糙米家

營業中

休息中

無論33度夏天、落雨清涼夏天、凍冰冰冬天，呢度都係冷氣勁凍到震，極唔環保也不見到有幾注重健康，吹到食物凍晒都算，問可否出風位撥上少少唔兜口兜面吹住個頭，答案係老闆娘企門口熱要吹風，或者當聽唔到忽視你。灣仔食lunch度度都要射位明嘅，但老闆娘啲態度真係唔知以為我求佢派免費飯俾我哋。食扒永遠要催俾刀，當然問都係衰聲應你。初開業時僱用殘障人士仲以為好有heart，態度差少少都算，而家越做越多分店，改請有口音阿姐，態度就更只有走下坡。食物以前都只係中規中舉，多啲烚菜同有糙米飯揀而已，餸偏甜，唔覺有幾出類拔萃，但明顯越黎越衰，套餐縮水冇甜品，今次食到尾仲發現眼睫毛！！！呢個質素、呢個衛生、呢個態度，一定唔再有下次！

天氣炎熱，可以吃下沙律，這個牛油果沙律菜吃落去不是太爽😁，但個支麻汁好配牛油果沙律，個汁非常夾，非常好吃😍下午茶沙律配埋薯蓉，不過薯蓉有點兒略鹹！豚肉生薑燒好送到飯😍糙米飯好健康，飯不硬不軟，適中剛剛好👍🏻

唔好講食物，接待叫號碼的大姐極無禮貌，look大對眼望住你，串串貢，以為所有人要當佢係神級飯堂，我就唔想再去，幾好食都假，要受氣.......去你的.............

一個星期既工作 黎到星期四,身心都已經好攰好攰，可惜都仲有一日先到weekend。身為一個新界返港島既窮丁丁。ot過後,走進糙米家找尋治癒的味道。值得推介 紫菜雞肉健康煮 有半塊紫菜餅 大量蔬菜 同糙米湯飯。一個字健康! 入口甜甜的 沒有味精。另外 麻醬肉片 都很可口。扣分位: 餐廳內有水跡 有異味

幫襯過無數次，水準都能夠保持，低食夾大件溏心蛋雞肉沙律 - 為咗減肥，夜晚收工有時會嚟剩係食個沙律，貪佢夠大碟，夠飽得嚟唔駛食澱粉咁肥；沙律菜夠新鮮，有車厘茄、青瓜同粟米等，配以日式芝麻醬(稍為濃味咗啲); 雞肉非常嫩滑，正後記：除咗沙律抵食，健康煮(即湯米線/飯) 都有唔少配撘，湯底唔覺有咪精；魚柳飯都唔錯，可配茄汁、南瓜汁或白汁；猪扒飯都好多人叫，但食過覺得偏鞋

一睇張相，就知到唔係相機食左先，而係個口食左先。咬左幾啖先醒起要影相，件事賣相其實一般，勝在夠平。其實，一黎到係餐牌見到＄33蚊，心諗應該都係果啲細細碟又啲肉簿簿地果啲沙律啦，都無期望架啦。等左都一陣，有趣嘅，朋友們叫飯呀麵呀都食緊，竟然份沙律最遲黎，表示有趣lol. 等到啦，大個我塊面嘅碟，真豐富。實在係驚喜。見到果刻，對於鴨胸愛好者黎講，仲切到好大塊，堅想一啖食落去，所以諗都無諗就食左落去，果份衝動有誰共嗚～ 係度對於鐘意完美食評相嘅你講聲唔好意思，因為實在太巧痴。講番啲料，其實不過都係粟米，生菜，車厘茄，青瓜，蘿蔔絲，南瓜同鴨胸，加芝麻汁。係無咩特別中嘅抵食夾大件嘅驚喜。我地係星期6 晚上7點半去到 基乎無哂位 ，等左一分鐘 岩岩有人走，剛剛好。yeah 下次試埋其他，翻食指數 滿分。

一今日返機利臣街去了糙米家。固明思意係食糙米维主啦。餐牌見到好多都關豬扒事，咁就食豬扒旦飯啦。一分鐘到，首先糙米係幾正路(好味)，豬扒夠淋夠味冇骨又厚肉，唔錯。煎蛋半生熟(正)。配有很多黃牙白，都算幾好味。飲品+4蚊，盛惠49蚊。值得一試

同事話想食糙米家，都知呢間lunch係要排好耐，不過Lunch time有個半鐘架關係就等下啦等左成40分鐘終於到我地喇!!好彩附近有supermarket可以hea下。我地4個人，等左咁耐店員都係叫我地分枱坐我地都係叫太陽蛋豬扒糙米飯($45)加多杯凍檸茶(+$4)個飯望落真係幾邪惡，大大塊豬扒加埋隻太陽蛋好吸引咁。滑溜架蛋黃汁包住每一粒飯，加上一啖超鬆軟且入味架豬扒，超正啊。唯獨是個飯本身冇汁，撈哂隻蛋黃之後就變得有d dry囉，側邊架棷菜都煮得太淋身。

唔鐘意食蔬菜既我，有時都想逼自己食得健康d，係公司附近既糙米家正正合晒我心意，以下呢兩款係我最常食既食物。金湯雞肉健康煮呢個湯飯真係不得了，包括左好多唔同種類既蔬菜，例如翠肉瓜﹑南瓜，仲有豆腐﹑芋絲同冬菇。再加上湯底清甜，食完唔會口渴，係我最愛既食物之一。牛油果沙律(+烤雞)(註: 溏心蛋係同事比我既，不包含菜式內)本身怕食沙律唔夠飽，但分量原來好夠！加九蚊就有圖中既烤雞都好抵，配上沙律好好味。加上蔬菜好新鮮﹑牛油果既生熟度剛好無得彈，呢個菜必定會encore！

經過此店看到特色的餐單，進去試試。接近下午茶時間，想吃的是下午茶餐。店員很友善，容許我留一會待下午茶時間。不一會兒，店員請我點單，我要了迷你蕃茄湯螺絲粉 + 1片蒜蓉包 + 細田園沙律 + 飲品（熱糙米茶）。蕃茄湯螺絲粉的蕃茄湯味濃，略帶一點酸，螺絲粉煮得軟而熟。蒜蓉包香脆，田園沙律新鮮、清淡、爽口，熱糙米茶內裏所配搭的各種穀子味道得宜，夠濃，有明顯的糙米香。整個茶餐讓人感覺清新、健康、豐富和滿足，值得推介。

最近公司搬了去金鐘一帶，想有多點午飯的選擇只好走遠一點去灣仔。朋友介紹這間糙米家，說難得健康之選，特別推介吃他們的湯飯。不過，第一次去吃的時候因為太餓，所以點了南瓜豬扒糙米飯。可惜飯菜到了，有點點失望……米飯的確滲進了紅米，本來在家就常吃，所以沒有覺得太硬，豬扒也一貫茶餐廳水準，並不難吃，但重點就在於「茶餐廳水準」——用了不少油，加上南瓜汁相常濃稠，伴菜就是超頹的白烚椰菜，雖然椰菜的營養價值不低，不過對比起來，份量不多，完全做不到多菜少肉的健康效果。（用汁撈飯本身就不太健康）然後，眼見朋友那碗湯飯有魚有菜，有菌類還有脆肉瓜，看上去清淡得多，似乎更健康，於是相隔一周左右，就自己再去一次。不過，又是失望而回。湯飯看起來還是很清淡，但吃下去，竟有濃郁的味精味。也許是平日都吃很清淡，所以對味精、鹽油特別敏感。而且外出都不會點飲料（熱檸水除外），叫了侍應拿水也沒有到（大抵是午飯時間太多人，顧及不了），所以越吃越鹹……步出餐廳時，不禁想，健康除了食材還包括很多東西，例如是調味、烹調方法等等，絕不是用了紅米就等於健康。不過當然，也的確比茶記會好一點，只是對於本身已吃很清淡的人來說，也許仍然不足夠呢…

個人感想：曾在灣仔工作好幾年，要找健康煮意、多蔬菜的食堂，一定到糙米家！泡飯上面鋪滿蔬菜，湯不會太濃味，送甜品一客，通常是糕點，試過桂花糕，不錯！（飯可轉米線）今次晚餐選的沙律亦夠清新夠份量，最愛牛油果沙律。留意返：午餐時段（1點）門口多人等，預等15分鐘入坐。晚餐時段（8點後）會遇到部分菜式售完。素食者：有不少選擇，除了沙律還可選泡飯，有一款豆漿湯底，補補蛋白質～

Boyfriend and I came here for dinner as we were wandering around Wanchai wondering what to eat. As it was a healthy meals type of restaurant, I wanted to try. With a bit of mild groaning, boyfriend finally nodded and said "ok...we can try it as they have coconut rice and I want coconut rice."Well...when we sat down the waiter told us they had not more coconut rice. It was too late to get out.Chomega serves healthy meals with brown rice and low sugar desserts. Stuff I usually love to eat when I'm

呢度午餐好旺，成日一大班同事都好難等到位，今日自己一個黎食lunch，等左十幾分鐘終於都等到位^^好開心!我點左個南瓜豬扒糙米飯同牛蒡茶，蔬菜同豬扒既比例差唔多係1:1，d菜仲唔係d hea菜添呀!好健康的感覺~下次一定再黎!

突然間又寫番一個人的晚餐連載⋯今日在想吃什麼時，由於想吃得健康些，所以選擇這間店。到達時剛好有位置，然後便點了一個南瓜豬扒飯，加一杯牛蒡茶。其實這家小店特別之處係配菜比較多，雖然只是白灼椰菜，但至少較健康，而飯係配上紅米，比一般白飯較健康，而豬扒係煎的但不是油膩的，所以整體比一般茶記較健康。飲品都有些心思，我選了牛蒡茶，雖然有點甜，但比咖啡奶茶更好，還有甜品，係有綠茶味的啫喱，心理上肯定是比較健康，如想有清新的選擇，可一試。但服務方面，明白都佢好像會招聘一部分人士協助他們融入社會，所以作為食客要慢慢來，對自己的心情都好一點。