紅椰樹 (已結業)

九點三後呢個商場可以選擇嘅食店唔太多，見到有椰漿飯就走左入黎。同朋友分一個飯一個小食，再加杯椰青水。賣相不錯，煎得香、脆，同味道唔太濃，較清淡，唔太熱氣。椰漿飯有少少椰汁味，一般；豬頸肉唔多似煎過，似白烚多啲😓😓 唔多得；反而配菜撈飯有啲咬口，更好味；辣醬少辣，岩我呢啲唔太食得辣嘅人。店員已講明椰青水唔係原個，係倒出黎，隻味真係似樽裝椰青水加糖，唔太得👎👎價錢以晚市就差唔多雖然今次啲嘢食唔太得，但全商場呢啲時候想食檬粉 / 越泰食物就得呢間。下次食埋啲小食同粉麵再考慮下先。嘢食比其他清淡，唔太濃味

未講食物質素，當日係星期二晚上差唔多9點，都過晒繁忙時間，前面唔算多人，叫左兩碗粉，等左15分鐘果時追左個侍應，勁敷衍答我前面都仲等緊呀 🙄 即係前面唔追我唔可以追咩😡好多人都係叫海南雞飯，其實雞又煮好，飯都煲好，只係「不」出黎，前面既人都係甘呆坐白等😡😡😡最後等左超過30分鐘先有得食，份糧又少，叫左碗檬粉，成碗粉都碎濕濕！最後食左個10分鐘走人！如果你好有耐性，又大把時間，又好細食，可以考慮既！

官塘商廈林立，其中東廣場地下有很多細細間的食肆，每間都各有特色，只是座位不多，很多時要坐到走廊上，所以人流多時要進入此範圍都有些迫的。紅椰樹以東南亞菜式為主，泰式豬頸肉椰漿飯套餐，有湯送。本身愛吃脆口嘢，偏好椰漿飯的配菜：花生、小魚仔、旦，用來混飯吃好正。椰漿飯混著配菜吃香脆兼備，都唔理是否高卡路里了，食咗至算。順便一提，個椰漿飯較乾身鬆軟，透出淡淡椰香，吃下唔覺太飽。豬頸肉有成10片，份量不少但似乎沒加太多腌料，味偏淡。不過沾上附上的秘製辣椒醬就變得不一樣。所以話醬汁是餸菜的靈魂囉！招牌去骨海南雞飯套餐，同樣是有湯送。雞是已去骨的，易吃。醮上專屬的濃稠甜豉油醬+姜蓉，一下子就吃晒啲雞。叫了個小食試，炸豆卜拼蝦餅上枱時，論外觀真是有點失望，心想中服蝦餅薄薄地、柴柴地咁嘅。最後鼓起勇氣咬下，咦！比想像中好吃得多，外脆肉軟嗰喎。可能只收$32，蝦膠較少而已。至於豆卜是預先炸好的，很鬆脆，較適合係飲嘢時當小食。

因為太好味所以要寫多次食評有少少msg敏感,好少出街食嘅我，每次出街食都淨係會食依間，今次食咗個海南雞飯，個飯真係好好味，雖然個飯係雞油飯但係完全唔會好油，啲雞又好滑，雞皮同肉中間嗰浸jelly，入口即溶，最值得一提係個姜茸，係自家製,唔會話好似出面嗰啲又油又好鹹。仲有，依間店原來有辣椒醬賣，知道依間店全部都係自家製，啲嘢食又咁有水準，就買咗一樽返屋企同屋企人試吓，個個都話好好味，佢嗰陣味好特別，係出面係唔會食到，好香除咗食物質素好之外，服務環境亦都非常好，食嘅時候自己都好enjoy

兩口子近來事忙，一星期總有兩天左右無法抽身在家弄飯。此時近來甚風行的外賣apps就成了我們解肚餓的救星，只要預先入apps下order，過不了一會就有專人送來食物，真的是快捷又方便....小弟用的apps內餐廳選擇也不少，起碼用到現在仍還試勻所有的餐廳。今天晚上叫來的，是來自東廣場地庫food court內的這東南亞菜店的出品...小弟的海南雞飯出奇地不錯 ---- 油飯色水均勻是真的有油香，不過缺點是真的非常油，入口相當的膩；雞肉甚是嫩滑，皮亦有輕微的彈性。縱是雞味欠奉但以雪雞的水平來講已甚不俗....沒多嚐小友的雞翼撈檬。只隨意咬了一口雞翼，肉是入味的但就略嫌太乾旱了.....近來少吃辣，故此亦只是淺嚐了少許太太的蝦喇沙。湯很濃辣度不算少，椰香反倒不算太突出；配料有幾只味淡如水欠鮮味的雪蝦以及同樣咬入口淡mou mou的魚片，既非正宗口味之餘也難食....看來除了雞飯之外，其餘的東西也都不值再提....

路經見有唔少人都坐左係入面，就諗住試下。叫左個蝦餅撈檬。個蝦餅又薄又軟身，撈檬個汁得個咸味同辣味，食到一半就走左去附近買野飲相都懶得影真係強烈唔建議入去食真係完全唔值呢個價錢。我想比個sad face 你又要我200 字，係咪痴鬼線

從來未食過咁難食既食物，蝦餅薄到咁真係唔影張相都對自己唔住，我唔咁講薄係一個問題，不過我從來未食過扎肉咁薄既蝦餅，不過味道無咩問題，下一樣就精彩喇。“酸辣鳳爪”一食冇味架，諗住應該未撈勻啫嚇我唔到既，點知撈完一食之後個腦叮左一聲咩黎架，果種難食程度係可以令到一個人完全唔想食野即時飽左，想節食可以考慮一下，我可以講一句白灼都冇咁衰，淨低半隻海南雞又係傑作除左食到啲麻油味之外咩都食唔到，呢一餐我只可以講唔洗錢我都唔想食，打呢段野係真心唔想其他人中招。服務同衛生因為叫外賣唔知，所以公平啲照比5星

東廣場內有不少餐廳小店，各式美食應有盡有。《紅椰樹》是眾多餐廳中少有的東南亞美食餐廳，有齊泰式、星加玻和印尼菜，而且價錢亦相對便宜。<咖哩雞配椰漿飯>（少飯）秘製辣椒醬果然與眾不同，混乾魚仔和花生吃超惹味～雞肉挺軟，但有點碎骨。椰漿飯反而令人失望，椰漿味不夠濃。<豬頸肉叻沙>叻沙湯不太辣，椰汁的味道比較多，所以甜味也偏重。叻沙的做法典型，採用米粉和油麵兩摻，加入豆卜、魚片和芽菜。豬頸肉烤過後帶點炭燒味，惟加點泰式辣醬味道可更好。菠蘿冰跟餐加 $7，菠蘿粒不少，味道偏甜。

第一次來這小店吃，侍應的小姐非常有禮貌和細心，這是連鎖店沒有的誠懇態度。本來諗住醫肚，食飽就算。我同朋友點了海南雞飯和冬蔭公蝦金邊粉，首先隨飯附送的雞湯，飲得出無味精，應該只放少少鹽，仲飲到雞的脂油味。出外食飯的香港人，無味精、原汁原味的雞湯，幾難能可貴！海南雞飯的雞肉是無骨，有驚喜，肉質非常柔軟，味道適中，不太咸也不淡！配飯不是白飯，是椰漿飯，唔識食的人，會以為椰漿飯都係濃味或辣，其實每家每户的椰漿飯都有自己的特色！份量、配料都不同！椰漿是為了豐富飯的香，太多椰漿會蓋過白飯的香和口感！冬蔭公粉味道雖然沒有驚喜，不過不失，不過1碗有4隻蝦，足料有心機，不敷衍食客。整體來說，是小店中的小驚喜之店！有機會會再光顧！

本身和女朋友諗住去食部隊鍋，點知去到發現星期日唔開，都成9點鐘，就諗住是但搵野食，行到去東廣場，發現好多其他野食，行左一個圈，好多間舖都唔開或預備收檔唔做生意，最後我地決定去試下呢間印尼泰國菜（原來係馬來西亞），本身坐係舖頭入面一個二人位，老闆娘已經好好招呼，連我地最後決定坐出面都笑容滿面，叫左個招牌海南雞椰漿飯同蝦冬蔭公金邊粉、一杯凍蘆薈特飲一杯手打雙檸水。先黎個湯，淡淡的清雞湯味，無味精仲有一舊粟米。到2杯野飲，味道如名一樣蝦冬蔭公，見佢賣相唔係好紅，但冬蔭公味絕無欺場，蝦已去頭又大隻招牌海南雞椰漿飯，飯係椰香的飯，無骨的嫩滑雞加麻油香，仲有蕃茄同青瓜，正到爆，2人都係每人$70有找，下次一定會再幫襯

我自己其實對msg 係有小小過敏，所以通常都係係屋企食，好少出街食，但聽個friend 講同埋上網search 都話E間係自家制，所以試下。個啦沙超級好味，D 蝦好爽口 ，個湯好好味，好有水準，唔係開粉，個湯底真係自己煮。D 香矛雞翼 好香， 超好味，如過大家去一定要試下，強烈向大家推薦。同埋個肉鬆厚多士，都值得一試。D 肉鬆係自家制，正到爆。我食完之後個嘴無腫到，物有所值一定一定會再去，太正。

原本諗住上課前求其食d 新嘢醫下肚, 先係d 食物味道和肉的質感真係麻麻地, 咁諗住自己假想它好食, 食完個咖哩雞飯，點知食食下咖哩雞飯, 突然有隻小強從桌底爬下爬下爬上來, 嚇到我飛起 . 不會再去! 不會再去! 不會再去!

閒日晚上9點，商場內沒有太多選擇，隨意選了這家二人晚餐。樓面妹妹都頗有禮貌、有耐性，加分。可惜...惡夢開始了。第一道，上菜時以為是滷水雞翼，可是，我們點的是「泰式香茅雞翼」呀，姑且一試，十分重口味，也確實說服不到自己那是「泰式香茅」。再來「蘆薈特飲」，唉，就像水加糖漿…如果只追求甜味，這個應該可以達標。主食「咖哩雜菜椰漿飯」，飯的椰漿味很淡，不過已經算是比較正常，雜菜呢，一般偏鹹。最後，「泰式無骨鳳爪」，份量看來好大，可是呢，鳳爪少得令人側目，大概是2隻，細隻的那種，還要剪半，讓人看得以為有4隻，其他都是椰菜，真的讓人哭笑不得。其實如果賣光了，大可以說出來，不用勉強堆一份吧。重點來了——小小的鳳爪吃起來明顯是壞了有異味，平常自味覺不大敏感都吃得出來有異樣，可想而知，唉…真的...很難再有下次。

係香港吾係好多地方有喇沙食。呢間真係又貴又難食i lived in australia for a long time and there are many good laksa places. in hong kong， i havent tried many. usually they are ok. but this place is really bad. the laksa soup has lots of msg and very watery. the chicken is so dry and tasteless. with the price they charged， i will never go back. there are lots of nice food stall in this shopping center， and this is definitely NOT one of them 😥

星期六係APM買左飛睇lalaland，見時間未到，就去附近食啲嘢先！本來諗住支持吓小店，所以走左去附近嘅東廣場搵食，但結果係極度失望😡餐牌全部痴係牆身到，睇得唔係咁方便，要左擰右擰！叫左一個豬頸肉冬蔭公（$55），冬蔭公好似沖粉較出黎咁，唔香唔濃唔辣，河粉亦唔爽滑，加埋個近乎白灼嘅豬頸肉....😑完全無心機做！呢個蝦叻沙（$58）湯底一樣唔濃，比起吉利尼差太太太遠啦！而且蝦係死蝦，唔爽脆的，配埋普通嘅江門米粉....我覺得呢個價錢呢個質素，真係唔值