粗店燒烤 (已結業)

突然好想食串燒!搵到依間價錢親民，而且選擇都好多嘅店仲開到凌晨兩點 門口menu同店入面手機落單有小小唔同會有更多選擇花多眼亂裝修好特別，本來好好奇每張枱上面掛住果一舊係咩嚟坐低先知原來係紙巾咁樣坐係邊個位都可以好方便咁拎到又唔洗擔心會摸到好多油而且每張枱都有個小型爐可以幫你烘住啲串燒就算掛住傾計談心都隨時有熱焫焫嘅野食超貼心 而且個碟都設計成方便食野側邊有個位置放筷子，兩個小格仔係放調味粉店員會係每人嘅碟上面幫你加孜然同埋辣椒但因為本身每樣調味都已經好入味同好好食所以最終我無加到啲粉 烤紐西蘭牛肋肉眼(2串) $28肥牛金菇卷(1串) $22五花肉(2串) $28日本玉子蛋(1串) $18全部都好香好惹味 除咗肉，海鮮類嘅款式都好多烤王者大扇貝(1隻) $38 真係大大隻，差唔多有手掌咁大而且唔係淨係殼大，肉都好大粒好厚肉啊上面仲有好多粉絲! 烤虎蝦(2串) $36 啖啖肉，好鮮個汁超好食超惹味而且清潔得都好乾淨 原隻魷魚王(1串) $34 賣相好靚!原隻成串上，好貼心咁付埋較剪比我哋分嚟食加咗孜然係醬汁度，燒完之後好香好惹味鬚鬚同埋頭烤到好脆，身體好軟好有咬口 就連蔬菜類都超級多款

尋日食咗粗店燒烤平日係旺角經過已經好想入去食,終於食到喇,一入內見裝修都好有特色值得一讚係店內好衛生,夠晒乾淨整齊,好少燒烤店可以保持好環境衛生,每張枱上方都會吊上一包紙巾,好貼心既服務,每張枱上會有個爐用嚟熱住食物,之後用自助手機落單好方便,見到燒物既選擇多,仲會有D鐵鍋煮、麻辣燙同小鍋,嚟食燒烤緊係要叫支哈爾濱啤酒,配埋個戰鬥碗一流食物點了日本諸城雞腎串,雞腎夠爽口有嚼勁,烤紐西蘭牛肋肉眼串,香噴噴肉質嫩及多汁,烤新鮮生蠔,大大隻熱騰騰仲好爆汁,個人很喜歡美味,鐵鍋煮卜卜蜆,份量十足夠晒二人食,燒多春魚串, 外脆內軟,燒細魷魚頭串,美味!韭菜串好野味,用燒烤既方法整好有風味,翠玉瓜串加了配料夠晒味,點了蜜甜薯串,原來燒嚟食好夾,甜味更出色,日本玉子蛋串讚！最後點了炸饅頭加埋椒鹽魷魚鬚,好脆口好滿足,整體食物美味,環境又適合同朋友傾計,會再嚟幫襯!

喺新寶戲院睇完睇，就去咗呢間食串燒😋😋同一條街行到最尾就係，好方便。粗店嘅裝修好有特色，冇麻布袋吊紙巾，勁得意。而且環境又乾淨又舒服，同朋友食住吹水好地方。一坐低就有職員畢咗兩隻味嘅調味粉俾我哋，一隻係有花椒八角味，少少辣，另一隻係有啲花生味。今次串燒就嗌咗羊肉、雞腎、牛肋眼肉、牛肩肉、虎蝦、多春魚同埋韭菜。廚房會預先燒好，之後拎出嚟放喺我哋個鐵板度保溫。我哋食落去就覺得串燒有一種好特別嘅味道，一問之下原來燒串燒嘅油落咗洋蔥，用呢啲洋蔥油燒出嚟嘅串燒唔怪之得特別香口。另外我哋仲嗌咗茄子生蠔同埋扇貝，仲有牛油金菇。特別講一講茄子，面鋪咗蒜蓉之外，最特別佢落咗菜舖，鍾意食菜舖嘅人真係唔可以錯過。同埋扇貝生蠔嘅醬汁都好香，熱辣辣上菜嘅時候啲醬汁同埋油都仲係滾緊，而且價錢唔貴。性價比👍🏻環境👍🏻味道👍🏻職員👍🏻👍🏻

冬天季節最啱食暖笠笠既野於是相約朋友去左食呢間粗店燒烤🍖吹下水飲下酒 小酌一番～店內嘅環境十分舒適燒烤嘅味道亦都唔重通風做得唔錯 值得一讚裝修亦別有一番風格好適合同朋友一邊食一邊傾偈好驚喜見到Menu有炸饅頭！好開心🤤唔係間間都食到我哋首先叫咗一啲可以即食嘅嘢先烤王煮大扇貝、鐵鍋煮卜卜蜆、椒鹽魷魚鬚同埋粗烤小飯團🍙扇貝嘅味道好甜同埋大大粒好抵食！另外卜卜蜆佢用鐵鍋所以好暖笠笠，蜆肉亦都好新鮮～椒鹽魷魚酥份量都幾多三個人食都得，好啱邊飲酒邊食而小飯團都好得意，但係最好同朋友一齊share🤣叫咗一支啤酒Peach Hoeggarden～有少少桃味，有冇太甜好易入口跟住我哋叫左一啲串燒全部都係肉類🍖日本諸城雞腎、五花肉、烤新鮮牛五花趾（牛腱）、烤新鮮牛肋眼肉 、燒美國牛肩肉同烤甜薯。比較推薦佢哋嘅雞腎同埋豬肉五花肉，全部都點左佢俾我哋嘅調味粉，佢有兩種調味粉俾我哋自己揀，一種係麻麻辣辣咁好有四川風味，而另一種就有啲花生粉嘅感覺偏甜，佢隔離仲會有個爐俾你熱住啲串燒，所以慢慢食都唔驚凍咗！好推薦佢哋嘅烤甜薯～下次同朋友嚟一定會叫啲蔬菜試吓賣相都好似好吸引咁！Total埋單都唔係太貴同朋友shar

見咁多好評，梗係試一試佢，點知中晒伏重點係唔熱你肉類嘅一串串燒燒出黎可以唔熱，只係微暖點解唔熱就要自己腦補，一陣平台又話誹謗唔出得街仲有睇食評人地啲串燒大大舊又juicy 我地條條都好似營養不良咁最左個啲就係羊，對比下可樂支綠色飲筒，就知有幾營養不良，重點個堆羊肉係10串係啲頭頭尾尾邊角料串成嘅10串木簽就擺明一 pack pack 急凍貨1條茄子1份金茄6隻蠔3支汽水15串羊5串牛6串豬2串薯仔2串雞皮4串雞軟骨1份粟米2串雞腎經open rice 訂位有8折8折左係733蚊8折左都接近370蚊一個人所以真係唔好怪點解咁多人番大陸食飯

原隻魷魚王$34 一大條魷魚成串上，魷魚用咗孜然粉同埋黑胡椒調味。燒完之後最尾上面搽咗一陣蜜糖。土豆片$14鍾意啲薯仔片係爽身同埋挺身串燒薯仔嘅話林同埋粉嘅話就會唔好味。翠玉瓜$18翠玉瓜孜然粉微辣同埋本身瓜嘅鮮甜有好大對比做串燒一流。烤王者大扇貝$38扇貝用咗蒜蓉嚟調味上邊仲有少少蟹肉粒。都有¼個掌心咁大隻。鮮甜菠蘿$22串燒點可以唔食菠蘿。餐廳一早切開咗一嚿嚿，然後再轉成串燒食起上嚟好方便。黑白糍粑$45新鮮炸出嚟嘅糍粑熱辣辣，而且外皮酥脆上面用咗煉奶同埋朱古力醬。

餐廳裝修好有特色，用咗木同埋深啡色做主調。牆上都有木牌寫住菜式名做裝飾。蒜蓉烤茄子$38餐廳特製蒜蓉醬汁，有好多蒜蓉，而且菜圃爽口嘅口感配埋茄子軟嫩嘅質地，層次好豐富。鐵鍋煮卜卜蜆$68 見住個鐵鍋入邊新鮮嘅蜆慢慢煮熟同埋煮開。蜆肉非常鮮甜，加埋粉絲朔晒啲湯汁一啖食落去非常鮮美。椒鹽魷魚鬚$38 椒鹽嘅鹹香同埋微辣配合彈牙嘅魷魚質感突顯咗海鮮嘅風味。新鮮炸出嚟嘅魷魚鬚外皮酥脆配埋啤酒食得好過癮。日本諸城雞腎$18雞腎比較有韌性，但係食落去內部依然嫩滑。辣椒粉同埋孜然粉嘅調味可以突顯到雞腎嘅內臟風味。開邊雞翼$22雞翼外層金黃酥脆，而肉質依然嫩滑多汁。切開咗嘅雞翼咁容易入味，每一啖都食得舔舔脷。

粗店燒烤📍位於旺角豉油街60-104號XX Arcade地下AB號舖，這間餐廳的位置很近旺角地鐵站（E2出口），這間餐廳的設計很有四川特色😋🍖。當我們一坐低左，他們就會係我哋張枱度點着嗰爐，之後佢哋就會把燒好左嘅串燒放係嗰爐上邊，令到啲串燒keep住熱辣辣的。🍖💕💕****************食物****************我哋叫咗好多唔同嘅串燒，包括有：大漠羊肉串(5串）$48、腸仔$12、黑椒牛丸（1串）$15、日本玉子蛋（1串) $18、涼拌海帶絲$28、小豬頸肉（5串）$42、五花肉（2串）$28、烤新鮮牛五花趾（牛腱） （5串）$48、燒漢堡扒厚多士 $42、多春魚(2條）$19。🩷🩷我最喜歡食他們的日本玉子蛋串，玉子蛋食落去好厚蛋肉，玉子蛋上邊鋪滿沙律醬，令我們食得津津有味。另外、他們的多春魚串也好好味，食落去不會太鹹，啖啖肉的，而且又沒有骨。此外，我很喜歡吃他們的黑椒牛丸串，他們的牛丸食落去很彈牙，而且，他們的牛丸的黑椒味很濃郁，食到我哋讚不絕口。此外，他們的大漠羊肉串也整得很不錯，羊肉的味道一點也不蘇，也不會太靭，食落去嘅時候會有浸油滲出來，令到羊肉串食落去更滋

係旺角人流咁多既地方 有間食串燒既地方 外觀乾淨企理又寬躺既店鋪三五知已可以吹水傾計 串燒仲可以有明火keep住熱唔怕變左凍冰冰「蒜蓉菜圃燒茄子🍆」多蒜蓉不得之了，仲好多菜圃圍住啖啖都係 好滋味「鮮冬菇 翠玉瓜 燒日本玉子蛋 蟹籽玉子燒 羊肉串 雞皮」不同串串黎到就可以放係爐上面熱住唔怕食唔切凍左最鐘意食蟹籽玉子燒 咬落去有芝士拉絲 冬菇又燒到岩岩好 一淡走曬d汁出黎 「烤原隻魷魚🦑」一d都唔乾，食落外脆內軟 超入味成條好大份 唔洗加醬汁夠曬味「鐵鍋煮卜卜蜆」個鍋黎到慢慢煮 入面好多蜆 等到蜆開曬口就食得 又有豆卜同粉絲 好豐富既料「雙重芝士拌一丁」呢個真係要必食 芝士撈一丁 正！不過就細份左少少 可能太好食想食多啲

呢晚又黎試新串燒店我睇中佢個靚靚裝修，連抽個紙巾都特別有taste咁佢會放個一路有火熱住既板俾你咁就算你慢慢食，都唔怕d串燒攤凍曬烤原隻魷魚真係無睇錯，成隻魷魚都只係三十幾蚊仲要好鮮嫩，唔會咬到牙骹都軟埋我最愛食既豆角，無論食咩餐廳，見到豆我就想叫…滿滿調味粉，勁香口既質感，成串我是自己獨吞的雞軟骨串，送啤酒真係一流每一粒食落都脆卜卜口感，雞油香味濃郁燒雞中翼牛肉串，五花肉記得要灑上點點孜然粉，雖然佢已經好夠味但加上d調味又再昇華左呢兜鍚紙娃娃菜真係不得了微辣，清甜呢兩種味可以共存，每一條菜都索曬湯汁食串燒無野飲又唔得，雖然好想啤啤佢但諗起聽日要返工雞皮！！！無得輸，一定要叫蔬菜類真係叫多d都無妨菠籮勁甜卜卜蜆見唔到個量多到浮面入面仲有d粉絲咁，成煲野好鮮味而且店員都好爽手有禮貌，坐又坐得舒服環境有feel，已列可encore系列！

餐廳串燒即叫即燒，平日夜晚食飯時間唔需要等位。個人唔太鍾意串燒店大煙💨今次呢間完全冇呢個問題！環境非常舒適，另外佢嘅紙巾掛喺到好似燈籠咁😂幾特別🤣食物方面亦都好新鮮😋唔會因為調味過重而遮蓋食材嘅味道👅✨烤五花肉 (2串) $28肉類做得非常出色，肉質鮮嫩，咬落超級Juicy，另外調味料份量唔多，保持返肉嘅鮮味👍🏻✨皇牌薑汁薄切小豬頸肉 (5串) $32推薦👀薑汁味唔重，即使唔鍾意薑味嘅人都可以試吓🫶🏻豬頸肉同樣超級juicy😋✨✨烤原隻魷魚🦑 $34賣相好吸引，原隻魷魚非常彈牙，而且燒完都唔會乾！另外調味料份量啱啱好，突顯到魷魚嘅鮮味🦑🫶🏻✨烤大扇貝 $32 一隻份量好大！大大粒肉加上惹味嘅蒜蓉粉絲🧄正！✨蟹籽玉子燒 $22玉子燒偏甜，有少量沙律醬加上蟹籽好開胃✨蒜蓉菜圃燒茄子🍆 $42配搭好新穎，蒜蓉同菜圃出奇地夾，咬落係爽脆嘅口感✨錫紙金菇 $34✨MVP✨牛油味非常香濃，整體只係用上少量蒜同埋牛油汁做調味🧈已經做出好香濃多汁嘅效果✨麻辣燙 $48小辣偏鹹，但超級惹味！份量非常大，而且配料十足，有豆卜、菜、豬紅等✨整體嚟講係我食過比較好嘅川式串燒店，位置方便，而且座位好闊落🍽️價錢亦

今日去到粗店燒烤食串燒，環境都幾大，幾適合同朋友吹水食番幾串。每枱都吊住左包紙巾，仲有個爐保持串燒嘅溫度。肉類方面，試左烤大漠羊肉串、皇牌薑汁薄切小豬頸肉、雞軟骨 、烤開邊雞翼同雞腎。雞腎幾爽口，羊肉都唔會羶，雞翼燒到雞皮脆口都唔錯。蔬菜方面就推薦蒜蓉菜圃燒茄子，茄子份量好大，而且加咗菜圃增加咗口感同埋味道。粟米都好甜，燒完都好多汁，加咗啲沙律醬同芝士粉，味道豐富。另外叫左粗涼麵，大量嘅蒜泥仲有蛋絲紅蘿蔔絲，頭幾啖食落仲有少少似細細包個啲撈冷麵，麵嘅份量都好多，唔驚食串燒唔飽肚。仲有炸饅頭都好香脆，加埋煉奶夠邪惡呀。

重量級推薦！特別鍾意食串燒既一定要嚟試下，全港食過最好食又抵食🥹👍串燒全部調味都剛剛好，唔需要額外點椒鹽，亦都唔會太鹹，肉類全部好新鮮嫩滑，個冬菇值得一讚，蒜蓉愛好者狂喜😍玉子燒超級正！熱辣辣上面有沙律醬同蟹籽，咬落去裏面仲有少少流心 🤤識食一定係食燒韭菜🤩 上面有少少辣粉，超級惹味！燒粟米上面有啲醬同辣粉，幾惹味，唯一嘅係粟米唔夠甜😌一人一個粉絲帶子😍 帶子大大粒，粉絲蒜蓉汁撈埋食，正！燒菠蘿唔使講必叫，菠蘿夠甜又多汁👍炸饅頭配煉奶係我只要係餐廳見到就會嗌🥹 熱辣辣炸饅頭外脆內軟，店員好好人，我問佢要多啲煉奶就比咗好多🤤糍粑都係必食😌 幾特別呢度唔係用紅糖，而係朱古力醬同煉奶加上花生碎，都唔錯，有少少西式嘅感覺🤣好食得黎仲要抵食，比起其他香港嘅串燒店實惠十倍！我地食左咁多又飲咗幾支嘢飲，埋單先$600，之前食其他串燒店起碼1000😱

放工同fd去左呢間燒烤店，估唔到咁好食，啲調味真係好正，連燒韭菜都可以好好食，尤其適合鍾意食蒜頭嘅人哈哈我哋嗌咗個錫紙金菇，超香牛油味，每一啖都感受到金菇的鮮嫩口感同蒜頭濃郁的味道，不過建議可以再加多啲蒜頭XD，個人真係好鍾意菇，個烤香菇都好正，上面鋪滿蒜蓉、蔥花同辣椒，好適合我呢啲重口味嘅人~嚟食串燒梗係要嗌好多肉，燒豬頸肉is my favourite，外皮酥脆，內裡多汁嫩滑，超級推介，另一個必點嘅就係燒牛肉，一樣都係超級正。除咗肉之外我哋都嗌咗一堆海鮮，秋刀魚、烤魚乾、燒虎蝦同埋蒜蓉粉絲蒸扇貝都好好食更邪惡方面，我哋仲嗌咗黑白糍粑和炸饅頭，炸饅頭唔使講，係一啲大家都好難抗拒嘅經典炸物。我第一次食黑白糍粑，原來佢係好似炸麻糬咁，外面再淋上煉奶同朱古力醬，超邪惡超好食外脆內軟好彈牙除了好食之外，呢家串燒店的環境非常舒適，店內以木質簡約的設計為主，而且每張枱上都掛著紙巾，超得意🤣

最近天氣開始凍，所以同朋友約咗呢間餐廳打躉。📍 粗店燒烤 (旺角)旺角豉油街60-104號XX Arcade地下AB號舖一坐低侍應就點著火爐，啲野食亦因此keep住暖暖哋。同埋餐廳供應孜然粉同麻辣粉，點綴食物惹味！🔻1. 烤原隻魷魚一啲都唔乾身，仲要咬落彈牙🔻2. 錫紙金菇多蒜、有油香🔻3. 蟹籽玉子燒舖滿粒粒蟹籽🔻4. 皇牌薑汁薄切小豬頸肉好juicy好香嫩🔻5. 多春魚好脆口，魚香味撲鼻，都好新鮮🔻6. 蒜蓉菜圑燒茄子一睇就知好多料，一咬就跌哂啲菜圑同蒜🔻7. 粗涼麵好多配菜嘅撈麵，啖啖清新🔻8. 雙重芝士拌一丁拉絲芝士，一定要趁熱撈勻食！🔻9. 黑白糍粑好多地方都食唔到，黑糖、煉奶、花生碎舖面，質感外脆內軟食咗咁多野人均都只係$200，呢個質素都幾抵😍