籽苗葉泰國餐廳 (已搬遷) 新店位置

咖哩炒蟹: 唔錯, 個汁好甜, 好味!扎肉沙律: 勁辣冬陰公炒飯: 好多冬陰公材料, 多硬口雜質青咖哩羊肉: 好特別, 又有茄子做底, 羊肉略少串燒: 12條, 夠燒烤味! 正!咸魚炒雜菜: 不錯, 但咸魚太大粒, 變左好咸軟殼蟹: 勁正!! 超入味!!其他: 法包, 薄餅, (仲有d唔記得) 都ok甜品: 無咩特別一行7人(有圓枱, 只此一張, 要book), 27/11晚, 埋單有7折.下次會再去.

星期日晚兩個人經過籽苗葉, 見唔駛等位便入內試試綠咖哩牛腩~ ok 如果可以熱d更好, 牛腩唔un蒜蓉飽~ 熱辣辣, 脆卜卜, 點咖哩一流! 有驚喜! 要等都值得炸芝麻蝦~ 配泰式酸辣醬, 夾蒜蓉飽食不錯啊炸蝦膠釀牛肉~ 配甜酸醬,牛肉味太濃, 掩蓋了蝦味蟹肉蛋白炒飯~ 男友嫌有腥味, 我就覺得ok丫staff 殷勤有禮埋單後仲送左張VIP 咭, 下回星期六&日訂位有8折

周圍都要輪位, 只有這間不用輪太久(只用輪一個籌)十分合口味, 因為太港式, 雖然是泰國人or 華僑打理, 因為鄰桌是老闆朋友,老闆出來一齊談天肉碎生菜包, 好食, 肉碎中有些香葉串燒一般水準, 汁不夠香咖喱牛肉, 汁ok , 肉太實地方十分不清潔, 桌面濕淋淋, 連餐牌也肥淋淋, 結果我們要用濕紙巾抹menu 才可以看

星期一一家人出黎kowloon city食泰國菜，眼見小曼谷爆哂，當然冇耐性等落去啦，冇謂因為平dd就呆等啦，行番轉頭，e間籽苗葉原來星期一至五搞緊7折，但係就冇咩人等，都算奇怪，唔通因為俾左右出哂名既泰國菜搶哂d客，定還是唔好食呀!?最初的確有好多疑問，睇左兩睇，還決定緊走定係入去試下，真係的，冇謂去試唔好食既咁慘啦....不過就咁睇門口既相片，都算吸引，門口帶位的老闆又很有禮貌介紹有咩新菜咁，那樣，就不如試一試啦，唔好煩啦!坐落又真係幾舒服，可能真係冇咩客關係，侍應照顧真係好周到，感覺唔錯，家陣有ed服務，食都開心d啦，當然最重要都係食物啦!!所以都係小心d叫，叫d大路食品，叫左串燒，生菜包，半隻海南雞，炭燒豬頸肉，炒個通菜，冬陰公，共叫了6樣野，加兩個飯。都唔知咩事，炒得超快，d野食好快就來哂了，真係幾有效率! 首先一人一碗湯先啦，幾多料，飲落真係有驚喜!!果湯真係好飲，而且有火煲住，愈飲愈好飲，真係開胃，之後生菜包，買相不錯，肉碎加左青0酸酸地，又係開胃野，之後食雞，原來冇骨既，好厲害，串燒，又真係估唔到，我以為至有小曼谷果d先係好食啦...e間籽苗葉果d串串都好靚，d肉味道真

約左兩個朋友星期日食餐晚飯,上來OPENRCE SEARCH下,睇到呢間好似有D口碑,一於決定試試訂左位,但原來唔爆,舖唔大,但幾乾淨舒服點左六個餸,椰青海鮮飯,唔駛講,一絕雞串燒,有香料味但唔覺味精香草蜆,冇香草味,不太推薦牛仔骨,比中式乾D,但唔算突出咸魚蓉芥蘭,偏咸,等埋個椰青飯先食得落,麻黃咖哩羊肉配法包,法包有預熱暖暖地加咖哩食,好唔錯,但羊肉就令人失望,少,亦都削甜品係送0既,有咖啡味大菜榚,一般,爽口而已服務方面唔錯,可能因為客人唔多,侍應好留意到幾時加水同其他細節野,唯一係收碟同放野大力左D整體係值得再去的埋單361

琴晚和朋友人到了九龍城，平常會去隆姐吃但今天老友話要試新野，所以就去左隔離幾有西餐廳Feel既籽苗葉呢間真係好掂，我地4 個人，叫左生虾 , 香草煮蜆, 蠔仔煎蛋, 咖喱炒蟹, 泰皇汁大蝦及蟹肉蛋白炒飯(1) 生蝦-生蝦非常新鮮，每片跟1薄蒜片及辣椒,蘸sauce一齊食，爽甜，即刻encore 1 碟。(2) 香草煮蜆- 蜆超大隻，個汁亦好香。(3) 咖喱炒蟹- 好味也一定要試, 蟹新鮮夠肉, 最正個汁夠多夠濃, 椰汁最香, 沾法飽或薄餅不錯。好食過對面泰x菜館所謂鎮店既麵包咖哩蟹多多聲。(4) 蠔仔煎蛋- 蠔仔夠肥美，旦亦夠滑。(5) 泰皇汁大蝦- 呢度獨有嘅 菜，蝦---份量夠6 人,顏色幾靚, 好有蟹肉及芋頭香, 真係好好味呀~(6) 蟹肉蛋白炒飯-蟹肉及蛋白份量剛好，適合大人及小朋友。食食下仲見到隔離蝦膠牛丸-炸得好香, 睇落好吸引~下次一定要試下!最值得一提既係埋單既時候女侍應叫我地唔好走住有甜品送!!腐竹雞蛋糖水，蛋香又不太甜，真係落足料!!至於同樣在九龍城，好多人鍾意去既小曼谷，我就覺得相當一般，食過兩次，新店同舊店水準都係好一般，所以下次都會介紹朋友食籽苗葉.

籽苗雞、蠔仔煎蛋、海鮮頭飯、半打串燒、泰式炒飯，吃過後差點忘掉了自己吃過什麼，因為沒有一款特別令人有較深印象。這裡勝在坐得不迫，上菜快，不油膩，沒很多味精的，送贈的腐竹西米蛋花糖水不錯，熱辣辣又不太甜，還有很香腐竹味道，這個算是吃後較深印象的。共點了五款東西，埋單二百多的晚餐說不上貴，但份量不多，吃得過但沒什麼吸引再吃第二次。

今年我的生日飯約遲咗，因為大家都好忙。友人推介的泰國菜館，經濟實惠，水準不俗。點了四人套餐三百多，另外散叫金柚沙津、蠔仔煎蛋等菜色。咖喱炒蟹上菜時賣相非常吸引，咖喱不太辣之餘，用來點薄餅、法飽亦非常美味，冬蔭功好香，推介是蠔仔蛋，雖然我不愛吃蠔，亦覺得很yummy。是一間很值得一吃再吃的餐廳。

琴晚同男友食晚餐, 見呢間裝橫不錯, 就入去試下~ 叫左4個菜(除左蟹/特價菜, 都有八折), 飲品就有買一送一優惠, 都ok抵~1) 煲仔翅-$88特價, 翅唔多, 但味道不錯2) 蝦膠牛丸-炸得好香. 將牛肉釀入蝦膠再炸,好惹味, 值得一試!!3) 炒通菜-比較普通, 最敗北係唔夠熱4)椰青焗海鮮飯- 好香椰青味, 份量都幾多, 兩個人要食4碗幾先食得哂雖然係家庭式的泰國菜, 但係服務同環境都幾好, 仲有免費糖水送, 但係因為太飽, 只係食左少少, 都幾香椰汁味~ overall 都ok啦~~

今晚為咗請兩個新PARTNER，頭都大哂；是關佢兩個喺西班牙裔菲律賓人，鐘意食西菜但又要無拘束、又要傾到計、仲要有成支嘅SWEET CORN食，價錢反而唔太重要，點算﹖最後唯有向肥老細謝非求救，喺佢細心安排下，兩個PARTNER開心到痺，四個人食咗青瓜雞絲沙律、香草大蜆、冬蔭公、燒牛仔骨、燒粟米、蕉葉燒倉魚、炸雞扒、炒椰菜苗、招牌炒飯，埋尾芒果糯米飯、芒果大菜糕同椰汁紫糯米糕，仲加兩杯奶茶一杯咖啡。今次至正喺蕉葉燒倉魚、炸雞扒同埋招牌炒飯，條魚加咗薑蓉、泰式香料，用蕉葉包住燒，D肉滑到你以為食緊蒸魚；炸雞扒直情脆到無得彈，難得D肉仲喺軟滑有汁，點埋泰式炸雞醬，一個字：正﹗招牌炒飯用蠔仔同泰國臘腸，飯身炒得剛好，唔會太濕或者太乾，用嚟送炸雞一流......埋單謝非走嚟話五百幾六百，我話唔喺呀，有無計少咗，謝非猛話冇，我就點都唔信，不過喺人面前無謂你推我讓；下次啦，下次一定捉住佢嚟審......

跟兩個同事午餐，卻有點失望。三個人要了一個三人餐，包一個冬蔭功湯，三個小菜和飲品。冬蔭功湯十分失色，味道很淡，更談不上有辣味的勁度，就像其他一般為迎合香港人口味的泰菜一樣。三個小菜分別要了炒通菜，荷葉包雞及串燒沙爹。炒通菜沒有特別，荷葉包雞的雞肉相信煮得過了火，串燒沙爹還可以，但沙爹醬的花生味道太重，令串燒吃起來怪怪的。最要的是三個小菜的份量真的很小，午餐以後就像只吃完小食一樣。幾失望。

出咗差兩個幾月，日日餃子加麵條，禮拜三晚一番到香港就急CALL班老友星期四晚落去食餐勁，嗰日一直煙雨綿綿，我估都唔慌爆場啦，八點九落到去四個人竟然要等枱，成九點先有得坐低......一邊開酒一邊拿拿臨落單：炭燒牛仔骨、西柚沙律同香草蜆，老細"謝菲"推介兩款新嘢：炭燒牛脷同蒜蓉鷄中翼，好就試下先......真係老闆推介，六隻鷄中翼上枱唔夠三分鐘剩番條骨，當然番啅一碟先啦。飲到噤上下叫主菜：冬蔭公湯、黃咖哩羊加油餅同法飽已經係指定菜式，事頭婆"謝菲太"話唔好噤悶不如試下嗰生菜包同埋炒什菜，又好......不過奇嘅喺D味道變得細膩同層次分明咗，仲比以前好......奇怪。食完哩餐正到無論嘅晚飯，拖住"謝菲"出門口做下火車頭- "噴煙"，順便八卦下點解唔見另一個靚仔老細先知拆咗夥，廚房個泰國師傅同嗰仔都走哂，新師傅喺"謝菲"係曼谷啲朋友介紹過來嘅，之前係清邁做酒店廚，唔怪之得啦......十一點埋單嗰陣，見啲伙計開枱食宵夜，哈哈......下次又有嘢試啦......錫紙什菜(保)、鹹魚蓉芥蘭......

今次跟男友和媽媽來吃點了泰色生蝦. 咖喱炒蟹. 炒菜苗. 唔知咩雞同一個椰子咩飯咁啦個泰色生蝦好好味. 又大隻. 好鬼鮮甜!咖喱炒蟹辣度o岩o岩好. d 蟹又多"糕"最好味係個炒菜苗. 好鬼有菜味.又脆. 唔知係咩菜. 平時街市都唔覺有呢隻菜賣!環境就細左d 啦! 不過今餐都好滿足^.^

食咗好多次，愈食愈放心，味道適中啦（以我唔太食得辣，嗜辣嘅朋友落單講聲要幾辣包你啱食），後尾有幾次請客戶食飯同埋家庭聚會都喺嗰度食，都無失禮，招呼週到，OK啦！明顯喺香港人開嘅，但有次去洗手間先發現成個廚房啲師傅都喺泰國人，後尾八八卦卦先知大廚喺其中一個靚仔老細嘅老豆，佢老豆嚟咗香港識咗佢媽媽噉就落地生根啦。除咗泰國菜啲大路嘢之外，我至鬼死鍾意嗰度啲炭燒食品，正到暈！嗰次個法國肥佬客食佢啲燒羊扒同燒牛仔骨，夠膽死翻單兩次，臨走仲攬住個肥佬老細猛話「瀉媽尼FIT」，真瘀皮．．．．．．

琴晚同老公黎呢度食晚飯, 門口有個女侍應做招徠, 服務都算殷勤.本來想叫炭燒生蠔, 不過無生蠔, 所以改為炭燒大蜆. 另外有蝦膠雞翼同芋香海鮮焗飯.先黎炭燒大蜆, 泰式做法, 加左D酸辣o既汁, 味道開胃. 只可惜D蜆有沙, 美中不足.跟住係蝦膠雞翼, 炸得好香口. 此菜其實係將雞中翼起骨, 釀入蝦膠再炸. 配埋一個甜酸醬(有少少辣o既), 好惹味.最後黎o既係芋香海鮮焗飯. 只有少少芋粒, 都無芋香o既, 有D失望. 不過個飯o既味道都OK…開餐其間, 侍應加水都好密. 服務態度非常好.而且D菜係一個一個上, 我地好欣賞呢一點.會再黎試其他菜式^_^