米線皇后 (已結業)

小妹平日在金鐘上班💼 剛好最近公司附近新開了一家米線皇后，試過他家的皇后酸辣湯底便時不時都想吃。在openrice見到原來九龍城也有分店，決定週末去試一試。星期日的晚上七點，店裡半滿，找了一張二人座位，便開始點菜。和金鐘分店不同的是這裡的酸辣是有不同的辣度可選，不是太吃得辣的我這次選了BB辣，以下是我的選擇：皇后酸辣薯粉ᴴᴷ$29➕魚腐ᴴᴷ$8➕大腸ᴴᴷ$8➕蓮藕片ᴴᴷ$7➕皇后水果茶（凍）ᴴᴷ$12 這個配搭我自己就好鍾意，魚腐好鬆軟，裡面有好多洞，整個空間都充滿住湯底；大腸裡面還有肥脂，🤤🤤咬落好香；蓮藕片够爽脆，配本身有的芽菜酸菜很搭；BB辣的酸辣湯底最適合和我一樣是不太好辣的朋友仔，因為酸度比辣度多，比例剛好好開胃；薯粉夠幼身又爽口。水果茶非常不錯，茶味不太濃，沒有苦澀味，甜味更出，食幾口酸辣薯粉後，再吸一大啖冰凍甜茶，辣氣全消！下~~舒服曬！男友就點了以下配搭：番茄湯底的出前一丁ᴴᴷ$32➕魚腐ᴴᴷ$8➕貢丸ᴴᴷ$8➕西生菜ᴴᴷ$7➕鹹檸七（凍）ᴴᴷ$12 我試了一口，番茄味尚濃，不過還是喜歡食薯粉或是米線，公仔麵都是在家宵夜最好呢！😝鹹檸七夠冰凍，鹹檸再多一點口味更佳。另

最近睇延禧攻略睇到洗曬腦，喜歡了很有氣質的富察皇后！看到這間米線皇后就衝左入去想食也😂😂看看餐牌有5款湯底選擇，3款係辣有2款唔辣呢個皇后12宮女好吸引呀，有12款野食好豐富咁就決定叫皇后12宮女😝叫既時候侍應姨姨同我講可以叫下午茶既ᴇ餐，話一樣的仲有餐飲送，姨姨很好人呀呢個下午茶牌好特別，有2個ᴜsʙ位係可以叉電，岩曬成日無戴流動差電器的人使用皇后過橋米線 $58又稱皇后12宮女，有邊12個❓餐牌上寫了它們的名字，如小白就是白魚蛋...等我介紹呢12個官女啦🤓12個官女中有5個是小食來的，包括了小葵-芥茉秋葵、小青-香麻拍青瓜、小思-麻辣豬肚絲、小胖老薑豬軟骨和小香-香煎餃子！由於小香請左假，所以就無左小香😂，有多份小胖。小胖老薑豬軟骨好入味好夠薑，仲好煮到好軟身😚而其餘的7個宮女就係小巧-巧手鮮蝦水餃、小白-白魚蛋、小珠-鮮豬潤、小翠-翠綠時蔬、小玉-台式肉燥、小豆-軟滑豆卜、小佟-原木冬茹😆湯底我就揀左秘製辣味既ʙʙ辣，ʙʙ辣岩曬我呢啲想食下辣又怕過辣既人食😆薯粉、豆卜、生菜吸曬湯底既味😍正呀正呀我哋仲叫咗川味口水雞小食，呢個口水雞令我流曬口水🤤雞很嫩滑👍🏼呢家流行水果茶，呢度就

由旺角吃到九龍，我們今天選擇到九龍城吃皇后米線喔。只是看名已經很創新，巨量級過橋米線12宮女米線套餐，叫人不能不快一試呢。店員的服務很好，而且會細心的幫忙下單，感覺窩心。推薦：川味口水雞麻香又充滿辣勁的食物浮現腦海的就是川味口水雞，感覺出辣椒油的香，花椒粉之麻辣呢。川味口水鸡不仅好吃，而且份量也很多及肉質非常棒，不是一般的肉呢。推薦：香醋老薑豬軟骨豬軟骨 腍得入味，入口即化，入口腍滑，肉香脂香兼備。重點推薦：十二宮女米線香煎餃子、芥茉秋葵、麻辣豬肚絲、香麻拍青瓜、巧手鮮蝦水餃、白魚蛋、鮮豬潤、翠綠時蔬、台式肉燥、軟滑豆卜、原木冬茹、香醋老薑豬軟骨等十二個小菜便是十二官女，而湯底又有多款選擇，如：招牌手工蕃茄湯、川味麻辣湯，自選各式皇后湯底之辣度可自選不同程度的辣度由於公眾假期人太多，有些好吃的小吃就沒有出呢，例如：皮蛋豆腐、香煎花枝餅，下次會再吃。所有食物都很一個很好的名字，實在創新，而飲品方面也很有特色，當然也不能錯過套餐，因為算上來都是３０左右就有一個下午茶呢～必食巨量的米線，因為份量真的很多呢。 PRINCESS

九龍城除了泰國菜外，其實還有很多選擇，這次就來吃米線。 餐廳已經開了一段短時間，裝修開揚，感覺乾淨。 最貼心的是，每張餐枱都提供充電座，還有供線可借，服務超貼心。 皇后湯底共有5款選擇，當中較受歡迎的就是皇后酸辣湯，每碗HK$29，而配料價錢由HK$7-9/款不等。我點了招牌手工蕃茄湯配墨魚丸、竹笙及豬肚米線。米線大大碗，份量多，湯底由原個蕃茄炒香，再加入鮮豬骨清雞湯煮成，味道酸甜清新，蕃茄味極度濃郁，而湯內還有韮菜、銀芽、腐皮、豆卜、雲耳及蓮藕片等配料，令口感大大提升，非常豐富。豬肚爽口，墨魚丸彈牙，竹笙吸引了滿滿湯汁，非常入味，配上滑溜米線，推介。朋友點了皇后12宮女過橋米線，內裏包括12款菜式，包括魚旦、豬潤、豆卜、鮮蝦水餃、香煎餃子、台式肉燥、冬菇、拍青瓜、秋葵、豬肚絲、菜及老薑豬軟骨。 當中以台式肉燥及老薑豬軟骨最美味，將肉燥加入米線內，湯底會多一份肉香及油潤感，而豬軟骨帶有淡淡薑，脆脆的，咬口十足。小食點了3款，先來腐皮浸菜苗，送上來時，店員已經於菜苗上加了蠔油，所以味道有點鹹，個人認為若將蠔油換成肉燥汁，味道會更好。鮮蝦韮菜餅共有3個，新鮮炸起，口感香脆，內裏餡料足，鮮

九龍城出名食泰菜潮洲菜，要搵間米線鋪係真心難，今日去左呢區電頭髮，一坐就已經4個幾鐘，餓到暈！米線皇后就係隔離街，見舖內都幾多人，二話不說就入去啦！由於太餓關係，2個人叫左2碗米線加3個小食，呢度米線韮菜、芽菜、腐皮、豆卜 、蓮藕片，配料都幾特別，另外每台都有辣蘿蔔，唔夠辣可以自行加料（貢丸，鮮牛肉）川味麻辣湯~貢丸係爆醬兼噴汁，牛肉新鮮既，湯叫小辣，唔夠辣就自行加辣蘿蔔！（大腸，豬軟骨，墨丸）皇后酸辣湯~ 鹵水大腸好入味，湯底唔會太酸韮菜餅~呢個超好味，個皮好薄包住滿滿既韮菜，仲會有隻蝦，增加左口感麻辣肚絲~豬肚絲好似有鹵過，食落有少少甜，麻辣應該後加，食落甜辣咁好入味 腐皮浸生菜~生菜同腐皮用上湯煮過,再加埋蠔油，有別於一般既時菜水果茶~水果茶材料好足，有西瓜，菠蘿，藍莓，百香果，紅肉火龍果，茶底唔錯，亦唔會好甜，重點叫米線加12蚊就飲到真心欣賞小店既努力

星期六下午大概十二點半走過，見到有空位加上我自己都係唔係先嘅擁躉，就走咗入去，估唔到食米線都可以中招。 我同太太都係食酸辣味嘅米線，湯底一啲都唔酸，我叫咗南肉同雲吞我太太就係食大腸同腐竹。 第一，湯底一啲酸味都冇淨係死辣 第二，配菜相當相當之少 第三，我極度懷疑係買返嚟隨便放落去 第四，上菜嘅時間差唔多要成半小時，而當時只有幾台客人 咁嘅廚藝都咁開舖，而家啲人真係以為改個好名裝修靚啲就可以做生意嗎？ 呢幾日經過五六點嘅時候佢都冇乜客人，係咪應該自己檢討一下，另外我哋有叫一個口水雞，真係相當難食，希望佢哋都會改善一下！

同事成日讚尼間米線皇后，今日就去試下。我最愛吃酸辣，加小辣，本人覺得冇譚son 甘辣，但都幾惹味！配菜多，有少見的藕片，薄薄的，好爽囗！我叫左豬膶，好薄，不過不失。老公叫左麻辣米線，中辣。佢話不是好麻，又不是好辣。配埋生牛肉，幾厚，好味！下次食下午茶，抵D，有餐有野飲！

食個麵有得叉電，哈！鮮豬骨清雞湯薯粉 $29老雞豬骨煮成，算老火啦，但唔會咸！每碗都有韮菜、豆芽同木耳等等！$7 金菇 金菇有半舊啦，可以配辣湯好d！$9 竹笙 鮮牛肉竹笙幾大條脆脆聲，幾好，無粟味！鮮牛肉雖然唔係好林，但份量誠意救返一口。招牌手工蕃茄湯薯粉 $29酸酸開胃，話用一個蕃茄炒過出味而成，有蕃茄肉，可以加不同度既辣。依度既薯粉似食緊賴粉，可以叫少米線/薯粉。$7 生菜 魚蛋魚蛋幾大，魚蛋好味過墨魚，哈哈！$8 墨魚丸比魚蛋實肉。$9 手工水餃似雲吞皮咁，入邊係蝦肉同木瓜絲，爽口為主。用皇后價加配鮮蝦韮菜餅 $18依個幾香口好食，用兩片薄粉皮包住韮菜同蝦用。外邊炸，內面韮菜足味，蝦少個彈牙！腐皮浸菜苗 $20腐皮都幾夠，滑滑薄薄。唔係菜苗，係生菜蠔油，菜都應該有半個到ok！紅油抄手 $24大粒肉，可以食下，幾辣下！水果茶 $12有紅火龍果 西果 百香果 藍莓，茶底好濃微甜！有個小叉子用嚟吉水果，幾甜心得意。熱西洋菜蜜 $14好少飲，好似蜜糖水咁。

依間餐廳，一入去就感受倒佢嘅用心，同埋佢嘅服務態度幾有質素，真心未去過一間米線舖頭咁有賓至如歸嘅感覺。入到去再睇下個餐牌，嘩，個價錢都ok ga wo，咁我地就叫左個皇后米線，改薯粉（侍應會細心睇你想要薯粉定係米線），一上枱，嘩，碗野大到呢👍👍，一個字，正，仲唔止，仲跟餐有六個小食，依啲小食就啱晒我依啲乜都想試吓，但又怕晒野嘅人，少少地，乜都有啲就最岩咖啦。你唔好睇少果啲小食，真心好食，尤其糖醋排骨，豬肚，青瓜，肉碎醬，真係好味到震，糖醋排骨，好入味之餘又夠林，酸甜度調教得啱啱好。豬肚非常入味，啱晒啲食唔到辣嘅人，我哋仲叫咗啲小食，個口水雞都唔錯㗎夠晒辣，食唔到辣嘅就食香煎花枝餅。依個香煎花枝餅唔好講笑，我入去差唔多每一台都有叫到呢一個香煎花枝餅，你就知佢有幾好食啦，所以唔洗多講。野飲仲底有水果茶，都係12蚊，仲有其他唔同嘢飲俾你揀，例如有檸樂檸七等，同普通米線舖，根本比唔倒。仲有佢有埋wifi提供，再有叉電，問你服未？仲有，佢可以細心到有即用即棄圍裙，紙巾提供，一間米線舖，有星級嘅服務同食物質素，無得頂👍👍，仲有提供外買添。仲有環境多大，坐落去一啲都唔迫，同埋好舒服，有椅背，有得i住

同朋友在九龍城㧵完骨，想要輕食，朋友建議食「米線皇后」，話佢環境不錯可以坐多陣。可以揀左湯底再加送，也可以揀特色「皇后12宮女」即系12種固定的送。糸咪好有意思呢！鋪頭清爽，冷氣很足，坐得舒服，野飲仲做緊推廣，12蚊皇后價，估晤到咁大杯，水果茶解暑開胃，實在是不錯！點左兩份小食：炸花枝餅，大大塊，彈牙厚實，含有粟米粒，味道不錯。手撕雞：有少少麻辣，送米線一流，可惜雞肉老左少少。番茄湯底+薯粉，魚蛋，魚片頭，墨魚丸，十分豐富。麻辣湯底的系揀左米線，真的十分大碗，好滿足！加上少少炸酸羅卜，更好味。

見到米線皇后新開張，至今都有4-5個月了，今日終於有時間與先生一齊到米線皇后試嚇了。店內裝潢細緻優雅，看得出店主對顧客的熱誠，尤其是坐下後，見到枱面的米線皇后餐牌座上，有2個叉電器的位置，旁邊冩著(充電座)，歡迎使用，如須供線，請向員工查詢。現在是電器時代，每人都差不多手機不離手，店主爲顧客的設想周到，令我完全感受到店主的誠意。餐牌介紹米線皇后的自選皇后湯底，秘制辣湯:以20多種辣椒及香料泡制而成，辣中有味，一試難忘，及另招牌手工蕃茄湯:加入鮮豬骨清雞湯慢煮而成。我喜歡食辣，所以揀了餐牌介紹的米線皇后，先生要了鮮豬骨清雞湯米線。自選皇后湯底皇后酸辣米線$29加豬肚$8，鮮豬潤$9。配韮菜，銀牙，腐皮，豆卜，雲耳蓮藕片。湯底正如餐廳介紹，辣中有味，帶著雞湯的味道酸酸辣辣，米線軟硬適中又夠滑，極富口感，與酸酸辣辣的湯一齊食，十分惹味。配菜銀牙，雲耳蓮藕片都非常爽口。腐皮及豆卜吸收了雞湯湯汁，非常正。豬肚𢇁撈嚇撈嚇又一件，原來份量都不少呢，夠腍非常好味。鮮豬潤份量也不少，有5件之多，帶爽口，豬潤味夠濃。鮮豬骨清雞湯米線$29。加了魚片頭$9，腩肉$8。配韮菜，銀牙，腐皮，豆卜，雲耳蓮藕片。鮮

同花師奶（媽媽）去九龍城行街，同食米線～哩間米線好好呀，有好多蔬菜做配菜（韮菜、銀芽、腐皮、豆卜、雲耳、蓮藕片）食完都唔會覺得好邪惡，淨係配菜都好好味我食個酸辣（小辣）加咗腩肉、魚片頭：酸辣度岩岩好，腩肉係一舊舊，唔係一片片，魚片頭又夠彈牙花師奶食個秘製辣（狂辣）加大腸同魚腐：我試過少少湯，係好辣，食得辣既人，一定鍾意～大腸夠厚身，魚腐都大大粒！小食芥辣秋葵：一啲滑潺潺都無，不過芥辣味，就少咗啲水果茶：一啲唔會死甜，同入面既水果係新鮮水果，當飯後果一流

今日同朋友九龍城辦事，辦完事後順便搵地方食野。路過哩間餐廳「米缐皇后」，被佢門口個張水果茶poster吸引左入去。打開餐牌，見到選擇都幾多。主打米線有5款湯底可以揀：豬骨清雞湯，川味麻辣，酸辣，秘制辣湯，手工番茄湯。小食選擇亦不少。最後我地叫左：皇后米線，豬骨清雞湯底 $58份量很大，有12款餸，足夠兩人份量！米線本身質地唔錯，即使我地食完所有小食先食米線d米線依舊彈牙！湯底味道比較清淡，低鹽無味精，適合比較清淡嘅我！鮮蝦韮菜餅$18有3件，煎得香脆，有蝦有韮菜，內面的蝦都唔錯，幾好味！口水雞$30雖然我少食辣，但糸都幾鍾意哩個口水雞。因為味道辣得黎幾香，個雞件處理得唔錯幾滑，唔錯唔錯！芥末秋葵$20秋葵營養價值豐富，通常我都會叫。呢個秋葵味道清淡，單是點低部的是油已經夠味。而且價錢唔貴，值得推介！老薑豬軟骨$26有數件老薑和4-5件豬軟骨。豬軟骨都夠淋夠入味！鹹檸七$12 & 水果茶$12水果茶做得頗出色！水果方面有菠蘿，藍梅，西瓜，茶本身亦夠香夠膿而且不太甜！做得很不錯👍物超所值！總括而言，此餐廳食物質素不錯，實屬抵食之選！

又係屋企附近開飯既時候，其實係九龍城的確係冇乜米線店，所以見有米線店開就黎試下啦....呢度叫左甘多野食都唔過兩百，兩個人食到反晒艇呀！真係經濟之選！皇后米線 HK$58呢個係店既招牌米線，皇后米線配以十二宮女，即有十二款餸，包括有白魚蛋，鮮豬潤，豆卜，餃子，冬菇，麻辣豬肚絲，香辣拍青瓜等！口水雞 HK$30我最喜歡係呢碟口水雞，肉質鮮嫩，又不會太辣，仲比雞脾位我，都係賣HK$30咋！超值紅油抄手 HK$24呢度既紅油抄手皮係比較厚，肉係比較實，係比其他地方食到既紅油抄手不同的～芥茉秋葵 HK$20第二喜歡就係呢碟秋葵，整得唔錯，芥茉味好出，值得一試皮蛋豆腐 HK$22豆腐都好滑，醬汁令豆腐味道冇甘寡～腐皮浸菜苗 $20通常食野都會整返碟菜食下，呢碟菜仲可以滿足晒兩個願望，又有腐皮又有菜，腐皮好滑, 唔錯水果茶 米線加配HK$12爇菜蜜 HK$12呢杯大大杯既水果茶，叫米線加配都只係加HK$12, 同樣水果茶係Cafe 叫成五六十蚊呀！飲落同樣清新！雖然味道不能稱得上超好味，但的確係非常經濟之選

今日一早去九龍城做facial做完之後超肚餓可能今朝未食早餐同frd 子求其揀左間麵舖見佢入面幾多人我地估應該唔會差瓜同埋佢個menu幾funny ...十二宮女😂😂咩玩法呀...我見到入邊有小櫻同埋佢個friend知世平時食得x哥多試吓新野都唔錯服務員帶咗我哋上2樓去左宇宙食lunch係自己揀返要食啲乜嘢我叫咗個水果茶不過都係第一次見水果茶入邊係有西瓜嘅因為我唔食西瓜叫咗個腐皮浸菜苗點知原來啲菜係呢種菜好似怪怪的終於個主菜嚟啦就係米線嗰碗米線係超級大碗你睇吓個米線同個菜嘅size超大對比我朋友叫咗酸辣湯.. 我叫咗豬骨湯其實碗野好足料啲餸全部都係有三至四件除左午餐肉... 但佢係厚切嘅整體味道都唔錯但對女仔來講實在係太大碗另外帶咗兩個小食煎韭菜餅同埋花枝餅味道唔錯唯一就係有啲油膩