粒粒果甜品 (已結業)

3分38秒上甜品，速度不俗 。環境窗明几淨，光線充足，冷氣不太凍，秋天還可。椅子桌子不太舒服，不適合長談久坐。服務: 一般，不過不失。人均消費: 36元鬼怪星球配西瓜汁西米(凍) (32蚊)眼球:椰汁西米同藍莓水果: 芒果、西瓜、哈密瓜，味道還可西米、苣若還可。古早芋圓 (熱): 芋頭 (40蚊)芋圓煙韌，入口不太熱，再加西米，口感一流。涼粉軟滑，不俗。紅豆普通貨色。付款:現金、八達通

呢排好少出旺角油麻地一帶，咁岩同朋友聚會晚飯後，友人建議不如試下呢間新開的甜品店，我都想食既，反正係另一個胃，一於試下啦！黎到門口，裝修都算簡約，我個人中意簡簡單單，重點係都感覺舒服！坐低之後，睇睇menu，價錢又唔算好貴播，而且都有唔少特色既甜品！一上台，感覺好特別，原來榴槤星球既意思係啲榴槤肉混左入啲啫喱度咁解！榴槤味足夠，而且完整一粒咁食係好有口感！除左榴槤，仲有芒果，西瓜，哈蜜瓜，全部都好甜我個人就麻麻地乳酪製品，但友人就非常歡喜，而佢覺得呢個甜品都很不錯，有滿滿的士多啤梨，雖然酸左少少，但可以接受！而且仲有其他配料例如粟米片，椰果，口感豐富！今次的確是一個喜出望外的嘗試，下次要試埋其他特色既甜品

食飽飯經過見間甜品店，俾水果星球吸引左，仲有好多水果既甜品及台式糖水，小店夠乾淨，雖然比較細，但坐得舒服。【水果星球配芒果西米露】$42好多生果，有芒果、哈蜜瓜、西瓜，份量仲大大件，三款水果都香甜多汁。而特色的水果星球，一顆顆透明水潤星球，包著各款水果粒，口感有點似水玄信餅，水嫩彈滑，配埋充滿芒果汁既西米露，甜度岩岩好。【熱珍寶芋圓仙草配桂花湯】$32暖暖糖水突顯桂花香味，珍寶芋圓煙韌好咬，而且仲有芋頭肉使內餡，特別美味。糖水仲有西米、滑溜仙草、軟綿紅豆、彈牙珍珠，口感層次豐富。

食完韓燒 又去食糖水今次去呢間 粒粒果甜品第一次去 朋友話有個牛奶小方好好味個位置都幾近廣華 唔算好遠食飽 值得一行入面都好簡潔 同燈光都好夠感覺都幾似新開 入面唔算好多人坐得都幾free牛奶小方幾香奶味 唔會好甜 但唔會so有10 塊 一件一口 好方便我自己叫左白雪海底撈感覺好似養生D有海底椰 桂圓 亞答子 珍珠 同香草冰底呢個超級有口感 樣樣都好好咬可以慢慢嚼朋友叫左榴槤甘露真係好重榴槤味但我係食ge, 只係去到好飽但唔想聞到呢個味。

同一班朋友食完晚飯之後🍱，又想搵一間甜品店食個飯後甜品🍧，一於喺廣華街碰碰運氣🌟，就揀左呢間甜品店💃🏻•魔法森林 $48🥑🍹一見到個Menu已經好想叫一個魔法森林🔮🏰，因為佢嘅外貌好吸引。其實係一個飲品嚟嘅🥤，如果食得太飽就可以飯後飲一杯。上面有好靚嘅手拉花🌸，飲落去其實係牛油果乳酪🥑，個底有奇亞籽，可見甜品師傅好有心思👨🏻‍🍳水果星球 $42🔮🍉水果星球係本店嘅必叫之選，水果星球🌍既星球用蒟蒻整成，粒粒晶瑩剔透，水晶球入邊有西瓜🍉芒果🍋同奇異果🥝，任君選擇，一食落口，口感煙煙靭彈牙。仲可以自選配料，可以跟芒汁西米/芒汁涼粉/椰汁涼粉同椰汁西米🍧，加上新鮮生果，好百搭，老幼都鍾意食嘅健康食品👵🏼👴🏻👧🏻👦🏻士多啤梨窩夫 $46🍓🥞士多啤梨窩夫皮烤得外脆內軟，就算放耐左都維持到軟綿綿嘅質地😙。配上士多啤梨醬同雪糕🍧，士多啤梨控同愛上粉紅系女士必叫💃🏻，因為女士們都可以相機食先🤪

宵夜時段經過附近，醒起之前睇ig見到呢個甜品既相，睇落十分吸引，就好想試呢間粒粒果甜品❤️所以就入去試下喇。☺️點左一個水果星球(芒果西米)，老實講有d失望。😞的確呢個甜品賣相係好靚好吸引，但味道真係好普通😞，個芒果汁底係唔係新鮮芒果汁，似係溝左d維x紙包芒果汁咁。🤦🏻‍♀️份量少，一碗有五粒水果星球，個幾粒水果星球味道普通冇特別。唯一可取係d水果幾甜，但都有d氧化似放左一段時間。總結，賣相的確不錯，不求味道可以一試😂

廣華街又有新甜品舖，一開門已經不停有人入去，一陣已經坐滿哂人，見到餐牌有個粒粒水果幾得意，一於叫番個黎試下。店舖走溫暖既年青人風格，用左好多唔同既溫和既色彩，燈罩都好有設計，牆上貼左不貼既畫牆紙同埋紙牌既掛畫。先試下個《珍寶芋圓仙草》($32)，用左古早黑糖做底，唔會太過甜，芋圖地瓜圓真係珍寶size，食落幾煙韌，地瓜餡較出味。再黎就係見到好可愛既《水果星球》($42)，有得配芒果或者椰汁，仲有西米或者涼粉有幾粒透明既晶球包住水果幾得意，生果夠鮮甜，芒果西米底酸酸甜甜。健康飲品《魔法森林》($55)，呢個係另一個打卡飲品，用左萌斷面果汁加上拉花，牛油果打成好creamy，底下加入左粒粒奇亞籽好健康。店名：粒粒果甜品地址：旺角廣華街3號百利達廣場地下1號舖餐牌:

又同朋友見面🤤拉咗佢去旺角食糖水🤣#水果星球 配芒汁西米 ($42)😋好味指數：(7/10)好可愛💕入面有一啲芒果、西瓜同奇異果嘅波波，有啲似聖誕裝飾🎅🏻咬落去就係偏硬身嘅啫喱🤔另外就係一啲芒果汁再加西米係下面😛#草莓戀人 ($36)😋好味指數：(7.5/10)最好味係呢個甜品😆入面有士多啤梨、小丸子、西米、椰果同士多啤梨雪糕🍓唔會係假嘅士多啤梨味，甜甜地咁🤤小丸子夠晒煙煙靭靭的😬#粉紅季節 ($48)#香芒之戀 ($48)😋好味指數：(4.5/10)上面嘅拉花同側邊嘅生果幾吸睛😝下面有啲一粒粒籽係到(唔知叫乜🤓)飲落去好稠身，而且冇士多啤梨同芒果味，反而有香蕉味😱有點奇怪🤔

同朋友食完DINNER周圍行左一陣, 冇左班大媽同大叔在行人專用區唱歌跳舞真係果然安靜左好多,條街都好行左. 前2日睇FACEBOOK見到附近開左間新有芋圓既甜品店, 行左一陣就同個朋友去試下.店舖環境好好, 地方好寬敞. 好COLOURFUL朋友叫左個芒果椰果撈, 好豐富! 有眼仔, 椰果, 芒果粒粒, 涼粉同埋一個SCOOP既芒果雪糕. 食落去雖然係糖水不過又唔會太甜~ 好味!我就食碗熱既黑糖薑芋丸. 中間既薑好多薑, 薑湯中有地瓜丸,芋丸,紅豆同埋珍珠. 芋丸同台灣既比較真係有D 隔離, 唔算好煙勒不過香港食到呢個味道就已經好滿足!最後呢杯真係貪心而叫既, 見到隔離有人飲即刻少女心上身好想叫黎影下相. 真係相機食先真係必需實在太靚啦, 黎到同MENU既真係一樣嫁. 好靚拉晒花既Strawberries smoothies. 好好飲, 飲到粒粒既士多啤梨肉, 又唔會假甜都飲到水果既鮮味.真材實料!!

油麻地「糖水街」又有新店喇！呢間店既感覺幾小可愛💕 周圍都色彩繽紛的！.水果星球(配芒汁西米) $42賣相好得意💓專登為左呢個糖水而黎架！不過味道就淡淡的🙈生果好新鮮👍🏼另外仲有榴蓮星球的。.古早芋圓仙草 $32芋圓有咬口，不過都係淡淡的🙈鮮草感覺較浠，同埋較細碗。.粉紅季節 $48(供應時間限定為15:00-20:00)好靚既飲品！面頭有畫花，顯心思👍🏼味道吾錯，甜度適中，味道吾假，不過要等20-30分鐘呀。

食完晚餐，當然要去食糖水啦~~見最近旺角開新糖水店，於是決定去試吓。鋪名已「果」字為名，應該係主打生果甜品為主。桂花仙草芋圓 - 入面有紅豆、西米、三色芋圓同仙草，芋圓煙韌，可惜桂花糖水較甜，遮蓋左其他食材既味道。草莓之戀 - 個人覺得d丸子整得幾好，幾煙煙韌。士多啤梨略帶酸，而雪榚幾軟滑。草莓斜塔奶酪 - 斜塔原因可能係講緊奶酪入瓶嘅斜度，奶酪入口時感覺似奶凍多d,上面有粟米片增加脆味口感。甜品設計幾實幾夠創意，作為新店應該仲有更多進步空間，值得期待。

Ig 上好多人吃過這間甜品店，無他都是為了其十分吸睛的水晶星球而來。這晚在約了朋友在旺角吃晚飯，正好有機會試試。香芒之戀（$48）Mango Lover芒果Smoothie上有美美的拉花 ，芒果味濃郁。特別在於加了香蕉 ，令飲品口感變得更稠密 。芒果汁底部還有一層蘭香籽和芒果肉，不但豐富了口感，而且整個組合是清腸胃之選呢!**提提大家有拉花圖案嘅Smoothie只供應到8:00pm嫁炸!!**榴槤甘露配榴槤球（$63）Double Durian Pomelo & Sago in Coconut Milk甜品中有2個榴槤球，榴槤肉口感較爽，甜度不高～榴槤甘露內加入西米、柚子，整體上榴槤味道不夠濃郁，以價錢而言定價過高，有點失望。榴槤星球配椰汁西米（$43）Durian Jelly Ball Mixed Fruit & Sago in Coconut Milk榴槤星球 其實是用了啫喱包住一粒榴槤肉，Jelly精瑩通透，感覺好像小時後玩的彈彈波，可惜榴槤味較弱，味道不夠香濃。以椰汁西米做底，配上芒果，西瓜和蜜瓜墊底，算是不過不失。珍寶芋圓仙草配古早黑糖（$32+$13湯圓3粒）Taro Du

桂花芋圓仙草: 一碗包含紅豆、西米、芋圓、仙草、珍珠，芋圓味道突出，比其他甜品店出色，雖然聽起來像廢話，但真的有芋圓味，不只是煙韌士多啤梨絲慕雪(即是smoothie): 足料，不過略貴，小小的一杯要$38

之前係ɪɢ見到粒粒果既甜品好得意 ，所以未坐底睇餐牌我已經諗好餐牌內有不同的系列，有飲品、窩夫、傳統糖水、芋圓仙草等水果星球系列：有水果或榴槤亦可以選擇配芒汁/椰汁、西米/涼粉水果星球（配芒汁西米）$42係ɪɢ見到啫喱入面係粒生果就覺得好得意，所以呢我一早決定要食呢個😂ᴊellʏ ʙall好似波子棋咁晶瑩剔透，啫喱好有口感不過無咩味道芒果汁味就好甜古早芋圓仙草 $32可以選擇熱/凍！夏日炎炎我就簡左凍啦😊有芋圓、椰汁、西米、仙草和紅豆，喜歡吃芋圓就是這種煙韌的口感糖不甩 $25暖粒粒既糖不甩，配上了花生🥜、芝麻碎牛油果思慕雪 $45見到有牛油果🥑既野食我一定會叫的😆呢杯牛油果思慕雪係將牛油果加奇異果打成的，牛油果味好濃，帶點點而且好滑溜🤟🏼香芒之戀 $48店員同我地講每杯既拉花每次既圖案都唔同，好有美感芒果加了西米底下就係亞麻籽，有士多啤梨片作裝飾用。

今日睇完模型就去左粒粒果食甜品。呢間甜品地方寬敞乾淨，坐得又舒服，甜品種類又多。每一款嘅甜品造型都好吸睛，就係一件藝術品咁。見D圖咁靚，即刻order 2杯健康嘅yogurt。飲咖啡有拉花好正常，估唔到連食甜品都有拉花，應該比拉花更複雜，拉花只係單調的白色，呢個係一幅彩繪。畫得咁靚，都唔捨得飲。杯邊貼了士多啤梨片作裝飾，洗唔洗咁繽紛彩色。吸一啖滑滑嘅yogurt，好好味，yogurt入面有D一粒粒好似西米嘅嘢，究竟係咩呢? 原來係奇亞籽！呢杯嘢40幾蚊，又彩繪，又有奇亞籽，抵到呢，可見呢間甜品店嘅出品非常有heart同有誠意。