米線哥 (已結業)

首先經開飯平台落order外賣自取有8折，叫了一份大嚿米線套餐，加埋凍奶茶先$62，碗面大到兩個女人仔share都食唔晒！好抵食！大嚿米線裏面有：豬肉、牛肉、雞肉、豬膶、微辣肉燥、魚旦、牛丸、魚片頭、芝士腸、火腿、豆卜、蘿蔔、生菜、酸菜肉碎及飲品，凍飲仲唔做加$2添。今次order咗巴蜀酸麻辣湯中辣同凍奶茶少甜。酸麻辣湯底同X哥味道都幾似，中辣冇X哥嘅中辣咁辣，我仲自己加咗好多麻椒油。凍奶茶味道正常！總括嚟請，我會再幫襯外賣！1.價錢實惠2.份量好充足3.味道ok4.環境睇落乾淨5.門口可以停到一陣車，極速攞外賣

放工時間來到米線哥，今次係我第一次食呢間餐廳。我地食咗咗藥膳麻油雞湯米線同巴蜀麻辣米線！藥膳麻油雞湯米線係無需揀餸的，佢本身就有紅棗、蟲草花、雲耳同雞。我本身以為佢係台式嘅麻油雞，原來佢係雞湯，上面加左麻油，即係有點似出前一丁麻油麵嗰隻味。而雞呢，就係無骨的，應該係雞扒肉。呢個價錢嚟講算係咁。巴蜀麻辣米線反而有驚喜，因為從來都未聽過呢隻味。食落去酸酸地，加埋麻辣味，都幾醒胃架，呢碗係自選配料！我覺得最值得推介的反而係小食，今次試咗炸雞軟骨同炸雞。上面潵了孜然粉加辣粉，應該係店鋪自己調配的。炸得好脆，而炸雞肉都仲係有肉汁，我會因為呢兩個小食而encore。

This restaurant has been recommended by my friend few times, finally we tried tonight! I ordered turnip, mushroom pork balls and enoki mushroom mixian noodle in spicy soup (hot level 3 out of 5). It was in enormous portion! 😂😂 For sure fill you up! Turnip was soft and juicy! Absorbed all soup🤭 mushroom pork ball tasted different from the usual big store bought one. Not bad and tender. Enoki mushrooms were served in big chunks which a bit difficult to eat and chewy. It would be nicer if in smalle

天氣濕濕凍凍，又嚟食碗藥膳麻油雞湯米線！上次嚟試咗新推出嘅胡椒豬肚雞湯米線，胡椒味夠辣，配雞湯一流，差不多飲哂成個湯。今次又食返藥膳麻油雞，雖然唔係台式麻油雞，但味道同配料都好正。米線配菜有蟲草花，圓肉，杞子，金菇，雲耳，紅棗及雞髀肉。湯底夠熱，感覺好補身，尤其呢種濕寒天氣食，連湯飲更加覺得好正！雞髀肉滑身無骨食落方便。另外叫咗個小食香辣炸雞，叫米線加配$20，炸雞香口無骨，辣味夠濃。朋友叫個巴蜀酸辣湯，湯底香濃夠味比起連鎖店好味好多。凍奶茶不過不失最後要讚一讚小店用紙飲筒，十分支持環保。

新年將新，相信有很多朋友仔會去太子花墟買年花，懶得走太遠加上天氣凍凍地想順手食碗熱辣辣既米線，呢間米線哥絕對會係個唔錯既選擇。入座後簡單地scan檯面上一早準備好既QR code 單張，輕鬆落單，由落單到上菜不過5分鐘，絕不拖泥帶水，效率十足，講真呢間野隻隻米線都勁大碗，如果你兩名女性黎一碗都夠2個食。（隻羹係正常匙羹，可想而知幾大碗）咁多種米線中推介藥膳系列，就如圖中既藥膳黃油雞肉米線同另一隻豬肚米線，由飲湯果一刻起你已經感覺呢碗湯絕對會一滴不留，因為個湯真係好好飲，雖然油左d但話明藥膳應該唔死得人，所有配料都熱辣辣絕對唔係求其就咁放d凍冰冰既現成料上米線面就出。係落單時有大量選擇，可以預先睇到所有材料什至全部都可以走晒佢得番碗米線同湯底，米線方面仲可以選擇淋米線，滿足所有煩L既要求。小食方面有大量麻辣類如豬耳，豬肚，木耳等等，但大家絕對不用擔心太辣食唔到，辣度點到大辣都唔太覺得辣，可能藥膳湯底的油保護了我不過不足的是…勁細碟，完全不及米線方面那麼大方，什至是小氣程度，不過味道方面還是很不錯。推介香辣炸雞，外香內軟仲有肉汁，果一刻覺得好食過KFC，仲要出奇大份。飲品反而差d，不過反正

太子真係有好多米線舖🥹 今次就嚟到米線哥試吓 餐廳內座位唔多 我平日兩點半去都有幾多空位👍🏽-胡椒豬肚雞米線 $58米線淋得嚟入面有啲煙韌 有啲難咬😩 但個湯好夠胡椒味 唔會太鹹 唔算好油👍🏽 個豬肚同胡椒好match 豬肚都幾有咬口 當然可以再爽啲😂😂 雞就同個胡椒湯無話特別match 不過個雞就好多同好大舊 幾滑👌🏻 個湯另外都有蟲草花 杞子 腐皮 芫荽 雲耳等🥹-米線哥炸雞 $20新鮮炸起🥹🥹 炸粉唔算好厚 好脆 入面勁滑+juicy❤️‍🔥 $20 5舊都算幾抵食 另外仲有辣味揀-呢間不過不失 胡椒湯幾特別 期待下次試其他附近嘅米線舖👀

我到取胡椒豬肚雞米線同另外兩碗其他米線，返到屋企，發現我碗野冇豬肚，真冇癮了。其實係咪我應該打電話俾佢地叫佢送返俾我呢？還是我自己攞返轉頭加返啲豬肚好呢？請店主說明一下

當子係太子行街，完全諗唔到食咩點知比我發現到米線哥我之後可以多個地方食米粉啦🥰大家都可以試下 吸洗成日都食連鎖店 試下高質既米粉.今次叫左兩個麵，兩個小食❇️雞肉豆卜麻辣湯❇️腩肉酸辣湯佢既麻辣湯同酸辣湯麵好入味，麻辣真係有麻既香料喺入面腩肉係比較簿身既 一片片 肥瘦分明而雞肉唔會好鞋口.❇️炸雞炸雞既粉漿好薄，整到一層薄薄嘅脆皮，然後入邊好嫩，多汁👍🏼.❇️蒜泥白肉上面勁多蒜，加埋食勁正.❇️新鴛鴦

食得多譚仔米線，又想食米線，又唔想成日重複，見到太子有間米線專門店，就走入去試下個米線🍜湯底唔錯，有麻辣的香味，另外豬頸肉好入味👍👍有驚喜，而且價錢比較平民

想搵間好食d既米線真係要花d腳骨力🫠搵唔搵到傻，見有人推介呢間小店，都想試下係咪真係咁好食。胡椒豬肚雞米線$55湯底飲落幾鮮甜，有淡淡既胡椒味但唔嗆喉，米線煮得唔錯😋爽滑煙韌，時間控制得岩岩好，食得出唔係來貨濕米線。豬肚同雞件份量都好足，雞件無骨岩晒唔鍾意有骨既朋友仔。杞子食到有少藥材酒味，幾香😋，仲有蟲草花、木耳就配菜。整體味道唔錯，份量充足，價錢大眾化。APP落單幾方便，試菜速度都算快，5分鐘左右有得食😊，而且食物熱度幾足夠，鍾意食米線既話不妨試下。

lunch想食米線，黎左米線哥食下。叫左碗肉醬木耳味噌米線，米線有配料芽菜&腐竹&海帶，腐竹夠淋好食。湯底揀左味噌，微微辣，味噌味道唔會過咸，米線份量都好足夠，肉醬味道食落有香菇味都 ok, 不過就比較碎，感覺較油。至於木耳份量都算幾多。呢間採用電子落單操作，落單5分鐘米線就上枱都幾快，至於米線可以選軟硬度幾貼心，讚2個餸埋單$40算抵食。

🔸藥膳麻油雞米線湯底藥膳味唔算太重，麻油香味幾濃郁👍🏻 雞肉大件足料又唔會鞋烚烚👍🏻 仲有蟲草花同桂圓肉，係一碗幾特別嘅米線🍜🔸新疆湯底米線新疆湯底似譚仔三哥嘅煳辣湯底👍🏻 配料揀咗蘿蔔、米線哥辣香豬頸肉、微辣肉燥🍜 豬頸肉好入味，值得推介💯 但蘿蔔唔夠淋🥲 肉燥普通啦，鹹咗少少同埋唔算太辣

講到食米線我諗大家都係諗起譚仔三哥呢啲連鎖式，唔係話佢唔好食嘅不過食得多都開始有啲悶見佢門口寫住堂食限定嘅米線就入去試試啦胡椒豬肚湯底黑椒胡椒味好重非常惹味湯底應該係用雞湯，分量配料都唔錯，不過雞肉就應該係用雞俾肉起骨，比較淡口冇乜味藥膳麻油雞米線麻油味都幾重，湯頭都好濃，不過都係堂上一碗雞肉一樣冇乜味咁樣，但湯頭係好好味嘅，雖然飲咗好似有少少味精味，但係之後都唔係話好口渴我諗係我諗多咗啦蒜泥白肉同埋炸雞軟骨蒜味濃郁不過略嫌唔夠辣，雞軟骨就揸得有啲麻麻，乾乾哋亦都份量唔係好多細細粒咁總括而言價錢性價比OK嘅，成日食譚仔都悶啊試吓其他都好呀

旺角太子最多米線店選擇，經過舖頭前面，發現一間乾淨企理光線充足的米線店。一入內兩排座位，整齊舒適。打開餐牌，發現除咗傳統麻辣酸辣款式外，仲有藥膳米線及店舖推介的胡椒豬肚湯米線。我自己比較喜歡飲胡椒豬肚湯於是就叫咗一個。入面材料有雞，腐皮及蟲草花。先試一啖湯，好醒神，濃濃的胡椒味混合雞湯，雖然有啲辣、但滋味無窮。食一陣我已經全身出汗，如果冬天食一定暖笠笠。不過雞件就不太嫩，有點硬身，希望可以改良一下。整體上呢個湯底真不錯😁

米線哥係我經常都會幫襯嘅餐廳基本上每個星期都會最少幫襯一次。通常我都會嗌佢嘅小窩米線加兩個餸。我最欣賞佢嘅豬潤同埋泡菜。我鍾意佢嘅豬潤夠晒多汁亦都唔會有蘇味，以至於泡菜就係有少少辣辣地好爽口，非常之好味。佢辣我通常都會揀麻辣。因為麻辣比較香口佢亦都唔同其他嘅米線舖頭，湯底來講佢唔算好油，屬於比較清，嘅所以就算食完成個米線都唔會覺得好濟。推介大家有時間可以去幫襯下。食過佢既藥膳雞米線，濃郁美味，推薦大家食下！