粉紅水門雞 (中海日升中心) (已結業)

粉紅水門雞飯（HK 38)暫時喺觀塘嘅泰國菜裏面 粉紅水門雞飯係性價比最高價錢好平 但係已去骨雞件非常嫩滑佢加咗檸檬葉香茅同埋大蒜去醃製所以食落係有香料嘅味道加埋佢嘅秘製醬汁酸酸辣辣係幾開胃。青木瓜沙律🥗（HK 12)雖然十幾蚊但都好足料青木瓜車厘茄花生同埋櫻花蝦不過提提大家佢係偏辣嘅唔食辣嘅朋友要叫定啲茶😂。芒果糯米飯（HK18)呢個超級抵食 一上黎見到成個盒面都係芒果🥭而且底下嘅糯米飯都係非常多加埋椰奶再加埋已經熟透嘅芒果簡直係冇得頂食完雞飯再加佢已經飽到行唔郁喇😂。冷泡白桃烏龍茶（HK12)因為叫咗個甜品所以覺得超級飽即刻叫返支烏龍茶減少油膩嘅感覺烏龍茶嘅桃味都充足 獨立包裝大大支 飲唔晒可以拎走返公司再飲。食物:6/10價錢:8/10環境:6/10。粉紅水門雞 (觀塘)觀塘駿業街56號中海日升中心地下N號舖。

今日lunch 去咗中海日升中心看看有什麼好食，發現一間新開的「粉紅水門雞」嘅價格很親民😱主食有三款，劃一價$36！有水門雞飯，正宗滷水豬手飯，咖喱流心蛋牛腩飯，亦有小食青木爪沙律$12 和甜品芒果糯米飯$18 等粉紅水門雞飯，油飯粒粒分明，不會太硬而且雞油味香亦不會太油膩。雞件份量都不少，肉質夠滑，雞皮不太肥，有雞味$36 抵👍🏻正宗滷水豬手飯，滷水汁夠味不會過鹹，豬手夠淋入味，而且還有一隻流心蛋🤩青木爪沙律，除了青木瓜，還有車厘茄花生等，小小辣夠醒胃！芒果糯米飯$18， 有4片芒果，椰汁香滑，鴛鴦糯米飯夠煙韌😋飲品原來是樽仔裝的，啱我呢啲經常飲一半可以水豆走慢慢飲😗

新水門雞飯@觀塘 新開嘅粉紅水門雞飯裝修企理，價錢仲好親民𠻹。店員見我哋喺出面頭岳岳，好快就招我哋入去坐，招呼幾爽手～叫咗最多人揀嘅雞飯同豬手飯，睇落認真唔錯，跟兩個唔同嘅汁。水門雞飯份量夠哂足，呢個價錢真係 CP 值高！雞肉非常嫩滑無骨，啖啖肉，最緊要嗰個泰式醬汁亦都酸酸辣辣開胃惹味。而且油飯嘅口感好輕盈，香得嚟唔滯，成碟都食得哂。滷水深色，豬手滷得好入味，切開一條條方便食得多。豬皮有彈性唔韌，好有骨膠原咁。咸酸菜醃得爽脆，係配菜但係畫龍點睛～個飯重有一個溫泉蛋，豐富到一個點，同埋真係好食。依度無套餐嘅，飲品另外點，不過加埋都唔過 $50。冷泡茶都係 $12，汽水就再平啲係 $8。薏米水有淺淺嘅香茅味，有泰式風味之餘唔太嗆鼻幾好。沙律比我想像中 spicy，食落原來都唔少，青木瓜絲食極都有，哈哈！另外混咗車厘茄同花生，無咁單調。芒果超甜啊，大大塊鋪滿㗎。糯米飯軟糯有香濃椰香，整個芒果糯米飯好好味，都只係 $18 咋。

喺中海日升中心呢一度，餐廳唔多，但就比我搵到間幾好食嘅泰國餐廳突然想食水門雞，見呢度嘅食物一啲都唔貴， 就入去試吓喇內在環境非常闊落想食乜嘢自己填先來兩支冷泡白桃烏龍茶，其實唔係真係好凍， 應該係話涼涼地先啱呢個茶非常推薦！好重好香嘅花香味，夏天飲好解渴好舒服😌跟住就嚟水門雞飯，用嘅係即棄碟，同即棄餐具。非常衛生雞肉非常軟滑，醬汁亦都好夾，小辣滷水豬手飯亦都係一樣，皮同肉之間嘅膠質好重，醬汁亦都好濃青木瓜沙律🥗到！用料好新鮮，小辣。唔係太食得辣嘅人都會接受到最後既甜品 芒果糯米飯呢個亦都係非常推薦。暖暖地，甜得來有啲鹹味，好香嘅椰漿。芒果非常新鮮整體來講呢餐飯好開胃，夏天嘅時候冇咩胃口最好就係過嚟呢一度食，前菜、主菜、嘢飲同甜品加埋都係幾十蚊，仲要咁嘅質素，超級抵食！

觀塘友又要找地方吃午飯啦，最近注意到觀塘工業區開了一間泰國餐廳，就去試一試，發現這裡店子不大，餐牌就只有三款飯，還有一些小食和飲品等，雖然選擇不多，但品質卻不差，價錢還平到笑，只需$36，就可以吃個絕不欺場的泰式碟頭飯，再加$18，更可食埋非常懷念的芒果糯米飯，飽飽！小店位於駿業街，其實很容易去，於apm穿到世貿大樓，乘扶手電梯下去就是。店子不大，也沒有冠冕堂皇的裝修，不過我覺得頭頂的七彩玻璃燈飾好靚，好吧，幫你拍一張。 大家請看點餐紙，就只有那麼的一小張，完。沒有大菜，你想吃咖喱蟹、燒鱸魚，Sorry，餐廳都沒有，就只是那麼老實地，得三款飯和兩款小吃。凍陳年柑橘蜜、凍香茅檸檬薏米水 $12@大熱天時，凍飲少不了。飲品欄中較特別的是以上兩款，柑橘蜜酸咪咪好清新，薏米水則是溫和的甜味，我更喜歡。青木瓜沙律 $12青木瓜沙律加了櫻花蝦，帶出獨特的香氣，青木瓜夠爽口，不過味道略鹹，美中不足。正宗滷水豬手飯 $36雖然飯的選擇不多，但都是深受港人歡迎的口味，像泰式豬手飯，我去泰國時就常去Food Court吃，這裡做得不差，豬手很入味、夠腍身，豬皮帶點煙靭，伴碟是溏心蛋，底下還放滿了醃菜，很好

今日約左朋友去觀塘行街, 行之前當然要食飽飽啦。聽朋友講話海日升中心開左間新的泰國餐廳, 於是我地就一齊去嚐鮮。當我地行到門口望到個餐牌既時候, 我覺得好surprise, 因為一個主菜只要$36 !!! 點解可以咁平? 😂😂😂 我平時番工係銅鑼灣食lunch平極都要$80 - $100… 如果公司係觀塘真係可以慳到唔少飯錢。💸💸💸餐廳入面都幾乾淨整齊, 座位與座位之間都有足夠的活動空間, 呢個安排係疫情期間尤其重要。另外, 我幾中意近牆身位置掛既一排吊燈, 幾特別。青木瓜沙律 ($12) + 芒果糯米飯 ($18)天氣咁熱, 一黎到就一定要叫個青木瓜沙律俾自己refresh一下。木瓜絲好多好爽口, 雖然我唔係好食得辣, 但呢碟青木瓜沙律只係少少酸辣, 更多既係惹味&香。而且我懷疑中間既醬汁入面有少少炒香左既小蝦米🦐, 好好食!而芒果糯米飯上枱嘅時候仲係熱辣辣, 係咁熱既天氣下, 真係要攤一攤先食到 😂 一開頭望落去覺得D芒果好似蕃薯咁, 感覺又乾又硬, 但食落又OK喎😋 芒果雖然有少少硬, 但好甜。呢個甜品除左落糯米之外, 原來仲有黑糯米, 另外佢地落左幾多椰漿, 所以D飯好糯好軟身

經過中海日升中心，發現新開了一間粉紅水門雞，價錢很抵食，就來這裡試試晚餐主菜共有三款，我們就點了粉紅水門雞飯和正宗滷水豬手飯，另加了一個青木瓜沙律，凍香茅檸檬薏米水和甜品芒果糯米飯，2個人吃都是一百多元，性價比高～粉紅水門雞飯的精華在於醬汁，酸酸辣辣的非常開胃！雞肉的份量也很足夠，滑溜好吃正宗滷水豬手飯配了酸菜和蛋。酸菜比想像中好吃，很清新爽口，而雞蛋呈些許流心狀，我加了點酸辣醬汁伴來吃更惹味😋滷水豬手飯肥瘦適中，充滿膠質凍香茅檸檬薏米水很清甜好喝🍋 感覺夏天喝很消暑芒果糯米飯有糯米和紫米，軟糯好吃，芒果很甜～ $18一個抵食

粉紅水門雞最近興起一股泰國水門雞熱，見到好多地方都有度咁啱約咗個朋友去開觀塘度見到呢間新開嘅水門雞當然都係要試試佢哋啦招牌水門雞飯水門雞當然要試吓佢哋一雞啦，雞肉肉質鮮嫩又好味，最緊要係佢哋嘅醬配上油飯，鍾意食水門雞嘅朋友一定要試吓芒果糯米飯食飽當然要食個甜品消化下啦，佢哋嘅糯米飯糯米同紫米配椰漿，一流😎凍檸檬柑橘蜜果然10分解渴，飲完之後覺得喉嚨都10分舒服又解渴凍香茅檸檬薏米薏米水非常之解渴，啱晒而家炎熱嘅夏天消暑之用

泰國嘅粉紅海南雞超出名去泰國嘅都應該試過今日試呢間店又係同名嘅粉紅水門海南雞等我睇下有無人地嘅水準先！價錢黎講果然拍得住泰國店一個字，平！咁嘅價錢有個飯真係可以無要求㗎喇就算加飲品甜品沙律做大爺都唔駛$80，正！海南雞賣相唔錯油飯味香光亮但唔油不過只有一款酸辣汁雞滑軟嫩唔會有凝結左嘅啫喱層！唔沾醬都有淡淡鹹香不過我鐘意惹味～沾酸辣醬更正！呢個飯真心抵食！我仲叫多個芒果糯米飯～份量啱啱好一個人食有齊黑白糯米糯米飯軟糯芒果清甜正！又係好抵食！最後仲飲多個柑橘蜜酸味味～

這裏的價錢非常親民，怪不得吸引了這麼人客光顧 粉紅水門雞飯和鹵水豬手飯一盒只是$36，水門雞的肉質味道還可以，唔肥，油飯很香，鹵水豬手很夠味，豬手皮很腍， 還配有一隻溫泉蛋，這個價錢，這個份量 ，很抵食 這裏沒有套餐， 另加自家製香茅檸檬薏米水$12，香茅味突出，配有很多薏米 ，但如果薏米能煲到化開， 薏米味會更香青木瓜沙律($12)， 新鮮清爽，配泰式辣汁很開胃望落一小盒的芒果糯米飯($18)，內裏其實有很多白糯米和黑糯米，有很香的椰油味，芒果生熟程度剛好，沒有太酸

見網上咁多好評 打算試下佢個雞飯係觀塘番工地區黎講36蚊真係好平但咁平真係唔好期望太多，有幾件雞食，醫得飽就算但無諗過會連油飯都無，變左白飯，咁我真係唔知同白切雞飯有咩分別，大家都係3x蚊姐。講番件雞，好似有用香料煮過，都幾香幾滑，不過切個啲部位就差左啲，皮仲厚過番肉，可能30幾蚊就係呢個質素。佢有個醬，應該係自己調，酸酸辣辣咁，幾得意。芒果糯米飯只係18蚊，細細個，食埋甜品就岩岩好。大食的朋友可以考慮食兩個飯。

觀塘中海日升中心又有新嘢食, 今次呢間主打食水門雞飯, 鋪名叫 <粉紅水門雞>, 第一次食當然要試吓招牌菜先啦!粉紅水門雞飯 $36雞嘅份量都OK, 雞件好滑嫩, 水門雞已經去骨, 可以啖啖肉食非常讚! 再點埋佢秘製醬汁, 酸酸地辣辣地好開胃, 而油飯亦都好夠味好香, 飯粒亦都粒粒分明, 食落唔會有油膩感覺! 另外仲有兩片青瓜, 增加爽脆口感整體價錢算經濟, 30幾蚊大眾化嘅價錢就食到水門雞飯, 都唔錯呀! 至於點解間鋪叫粉紅水門雞, 估計應該係因為堂食隻碟係粉紅色!? 同埋外賣餐具個袋係粉紅色掛!?🤣

今晚是第二次來品嚐！與上一次光顧只是一個星期前！🥰又點了水門雞飯，依然好吃！😋😋也點了芒果糯米飯，好吃！😋😋今次試了蝦餅及新推出的薏米水，蝦餅煎得很香、金黃色、味道很不錯👍🏻👍🏻薏米水味淡，只有略酸的檸檬味卻喝不出薏米味，這純粹個人味覺😆整體而言：食物味道好，價錢合理，大眾化！裝修簡約，環境一般！因仍在試業中，期待更多的美食能陸續推出😍最後欣賞店員都很重視食客的意見！服務態度良好！下次會再光顧，並推介給朋友！

近來觀塘都開了不小新店。以往間唔中有去開的牛腩面店關了，一直都未見有其他食店接手。直到今天行過，原來已經開了一間叫做 "粉紅水門雞" 的小店，見到D雞既色水好似幾靚，又幾新鮮，就試下新野啦。最重要是價錢非常吸引，無論外賣定係堂食，一客粉紅水門雞飯都只是$36蚊，真係好抵食呀!! 我叫了一個外賣，只等了5分鐘，很快就有得拎了。雞飯熱辡辡的，雞既份量都算幾多，入口油脂分布平均，雞肉又夠嫩滑，而且肥瘦適中，算不錯，配上略帶油香的飯和清甜青瓜。油飯十分香，有很淡的雞油味，但是份量比較小，我今日唔係特別肚餓，所以覺得沒有大問題。總括來說餐廳性價比高，下次再黎可以試埋其他食物。

路過比超平價錢吸引咗入嚟，試業期間，所以主食$36，小食就$18 only，啱晒最近決心成為慳妹既我，不過唔知試完業正價貴唔貴呢。主食款式唔多，有水門雞飯、豬手飯、牛腩飯、豬手金邊粉、仲有咖喱牛肉拌麵，我揀咗水門雞飯！我一直覺得泰式酸辣汁係水門雞既靈魂，今次呢個靈魂唔錯，夠香唔會太酸或者太辣，見到調味配料好足！雞都滑，不過唔太食到雞味，肉質還可以，一般無咩味既冰鮮雞咁啦我另外再叫咗個青木瓜沙律，呢個就相當欣賞，有車厘茄、青木瓜、花生，最緊要有加到櫻花蝦，令成件事香咗好多。不過成間餐廳最令我失望就係，用咗即棄餐具、同埋即棄膠兜裝沙律，但水門雞飯同汁兜明明都唔係即棄，咁即係都預左要洗野啦，咁不如餐具、前菜器皿都唔好用即棄。