影片
更多
2005-01-05
13 瀏覽
其實, 我都係朋友介紹先去哩間野度食. 當時見佢晚飯時間到唔係好多人, 而且大部份既枱都係無人坐, 睇落有點冷清. 但係食落d 野幾好,服務又幾好, 十分有禮貌, 又不時加水, 換碟咁, 裝修格調好西式, 燈光較到暗暗地, 好有feel, 一d 到唔似同區既泰國餐廳用大排檔feel, 而且飲品買一送一, 食夠一百蚊就送一味餸, 食夠二佰蚊又送, 每食夠一佰送一度餸, 有時食到幾佰蚊可以選擇送加哩炒蟹, 重有埋單有八拆添. 重有重有, 有時送甜品,椰汁糕, 椰汁西米撈.. . 嘩, 哩d 餐廳去邊度搵丫. 我睇唔過眼佢生意無人問津, 所以盡我一點棉力推薦比我身邊所有朋友知,等佢地一傳佰, 佰傳仟咁, 起碼我唔想咁正既餐廳就咁消失係九龍城, 試問下, 每人消費到係$50-100就可以享用以上例點,值得一去. 前排我生日就去過食飯, 見到佢人氣多左好多, 心感恩惠. 以前無生蝦剌生同乜乜壤雞翼架, 哩架就多左好多款式選擇, 連d 餐牌到排過晒. 正. 突然間覺得自己睇住間野長大, 由無人問津, 到佢哩嫁生意滔滔. 至於, 餸菜方面當然無十全十美喇, 做人唔好咁嚴尖, 人
前排我生日就去過食飯, 見到佢人氣多左好多, 心感恩惠. 以前無生蝦剌生同乜乜壤雞翼架, 哩架就多左好多款式選擇, 連d 餐牌到排過晒. 正. 突然間覺得自己睇住間野長大, 由無人問津, 到佢哩嫁生意滔滔.
至於, 餸菜方面當然無十全十美喇, 做人唔好咁嚴尖, 人到無十全十美喇, 而且唔好忘記每人消費到係$50-100, 重想點? 試問去d 高級餐廳到末必用咁既價錢,可以同一時間比咁既質數同jetso 你喇, 係咪?
我自己醉心推介係: 冬陰公.
其實自己本身唔係好食辣, 但一試之後就忘不了. 個湯嗅起上黎好有香草味, 雖然飲落係辣, 但辣得黎又麻麻痺痺咁, 口感唔錯, 又香又好味.
其它: 香矛炒蝦(嘩~~! 十分香, 十分賣相, 好香口, d蝦咬落趣扑扑, 連殼食到得, 到幾大隻, 食完望番個碟底係無油架.)
加哩炒蟹(好味在個加哩汁度, 又係辣得黎好有椰汁味. 當食完個蟹淨底d 汁既時候, 你會覺得好晒, 就忍唔住叫d 飯黎撈同叫法包點黎食, 咁就唔晒喇. 我每次叫親, 例必叫法包一齊食)
炭燒生蠔(一碟有三隻,好新鮮, 食落口好嫩, 一d 到唔腥)
生蝦剌身(大大隻, 好新鮮, 點埋d 汁就無得頂)
串燒- 豬, 雞, 牛, 羊(點埋點醬,實在太好食, 好易咬)
通霄達旦(其實係d 皮蛋醉同d 通菜一齊炒, 口感唔油, 重好有鑊氣, 所有炒菜款式到好得.)
其餘d 炒飯炒粉就無咩特別, 不過就唔好叫炸南瓜條, 因為唔覺香, 而且咬落有d 硬.
以上乃個人意見, 不如你自己親身去品嚐下就知.
張貼