紅椰樹 (已結業)

今日晏就想食下東南亞菜，跟住係外賣平台試下叫呢間東南亞菜餐廳，我們叫左兩個餐。送餐速度都幾快吾洗話等好耐都無得食，我地仲話驚佢要耐d，所以我們預早左叫。依家外賣平台叫餐比以前方便好多，吾洗下下話要打電話去叫餐，同埋要拎定餐單，依家手機咩都睇到曬，方便好多。我叫左個招牌無骨海南雞粉麵套餐喇沙湯底，佢喇沙湯底都幾好味，湯底有類似沙爹醬係底到，更濃味更好食，如果豆卜可以係湯到一齊煮會比較好比較入味海南雞肉質滑嫩，吾錯吾錯，我配餐飲蘆薈茶，真係有蘆薈粒粒係底，味道清甜，吾會太甜，未飲過呢個茶，的確是不錯喝的~適合女士飲用。另外叫多個咖哩雞飯同我媽一齊share食，咖哩味香濃一打開就好香咖哩味，但是可惜雞食落去無海車雞甘好食，一般般，就是咖哩味道香濃，加上椰漿味道既飯，食落很好食，椰漿飯就甘食都香香甜甜，大推呢～我媽現餐叫了個手打雙檸水，我媽話雙檸水比較甜一點，聞落去檸檬味都幾香，的確係有兩種檸檬既味，另一種應該係青檸果類。總括而言，今次叫外賣既經歷都吾錯，整個餐點都很乾淨整齊，又無話倒瀉什麼的，餐廳安排包裝都包得幾密實下，到我手依然係安全又無出現吾乾淨之類既情況，整體情況很滿意。下次有機會去實

女女喜歡吃海南雞飯，聽在觀塘返工的朋友講，東廣場的紅椰樹主打東南亞美食， 佢哋嘅海南雞好正。朋友果然冇介紹錯，佢個海南雞飯真係好有水準，雞肉係以簡單嘅烹調手法，保留雞的原汁原味。再以冰鎮令到皮脆肉嫩，皮與肉中間仲有一層啫喱凍，囡囡一路食一路讚好味，仲話啫喱凍 係骨膠原，可以令皮膚靚靚。海南雞飯嘅油飯用上泰國頂級香米，自家調配嘅酸辣汁同甜豉油，好正。另外我就叫咗家鄉炒米粉，裏面有椰菜絲，木耳絲，雞絲，紅蘿蔔絲，米粉炒得乾身，有鑊氣，但不油膩。我飲樽裝嘅椰青水，裏面有淡淡椰肉，囡囡就飲恐龍美祿，啱曬小朋友口味。

今日去完銀行就約左朋友係觀塘附近食番個下午茶餐，疫情下老闆娘很體貼窩心每張檯都有提供紙袋比客人暫存口罩😷。我地就睇完menu就叫左：香茅豬扒湯檬 （芽菜、青檸、洋蔥、干蔥碎、蔥粒）$55 ，附特製甜酸汁：大大塊自家製豬扒做得特別用心，用香港大品牌既秘製奄料，將生炸豬扒鎚一鎚，剪開一塊塊所以食落特別鬆軟，再點d 特製甜酸汁更加出味！而檬粉好滑溜入味吸晒湯底味，湯底更加係餐廳自家餚製既牛腩汁，所以味道更加濃郁及食得健康放心！另外仲叫左2個下午茶餐：咖央多士 $22: 咖央用椰漿、蛋、砂糖和牛油等材料隔水加熱撈勻做成，中間夾了牛油🧈咬落口感覺到南洋風情的爽朗甜味，多士配上清甜不膩人的咖央醬真係回味無窮！扎肉濱海 （只限堂食）$48: 餐廳招牌菜，因即叫即整，底部係用蝦片盛托住餡料，蝦片係用超市食油黎炸，所以食落更加新鮮脆口，而餡料有滑溜檬粉同爽彈札肉，點d甜酸汁更加開胃美味！所以只限堂食保持食材新鮮！另加$10椰青水（支裝），味道很清甜可口！及加$7 凍蘆薈茶：唔會太甜，蘆薈肉更有助護膚作用！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比

今日來觀塘見老朋友，特登帶朋友到這家特色新馬泰餐廳食正宗的馬拉菜。這家小型馬拉餐廳聽老闆娘說是上一代傳授的烹飪秘訣，所以做到正宗的馬拉菜，真係十分驚訝又驚喜。在老闆娘悉心介紹下，我們選了一份印尼炒麵（椰菜，甘荀絲，冬菇絲）因為朋友吃素，這個印尼炒麵合適不過了。還選了一份咖喱雞飯，這個咖喱雞飯確實做得不錯，飯是混了一點油的油飯，混著花生米，咖喱雞小魚乾一起吃，香得不得了。我們還點了兩杯青檸梳打，吃著馬拉食物超級解渴。這裡還有個超級貼心的服務，因為選擇疫情，有個桶可以自己拿紙袋裝口罩，而且店員不停消毒，真的很在乎每一個食客的衛生安全，值得稱讚。

疫情關係觀塘返工的老友提早收工約我tea，東廣場的紅椰樹，餐廳 好貼心預備左一些白紙袋供客人放口罩😷之用。老闆娘推介咖哩雞肉椰漿飯， 老闆娘話先炒椰漿加米再蒸，飯粒粒分明爽口不會糊口，拌碟的魚仔，花生🥜撈理加入咖哩汁一齊吃就最正宗食法，魚仔、花生都是自家炸的。真香脆，辣椒醬🌶️就不會太辣，至岩我口味。扎肉濱海（tea只限食堂），賣相不錯，清爽夠健康。咖央多士配蝦餅，多士很脆咖央香，好味😋泰式金柚蝦沙律🥗，蔬菜🥬新鮮、柚子清甜。大大碟真抵食，茶餐配蘆薈茶，杯底有很多蘆薈肉粒，超支裝椰青水，有椰青肉粒。

剛叫了速遞外賣回家， 未打開膠袋已發現內裏食物盒東歪西倒，發現空杯一隻，原來全倒在袋底。半自助式？飲用前自行倒回杯中。 豬扒柴皮極致，香茅雞翼完全冇香茅味，只有燶味海南雞冬陰功矇粉變咗羅宋湯矇粉，只得個咸字一啲都唔正宗。海南雞醬有三款，無一達到最低標準。 檸檬茶帶有怪味， 蘆薈茶完全唔知咩味，因為飲都冇得飲。外賣份量又少，食3啖已經冇曬麵食，仲要入袋入到咁，搞到送到嚟冇曬成杯野飲 已Blacklisted 贈予差評一個

某日下午同朋友黎到觀塘東廣場，見到一間小店個名幾特別叫紅椰樹，甘岩老闆娘响度，仲好細心甘問我地食唔食辣，再推介食物俾我地。餐廳亦都好貼心甘準備左口罩紙袋供客人放口罩用。老闆既媽媽係馬來西亞人，老闆自己就係印尼人，所以佢地小店好多菜式都係自家制，主要都係煮出家既味道推廣馬來西亞菜既飲食文化俾客人。老闆娘仲話由於d人成日以為佢鋪頭只係得辣既菜式無清淡既菜式，其實甘就錯晒，因為唔講唔知原來鋪頭其實有清湯飲仲要用雞骨煲嫁個湯底。老闆娘推介我地食左個咖哩雞肉椰漿飯，仲好細心甘講解左食法，好多人原來分開晒d魚仔，花生黎食其實正確食法原來係要將椰漿飯，花生，魚仔(自家制香脆)，同自家制辣醬撈埋椰漿飯一齊食先係最正宗嫁。椰漿飯無油益味，好香椰漿味，咖哩雞真係全部都係雞肉好足料嫁。長知識了。哈哈。另外，叫左牛肉清湯底既炸蝦餅湯檬，加上自家制撈檬青檸醬汁令檬粉既味道更fresh,牛肉湯底好味。飲品飲左蘆薈茶同埋自家制青檸加咸檸既特飲。酸酸甜好醒胃。

搵食家族又有新推介喇，呢日同朋友來到官塘成業街東廣場嘅『紅椰樹』，尋找我喜歡的東南亞味道『叻沙』。喺老闆娘的推介下，首先叫咗最大堆頭嘅『超級叻沙』，叫做超級認真冇錯，用乾葱，蒜頭加其他香料製成的湯底配埋油麵及泰國米粉再加上以下食物蝦，魷魚，超級多蜆肉，花枝片，魚片蟹柳，半邊蛋，豆卜仲有平時少見的青瓜片形成一大碗鹹度，辣度適中嘅『叻沙』，正朋友鍾意海南雞飯，而老闆娘亦極力推介，佢話冰鮮雞来自深圳的長期供應商，品質有保證，而呢個雞唔會好似坊間某些舖頭攞定煮熟咗嘅雞，有D好誇張的金黃色，而係自家製，加埋自家製薑蓉及醬汁，絕對有誠意，有特色，朋友吃咗果然讚不絕口，仲話好少舖頭可吃到雞皮，雞肉中間嗰一層啫喱。椰青水來自泰國，坊間少見純泰國包裝，絕對好飲。

-#小肥觀塘遊小肥Wednesday在觀塘😆🐷(都知是日東九龍下午有大事食完急急腳走了🙉😖)呢間價廉抵食地道馬拉風味甚濃既紅椰樹😋小肥新嚐從未食過Creamy椰香既漿飯餐😝🍚🥥經慢煮既雞肉肉質嫩滑食落一啲都唔鞋之餘😆🐔配合香中帶微辣既紅咖哩🤤係雞肉既絕佳配搭🤪拌以銀魚仔脆花生粒一齊食增添更多Crispy口感之餘🤤以及自家秘製微微鹹香辣椒醬風味更甚😆😋🌶愈食愈開胃🤪而小肥口痕加配既越式春卷🤤🌯外脆內軟既絕佳口感內餡滿滿既芋香肉增添滋味🤤小肥馬拉風味既推薦😋😆

下午茶時間好肚餓，忍唔住食個tea，揀咗喺東廣場嘅呢間東南亞小店醫肚😋下午茶set幾抵食， 20幾蚊已經有份多士連嘢飲，不過我實在太肚餓，所以叫多咗個米粉嚟食🤤店舖好有心，同香港人同甘共苦，睇到佢哋寫嘅嘢好感動😭環境好衛生，未入店之前見到店員特登用酒精以及抹布清潔枱面🙏家鄉炒米粉~用了黑木耳，甘筍絲，椰菜，雞絲炒制而成的一碟米粉，即叫即炒熱辣辣味道十分香，最欣賞米粉不會一pat pat，反而與材料均勻混合，醬料味道啱啱好，不會過於濃烈搶了食材的香氣，配合少許辣醬令味道更加昇華，辣醬如XO醬般帶有鮮味，後來問了店員先知道原來炒製米粉的醬料和辣醬都是自家製的，味道不錯~🤤咖央多士~即叫即製的多士咬落十分脆身，配上咖央醬料為多士增添幾分香甜，配合剛剛熱溶的牛油味道十分夾，好想食多一份🤤熱雙檸水~估唔到佢哋嘅熱雙檸水同普通熱檸水有很大分別，整杯飲品都是由鮮榨的青檸和檸檬果肉調配而成，既有青檸的清甜，亦有檸檬酸的醒胃，最難忘的是啖啖都飲到果肉😋

前幾日我有個馬來西亞人朋友話佢有係觀塘食過一間馬來西亞菜好好味，所以就叫我同佢一齊去食，順便可以去埋觀塘啲工廠大廈行下。佢講個間餐廳原來就係喺東廣場個到，超近地鐵站，係觀塘廣場轉過去就係了。而朋友點解會介紹呢間餐廳就係因為香港食好食的馬拉嘢唔多，有誠意的就更加少，因為佢係馬拉人，佢知咩先最啱佢地口味，佢話佢啲喇沙好有家鄉味道，似以前屋企人煮的味，所以佢鍾意。我地去到之後叫左個超級喇沙，貪佢咩嘢配料都有唔駛諗，再叫多個炸蝦餅湯檬，仲有一個印尼沙律加多加多，飲品就叫左蘆薈茶同雙檸梳打。坐左一陣，就見舖頭入面好多人都同老闆娘打招呼，應該店內都多熟客的，老闆娘見到我朋友係馬拉人(咁都比老闆娘估到)，就主動過嚟傾下計，老闆娘都好nice，佢都介紹返原來佢啲食物好多都係自家製，湯都自己餚的，而且配合返佢屋企教落嚟的方法，唔怪得我朋友會覺得咁有家庭feel，咁似屋企人住嘢食的feel，佢仲同我同我朋友講，佢有個Facebook，可以留意到佢有咩新嘢和優惠，方便我朋友呢啲馬來西亞人可以想食返家鄉嘢都知佢地最新動向。首先嚟的係炸蝦餅湯檬，個湯底超正，牛味好重，但又好清甜，同出面平時食開都係同一隻味個啲好

今日黎到呢間紅椰樹食lunch,好老實講本身期望真係不大，餐廳細細一間，餐牌設計又吾算好靚，感覺中等吾算太吸引！雖然選擇都算多，但我見牆上面都係以海南雞飯同海鮮叻沙為招牌，所以就叫左呢2個，再加多一個小食拼盤！不過原來我真係錯怪左佢！佢既食物質素好多，而且味道真係正宗馬來西亞！我食既時候剛好老闆娘都係度，仲同我地傾左2句，老闆娘好friendly而且睇得出佢對食物既要求都好高！首先個海南雞飯，係原全無任何色素同添加濟，所以無坊間個種黃到爆既雞皮顏色，而且 對雞既煮法要求好高，每一塊海南雞除左有皮，滑嫰既雞肉之外，仲有一層好重要既啫唎係中間，正正都係海南雞既精華！而且所有醬汁都係自家制作，配上自家薑蓉加醬汁同油飯一齊食，無敵出色，必叫！另外個叻沙都係好好，海鮮多到爆炸，根本食極都仲有，而且麵係米粉加油麵，都好符合香港人風味，而且個湯底惹味得黎吾會太鹹太重口味，感覺比想像中既叻沙健康得多！至於小食拼盤既內容雖然不算特別，有炸蝦，炸雞翼，炸蝦餅同炸豆卜，但賣相一流，都好吾錯！整體而言，係一間有誠意，不花巧但用心經營既小店，誠心推薦大家！

由於在附近上班，常常會在東廣場覓食，今天就試試這間紅椰樹。-咖哩雞配椰漿飯 $60咖哩係紅咖喱，較濃味而香辣，但呢又唔會過辣，我同唔食辣既朋友都食到。椰漿飯好香椰味，店員說有別於傳統用椰油煮，而用椰奶蒸，有椰味之餘又不會漏，更貼合香港人口味。- 炸蝦餅湯河 $55蝦餅雖浸在湯河上，但依然香脆彈牙，湯河清清地暖笠笠，好啱冬天食。湯底以牛骨湯煲成，好飲又不會口乾。-熱蘆薈茶甜甜地又不會過甜，蘆薈新鮮爽彈，好飲暖胃。-凍雙檸梳打有齊檸檬和青檸汁，好fresh!

放假緊係出去食下tea今日就來左e間試迦央多士 , 味都正常 , 不過唔熱,熱檸水無檸檬 , 餐牌好污糟 , 似十年都唔抹下睇過餐廳其他野食 , 價錢都好似偏貴不過店員正常 , 未有遇到其他食家講既大聲呼叫既問題不過唔會encall

呢間「紅椰樹」店舖好細基本一眼望晒得十個位左右，望落去都係食比較東南亞菜式嘅小店，有椰漿飯、海南雞飯、喇沙都有🍜！-不過口淡淡我就食咗冬陰公湯粉🌶，望落去個湯底鮮紅色都幾靚仔，睇得出用好多材料熬湯，就咁望就見到有大量蕃茄🍅，香茅、青檸檬、香葉等等，飲落去的確酸酸辣辣，味道未算100分總係覺得爭緊啲嘢🧐，可能就係爭咁啲蝦味🦐！配搭河粉嘅份量唔算太多，肥仔唔算夠飽🤣，湯底感覺配金邊粉適合啲！小食炸蝦餅味道唔錯，新鮮炸起食落夠彈牙，內裏仲食到有少量蝦粒！下次會試埋個椰漿飯😌！