75
6
4
| 餐廳: | 粉紅水門雞 (中海日升中心) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
食家推介
相關文章
Intro: 觀塘日昇中心附近真係好多野食，而裡面竟然有一間專賣$39蚊水門雞飯嘅餐廳，仲有其他泰式飯類嘅選擇，加配小菜同飲品都係好抵食，唔知質素如何呢？___________________🍽 粉門水門雞飯💰 39 ⭐️ 8/10✍🏻 因為冇轉雞髀肉，有部分雞相對上冇咁滑✍🏻 但部份雞肉都算滑，可以再加辣辣地嘅醬點黎食，配搭好夾✍🏻 雞嘅份量更多就更好✍🏻 飯係白飯，而唔係黃薑飯🍽 正宗滷水豬手飯💰 39 ⭐️ 8.5/10✍🏻 豬手入味之餘，口感仲幾冧，而肥肉少✍🏻 成隻蛋係半糖心蛋，估佢唔到✍🏻 酸菜同醬汁好夾豬手飯，飯底仲有d豉油撈飯🍽 馬拉盞通菜💰 22 ⭐️ 8.5/10✍🏻 馬拉盞幾辣好惹味，仲有點香✍🏻 雖然通菜係水煮，但好爽口顏色仲好翠綠✍🏻 個人認為如果係炒菜就更好🍹凍泡油切烏龍💰 9 ⭐️ 8/10✍🏻 呢包茶成包尿袋咁，真係好趣致✍🏻 烏龍茶包係靚嘅茶葉黎，飲完好解膩___________________🏠 粉紅水門雞📍 觀塘駿業街56號中海日升中心地下N號舖⭐️ 8.5/10___________________
繼續閱讀
#wetdodo_觀塘觀塘成幢中海日升中心都係餐廳講到窮L恩物不得不提呢間水門雞飯以前食過滷水豬手都唔錯 夠軟又入味如果單點個飯係$40有找！今次就試下個二人餐👯♀️人均都只係$50🤭———————————————————————🐣堂食限定二人晚餐 $96✔️粉紅水門雞(比一般份量+35%)😋：8/10水門雞味道唔會話好重 咁先更食到本身雞味而佢勝在去晒骨又好嫩滑份量雖然唔多 兩個人食都叫啱啱好夠嘅！✔️油飯x2 (+$3@)😋：7.5/10油飯食落唔會好油 而且仲好粒粒分明入面有啲好似香料碎既粒粒混合埋(類似indome撈麵果包碎碎)✔️冬瓜雞湯 😋：8.5/10冬瓜湯係會有驚喜！雞味好香 但因為用冬瓜煲又唔會太油冬瓜煲到淋晒而且又好清甜而且飲完唔會好口乾 應該唔係味精嘅🤣✔️馬拉盞通菜 😋：5/10呢個就麻麻地因為佢唔係炒通菜而係烚變左馬拉盞啲醬冇同通菜融合埋食起上黎完全唔係果回事✔️炸物拼盤😋：6/10呢個係有三款炸物各一件分別係蝦餅、蟹鉗同魚餅基本上應該係來貨嘢 冇咩特別但夠熱辣辣———————————————————————💓🐥💓🐥💓粉紅水門雞💸：人均～$50(Dinner)📍：觀塘駿業街56號中海日升中心地下N號舖🔆免加一🔆🔗其他分店：新蒲崗衍慶街29號地舖#wetdodo_meals #美食 #hkig #hkfood #hk852 #觀塘 #kwuntong #foodphotography #foodblogger #觀塘美食#中海日升中心 #粉紅水門雞 #新蒲崗美食
繼續閱讀
粉紅水門雞地址: 觀塘駿業街56號中海日升中心地下N號舖去觀塘海濱行完之後就去咗中海日星中心搵嘢食啦，見到呢間餐廳價錢都幾吸引，就去咗試吓。餐廳座位舒適，好光猛同埋通道都寬闊嘅。如果下次再去食我會推薦大家叫每個人叫一人餐，咁就可以多啲餸食。二人餐 $98 飲品+$9/1🥗🥗馬拉盞通菜佢個馬拉盞另外炒好放咗喺啲菜上面，味道好辣，有啲刺激口腔，通菜嘅口感好脆，夾埋個醬鮮味好突出。🍗🍗粉紅水門雞雞肉好嫩滑，有一啲微甜嘅雞油香氣，點埋個汁好啱送飯。🍱🍱炸物拼盤有炸蝦餅，蟹鉗春卷同炸魚餅。炸得好香脆，餡料豐富。炸蝦餅內嘅蝦肉鮮味十足，蟹鉗春卷嘅蟹肉味道好香，炸魚餅嘅魚肉味道鮮美。🍚🍚白飯/油飯最緊要就係用咗靚米，食落去似返屋企食飯咁。🥤🥤香茅檸檬薏米水（冰糖）呢杯飲品好啱消暑，加上啲冰糖更加爽甜。香茅味好出同檸檬夠酸，味道清新怡人。加上啲薏米，令呢杯飲品更加健康。🥤🥤冷泡油切烏龍（無糖）係一款清新嘅茶飲，如果你鍾意濃底茶味又怕澀，呢個茶係一個好好嘅選擇。味道: 3.8/5服務: 3.5/5環境: 3.5/5番兜: 3.5/5
繼續閱讀
曾經何時每星期同同事食兩三次，但最近兩次經驗都令我太嬲！先講吓以前點解成日食，雖然間店每次份量都唔同，時多時少（通常都係少），但船麵嘅質感幾過癮，所以本身少碳水嘅我都會照食，不過要叫多個例牌豬手先夠。船麵辣度亦都係每次唔同，但我好食得辣，所以無乜所謂，而公司附近少辣店，所以我好多時會幫襯。🤬嬲事一（上次幫襯，約三星期前）早前佢轉咗餐牌，牛肉船麵變咗牛三寶（牛腩、牛根、牛脷），之前試過還好，呢次再叫，發現無俾牛根，以為漏咗，就話俾侍應聽，侍應話：「無可能！啲餸係整定㗎喎」我再用筷子撩兩下俾佢睇 ，佢眼見係無嘅但都話無可能，然後叫我摷底部，都係無，然後佢就咁走咗去。🤬 然後個豬手得以前份量嘅三分二左右，以前會有埋糖心蛋依家無咗。但最嬲都係侍應不顧而去！🤬嬲事二（今次自己犯賤又再幫襯）好嘞，諗住隔咗三個星期，下咗啖氣俾多次機會佢。今次再叫我再牛三寶船麵，友人叫豬腩肉船麵，另加豬手、馬拉盞通菜。當船麵一到已經發現個色好深，明顯加咗好多辣，食咗一啖發現勁辣又鹹，於是問侍應可否加少少清湯，佢話唔得，然後我再問佢加熱水得唔得，真係辣到食唔到，佢都話唔得！叫我一係加錢叫碗湯加落去！唔好去搶！一氣之下叫佢倒咗碗麵，乜都唔食就埋單走咗！呢間店送錢俾我都唔會再幫襯！
繼續閱讀
午飯時間，路過觀塘又想食雞飯，決定到中海日升行一轉，中心前面街舖紅茶依然條人龍都係咁長，不過目標今次唔係佢，而係地下要推門行入少少嘅粉紅水門雞。已經唔係第一次食呢間水門雞，不過今次一個人嚟終於唔駛面壁食飯。要用手機落單，但係信號依然超差，唔知係我個台問題定個個台一樣，不過佢有另一個選擇就係先響收銀order後搵位。照舊order水門雞飯，不過今次收銀靚姐問我要配雞軟骨定配湯，原來餐牌改咗水門雞飯變咗套餐。我對冬瓜湯嘅愛不及雞軟骨，所以選擇雞軟骨再配泰式奶茶。雞軟骨嚟到食完都唔記得影相，簡單描述下，有六粒，大小不一，有一層炸漿包住，有少少椒鹽調味，入口唔知食緊炸漿定軟骨，突然間我覺得我還是愛冬瓜湯多啲。水門雞飯每次都有驚喜，驚嘅係油飯嘅質感，試過硬嘅又有軟嘅又試過軟到黏埋一舊嘅，咁同一個飯煲煮出嚟嘅飯處於唔同位置都有分別，我都明嘅。今次嚟到嘅係我鍾情果隻中性嘅口感，飯嘅調味始終保持到水準，油飯油味唔重似香茅飯多少少香口美味。水門雞依然都係果隻硬度同乾爽程度，唔好拎佢同皮同肉中間有層啫喱果隻海南雞比較，肉質都唔係水嫩果隻，泰國地道水門雞都唔係賣呢兩點架啦。喜嘅又係我嚟呢度個原因-雞醬，佢配雞，令到雞昇華，佢配飯，可以食多碗飯果隻，酸蒜辣調配洽到好處。用膠袋裝嘅泰色奶茶相對仿間賣緊嘅冇咁甜，可以一試，茶香奶濃，不過下一次我都係選擇其他飲品試下，唔好飲嚟飲去都係泰奶先得。
繼續閱讀