米走雞 (昭德大廈) (已結業)

食過幾次出名芝士雞煲，今次試下火焰麻辣雞煲🤪餐廳裝修比較中國特色Menu 多選擇，最喜歡可以點半份，啱洒二人打邊爐份量，可以多幾款配料芝士雞煲食得多，所以今次試下火焰麻辣雞煲雞煲一到，侍應叫我地小心，原來要點火燒，即時帶出好香酒味侍應之後再加麻辣醬撈勻雞煲焗大概10分鐘就可以即食食過咁多雞煲，這間雞煲的雞件比其他雞煲店大件好多，夠滑重雞味點了很多半份打邊爐配料新鮮蟹子墨魚滑，夠新鮮彈牙虎蝦6隻 $108大大隻，夠新鮮又抵食虎蝦夠鮮甜，食不停口令人回味再order整體來講火焰麻辣雞煲一樣出色，雖然芝士雞煲是鎮店出名菜式，但麻辣雞煲可以多一個選擇

繼冬天食過芝士火鍋，好耐冇食過🧀🧀🧀🧀今晚出開長沙灣，梗係要試下呢到最出名既首創芝士雞煲啦🤩🤩對上一次食已經係幾年前，今次再黎已經係新裝修，但最緊要有芝士雞煲食就得啦，黃金芝士雞煲有2款，配料有洋蔥，中芹，芫荽，乾蔥，另外芝士碎可以自己選擇，芝士碎可選沒有，少量，普通，激量，我呢個芝士迷就揀左小雞煲配激量芝士。一滾起已經有勁大陣芝香，香味令到我好想打開蓋偷瞄一下，卻被店員馬上過來阻止叫我要煲多一陣先可以開蓋，原來佢地一直細心留意著幾時食係最好味呢😋😋一打開蓋就見到芝士山咁，店員話開始食果陣唔好撈埋，咁樣芝味係最濃既，另一驚喜，原來入面既雞全部都係雞肶肉黎嫁😍啖啖肉好正，食哂之後就可以加湯打邊爐，湯底可以選擇清湯或芝士湯，既然選擇了激量的芝士碎，就不要太過分吧，來一口清湯中和一下。食完個芝士雞煲都有啲飽，所以只係叫咗少少嘢食嚟打邊爐，手切新鮮牛頸脊 大 $318 小 $208，揀左小既，鮮炸響鈴 全份 $52 半份 $28，揀左半份，辛辣麵$18，王老吉$14牛頸脊油脂分佈好靚仔，輕輕滾一滾已經好好味，牛味重，都不用點醬汁，同埋明顯係新鮮牛，因為放左一陣都唔會變色。響鈴亦係鮮炸的，放入水

上一次吃過太子的米走雞是吃他們的芝士雞煲今次看到原來他們也有普通的火鍋我們就點了麻辣湯底多麻小辣想不到那麼出色！暫時是我在香港吃過麻辣火鍋的第一位！真的是那麼誇張麻辣中帶點甜味必點的凍豆腐！沾上麻辣湯的湯汁，實在太野味了！ 伴分的份量也很多，所以大家可以先點半份試試白蘿蔔也很爽口，放在湯底裏一齊煮帶出甜甜的味道脆腕腩我們點了兩份，哈哈，鮮甜的味道，和爽口彈牙的口感，油脂味十分豐富還有師傅自家製的響鈴，比一般的響鈴新鮮很多，可以看到很脆口，一件等於平常的兩件響鈴， 必點也是他們自家製的手打蝦滑，裏面還吃得出一粒粒的蝦肉，非常彈牙他們店的份量每一份都很足料！非常滿足最意外的是他們的麻辣湯底非常非常出色！下一次我也會因為這個湯底而再來

一諗到食雞煲，就會第一時間諗起去米走雞，因為鍾意米走雞所有分店都坐得好舒服，而且環境又乾淨。 因為朋友返工都係返長沙灣，所以我哋就去咗長沙灣分店。今日我地點左火焰麻辣雞煲（小）$168，足夠2-3 人食，呢度嘅辣係分有大，中，小辣，冇BB 辣，如果唔食得辣嘅朋友仔就記得提佢要少D辣，因為呢度嘅小辣都真係會有少少辣嘅🤤。雞煲煲左一陣之後服務員會開始幫你炒，炒香左D洋蔥芹菜芫荽後，就會點火係呢個時候個火焰就嚟啦，火焰炙燒過食材後，味道特別香，然後會再加入麻辣醬一齊炒！將麻辣味炒入雞件內，聞到都香噴噴！炒到火候啱啱好嘅時候就可以食，雞件份量非常多，而且非常嫩滑。每一件雞肉落去都會有雞汁留返出嚟，小辣味道偏辣，麻麻地好好食😋有真正又麻又辣嘅味道食完後店員會主動幫忙加湯，有辣有唔辣可以揀，我哋揀咗個清湯，不過由於煲底仲有辣味，所以個清湯都變咗紅色，不過食落其實只係微辣。新鮮牛頸脊$208打邊爐最鍾意食牛頸脊，呢度嘅牛頸脊非常高質，認真唔錯！鮮紅色的牛頸脊，望落非常新鮮，肉色明亮，雪花分布平均輕輕刷幾秒已經可以食，肉汁豐富而且充滿牛脂味，入口即化，牛肉味濃，唔需要配料，蘸少少辣椒豉油食已經好好食。

跟太太及父母來到長沙灣，被有新鮮感的芝士炒雞吸引到米走雞來單看餐牌立刻選了激量的黃金芝士煲上菜果然是一鍋滿滿的芝士及雞店員叮囑不能反起芝士，怕會炒燶。果然不到一會兒，芝士融化直接覆蓋雞件，根本不需要反芝士炒雞非常濃郁味道極好，是芝士控的一定超喜歡，跟炒雞有想不到的搭配帶上洋蔥的香氣簡直一絕食過炒雞後店員幫忙加入芝士湯底我們點了幾款火鍋菜式鳳城水餃皮薄料足，味道不錯鮮蝦雲吞的蝦很新鮮大件，同樣美味手打鮮牛丸很有牛味，且看得出的新鮮花膠份量不少，很推薦搭配芝士火鍋新鮮牛頸脊不用多說，光看照片也知道油花多美，且新鮮有牛味最後的黑松露蟹子魚麵，非常香而魚麵有蟹子的口感，很特別亦很味美總的來說，這家餐廳確實不錯，單是芝士炒雞已值回票價

雞煲癮起，第一時間諗起米走雞！今晚同細佬兩個人叫左火焰麻辣雞煲，小的$168 都足夠2-3個人食賣相吸引店員會即席幫你拌勻麻辣醬，可見馬上有火焰，果然名不虛傳雞件全部用原隻雞比，所以啖啖肉，無得輸鵝腸 $53頗新鮮，鵝場有膏，很肥美，滾十幾秒就食得，夠爽脆鮮炸響鈴，半分$28比外間的響鈴密度高，吸收曬麻辣汁，食得過癮！紅薯粉 $16份量十足，足夠3個人食手打五寶拼盤 $88 有齊店鋪最有名的5款手製丸類，個人最愛鮮蝦丸，真的大大粒蝦肉，真材實料五香鮮牛肉 $98 這是事先醃製過的鮮牛肉，味道較濃郁，適合重口味人士細佬食唔停口呢，哈哈😄非常滿足的雞煲，食物質素比任食的餐廳高質很多

到長沙灣探望新居入伙的朋友，他說要帶我們到米走雞食他最近的心頭好，芝士雞煲。黃金芝士雞煲～芝士分量可以選擇大、中、小量，非常貼心。雞肉外層裹滿大量芝士， 夾起更有拉絲效果。芝士味道濃稠，而且令雞肉口感特別嫩滑， 美味得令我也馬上變成芝士控。食完雞煲店員幫我們加湯打邊爐，竟然還有芝士湯， 太令人驚喜了。新鮮牛頸脊～ 牛肉油花均勻， 色澤鮮紅漂亮，一看就 知道是上等貨色， 在芝士濃湯中輕輕滾燙，已經熟透， 芳香滿溢，牛肉味突出。黑松露蟹子魚麵～魚麵煮熟後入口帶有松露鮮味，蟹子亦能增加口感， 兩者配搭創新。鮮蝦雲吞與鳳城水餃一樣是自家制的食材，誠意十足，可是兩者口味上都偏鹹些許，如能適量減鹽， 味道將可更上一層樓。配上可樂，這餐芝士盛宴，令人喜上眉梢，不錯。

令人失控的芝士雞煲。初時聽到用「芝士」做膽既雞煲令人感覺好肥 試過後此雞煲滿有驚喜，而且唔膩 這裏並非任點任食的火鍋料理,逐樣單點,食物質素更加有水準。重頭戲 芝士雞煲 睇見都覺得正到流口水  雞件好大件 淡淡肉，肉質好滑，充滿芝士及洋蔥味，這個芝士汁又不會覺得好溜，食完雞可以加清湯或芝士湯 打邊爐 滿足到大家胃口食雞煲點可以冇牛肉 手切新鮮牛頸脊（小：$208／大：$298），採用本地牛隻，肉質鮮嫩，牛味香濃既不肥膩 口感一流 另一主角 出前一丁 確實係芝士的好朋友，兩者都吸收了濃濃的芝士汁，食落超惹味還有手打五寳丸方面 好出色 鮮肉比例都比較高，肉質柔軟彈牙 水餃 大大隻 材料豐富 好有水準 坐位方面環境好舒適 侍應服務相當細心整體來說, 這個的火鍋一定來試下呀 雞煲出色外 食物亦有質素尤其是Cheese控的朋友, 一定要來

有一段時間冇食雞煲，因為覺得好多餐廳的雞煲都做得麻麻。但經朋友力薦下，今日決定試下呢間有幾家分店的米走雞。重頭菜麻辣雞煲，睇到個雞煲都嚇左一跳，呢個係細份的雞煲，餐牌上寫著2-3人適用。我地兩個女仔望住呢個份量覺得真係好大份！😂😂😂不過食落就會覺得，好味既野食真係唔會嫌多🤤辣汁香濃惹味都不在話下，雞件全部都係雞脾肉，唔會食食下有好多碎骨，啖啖肉得黎肉質又滑！😻個雞煲真心好高質！食完雞煲加湯底打邊爐啦。.特級雪花肥牛（小），油脂分佈平均，肉味香濃。.蜂巢冰豆腐，食雞煲食冰豆腐可以吸曬湯底精華，湯底仲帶少少辣味😋😋.韮菜餃的皮比較薄，餡料超豐富，適合唔鍾意食厚皮水餃的朋友。..最後緊係唔好曬左個甘好味既湯底，食埋個吸味薯粉，每啖湯底都吸曬雞煲的精華，好滿足呀！😍

就算呢幾日熱番，都無阻我打邊爐的熱情嘅😎今日又同老公仔去食米走雞🐔一聽個店名就知道這裏主打雞煲，分為芝士雞煲和麻辣雞煲，兩種都食過，兩種都非常之正😋不過我同老公就比較鍾意食麻辣，不過其實我哋唔係好食得辣，都係叫BB辣😂我哋最鍾意呢度啲雞全部都係雞脾肉，隻隻都啖啖肉，加上二人煲份量都唔細，食完個雞煲都半飽！⭐️本地手切牛頸脊(小)估唔到這裏的牛頸脊全部厚切，而且雪花均勻有緻，加上肉質鮮嫩勁新鮮，只需168元，完全性價比超高之選！好食指數係非食不可🤩⭐️炸響鈴手掌咁長不過口感略硬而非脆，個人認為下次可以skip⭐️午餐肉基本上無得輸，而且最正係可以叫半份，兩口子都唔驚吃唔晒😋⭐️五色手打肉丸一次過吃匀牛肉丸，貢丸，墨丸，鯪魚丸同蝦丸！手打丸都幾有咬口，夠彈牙，牛丸仲會爆汁😂

每年冬天都至少會約朋友黎食一次 因為呢度好足料！食個雞煲其實已經好飽 但次次都忍唔住手嗌多好多同芝士夾既野食🤪怕熱氣得滯 加左罐王老吉先😛一開始黎左個雞煲先 侍應會好細心咁提醒唔好攪啲雞 如果唔係會好容易痴底😯雞件上面滿佈芝士 再配埋洋葱 好惹味👍雞件都好滑 大部分都係雞髀肉 所以啖啖肉😋食得差唔多 就可以加湯打邊爐 所以點左份肥牛 打邊爐必需既😎另外都要左啲菜 娃娃菜同紫菜都好掛芝士☺️要多左個菇拼盤同炸魚皮 好多唔同種類既菇 魚皮都炸得好香 份量不少又大塊！

今日喺深水埗開完會，同事問有冇興趣食雞煲，我當然話有啦😝於是佢就帶咗我去元州村附近既米走雞食辣辣雞煲😍好彩我地六點幾到，唔使等位咋先嚟個小辣雞煲先，辣度啱啱好，雞肉嫩滑👍🏻食完雞煲就緊係叫餸打邊爐啦，火鍋配料款式都好多，有d仲可以叫半份，咁就可以食多幾樣野啦炸響聆👍🏻鬆脆可口鮮蝦雲吞，入面隻蝦好大隻架，仲好爽口蜂巢冰豆腐，索哂d雞汁，超正豬潤爽口，粉腸夠淋手打墨魚丸，真材實料，彈牙👍🏻

今次已經不是第一次幫襯米走雞了, 上次在太子分店, 吃的是芝士雞煲, 令人印象深刻, 當時已經好想找時間再試它的另一款主打--麻辣雞煲。在長沙灣經過見到又有分店, 嘿嘿, 那就擇日不如撞日, 咪走雞了。這個火焰麻辣雞煲是有指定步驟的。上桌時先用大火煮一陣, 然後店員會來開蓋, 在雞煲裡點火, 炒香雞塊, 再加入麻辣醬料(辣度可選), 再煮滾, 就可以開動啦～ 香噴噴的麻辣味道令人未吃都已經流口水啊！吃完啖啖肉的雞煲後, 可以請店員加湯底, 再加點其他火鍋料, 一個麻辣火鍋就出現啦! 和芝士雞煲不同的是, 麻辣雞煲沒那麼易膩, 能吃得更多更多。。。特級雪花肥牛, 色澤和雪花分佈都非常漂亮, 口感柔軟有牛味, 讚!手打五寶拼盤, 有牛肉丸豬肉丸鯪魚肉丸蝦丸墨魚丸各二, 粒粒彈牙, 墨魚丸為最。豆腐, 好大一份。紅薯粉, 總感覺麻辣就應該配紅薯粉, 哈哈。溫馨小提示, 加湯底的時候我們都有注意著清湯/麻辣湯間隔著地加, 但麻辣火鍋還是會越煮越辣, 不能吃辣的朋友請考慮自身接受程度。

前幾日同朋友喺長沙灣附近睇戲，睇戲之前就去咗呢一間鋪頭打邊爐，嗰日都幾凍。知道佢啲雞煲都幾好食所以來試我哋叫咗小辣嘅火焰麻辣雞煲，啲雞好肥好大件，而且裏面好多洋蔥，麻辣味亦都好足夠，好快我哋就食晒個雞煲之後叫咗唐山菜，炸響鈴係即時炸嘅，非常之鬆脆。仲有叫咗日本廣島蠔， 非常之新鮮甜美， 生蠔味好香濃。仲有叫咗一個四拼餃子，裏面有粟米餃子，韭菜餃子，鳳城水餃，仲有雲吞，四隻餃子材料都好充足好大件好新鮮，尤其是係鳳城水餃特別好食。食完之後熱辣辣咁樣行出去都唔怕凍，然後去睇戲lu

天氣凍凍地，好想食雞煲！諗起芝士雞煲就好想食米走雞🤣🤣黃金芝士雞煲維持一貫水準，芝味濃郁同雞件大大件！兩個人叫左最多芝士既份量，一人一件食下食下已經好飽，好滿足！不過雞煲之後當然仲有火鍋，兩個人傻左雞煲之外叫多左成8份食物🙈🙈（生菜，油墨菜、生蠔，脆炸響鈴，凍豆腐，稻庭烏冬，蟹子丸同wasabi墨魚丸），本來仲叫埋肥牛，好在佢見我地叫太多hold住左🤪🤪生蠔同wasabi墨魚丸好有驚喜，生蠔有手掌心咁大，食落好有蠔味（$88真係好抵！）wasabi丸就好開胃，飽極都想再食！