糖朝 (已搬遷) 新店位置

想食糊, 問店員, 店員語塞了三秒後才回答說: [ 是的]經此一問, 那我就不點糊類糖水好了, 思前想後, 保守地點了一個熱的綠豆沙。上檯時是用了一個有蓋的碗盛著, 蓋子一打開, 聞到一陣陣沙香味來, 料不多略稀,但有海帶又起沙, 一直吃著的糖水好像降了溫似的, 只因店員們一張張冷冰冰的臉孔... ...

以前讀書好鍾意食呢度既窩蛋牛肉飯, 同埋馬拉糕, 雖知呢度既服務真係好差, 好似只係做遊客生意咁~ 但係我周不時都會返黎食下馬拉糕!今次點了紅蓮燉雪蛤、紅豆茸糕、楊枝甘露糕、同埋我既至愛馬拉糕.....侍應沖了茶, 味道稍淡...已經和上次飲的不一樣, 似是人參烏龍茶....不肯定。紅蓮燉雪蛤- 水準與平時差不多, 蓮子偏細粒, 紅棗得2粒, 以前起碼有3粒架, 不過都夠味既, 唔知係咪我仲病緊, 覺得甜左少少紅豆茸糕- 無紅豆味, 得個甜字, 我個fd好失望, 因為我以前帶過佢黎食, 佢覺得好好味, 唔明點解再黎食就差咁遠...楊枝甘露糕- 應該係新野黎架, 原來好細碟...仲好似融緊咁....不過味道不錯..馬拉糕- 都仲係我既至愛之一, 其實點解我咁鍾意食呢度既馬拉糕, 係因為我細個成日o係一間酒樓飲茶, 佢整既馬拉糕同呢度既味道一樣, 可能就因為呢d童年回憶啦, 我覺得好好味, 不過真係愈來愈細舊...

(2/6/05)同朋友食完晚飯, 再黎食甜品。八點九左右啦, 都要等位。隨左有日本人之外, 仲分別見到兩個, 唔講都唔知係明星既藝員。講番食物, 我叫左”寶島白合珍珠豆腐花”, 其實個名都講晒有D乜, 珍珠係黑色粉圓, 寶島? 就唔知點解要加個”寶島”o羅….其實無什特別。朋友叫了芒果豆腐花及雜果豆腐花。一樣都係用個玻璃兜裝住乾冰, 再放碗豆腐花o係上面。係幾靚既, 但唔夠凍o羅! 呢度D咸食雖然無試過, 但感覺都係整色整水既jer, 吸引到遊客, 或者帶女仔黎食, 都幾適合既~

食左糖醋排骨,賽磅蟹,炒白菜,麻婆豆腐,炸豆腐,福建炒飯,炒麵,雜菇小唐菜..咁上下~ 都叫做幾好食ge, 係冇咩特別咁. 好多好多遊客,更加應該服務好d la~碟碟都好細碟,款式唔多,不過價錢都唔貴,都係食糖水好d~ 8個人食埋糖水都係$570,幾抵~

上週六在尖沙咀和個韓國朋友食完飯就黎o左呢度食甜品, 等佢見識下中式糖水, 人多不特止, 質素真係開始下滑, 有點粗製濫造的感覺...相信用乾冰呢個idea 氹遊客真係幾得, 不過上次我點了芝麻糊蓮子, 微暖的, 真係大打折扣!!碗碟都洗得唔乾淨, 仲有飯漬....... 比以前差o左了! 我位外國朋友未試過當然開心和滿意啦!!!

住在外國多年的Uncle 到訪香港，帶他吃中式早餐和甜品。Uncle 見食客枱上的"仙境雜果豆腐花"，嘖嘖稱奇。我倆要了一碗，$26，乾冰很快已消散。味道一般，但總算叫uncle 見識過了。

佢d乾冰都唔知要來做咩, 又貴, d水果又爛的, 非常不新鮮, 千萬不要去, 只得個名, 掛羊頭賣狗肉

我地叫左3個薑汁奶+1個燉雪蛤,等左4個幾字,3個奶都仲未黎,忍唔住催佢個Waiter幾串下~話:係要燉下架啦~ ...... 過左1,2分鐘就黎左喇終於..........食落,其實質素都係一般,有少少俾佢個朵昆左........4圍望下~d 侍應都幾散漫,有時仲掛住傾計......大佬,好多遊客架.....唉.........個收$果個呀嬸,態度好差= =,唔好提...

不嬲對呢間野冇乜好感,D野食唔值個價錢之餘service又唔好最憎個收銀個8婆,有次真係想擲d錢俾佢!

年三十晚...同男朋友去尖沙咀閒逛...突然好想食杏仁糊...就入左糖朝食其實知道依間糖水都係一般...好耐之前食過一次覺得一般,貴夾普通~但係杏仁糊尖沙咀區黎講又唔知邊度好食...又費事搵...咪入左糖朝囉~我叫左杏仁糊,男朋友叫左楊枝甘露,我地仲叫左個炸奶黃包~杏仁糊一般啦...都係覺得同冶堂最好味...楊枝甘露我冇試過呀...但聽男朋友講都ok o既~最好味都係炸奶黃包!!奶黃包就食得多哪...炸曼頭都食得多~係未食過炸奶黃包o者!果度d炸奶黃包,$15 三個,size好似炸曼頭咁啦~外皮金黃色,都幾靚~個皮炸得好脆...又唔多油咬落去...都幾多奶黃,d奶黃好好味~仲有蛋黃tim !!!趁熱食,好好味~值得一試~

我也認為這裡比較適合遊客。剛進入店內, 便看到兩個日本女孩興致勃勃的為枱上的甜品拍照。今晚吃了:鮮蝦淨雲吞: 雲吞很細, 味道亦比不上一般的廣東麵舖。魷魚肉餅蒸飯: 以$28這個價錢,我覺得不值。湘蓮杏仁糊: 蓮子很鬆化, 可惜杏仁糊沒有杏仁香,只有甜味。

第一次去糖朝,叫左山水豆腐花,成$15碗真係幾貴,糖水甜度ok, 豆花就一般,唔滑口,我堅企樓下重好食過佢,佢都係o岩d遊客去~serive都唔多好

裝潢富中國味道，豆腐花滑，而且乾冰上夠視覺效果，只是有時未必有乾冰，便會差了一點。其他熱食無特別。

舊同學約出黎食飯飯後去呢度食糖水10 點幾去到都幾多人.有3-4成都係遊客大陸又有、日本又有要等位都等0左2個字先有位叫0左個西瓜西米露一般啦~不過都坐得幾迫同幾嘈

嗌左咕嚕蝦球&滑蛋蝦仁, 水準一流!不過d 侍應好似成日都睇唔到人地嗌佢地咁xD