71
1
1
港鐵柯士甸站 A 出口, 步行約4分鐘 繼續閱讀
電話號碼
23882240
營業時間
今日營業
全日休息
星期一至二
17:30 - 02:00
星期三
全日休息
星期四至日
17:30 - 02:00
付款方式
AlipayHK 支付寶 現金 八達通 PayMe
座位數目
24
其他資料
Wi-Fi
酒精飲品
自帶酒水
電話訂座
外賣服務 詳細介紹
加一服務費
室外座位
以上資料只供參考, 請與餐廳確認詳情
食評 (74)
等級4 2024-05-12
125 瀏覽
糖水鋪開店已久, 原來已易手給一對情侶, 重點要知道這間糖水鋪每日下午5時半才開店直至零晨二時, 絕對是宵夜聚腳點! 👍🏻白馬王子 (熱) $56白雪女皇 (凍) $49兩碗糖水都是類似的款式, 同樣有腐竹, 桃膠, 蛋白, 超多配料!! 白馬王子入面更有雪耳, 一凍一熱, 我認為這類糖水熱食才有口感, 蛋白很滑溜, 桃膠有點煙韌但不會太硬, 吃過雪耳會覺得十分滋潤 ☺️ 因為腐竹, 除了本來的奶味還帶點豆香 😌鴨腎菜乾豬骨粥 $38粥底軟綿綿, 用長時間熬製, 味道濃郁, 尤其菜乾與豬骨味都相當突出, 可以吃到菜乾的咸香味! 😋 豬骨鴨腎量不少, 同樣是足料之作! 粥品吃後能夠暖胃, 以糖水鋪而言這個粥有非常大驚喜!XO醬炒蘿蔔糕 $36最大賣點是用自家手工製XO醬, 醬內有蝦米瑤柱粒, 微微辣蠻惹味, 蘿蔔糕跟芽菜, 椰菜一起炒, 所以配料都有濃厚XO醬味! 🤗 蘿蔔口感少少實, 相對一般蘿蔔糕冇咁軟糯, 所以食落好豐富, 基本上枱枱都有叫 🤭 可以單買個XO醬, 我本身都心郁郁想買, 但平時都唔會成日煮飯, 屋企都大把醬料, 最後忍住手。特濃D24榴槤流心煎堆 $45總共有5粒, 岩岩炸起熱辣辣, 唔會炸到成陣油膩味, 一咬啲榴槤蓉已經流晒出黎 😍 超興奮!! 榴槤味道濃郁, 有少少杰身, 仲要係暖暖地, 類似心太軟啲朱古力醬, 一次過食左3粒 😝雖然易手, 仍能保持水準, 鋪頭細小但整潔, 最喜歡貼在牆邊的一堆金句! 😆 繼續閱讀
(以上食評乃用戶個人意見 , 並不代表OpenRice之觀點。)
今晚一齊尋找香港味道🇭🇰,去到佐敦嘅「糖水檔1987」,睇落紅白相間嘅店面都頗有現代感,其實係源自1987年開始創立既老式粥鋪😮,經過第一、二代老闆經營,而家由一班熱愛香港美食嘅後生仔接手老店💪🏻,希望打造成街坊嘅宵夜聚腳地,的確見到唔少街坊堂食外賣。小小嘅店面卻載有香港人情味同本地美食❤️,包括粥品、懷舊小食、經典小炒同傳統糖水等,希望大家多多支持,將呢份情懷延續落去。————————————————👅 鴨腎菜乾豬骨粥($38)👍🏻招牌必食之一!老配方傳承📝,長時間熬製連米粒都化開,鴨腎、蠔豉、菜乾及豬骨呈現濃郁味道,有種清熱下火嘅感覺👅 XO醬炒蘿蔔糕($36)👍🏻採用手工自家製嘅香辣XO醬🌶️,正常辣都有種刺激感,蘿蔔糕有臘腸粒,食落有蘿蔔味,仲有一大堆爽脆椰菜同芽菜,讚讚.👅 豬皮蘿蔔魚蛋($29)👍🏻獨家秘製車仔醬汁,由多種香料調配,香辣之餘又甜甜地,蘿蔔軟腍多汁🥘,豬皮同魚蛋都好入味,還原傳統港式滋味👅 鮮奶桃膠雪耳燉蛋白($53)👍🏻幾種材料加堆一齊就好滋補養顏🌸,桃膠同雪耳都燉到軟軟腍腍,燉蛋白滑捋捋,吸收晒奶香味.👅 芒果大滿足($56)👍🏻一碗有齊仙草、芋圓、小丸子、芋圓、芒果同椰果,啱晒心大心細嘅朋友🥰,覺得小丸子最好味,尺寸巨大化增加咗軟糯糯嘅口感,加埋淡奶更好味———————————————— 🚩總結:熱愛傳統🫶🏻不斷改良嘅糖水檔———————————————— 🌟注意:如果鍾意食佢哋嘅XO醬,可以$129/支加購帶返屋企————————————————📍 糖水檔1987地址:佐敦文匯街25號文景樓地下C號舖.🗺地區:#bem佐敦📥分類:#bem港式💰人均消費:#bem_51至100蚊 繼續閱讀
(以上食評乃用戶個人意見 , 並不代表OpenRice之觀點。)
等級4 2024-04-09
71 瀏覽
好似好耐冇食港式糖水咁🤣不過雖然呢間舖頭名叫糖水檔 但好似佢啲港式小食款式同樣多😂舖頭已經有三十幾年歷史但開店老闆好似因腳患冇做lu 而家由一對情侶繼續傳承落去~👍🏿白雪女皇(凍) $49白雪女皇系腐竹桃膠糖水配燉蛋白成碗糖水好足料 啖啖都筆到桃膠🤭腐竹已經煲融晒喺糖水度 口感非常滑溜🥰食到香濃腐竹味 調味唔假 系清甜嗰種❤️入面嘅桃膠都系滑嘟嘟嘅😛帶少少爽口 食落有咬口得嚟唔會太硬實底部就系燉蛋白同樣非常滑溜😚帶淡淡嘅奶香 甜度啱啱好👍🏿成碗糖水確實幾好食🤤味道: 8.5/10性價比: 8/10👍🏿椰汁芒果爆珠西米燉蛋白 $56細佬👦🏻揀咗佢至愛嘅芒果好唔容易先氹到佢比史努比試下味😂入面有大量芒果 清甜多汁西米露充斥住滿滿嘅椰香 口感帶少少黏稠🤭芒果爆珠嘅口感好過癮🤪一啖食晒所有配料味蕾上頗大衝擊🤣幾有層次感 少驚喜底下同白雪女皇一樣系燉蛋白整體甜度亦系啱啱好👍🏿味道: 8/10性價比: 8/10👍🏿XO醬炒蘿蔔糕 $36Menu上面寫住用咗手工製XO醬嚟到已經聞到好香🥰蘿蔔糕比較軟糯 食落口感綿感~食到少少蘿蔔粒 粉感唔會太重😚亮點喺個XO醬度應該用咗蝦米瑤柱等等嘅配料炒香而成蘿蔔糕連埋芽菜同椰菜一齊炒每個角落都佔滿XO醬食落辣得嚟好惹味🤪而且炒得非常之香~雖然佢寫系小辣(好似可以加辣嘅)但史努比已經覺得好辣🫣不過佢炒得幾好食🤣芽菜keep到爽脆 吸收晒XO醬嘅精華味道好香😆而且食落唔會話好油膩👍🏿唔怪之得寫住店主推介啦🤭味道: 8.5/10性價比: 8.5/10👌🏿豬皮蘿蔔魚蛋 $29呢個就相對比較失色略嫌咖喱味唔夠香濃 感覺上甜度重啲魚蛋唔夠爽彈😗蘿蔔就煮得好夠淋😆不過好似甜度比較重 之後會食到有啲辣味滲出嚟~史努比唔食豬皮屋企人話普通啦有對比之下 呢份嘢就顯得冇乜特別🤣味道: 6/10性價比: 6.5/10👍🏿吉列炸香蕉(6粒) $32第一啖食落去覺得佢好甜😳但佢唔系死甜嗰種 而系香蕉擺到好熟好熟嗰種甜味食食下就會get used to佢嘅甜😂炸粉唔太厚 酥脆得嚟唔會好淋油香蕉依然有口感 唔會話熟到淋bla bla唔加朱古力醬就咁純香蕉嘅甜味都夠🤭史努比覺得味道幾新奇 可以一試嘅🤣味道: 7/10性價比: 7.5/10*不設加一服務費*雖然舖頭就唔算好大 但史努比見7點已經滿座睇嚟呢度應該好多街坊嚟🤣以佢嘅質素真系值嘅 價錢又合理喎如佢所講系宵夜聚腳地🤭飯後好地方~大家去開佐敦嘅話不妨都去搵下佢🤪一開頭見到menu上面有XO醬賣諗住試咗好食先買點知走嘅時候就唔記得咗🥲😂整體評分:味道: 8/10環境: 7.1/10服務: 7.8/10衛生: 7.8/10抵食: 7.7/10 繼續閱讀
(以上食評乃用戶個人意見 , 並不代表OpenRice之觀點。)
等級4 2024-07-15
0 瀏覽
粥餐,有粥、小食、飲品($49)粥:鴨腎菜乾豬骨粥,味道足,第一啖食,菜乾味夠,然後少少咸香味。粥底亦夠綿,米粒開花。材料除咗鴨腎、菜乾、豬骨,仲有淡菜,勁足料,好味道。小食:有多款選擇,揀咗炸洋蔥圈(+$12),有五件,即炸,唔油膩,炸粉脆,洋蔥少少甜。飲品:熱杞子菊花茶,清甜。隻杯好揼本。甜品:擂沙可可(+$8),有兩粒,可可粉足,入口第一吓口感係苦,但兩秒後,由苦變甘再變淡淡嘅甜,不錯不錯。擂沙湯圓($15)原來每逢星期二都有個優惠,今日係「擂沙湯圓」(原價$25)。黃豆粉足,入口少少甜,味道正常。白果腐竹丸圓($45)好耐無食白果腐竹糖水了。糖水甜得嚟唔漏,口感滑,腐竹味是有的但略嫌唔夠。另外仲有白果、小丸子、芋圓。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-05-27
26 瀏覽
這間港式糖水店已有三十多年歷史,由於前老闆身體不適,所以轉由一對情侶傳承下去😗糖水店除了提供多款港式糖水外,亦有不少港式特色小食,所以今次與朋友來到這麼享受宵夜😆- 鴨腎菜乾豬骨粥 $38粥底煮至綿密,入口即化,帶有淡淡豬骨香味🐷,加入鴨腎及菜乾調味😆,鹹香味十足,相當真材實料‼️- XO醬炒蘿蔔糕 $36半煎炸蘿蔔糕外酥內軟,內有臘腸及冬菇粒配料👍🏻,口感豐富,另加上大量芽菜及椰菜🥰,配上自家製XO醬,香辣惹味🤣- 燒汁蒜香牛粒 $36一口牛肉粒大小剛好🐮,油脂豐沛,肉質軟腍,加上香脆蒜片點綴,香味濃郁🥰- 芒果王子 $56清甜楊枝甘露椰奶味濃厚,配料亦非常豐富,加入新鮮香甜芒果🥭、有咬口椰果🥥、煙韌西米、清爽蘆薈及軟燸桃膠,口感豐富滋潤,甜度剛好❤️- 紅豆白丸圓 $49底層鮮奶配燉蛋白,帶有濃郁奶香🍼,加上綿密紅豆蓉🫘、煙韌芋圓及小丸子配料,啖啖滋味👍🏻📍 糖水檔1987 - 佐敦佐敦文匯街25號文景樓地下C號舖 繼續閱讀
(以上食評乃用戶個人意見 , 並不代表OpenRice之觀點。)