籽苗葉泰國餐廳 (已搬遷) 新店位置

叫左個四人餐:油餅--煎得好香, 但冇咩葱味生蝦刺身(小弟不吃辣, 故冇食)炸蝦餅--同九龍城街市那些不同的是, 呢度的蝦餅係一塊過然後切開吃的, 但仍然吃得出好重蝦味.黃咖哩雞--果次我用來撈白飯食, 令我很開胃, 事關呢度d黃咖哩香而不辣.另叫了炭燒豬頸肉, 小弟都係第一次食到d咁有味的豬頸肉, 又香口......甜品係木薯, 小弟覺得OK, 但同行的舊同事話好清淡, 幾好咁喎.同埋呢度幾有西餐廳Feel, 不過有樣野不像是九龍城的泰國菜館, 係呢度好像是香港人開多過泰國人開的.四個人食, 最後埋單$395

味道是最差那種" 港式"泰國菜。叫了都是招牌菜炒通菜沙爹沙律法式麵包，麵包還可以啦。店小位窄...可以體諒...但是旁邊情侶只叫了炒飯青菜和蝦刺身...只吃了3分1最多吃了20分鐘而已...已被"老闆"送上牙簽筒，"蝦刺身"很塞牙嗎?這樣的對待客人...牙簽"老闆"你自己用到夠啦...

今晚兩個人落去食，七點零冇乜人，叫左個咖喱炒糕蟹，炭燒生蠔，咸魚炒芥蘭，生蝦刺生同法式麵包。先上刺生，D蝦雪過籠，有D雪硬左，D汁唔多夠味，同隔離個間差好遠。炭燒蠔一般，冇乜特別。碟炒菜一樣味偏淡，廚師可能諗住有咸魚落少左鹽。最後個蟹真係好大隻亦勁多糕，不過又係個汁淡左D，唔辣唔甜唔夠香，D蟹肉都冇乜肉味。整體黎講如果每樣重返少少手，咁就正啦。不過價錢的確唔算貴。

經過隆姐發覺滿座,而籽苗葉又滿座,這樣咪兩間都登記,邊間快就食邊間,一陣後籽苗葉有位, 咪入去囉,而且又八折添。我同老婆兩個叫左生蝦刺身,咖喱炒蟹,炭燒蠔,清炒椰菜苗,冬陰公,法包同兩杯忙果汁。生蝦刺身好新鮮,而且那個醬汁很野味,真想食多碟。咖喱炒蟹好大隻,我想應該有成斤幾重,而且咖喱汁好好味,咖喱汁好快比我同老婆點晒黎食。炭燒蠔好大隻,好鮮甜,不腥,浪費了,如果生食會更好。清炒椰菜苗,我真想問下侍應是不是沒有落油來炒,很少地方會找到炒菜時少油,真健康冬陰公湯,不辣但多材料,好濃香草味,我兩個都有成四碗。最後同待應傾了一陣計,他們很樂意回答問題,還送了雪糕同大菜糕,真好好人。我和老婆都設定它為泰菜首選。以上乃個人意見, 不如你自己親身去品嚐下就知。

本來想去小曼谷或隆姐, 不過兩間都滿座, 只有籽苗葉有位, 加上天氣勁焗, 最後都係為左涼冷氣入去坐低。叫左個活蝦刺身、酸辣肉碎生菜包、黃咖喱豬同埋乾炒雞肉河。活蝦刺身比起其他泰國菜館大隻, 味道幾新鮮, 醬料好味但係好細碟唔夠點, 仲有就係...點解得7隻蝦咁畸怪呢.... (多數都係雙數架喎...係咪因為打左8折?)酸辣肉碎生菜包都好大碟, 開頭食覺得太熱(食完活蝦我條月利已經辣到出火，食埋熱野差d窒息), 同埋唔夠酸.... 食到最後先覺得夠酸味同好味黃咖喱豬個咖喱好甜, 味道幾好.... 可以當湯飲添...其實本來想要咖喱炒蟹o個隻有蛋黃咖喱, 佢話要加10蚊喎...入門口時已經問過個侍應同一問題, 都冇話要加錢... 而家先話加? 去過幾間泰國菜館食都冇話要加錢o既乾炒雞河炒得好好, 唔油膩, 又夠味, 好味道埋單$182(已8折)總括黎講食物質素唔錯, 不過上菜好慢囉呢間野始終比其他泰國菜館乾淨, 又唔算太貴

20050411 7:30pm同大熊約左朋友Ben共三人,本來想去小曼谷但見到旁邊有間籽苗葉,門口仲有個男侍應派傳單話飲品買一送一同埋全店八折.望入去似西餐\廳,場面非常冷清,一枱客都無...考慮之際,個肚已經叫曬救命.萛啦,試下啦.叫了:﹙1﹚冬陰公﹙細﹚$52八折後$42份量大概五碗仔.多蝦,好重椰汁味.唔辣.﹙2﹚粉絲沙津﹙忘記價錢.約$4X八折後$3X﹚入口時好酸,過後才感到辣由口腔冒出.幾得意.﹙3﹚清炒椰苗﹙忘記價錢.約$4X八折後$3X﹚椰苗冇食開個D咁細棵,一D都唔\"椰苗\".感覺好似食普通椰菜一樣,且唔夠脆口.﹙4﹚籽苗葉雞半隻$70八折後$56係新鮮雞,抵讚.之不過...普通過普通.﹙以八折之後$56來講,我情願食海南雞飯﹚﹙5﹚綠咖哩豬﹙忘記價錢﹚分量多.以綠咖哩來講味道較辛,唔夠甜.﹙6﹚蠔仔煎蛋$56八折後$44蠔同蛋比例剛好.唔油.埋單$308*送糖水﹙雖然係送,得個半碗,未免太小家﹚總括食物味道唔萛差,但冇泰國風味.﹙加上裝修西式,唔係好感覺到自己食緊泰國菜﹚服務方面,侍應好友善,有笑容.雖然價錢好便宜,但食泰國菜的話,唔會再來.

我巳經去左三次,每次會點咖哩蟹, 真的好好味, 如喜歡香口的話, 可choose羔蟹. 另外, 我十分蝦餅chicken wing and lamb chop! very tasty and juicy!!!!!而且十分抵食, 每人130 - 150 右左

呢間我好耐之前食過, 印象中還不錯...

這間泰國菜國特別的地方是它的格調，一點也不像一般的泰國餐廳，反而像西餐廳。新鮮蝦刺身肉質尚算新鮮，而且那個醬汁很野味冬陰公湯很鮮甜，而且落足料泰式粉絲沙律都幾spicy ，但好野味咖喱炒蟹隻蟹都幾好肉，個咖喱汁好正，忍唔住叫咗兩份焗法包點黎食

其實, 我都係朋友介紹先去哩間野度食. 當時見佢晚飯時間到唔係好多人, 而且大部份既枱都係無人坐, 睇落有點冷清. 但係食落d 野幾好,服務又幾好, 十分有禮貌, 又不時加水, 換碟咁, 裝修格調好西式, 燈光較到暗暗地, 好有feel, 一d 到唔似同區既泰國餐廳用大排檔feel, 而且飲品買一送一, 食夠一百蚊就送一味餸, 食夠二佰蚊又送, 每食夠一佰送一度餸, 有時食到幾佰蚊可以選擇送加哩炒蟹, 重有埋單有八拆添. 重有重有, 有時送甜品,椰汁糕, 椰汁西米撈.. . 嘩, 哩d 餐廳去邊度搵丫. 我睇唔過眼佢生意無人問津, 所以盡我一點棉力推薦比我身邊所有朋友知,等佢地一傳佰, 佰傳仟咁, 起碼我唔想咁正既餐廳就咁消失係九龍城, 試問下, 每人消費到係$50-100就可以享用以上例點,值得一去. 前排我生日就去過食飯, 見到佢人氣多左好多, 心感恩惠. 以前無生蝦剌生同乜乜壤雞翼架, 哩架就多左好多款式選擇, 連d 餐牌到排過晒. 正. 突然間覺得自己睇住間野長大, 由無人問津, 到佢哩嫁生意滔滔. 至於, 餸菜方面當然無十全十美喇, 做人唔好咁嚴尖, 人

星期六晚, 九龍城搵食. 有人想食泰菜, 仲指定金寶. 我呢d鐘意試新野既人反抗, 結果揀左另一間未幫趁過既泰菜館----籽苗葉.循例先叫泰式生蝦同冬蔭功. 生蝦賣相認真麻麻, 得少少蒜頭, 好”削”咁. 蘸d汁再擺入口, 咦, 又幾好喎, 蝦好鮮甜, 無比蒜頭同酸辣汁搶晒d味, 我幾鍾意.冬蔭功份量好細, 應該得二人份. 好辣, 應該話太辣, 舌頭好似著火咁, 無愈辣愈想食果種意欲同快感.跟住仲點左牛肉釀蝦膠, 蝦丸都做得幾好, 擺左一陣先食都仲熱辣辣, 亦都幾juicy, 可惜入面既牛肉無論味道同質地都同蝦膠唔夾, 敗筆~~魷魚桶炒飯係好普通既一道菜, 呢度又做得幾好喎, 炒飯同魷魚桶都唔會太乾身, 前者幾惹味, 後者亦都仲有d鮮味, 唔錯.呢個好似叫泰式雞, 但我地食唔出同豉油雞有乜分別……. 而且雞本身有味, 點埋附上既汁料反而不美.招牌炒飯乾身香口, 不過我地又有同一個問題----唔知點解係泰菜囉~~南瓜無論唔甜或者唔腍都唔好食, 呢個南瓜布甸兩樣做齊, 即係想點???另外order左兩杯飲品, 分別係好普通既甘桔青檸水同好鬼甜既龍眼水, 埋單$33x, 雖然個別菜式幾好,

星期日，和太太到了九龍城想到小曼谷食泰國串燒，因人太多，便到了隔離個邊不論不類一些泰國feel都沒有的籽苗葉試下呢？點了生蝦，冬陰公湯和辣汁青口和椰菜苗。生蝦很新鮮、另我意外則是它的汁很配適合在配生蝦，我大太太還要多一碟，很捧！冬陰公湯酸辣味剛剛好，材料夠，值得一試！辣汁青口可以送飯，新奇！椰菜苗少油，很難找到其他泰菜炒菜時少油，cook夠功\架！原來不論不類的泰國餐\廳都可以這麼一絕，我和太太都設定它為泰菜首選。

原打算到隔鄰既隆姐用餐，但見內裏人客甚多，加上環境唔好，所以另謀高就。由於籽苗葉店外負責拉客既男侍應禮貌一流，加上天氣熱到爆，所以亦不作他算了～進店後發覺店內頗細，但就同區泰國食店來說，籽苗葉既裝修算不差了，雖則未算坐得舒舒服服，但要安安樂樂食餐飯亦絕對無問題。由於對泰菜研究不深，所以選菜時亦動了不少腦筋。泰式生蝦刺身($60)order不久後就上桌。由於大家都未嘗過此菜式，所以大家食得都有點兒雞手鴨腳。在蝦身上淋上醬汁後急忙放入口，嗚～真係好辣！醬汁紅紅的放滿辣椒，加上本人一向唔食得辣，吃後不禁同女友嘩聲大作。不過辣歸辣，蝦卻係頗鮮味的，值得一試。再來係酸辣椰汁雞湯(regular$40)，份量大概有三小湯碗，適合二人淺嘗。湯面白雪雪帶淡淡紅油，材料則有雞件磨菇配香料。試一口...味道鮮甜又酸辣，且帶有椰汁香味，雞件又甜又滑，相信不會是雪雞了～不過由於剛食完辣辣既生蝦後再飲熱湯，食得滿頭大汗實在係少不了，個人對此湯評價甚高。蠔仔炒蛋($50)詐看份量不夠，但將鋪底既生菜撈好後，份量亦足夠二人份。蠔仔並非營養不良之輩，一啖炒蛋一啖蠔，真合本人口味。不過美中不足是蛋炒得不夠滑，賣相亦不精

前日同朋友一行五人去食野, 叫左炒飯, 青口,生蝦等..食完第二朝有三個人肚屙, 每人屙左至少十次呀.所以千祈唔好幫襯佢呀......

我都係個friend介紹，諗住唔好食都係一次。開頭見到間舖細細地，驚好逼，但係坐落又幾舒服。服務態度一流，雖然只係幫你加水或者換碟，好細心，但係其他餐廳好多時都要個客叫，先死死氣去做。至於菜式，除一般泰國菜外，仲有新設o既菜式，例如通宵達旦、籽苗葉雞等等，就連我唔食得辣都可以搵到o岩食。最正係個甜品，聽老闆講，係由泰國返o既木薯，熱騰騰咁入口，真係好有驚喜。