廣場地庫開了很多特色小店，行入商場就被喇沙香吸引了，原來就係呢間紅椰樹，老闆娘靚又nice,我們叫了咖央多士，香矛雞亦，自制肉鬆厚多士，海南雞飯套餐和加多加多印尼沙律（配秘製醬汁）。樣樣都超水準，仲要加埋個人手打雙檸水（青檸加檸檬）真係好香檸檬味，好滿足！套餐又跟老火靚湯，飲落真係同呀媽煲一樣，食得出店主的用心唯一彈的係坐位不夠，搵食要早人一步，但食到好野就算等一陣都值既

有日係觀塘搵食，無意間係商場搵到間食喇沙既餐廳。餐廳得好少位，客人多數係外賣自取。蝦喇沙套餐$53湯底好濃！蒜香同椰汁味比較重，唔算辣。飲得出係自家熬製，好過土司工房。豆卜吸收哂d精華，好惹味；魚片、蝦肉都好爽口。原來喇沙有兩種麵底，油麵同粉絲，一齊食口感好特別。特色牛腩飯套餐$55套餐包中湯，紅蘿蔔粟米湯，算清甜。牛腩紅蘿蔔都燘得好林，甜甜地，唔會太鹹，不過細份左少少。椰香飯好綿，椰汁均勻分布係飯粒度，送飯一流。配上魚乾同花生，好香口。兩個餐都包野飲，但果日得番手打雙檸水，叫左一杯凍、一杯熱，飲落似檸蜜，唔算好甜，飲落幾舒服。

話說之前講緊要是盡東廣場入面啲嘢食，今次就試左呢間馬來西亞風味嘅紅椰樹。話說就係我要求好高嘅同事係試左咁多日之後就反映咗呢到每一間個價錢其實唔算好平，一個餐都要＄60-70。但係座位又唔係話好舒適。而另外一個同事就反映其實嗰度個座位唔多，一個下午唔做得幾多，所以其實呢個價錢又唔算好鬼咁究竟＄60-70呢個價錢大家覺得適唔適合你呢，咁就要大家試過先知啦。喺呢到我見好多人就係度食海南雞飯，但我今日想食喇沙，所以就叫咗個蝦喇沙，湯個味道同我平時食嘅喇沙都差唔多，都係用兩隻唔同嘅面來做嘅，蝦都幾大隻，都有四隻。咁個湯底味道唔算太濃，但味道就岩岩好，幾好味。另外在叫左個椰漿飯煲配咖喱雞，成個飯攞出嚟嘅時候都好靚，上面仲有花生，魚仔，青瓜等等嘅伴碟。咖喱雞翼一碗仔大概有四件有三件都係雞翼，味道都好好食，好有馬來西亞嘅特色而且唔辣，雞翼都炆到好入味好淋，有誠意之作。燒豬頸肉飯--同事話個豬頸肉好食，燒得好香，而且都有10幾塊，飯個份量剛剛好。另外凡係飯餐嘅話都會送是日嘅靚湯，有湯又有飯另外仲可以加多杯凍飲成個餐＄60我覺得不錯。佢嘅飲品都幾有心思，我哋就揀咗荔枝冰同埋盧薈特飲。荔枝冰入邊都有三粒大大