米線皇后 (已結業)

話說我男朋友有事要住院(法國醫院), 去探佢就當然要買啲野食啦, 見到最近係哩間皇后米線, 即管試下。想買兩碗米線，一碗清湯一碗酸辣，再加一個口水雞，竟然寫三次都可以寫錯!!! 好啦終於有得攞，又竟然唔比餐具我! 搞到要好尷尬地問醫院姑娘借...最後得個匙更（成碗用個更食）終於有得食, 一開，我頂，酸辣變左麻辣，完全無酸味，入面個豬軟骨係豬硬骨，竹生得兩條。到我男友嗰碗，清湯正常，但個餃子梅嘅。個口水雞先係重點，真係從未食過咁難食！！！ 個汁完全無味好似食緊油咁。三樣加埋123, 貴過譚仔，早知食麥記好過! 食到一肚火Ps. 幫女朋友留言

較早前之太空船甜品店原來已悄悄結業， 內膽裝修完全承接之前、 但換來180度的轉變風格轉來便是隨街可見之米線舖， 對於九龍城的居民來說米線店可謂較為少見、 近幾條街亦都只不過好像有米線舗， 所以此舉店子老闆可說是睇準目標而落地。。。簡單的要來兩個餸茄米線, 誰不知侍應阿姨竟誤聽腩肉落單奉上在枱前， 看上情景當然要急急告知、 無可厚非一個接一個下將本呈上靚靚麵交回入廚房中 ，翻摷覆摷之下執拾好原本之腩肉、加回顧客要求牛腩繼續派遞回枱上， 便是現在看到的麵線~(碗)確實是甚大的, 只不過內餡之米線與餸無一跟同比例、 換回來的牛腩零零碎碎的大概有五至六粒， 咀嚼度當然是要的幸好牙齒還是咬得開、 【不過份量應多回少少,】如果是大食之人又或者較為肚餓， 這碗麵線就未免不能應付~整體來說味道尚可只是內餡實屬較少,米線對於九龍城區絕對是一個稀有品種、 用來止一止心癢未為不可、 但就未必再有回頭思念。

九龍城終於開咗一間米線店，一直都很想試，米線味道正常，泡椒鳳爪完全不是那回事，肉質太淋，完全沒有味道，很難食，水果茶味道OK，整體來說味道算中規中矩，整體來說有待改進

去到九龍城，除左食特色泰國嘢，潮州嘢，都會幫襯下茶記，偶然機會見到呢間米線皇后，被門口水果茶招牌吸引了，便入内試試，我們一行4人，細枱已坐滿，伙記叫我們上樓上雅座，一上到去，好似去左太空，樓下裝潢以白色為主，樓上牆壁以藍色星空設計，好特別。米線好大碗，蕃茄湯底唔酸，皇后水果茶好大杯，兩個人都夠飲，嗰支匙羹义真係好特別，夠長可拮水果食，服務員殷勤有禮，我們本來每人叫一杯皇后水果茶，但服務员話可叫2杯share, 咁為顧客，下次會再來。

又到返工既日子…lunch time梗係都要去搵下好野食九龍城區除左連鎖果幾間米線舖頭…呢間係只此一間咁多舖頭分上下兩層…lunch time黎都唔洗等好耐位有唔同湯底揀…辣酸辣淸湯蕃茄湯…配米線or紅薯粉配料都好多選擇今日就叫左酸辣湯米線加墨丸豬肚絲本身米線裏面就有酸菜…韮菜…腐皮…莞茜…木耳…仲有比較少見既藕片…基本配料都算豐富…藕片都幾爽口BB酸辣唔算辣…但亦保持風味…同事就叫左蕃茄湯…評價就係唔似用蕃茄膏溝出黎既加兩款配料埋單四十五蚊…合理

米線無餸要$29, 最平/普通嘅餸都要$7, 我叫咗個腩肉($8) 同 鮮蝦雲吞 ($9), 其餘望到嘅餸絕大部份都係打邊爐嘅料，但有啲異常特別嘅選擇，例如秋葵。我個酸辣薯粉湯底非常一般，雲吞得兩粒，而且似急凍買而唔係自己包！仲有，薯粉個樣個樣係透明嘅米線，我朋友話，你個瀨粉嚟㗎下話，我話係薯粉，誰不知食落去，真係同瀨粉一模一樣。朋友叫咗個過橋米線($58), 竟然一個人食得曬，我望下隔離檯兩個女仔都係叫過橋米線，都係食曬，份量可想而知！凍飲加$9, 最後埋單我個兩餸米線加嘢飲居然要$55, 九龍城舊區嚟講真係一絕！