粉果佬

營業中

休息中

《大埔名物 - 粉果佬》 久仰大名佢嘅燒賣粉果一直有很多fans，難得一場嚟到，試下先～ 燒賣粉果標榜每日手工製造，今次試粉果，粒粒彈牙煙韌，料有豬肉、沙葛、蝦米、菜脯同芹菜，點埋辣油更perfect🫶🏻！辣油係將成件事提升至另一個層次😂😂 不過！更令我驚喜係佢會送魚蛋！！食落勁彈牙😂😂😂😂！經過可以一試。

去開大埔想搵下小食～呢間粉果佬都出名，開曬分店咁，咁就試下平日嘅黃昏5 6點左右黎到，去到都唔洗排隊，店員都快手，好快有得食因為本人麻麻粉果，就試左燒賣12蚊5粒，呢到兩份黎都唔差，大大粒，大粒到一人一份嘅份量小食黎講有啲heavy添😂肉質少少彈牙咁，魚肉燒賣黎講口感算幾好，唔粉。再加啲辣椒醬，醬好似同出面啲味都唔同，有啲顆粒感，可能係自製嘅？都幾辣，不過香就弱少少整體黎講，如果冇乜人排隊的話行過可試！性價比都算ok

🍴燒賣 $12燒賣好大粒，食落去比較紮實，口感硬中有咬口煙靭有少少魚味，不過唔算好好食，有啲太硬，加咗辣汁有少少似XO醬，如果冇辣汁嘅話真係唔使食，唔算好熱。推薦指數: 0/10真心係好多人買，不過唔使專登去食！

間中經過大埔中心附近都會買返黎食下！家鄉粉果（＄１４／３個）💫粉果唔似平似茶樓食果個樣貌而係似扁身餃子咁，個皮都偏厚身煙煙韌韌，而餡係粉果嘅餡料沙葛、蝦米、菜脯，仲有芹菜，比例適中。魚肉燒賣（＄１２／５粒）💫因為係全人手包製既手工燒賣所以每粒都唔同質感同形狀。燒賣蒸得唔會過耐，咬落好煙韌，燒賣皮都好滑溜，同平時係其他小食店既燒賣係偏結實，同埋佢地既豉油係好”結”身好易掛係燒賣，而加埋個辣椒醬更加好食！＊有時燒賣會偏軟腍有時個燒賣中心會偏實，所以食物水準係要睇運氣。😂

🥡掃街 🐻#炸物控 🐻‍❄️#新奇控——————今次🐻🐻‍❄️掃街掃到嚟大埔！😆一齊睇吓有咩正野食！首先係燒賣關注組大推嘅燒賣舖之一：粉果佬😛💯魚肉燒賣$12 @5粒燒賣食落有少少魚味，咬落煙韌，最好要埋辣醬一齊食，辣醬好香，不過偏辣。魚肉燒賣，推薦！😆粉果$14@3姐姐好好俾咗好舊，不過有啲穿咗🤣攞上手熱辣辣，粉果皮比較厚，味道同普通粉果無咩分別～結論：💯燒賣必試！辣醬就食得辣可以加，幾惹味😋尤其依家涼涼哋食熱辣辣燒賣，仲正😆！

在早幾年的燒賣熱潮中，粉果佬是其中一間惹人爭議的小店，食客評論兩極🔥好壞參半。如今見店舖門口人龍不再，究竟現時質素如何，要試過才知道🤔———————————————————————燒賣$12五粒，看似偏貴，但其實燒賣size都較坊間的大粒😳所以價錢尚可接受。燒賣賣點是魚肉新鮮手打🐟的確能吃得出魚味，而且粒粒形狀不同，足以證明是手工製作🫡但可惜燒賣質感過度實淨，甚至可以用「硬」來形容🥴粉感十分重，而且調味過鹹🤢再淋上豉油後，完全是鹹上加鹹，非常重口味🤯進食完後需要灌水解渴💦辣油方面則炒得頗香🌶️而且辣度十足，建議不嗜辣人士加少許就好🤏🏻———————————————————————各人對燒賣的要求各有不同，而粉果佬的燒賣對我來說，像是一團鹹味的粉團，實在不合本人口味😓

是日去咗大埔行街街 行過昌運中心店嘅粉果佬見未有排隊人潮，於是買啲試吓先 😝佢哋嘅手工燒賣💛外皮煙靭有致沒有腥味 但少感到有魚肉味道 ，但夠熱曬熱辣辣！ 不過佢哋嘅辣椒🌶️油真係正 叫咗少少辣都夠晒辣香辣刺激粉果🥟方面餡料係豬肉，沙粉葛等等炒香而成，餡料鹹香鮮爽，但外皮感較厚點，而且不算是煙靭嗰種，自己個人認為佢哋嘅辣椒油同豉油有令食物提升 經過行街嘅朋友冇乜人排隊嘅時候可以一試而且佢話呢個商場好有感覺好似旺中咁，小店林立幾得意💜#粉果佬 #燒賣 #辣椒油

作為香港最有代表性街頭小食之一燒賣關注組長注No.1位於大埔的粉果佬（無錯，手工燒賣出色啲）每次經過都會引唔住幫襯🔸魚肉燒賣$12 （5粒）手工燒賣粒粒形狀唔同Size都偏大燒賣入口好煙韌有回彈淡淡魚肉味完全無魚腥味甜甜的匙油配上自己炒的必加辣椒油！夠辣！粒粒辣椒粒超香口好食☺️Ps: 閒日經過無人唔洗排隊但如果條龍好長既就真係行下先再買會好啲😂粉果佬（大埔）📍大埔安慈路4號昌運中心地下32號舖

魚肉燒賣好味，食落起膠有魚味，夠晒彈牙，燒賣皮亦夠薄，配埋甜甜地嘅豉油👍🏻👍🏻正！不愧係出名燒賣店之一。不過燒賣加咗價，由$10/5粒加咗兩蚊🥹去開都會照食，少少餓 / 口痕食一流😹

記得細細個嚟食係好好食😀一野買左2串（12蚊有5粒），諗住好少會過嚟大埔點知燒賣好硬好粉🙈（利申：非即食，外賣10分鐘後食）食咗三粒就冇食。。。唔知即食會唔會好啲呢？但係就一定唔會特登過嚟食

呢間嘢應該都叫稱得上大埔名物 啲人會專登嚟大埔 佢個名叫粉果佬 但我覺得佢啲燒賣好食過佢嘅粉果 佢個皮勁厚啲餡又唔算多 不過佢個辣椒油係幾好食嘅 但我覺得唔使專登走過來大埔食

📍粉果佬一場去到大埔慕名而來特登去試下粉果佬睇下係咪真係咁好食🧐🧐🧐😋家鄉粉果 （$14 3個）粉果佬最出名就緊係要試粉果啦❗️$14蚊三個唔算平粉果形狀好似餃子咁扁扁地同平時圓轆轆嘅形狀唔一樣粉果餡係芹菜、沙葛、豬肉碎等材料芹菜味好香但粉果皮偏厚令成個口感好奇怪😮‍💨😋魚肉燒賣 （$12 5粒）$12蚊5粒燒賣黎講唔算平姐姐比既辣椒醬好足料🤣勁多辣椒🌶️粉果佬既燒賣都幾大粒可惜燒賣好粉口感偏硬比一般食既魚肉燒賣更煙靭無想像中好食😐整體黎講粉果佬感覺上係被吹大左無論粉果定燒賣都真係一般般😶不是太推薦😮‍💨

聽就聽得多粉果佬燒賣好食，今日嚟開大埔終於有機會試喇😻🔸家鄉粉果 (3個) $14粉果皮較厚身而且煙韌，餡係一般粉果嘅餡料，爽口嘅沙葛、蝦米、菜脯，仲有芹菜(好彩芹菜味唔太重🤭) ，試過就夠。🔸魚肉燒賣 (5粒) $12手工燒賣粒粒唔同形狀，皆因全人手包製。燒賣咬落好煙韌，唔係一團粉，如果魚肉味多返少少就更好。豉油味咸甜味都唔太出，顯得辣油更辣🥵呢粒燒賣關注組討論度極高嘅魚肉燒賣，意見好兩極。而我就覺得咁啱嚟開大埔可以買嚟過吓口癮，如果要排隊買的話，咁就下次先食喇🤭🐾貓奴足跡🐾🌐粉果佬 (大埔)📍大埔安慈路4號昌運中心地下32號舖

今次嚟到大埔係專程試兩家食店嘅燒賣嘅。據傳媒響2022年嘅報導，話呢間「燒賣佬」嘅參叔傳授製作燒賣秘方俾同係大埔區嘅另一間食店，而師傅「燒賣佬」嘅燒賣係選用咗鯊魚肉去製作，徒弟就用另一種食材。講番呢日，我係先食咗徒弟店先嘅。去到「燒賣佬」，人流唔多但係係需要排隊，大約兩分鐘就排到，姐姐好好人，見我同行有小朋友，就多送一粒魚蛋俾小朋友食。燒賣方面， 係一粒唔錯嘅燒賣，有口感，醬汁夠味。始終即場熱辣辣食，一定只會更加好味。

燒賣關注組的推介，來到大埔踩單車排哂長龍都一定要食，雖然個名叫粉果佬但出名嘅喺燒賣。燒賣真喺大大粒，魚肉都好彈牙，其實最加分嘅位置喺個辣椒油，個辣椒油好香亦唔算太辣，好適合嚟吊下味。但喺個粉果就無咁出色，個皮個人覺得太厚，但過都好足料，肚餓嘅時候都可以一試，但始終都喺推介大家食燒賣。時間嚟講，大家盡量避免啲放工時間或星期六日過嚟，因為真喺會大排長龍，唔等得的話請三思。個人建議如果喺週末先過到嚟的話，可以食飯時間嚟，條隊會少好多。