粒粒果甜品 (已結業)

路經廣華街, 見到呢間甜品舖, 乘機歇一歇, 涼涼冷氣。甜品款式唔少, 色彩繽紛, 甚為吸睛。可惜賣相好不等於味道好。魔法森林 $55 - 牛油果smoothie貪心惹來失望, 以為士多啤梨係圍住個杯放一圈, 點知淨係得3片, 仲要得約3mm厚…… Smoothie底有奇亞籽, 增加口感。味道方面有說不出的怪, 唔知點形容, 總之唔係我杯茶。從某個角度嚟講, 杯smoothie係靚嘅, 上面個pattern亦見心思。不過, $55淨係可以滿足呃like嘅話, 我會覺得貴。

下午茶時段，坐位蠻多的，很大的落地玻璃，感覺寬敞，好適合一班人或一家人食甜品。好多色彩生果原素。牛油果思慕雪 ($45)牛油果味淡的，味道帶點酸，不甜，很健康。榴槤甘露 配綠茶雪糕 ($53)，榴槤味道濃郁，有成塊榴槤係入面，甜度適中，沒有添加味道，配西米和柚子，口感豐富。西瓜珍珠特飲($27) 有西瓜、西米和珍珠，夏天必食西瓜解暑，想食原味可以走冰，有大塊西瓜肉，純西瓜果汁，無加甜。熱珍寶芋圓仙草茉莉花湯($32)，配料還有西米、紅豆、珍珠，珍寶是有餡的芋圓，有地瓜蓉係入面。茉莉花茶味清香，味道清新。用上茉莉花茶和珍珠混合的甜品，以為自己在喝杯裝的珍珠茉莉花茶。

係旺角等緊個fd既時候 唔知去邊又想有冷氣嘆下 就走左去食個甜品啦 始終女仔都係鐘意食甜品既 見到呢間有d新野試下 所以就入左去啦〰️芒果傾斜奶酪〰️$38就好似佢個名咁呢個奶酪係斜斜地 個賣相係幾有美感幾特別既 粒粒既芒果size 易入口 唔會太大粒 而且芒果好甜 芒果之下係脆卜卜既燕麥片 仲夾雜左d 杏仁片添 一大啖咁食呢兩樣野再加埋少少酸酸地既奶酪 口感複雜但又好match 食到底仲有彩蛋呀 有我最鐘意食既椰果粒粒呀〰️粉紅季節〰️$48呢杯smoothie 個樣真係好靚呀 竟然有拉花 個拉花pattern 同個menu唔同 而且都寫都明係拉花圖案是random 架 呢個士多啤梨smoothie少少酸而且梅味濃 飲飲下仲有細細粒既黑珍珠粒粒

同男朋友起旺角食完飯就順勢食埋個糖水先走。今次就試左呢間開左冇幾耐既糖水舖。舖頭有好多位，見到有好多ocamp既組爸媽都帶左組仔女黎食，都夠位坐！因為晚飯食得唔係好夠飽，所以我地total叫左四樣野，哈哈。呢度既牛奶小方糖要極力推薦！牛奶凍奶味濃郁，配埋椰絲一齊食，正！茫果傾斜奶酪呢款甜品我相信係新款甜品黎，反正我就第一次見。個底係香甜滑流既奶凍黎，cereal、芒果肉、乳酪、椰果、蘆薈，咁多款材料撈埋一齊食，健康得黎又好食。糖不甩又係好食！甜度剛剛好，不會太痴牙，花生碎加椰絲份量很多，十分香口桂花芋圓仙草係個清清地既選擇，我個人幾中意桂花味既湯底。地瓜圓十分有口感，重點是沒有渣，十分香甜整體黎講，值得再來。

晚餐過後, 又點會錯過食埋甜品先走呢 上網 search 到廣華街呢頭有間新開叫粒粒果嘅甜品店｡珍寶芋圓仙草 (古早黑糖)個汁底係用黑糖煮成, 但唔會太甜, 甜度調教得啱啱好 配料有珍珠、西米、仙草同芋圓｡芋圓同平時食開嗰 D 唔同, 除左個 Size 係超大之外 芋圓入面仲有芋蓉餡添, 好有咬口, 非常特別｡水果星球 (配椰汁西米) 個甜品底係用椰汁西米露做成, 上面放左西瓜、芒果、哈蜜瓜 & 水果球｡D 水果球好得意, 水果粒用左類似大菜糕嘅食材包住, 睇落去好似一粒粒水果水晶球咁 白雪海底撈 + 珍寶芋圓個底係雲呢拿味, 配料非常豐富｡配料有西米、龍眼乾、珍珠、海底椰、亞答子 感覺非常滋潤｡

旺角甜品新選擇😋意外發現超可愛甜品分享！！💕水果星球配椰汁西米🍉賣相超精美嘅款甜品 剔透得像玻璃球一樣嘅水晶星球原來係啫喱包住菠蘿，非常創新！而成碗亦係滿滿鮮甜多汁嘅水果👏🏻杏仁茶配豆腐布甸 🍮杏仁茶白滑微甜， 帶著好香嘅杏仁味~ 而豆腐布甸食落口感真係好似豆腐，滑嘟嘟咁！🙈牛奶小方 🍼賣相好可愛！！迷你嘅小正方體，外表沾滿椰絲，口感有啲似炸鮮奶嘅裏面但感覺非常creamy，食完會有滿口嘅奶香👍🏻綠茶窩夫🍵窩夫係即叫即製，所以食落去口感更好 ，外脆內軟 👍🏻冰凍嘅綠茶雪糕加上微溫嘅窩夫，非常match!! 加上清新嘅綠茶味，食落都唔會太膩

睇左ig有人介紹呢一間糖水舖被佢大大粒既芋丸吸引左一直都想試下但總係晚飯食得太飽今日終於一試明明到左食甜品既飯後時間行到舖頭門口 發現無乜人等位 心知有啲不妙入到去 店舖係光猛既 可惜位與位之間好窄 坐得唔係好舒服叫左個古早味珍寶芋丸個圖片影出黎既係好豐富 好多料同ig見到既都係大大粒好多料一樣點知 一上枱 珍寶芋丸其實大普通芋丸小小係叫做有啲花型 無乜煙韌感覺明明上網睇同menu睇都有一大堆珍珠 紅豆同仙草點知上到枱碗野係小一半啲珍珠要係碗到撈左好耐先見到三四粒古早黑糖完全無味32蚊咁既貨色 我唔會再食第二次太失望

上網睇到人地介紹哩度星球系列，覺得好靚於是走黎試下。可能因為新開加落雨關係，所以唔洗排隊！水果星球配椰汁涼粉真係第一次食哩啲星球，係勁靚！好得意，佢係似啫哩加大菜糕嘅感覺，幾得意！雖然水果種類唔算太多，但佢個份量都幾大！古聞黑糖味珍寶芋圓仙草好大粒芋圓，佢比較似平時可以拎黎打邊爐嘅果隻芋圓，食落都幾q彈同飽。本身以為黑糖味不重，因為無攪勻，食落愈黎愈甜😂所以建議食之前攪勻，如果唔係食到底都幾甜下！士多啤梨窩夫賣相就一流啦，佢唔係好扎實嘅果隻窩夫，食落唔會人頂住太飽。岩岩即整出黎脆脆地，唔會太甜。芒冰椰果撈睇相就知啲料幾足，我地最中意佢個龍眼肉、好養生咁樣！

太早食完晚飯，行街行到8點幾多餓餓地，又唔想再食正餐，去完買game就走去搵個糖水食水填下肚。粒粒果甜品-門牌打哂燈🔈，未行到店門都已經佢吸引住。呢頭糖水店面積都係唔太大，容納20、30人。 睇得出新店，因為裝修好鮮亮，店內坐位舒適，店員服務有禮。餐廳主打新式甜品，有smoothie、水果星球系列等等。不過我地都係叫左typical款：-芒冰椰果撈 配芒果雪榚($41)芒果粒、黑珍珠、椰果、涼粉、龍眼肉的比例都均勻，仲有d沙冰在底，食完涼浸浸，消暑推介！珍珠芋圓仙草(黑糖薑水）($32)芋圓大大粒，有三款味道，而且仲有餡，唔太甜，個人幾喜歡。反而薑味唔太重，大眾食客應該接受到，個人覺得可以重味d，平時都係成片薑咁食🤣

九點幾同朋友食完飯無野做，大熱天時緊系去糖水鋪吹下水，歎下冷氣咁啦廣華街已經有好多糖水鋪，近期又新開左間，佢啲甜品同附近果啲唔太一樣，有款系水果星球，其實我就系俾呢款吸引左入去！顏色鮮豔，水晶其實系啫哩黎既，包住唔同既水果，加上自選既base，有椰汁西米，楊枝甘露等等！不過價錢有少少貴，宜家啲糖水鋪都系愈黎愈貴

聽講呢間甜品鋪有好特別既粒粒果咁岩係呢頭食完晚飯就黎試試啦==============================款式都唔少其中最特別就係佢獨有既水果星球當然要一試芝麻糊配豆腐布甸($27)芝麻既芝麻味都幾香濃而且份量都唔少但豆腐布甸口感有d似大菜糕本身會以為會係平時食開果種幼滑d既口感雖然有d落差,但係味道都唔錯水果星球($8)又點可以唔試佢呢到最有特色既水果星球呢加3粒都只係8蚊雞,又幾抵口感都幾特別,係未食過既口感出面係類似啫喱咁既野入面係透心涼既生果係炎炎夏日食就岩晒啦

粒粒甜品店位於旺角廣華街，離波鞋街不遠，那天和朋友血拼完畢，就過來坐一下。貪其甜品以水果做主打，吃多了也不怕不健康店鋪面積不太大，但有一列落地玻璃，加上月1用色簡單舒適，也坐得舒服。今次和朋友來，叫了幾道甜品榴槤星球 配椰汁涼粉43榴槤星球以榴槤做成水晶（大菜糕）球，粒粒有新鮮榴槤果肉在內, 非常清新。配粒大量生果，如芒果，蜜瓜和西瓜，並可選椰汁涼粉或西米露做底，也不會過甜，是夏天吃甜品的首選。珍寶芋圓仙草 古早黑糖32仙草即是涼粉，非常滑溜，最喜歡是上頭那幾粒珍寶芋圓，芋圓煙煙韌韌，講明珍寶，入面當然仲有餡 ，入面分別釀有芋頭餡同地瓜餡，而且配料有西米，紅豆和珍珠。雖然是叫了古早黑糖味，但也不會過甜，非常滿足。士多啤梨窩夫46士多啤梨窩夫即叫即整，店員溫馨提示要等10分鐘左右，到送到來時，外層脆口而內裡軟熟。配上有兩大球的士多啤梨雪糕，令人垂涎。榴槤甘露 配綠茶雪糕53榴槤甘露除了有椰汁西米露做底外，最重要的是那一大球新鮮榴槤肉，充滿榴槤的香味，非常振發人心，令人欲擺不能。

琴日同朋友出左旺角行街，咁我哋行下行下有啲攰，所以就搵咗間糖水舖入咗去食啲嘢，喺廣華街附近嘅可能系新開嘅關係，地方都幾舒服，乾淨。我哋叫咗個水果星球配芒汁涼粉，我覺得好特別，係未見過用水果做啫喱，咁賣相都好靚，好晶瑩剔透，最緊要係啲生果都好甜，而芒果汁有少少酸，酸酸甜甜咁開胃。我哋仲叫咗兩杯野飲，一杯係紫色夢幻，一般就係香芒之戀，面頭仲有好靚拉花，顏色都好靚，味道都帶點酸味，而芒果個杯就會甜啲，味道有啲似乳酪，底下就係亞麻籽嚟嘅，感覺好健康好清新。

是日晚上與好友閒逛，還記得跟好友三年前第一次食甜品就在這街另一舖位的甜品店，大家約好每年要到此一次吃甜品作紀念，上年在另一舖位的已轉手的甜品店食過覺得冇咁理想，今年見到有新的甜品店就忍不住想試新野~~~呢間甜品店款式以水果配搭為主，有D係中式甜品，我們每樣叫D，希望可以開心Share=]草莓戀人，士多啤梨切粒，食落唔覺酸，好友食晒D丸，覺得好好食~~~奇異果冰，由於我怕凍，所以要求奇異果汁加冰，鮮搾奇異果汁足料又健康，唔似超市買果D水多過榨~~~榴槤星球，賣相都算OK，榴槤淡淡地，食落唔擔心因為太大味而令好友掉頭走~~~椰汁蘆薈特飲，好友大讚好飲~~~芒果窩夫，感覺幾好食，唔知係咪芒果當造，食落感覺甜的，諗起之前去其他甜品店食的芒果大都有點酸>.<糖不甩細細粒，食落都不錯~~~我和好友覺得不錯，希望以後每年之約都可以來呢間小店食甜品=]

要找方法平衡， 方法有很多，而我就跟友人用甜品去麻醉一下啦。 地點就位於好景商場後而已，很方便。 餐牌上有中、西式，台式也有！紫色夢幻 HKD 48 特別吸引我就是 拉花式既「blueberries smoothies」， 味道甜甜又晤酸，中間還有一片片的strawberry 好吸引，杯底更有細細粒的青蛙眼，重好足料添，又開胃 紫薯水晶湯圓 （桂花湯）HKD 30 開頭以為點錯了，怎麼會湯底是透明，原來吃了一口後便感受到清香的桂花！連紫薯湯圓有咀嚼感芒果芭菲 HKD 42 夏天最愛芒果！ 內裡很多配料 - 芒果肉、芒果雪糕、栗米片、cream 等等 - 芒果新鮮晤酸，雪糕也很滑似老字號牌。