影片
如果唔係落大雨加上我肚仔唔舒服趕時間返屋企，仲要路過聞到香噴噴豬扒味，我真係唔會選擇米線陣，我本身對米線陣完全無興趣。見黑衫疑似主任後生仔都十分熱心幫助顧客，下午茶時段幾乎一腳踢。不過態度及說話有點輕挑，而禮貌及笑容有待改善。自助酙冷熱水，自助取餐具碗筷，自助QR code落單而且每次要收取手續費呢！蒜泥白肉⭐️⭐️蒜泥美觀幼滑真蒜泥，不是馬虎求求的蒜蓉，值得一讚。蒜泥紅油一流，最敝白肉偏乾略鞋，皮不彈滑、肉不鬆軟。大汗雞翼⭐️⭐️大汗的炸雞翼真的有點嗅嗅地，不喜歡孜然的獨特味道，其實炸得皮脆肉嫩新鮮出爐，食得過的！涼拌萵筍絲⭐️⭐️⭐️爽脆多汁但不夠涼快，輕輕麻油香，咸味較為突出。日本溏心蛋⭐️⭐️界得歪歪斜斜崩缺不美觀，醬油味太重掩蓋蛋黃甘甜味道。櫻花蝦豬扒麻辣番茄湯米線⭐️⭐️煎豬扒有誠意，不是茶記掉去炸爐自生自滅！鬆得有點過火過腍，上海式的甜醬油醃味有點濃濁膩滯。米線平平無奇，略腍略濕不夠嫩滑彈牙。番茄麻辣湯甜番茄味特濃，只嚐到一丁點麻味辣味。豆卜墨魚丸招牌番茄湯米線⭐️⭐️清新番茄湯配米線可以的，邊啜米線邊飲湯舒服的。豆卜索湯香口清甜，墨魚丸細細粒嚥韌帶腥。
繼續閱讀
第一次來食 唔知道店內吖姐講嘅所謂「我啲碗碗麵都有芫荽」穩陣嗌豬骨湯 結果成碗都係至憎的芫荽 既然要用二維碼落單 梗係要講清楚碗米線有d咩 隻字冇提芫荽 更沒有選擇剔走食材的選項 請問係咪默許所有人都可以接受芫荽？？？唔係話唔可以有，尊重所有喜好，但作為連鎖餐廳至少比返完整嘅資訊食客吖！唔該比個機會我啲d「少眾」唔食芫荽嘅人食到一餐可以接受的安樂茶飯未完 d 雞肉緊大陣噏味 又硬 真係頂唔順 同譚*/ 三*比真係差天共地絕對係我食過最難食既米線！
繼續閱讀
睇左好多食評都係劣評，但午餐時段又有好多學生排隊嘅米線，咁係好食定唔好食呢🤔，經過過好多次，亦卻步左好多次，企喺門口睇左好耐餐牌，思前想後食乜好呢🤯今次終於行左入去⋯⋯外賣嚟講⋯今次選擇有驚喜，竟然比我想像中好的！叫左個酸辣粉：轉左薯粉～口感煙韌👍🏻配料豐富，五花腩、炸菜、花生、芽菜、鹵蛋、芫茜，湯底又夠酸⋯正！！！仲有足夠湯俾你加，我只倒左半碗湯，一路食⋯一路加湯午市仲有杯熱飲送#我應該揀啱左最穩陣之選
繼續閱讀
經過突然間想食米線，諗住主打米線應該唔差落單唔使5分鐘就送上枱，見到得一塊腐竹，心唸應該唔會咁孤寒啩🙁摷下個底，真係只有一塊腐竹，3-4件雞肉腩肉有6-7片，薄如紙片😖整體來講，有其名叫米線陣但完全冇米線之神髓😫凍檸茶$2⋯⋯反而有濃郁茶香😍真心唔會再嚟食☹️
繼續閱讀
午餐，叫了一個炸醬蕃茄湯米線，圖片如下：一碗只鹹蕃茄味淡無的雞精水，配上像被人食了一半的米線拌上半熟的芽菜，這片經歷滄桑的爛蓉蓉腐竹。上菜時，我呆滯了。看一眼廚房又看一眼這碗，你們都好意思端出來？片刻，我忍無可忍向侍應查詢一下這碗東西，侍應的回覆如陳述鐵一般的事實。侍應：對，腐竹只會給一片，蕃茄湯就是這樣，你想點。我：（無言）那給我多點蕃茄吧。。。吃了數次的我，竟沒發現原來腐竹只有一片，每次食到兩三四五片全是彩數。這蕃茄湯賣點不是蕃茄酸甜味，是如清水火鍋吃的鮮味，雞精味精都是鮮味。米線之所以少，是符合現代文化——惜食，怕顧客浪費的話就給少點，既符合惜食又有成本效益。當然侍應的確如實回應碗內有什麼，因為真的只有這些。如這樣的話，我確是怪不得你阿。侍應的態度，我也不是嚴人寬己的人。當時我看到這東西只有呆滯也顧不上禮貌，當他給我內裏凍蕃茄時，我也沒說謝謝。內心只想，草草食完，喝杯水，壓壓驚，回到現實。
繼續閱讀