糖朝 (已搬遷) 新店位置

味道不算十分好, 但價錢略貴, 環境一般!!

This a a classic story of a good restaurant turns bad. It used to have good service, sweet soups and dim sums. Nowadays only noodles are above average. Dim sum is really bad. The real problem is not the quality of food. It is the service! Slow and casual service! The restaurant should pay more to its staff. All of them seem to be very unhappy working there. No enthusiastism. Not at all.

很久沒來糖朝，依然是等很久才有侍應來落單，今次叫了鯪魚球粥，腸粉，馬拉榚，叉燒包。粥和馬拉榚味道OK啦，後來再加了甜品，叫了熱荳花和餐牌上寫著”(季節性)”的麻蓉湯圓，熱荳花味道一般，麻蓉湯圓比平時吃的細粒，咬開時的餡卻只是一般的黑芝麻，於是便問侍應這是否麻蓉湯圓，她便回答：「芝麻磨碎了不是麻蓉是什麼！」既然只是平常的黑芝麻餡，我想大概不需”季節性”這麼嚴重吧！至於味道，就和平常四季四處也有得吃的芝麻湯圓一樣啦！

來這裡好多是日本客，聽到d遊客都是因為看旅協指南而來。有次朋友約出尖咀都是因為知好多遊客來而帶了我們來試試。晚上真是好多人，我們七個人站了半小時先位。叫了兩個艇仔粥，一個瘦肉粥，一個牛腩麪，北菇小唐菜，我要了個干燒伊麪。份量上對我們一班男仔就唔多夠，不過都唔敢叫多，看價錢都對我們學生來說是貴的。味道都是一般，食不出和出面食店有甚麼不同，只可以說沒有太多味精。坐下來都還見不小人等，都要同一張檯傾不到計，坐不了多久就走人。不過服務都還ok，起碼沒有waiter見人多吹我們一班學生走。最後埋單都三百幾，我們都未飽，始終這區都不合我們學生哥來吃的。吃了一餐名氣飯。

食過兩次，ｄ食物都幾正～仲幾多款，有粥粉麵飯，有點心，甜品．ｄ豆腐花好正～！好似山水豆腐！不過ｄ位就窄０左０的！但係間０野裝潢幾靚！初初淨係睇門面以為會幾貴，但係入到去睇個ｍｅｎｕ個價錢都幾reasonable

係尖沙咀番工咁耐，一直對呢D開遊客區的食肆冇乜好感，所以一直都未試過去糖朝，今晚我老婆話想試下，咪即管去下囉！叫個甘桔蘆薈同紅豆豆腐花，個甘桔蘆薈就太酸，而紅豆豆腐花又冇乜甜味。其實真係覺得有D名過其實，我屋食D分分鐘好未過佢。唯一可以讚下係佢有D裝修幾有民初氣息。

見呢度都有唔少人批評,咁岩同阿媽食完野後經過,就即管試下.睇見門口好似有D日文介紹,心諗日本仔都介紹應該唔差得去邊掛.入到去都幾多人,之後發覺原來仲有粉麵賣,心諗糖水賣得踮既使乜做其他野,已經對呢間野既實力有少少懷疑.之後佢地分左張近廚房既位,個度既地下黐立立,令我對乾淨又扣少少分.因為冇寫有乜主打糖水,所以叫左芝麻糊(我每次都叫呢樣來測試糖水鋪實力,因為連呢樣基本野都唔得既話其他野好打有限糖水既就例外]).而我阿媽叫左湘蓮合桃糊.等左成三個字先有得食,佢唔係收左ORDER先磨呀嘛?打死我都唔信.講番碗芝麻糊,用匙一畢已經覺得唔踮,稀到好似水一樣,入口既味道又淡.最嚴重既致命傷係佢居然溝粉!佢唔係落好重,初時食到粉味都唔係好信,但之後見到有D獻狀物之後就唔到我唔信.咁既芝麻糊都夠膽收人17元,唔該收皮.合桃糊都係同一情況,D蓮子雖然唔硬但毫無味道,同合成仲有段距離.

首先,佢唔洗加1...其次本人認為非常好味,雖然有點貴,但也值回票價~!!!~~

和朋友去吃甜品，決定試試有名的糖朝。真的很多人，我們等了十多分鐘。還好不用搭枱，我要了個鮮什果凍豆腐花，雖然等了很久，但賣相也算不錯，味道也ok。總算試過有乾冰的豆腐花了。

同大家的感覺一樣- 得個樣！D甜品又貴又難食！(>_<)

有一次同兩個朋友去食糖水,我叫左一碗芝麻糊加湯圓加湯圓要加$6,咁諗住冇所謂啦, 點知碗野黎到, 仲細碗過出面d跟餐餐湯, 湯圓得兩粒咁大把, 6蚊得兩粒湯圓, 簡直過份, 員工態度又唔好, 估唔到呢間野得個樣, 我以後都唔會去食~~~<br />

真係一間得個名的食店。真係唔明白點解那些名食家會大力推薦。糖水的質素真係非常差，可以用難食來形容(如芝麻糊、杏仁茶、合桃露)。由於未試過豆腐花，所以唔知係咪真係咁好食。此店還有收加一和茶錢，下次真係請我都唔會去，因為完全唔抵。

裝修雖然有特式，然而清潔不足，地上甚至有一點黏黏的，空氣又有點混濁。食物方面，一來份量甚少，另外質素頗差。湯圓皮厚餡少又無味，楊枝甘露又稀溜溜的。麵食又普通，價錢又貴。服務也不太好，滿枱杯碟又沒人清理。此些地方可免則免了。

倒數完去食, 點了個蝦米腸, 漣子合桃露同豆腐花芝麻糊. 腸粉唔太熱. 豆腐花好滑喎!! 但芝麻糊就好希喇. (芝麻糊我覺得稻香0既好正, 真材實料.)糖水好似細碗左d 喎, 唔多抵, 又要加一.環境就幾中國式幾得意.有機會都可能會試有生果0既糖水0既.

平安夜晚食完飯等countdown，攰攰地咪去糖朝食糖水囉。因為已經好飽，所以我地三個女仔只係叫咗兩碗糖水，點知我地竟然俾落單個阿姐白鴿眼，猛問我地係咪淨係要兩碗，仲眼啤啤添，真係丫！<br />講真丫，佢ｄ糖水都唔係真係咁好食啫，碗楊枝金露都ｏｋ，但雜果豆腐花就麻麻喇，因為雜果根本唔夠甜帶唔起豆腐花ｄ味！