影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
最近我發現灣仔有一間米線店，每逢午市總是大排長龍，於是我放工就去試試，看看究竟有什麼特別之處。一進去，店員親切地招呼我們，讓我感到賓至如歸。我還發現椅子上有收納手袋的設計，並且提供圍裙，服務真的很細心。坐下後，店員送上自家製的泡蘿蔔，味道酸辣，清新開胃，還可以無限添加，真是讓人驚喜。我點了「牛魔王小鍋米線」，裡面有牛筋丸、麻辣牛舌尖、滷水牛舌筋和美國肥牛。作為喜歡吃辣的我，看到藤椒湯就已經流口水了。另一碗是酸辣金湯的米線，裡面有炸魚蛋和芫荽餃，酸辣的口感非常開胃，餃子包得十分精緻，原來也是自家製作，真是充滿誠意。這裡的所有湯底都是每天熬製的雞湯，米線在鐵鍋中即叫即煮，並且鐵鍋上桌，可以保持溫度，避免肉類變冷影響口感，米線的彈性也很出色。此外，我還點了兩款小食：惹味脆卜卜和尖椒滑嘟嘟皮蛋。惹味脆卜卜是豆卜，採用了炸臭豆腐的概念，炸得酥脆卻沒有臭味，搭配菜脯、芫荽和蔥，口感驚喜，真是人生首次吃到這麼鬆化的豆腐卜。而尖椒滑嘟嘟皮蛋則是用整條茄子盅煮爛，再加入肉碎燉煮，搭配皮蛋和尖椒，茄子的風味十分突出，皮蛋也Q彈，特別好吃。這兩款小食創意十足，在外面真的沒吃過！自從那天吃完，之後連續幾天的午餐我都選擇外賣回公司，真是食過返尋味。
繼續閱讀
我平時食米線都會叫差唔多七$80一碗，所以米線對我嚟講已經係必不可少咁香港已經有好多叫做米線關注組啦巧合之下就同朋友中環工作過嚟灣仔搵食。而今次接觸嘅呢一間米線呢？估唔到湯底已經加分，首先佢係類似過橋米線嘅嗰種利用個鍋底去令到米線係保持溫度因此佢嘅熱食令到啲米線係有口感，軟硬度適中，有彈性。米線雞湯嘅特別之處。顏色乳白均勻入口濃郁不黏喉。有膠紙感覺。眼見我嘅朋友已經將成碗湯飲晒啦有圖有真相。脆卜卜嘅豆卜個賣相好似平時街邊食嘅炸臭豆腐，成份野是幹身的，無醬汁。第一次咬落去外脆里香，搭配一些脆的類似蘿卜幹以及幹蔥。其實佢個配料底下亦都係唔同嘅口感脆卜卜嘅配菜。我有一個大膽嘅諗法如果食完個脆卜卜啦，將嗰啲配菜加落我呢碗雞湯米線裡面會更加好味呢？講埋另外一個小食啦，就係新疆雞翼，呢款雞呢比較乾身啲咁去配搭米線呢就會剛剛好啦。個皮呢夠脆，外酥裡嫩，醃得入味。而另一款小食呢比較令人錯覺因為通常米線的小食皮蛋都會係四川風味啦有啲紅油辣油啦然之後呢就會酸酸辣辣嘅，但今次嘅皮蛋呢佢係店主嘅推介，我最初被賣相以為是茄子，原來因為呢隻皮蛋個座底係用咗燒嘅尖椒，尖椒燉煮後，吸附肉碎醬汁味道，而皮蛋蛋白Q彈，如果稍微加酸加辣相信可以做小食前菜的一種。埋單200元有找，食得太飽完全無叫飲品。小食的出色又真系可以外賣平時當街邊小食。如果雞湯湯的配料另外可以加例如過橋米線的金華火腿，少少鮮味帶一點鹹味。相信更好飲。值得再黎
繼續閱讀
早幾日在灣仔經過，見到有一間新開業的米線店「米真鮮」，主打小鍋米線，一於入座試下先😁店舖裝修簡潔明亮，座位也坐得幾舒服🥰入座後，店員馬上端上自家醃製的白蘿蔔😉米線湯底有5款可供選擇，湯頭基底是雞骨湯🐔招牌牛魔王小鍋米線 $64手工藤椒雞肉丸 +$10這個米線🐮配料包括牛筋丸、麻辣牛舌尖、鹵水牛舌筋及美國肥牛，更加配了店家自家製的手工藤椒雞肉丸🐔，手工藤椒雞肉丸口感彈牙，藤椒味道超過癮👍🏻還有牛舌尖口感嚼勁，牛舌筋炆煮得彈牙🤗招牌雜錦小鍋米線 $68手工粟米餃 +$12這個米線配料有魚蛋、貢丸、牛筋丸、墨魚丸、蟹柳、紅腸、豬皮、肥牛及鹵水豬頸肉，非常豐富🤩也加配了店家自家製手工粟米餃，內餡有爽甜鮮粟米粒又好juicy🌽鹵水豬頸肉醃的入味，肉質柔嫩，正❤️我把米線 +$5轉了菜底，菜底有生菜、娃娃菜、椰菜、豆卜及蘿蔔，份量也不少🥬新疆雞翼 (3隻) $24即叫即做‼️雞翼醃得入味，外皮炸得香脆，內裡雞肉很嫩滑，而且還保持juicy，上桌時熱辣辣立刻吃，很讚👍🏻麻辣豬皮蘿蔔魚蛋 $28百吃不厭的豬皮蘿蔔魚蛋都沾滿醬汁🥰，味道香濃，辣得過癮🌶麻辣豬耳沙律 (半份) $12豬耳👂口感柔韌又爽脆，而且膠質豐富又不膩，配上麻辣醬汁調味🌶，十分開胃。
繼續閱讀
以前喺灣仔呢頭都係選擇食拉麵多，呢日經過見到呢間小鍋米線店，好有興趣試吓新嘢🥳豬八戒小鍋米線見到個名真係覺得好搞笑，呢個係餐廳預設嘅米線配料，有豬軟骨、豬腰、豬大腸、豬肝同埋滷水豬頸肉🐷 店員同我哋介紹呢度嘅內臟都係餐廳每日去街市選購，再經過處理就成為咗我哋見到嘅小鍋米線。我哋揀咗麻辣湯，味道都幾惹味刺激🍜 另外配料方面我哋仲額外加咗雞肝，食落口唔會有內臟嘅腥味。米線方面可以加錢要菜底，呢度嘅菜底唔係清一色一種菜，而係有娃娃菜、椰菜、唐生菜、豆卜同埋蘿蔔。牛魔王小鍋米線友人作為牛魔王，當然想試呢一個米線啦🤣 配料方面有牛筋丸、麻辣牛舌尖、滷水牛舌筋同埋美國肥牛。勁鍾意佢嘅牛舌尖同埋牛舌筋，兩款都炆得好入味☺️ 呢一個番茄湯味道都唔錯，配埋米線都幾掛湯。我哋仲額外加咗一份自家製嘅粟米餃，入面嘅餡料除咗有粟米同豬肉仲有紅蘿蔔㗎。小食♦️新疆雞翼有三隻或者五隻嘅選擇，雞翼夠晒乾身。♦️麻辣豬耳沙律呢個豬耳沙律幾清新，入面有芫荽、番茄、洋蔥同埋豬耳🥗♦️惹味脆卜卜本來睇個名都唔知呢一個係乜嘢，店員同我哋介紹佢係類似一款炸豆卜，配埋米線食幾特別。♦️韭菜鴨血我哋淨係嗌半份就有兩件好嫩滑嘅鴨血🦆 用上甜甜地嘅豉油，搞到我哋連啲韭菜都食晒。♦️尖椒滑嘟嘟皮蛋呢個用咗一個尖椒醬同埋茄子蓉製作而成，配埋皮蛋，好有川菜嘅特色。♦️炸魚蛋半份有六粒炸魚蛋，口感幾爽口🍥♦️炸墨魚丸呢個半份只有三粒🦑 但係每粒都比較大粒。飲品餐廳都有水提供，不過我哋都係加配咗兩個飲品🍵 係枝裝嘅烏龍茶同無糖豆漿🥛呢間餐廳嘅米線真係好惹味，餐廳仲有提供一個調味料籃，可以再調配自己喜歡嘅口味㗎🤔
繼續閱讀
行街路過見到呢間小店，木系裝潢簡約乾淨又企理，於是決定入去試試 ~店員態度親切服務貼心，每次有客都勁有朝氣齊聲講「歡迎光臨」仲主動提供即棄圍裙 & 紙巾，重點係每碗麵都超足料高 ᴄᴘ 值 ꒰,,꒪ ᐞ ꒪,,꒱○ 雞 雜 小 鍋 米 線 // $58每碗米線本身配料已經好豐富 .ᐟ.ᐟ枝竹有嚼勁、木耳絲爽滑清甜、海帶絲軟中帶硬、芽菜爽口、酸菜開胃解膩，仲有芫茜、韭菜、蔥花、番茄片酸甜可口，識食第一時間梗係試湯啦 ( ๑' ڡ '๑ )湯底基本可以揀雞骨/蕃茄/酸辣金湯，+ $1 仲可以轉麻辣/藤椒湯。依款米線本身係配搭雞骨湯，落足料自家熬製，清甜鮮香又唔油膩，飲完唔會口渴但真正令我驚喜嘅係主角米線 .ᐟ.ᐟ超級彈牙爽滑，好有驚喜 ( ੭ ˙ ᗜ ˙ )੭雞絲嫩滑多汁、雞腎爽脆彈牙、雞肝香滑軟糯無腥味、雞心彈牙、仲有藤椒雞肉丸都係自家手打，咬落去超軟糯 juicy，麻香十足。原本聽店員介紹啲水餃全部自家人手包好想試，但驚食唔晒，最後 +$10 揀咗鹵水豬頸肉，肥瘦適中，香嫩入味，唔會太鹹。老細好貼心話唔夠食嘅話，米線可以無限添加，但講真碗麵配料咁豐富，已經食到飽上心口 如果唔食米線，仲可以 +$5 轉菜底，啱晒素食、健身同糖尿人士( ꈍ ᴗ ꈍ )○ 尖 椒 滑 嘟 嘟 皮 蛋 // $12 半份 小食方面店員推介左兩款，本人唔食辣所以揀左依款比較冇咁辣的。底下有去皮茄子絲超滑溜，皮蛋配微辣尖椒，開胃惹味。最正係全部小食都可以揀半份 / 全份，口痕又擔心食唔晒都可以試到。依度最重點係真係超抵食 ⸜(｡˃ ᵕ ˂ )⸝♡˗ˏˋ 唔同時段都有多款優惠 ˎˊ˗午市 11:30 ᴀᴍ -2:30 ᴘᴍ 揀任何小鍋米線+$10 就送指定小食及汽水下午茶時段 (3-5 ᴘᴍ) 揀 3 款配菜招牌小編米線 $40另外仲有一個好特別既「盲俠米線」每日 3:30 & 6:30 ᴘᴍ 店外排隊頭 10 位客人$30 就可以享用 ᴏᴍᴀᴋᴀsᴇ 米線，由廚師揀 10 款配菜，客人可以揀自己中意既湯底。食完真係 ғᴇᴇʟ 到湯底、米線、餸菜都落足心機研究煮法，價錢黎講同一般連鎖店比較係貴少少，但米線本身已經贏左幾條街，絕對係必試嘅良心小店 ·͜· ♡ꕀFOLLOW IG FOR MORE.
繼續閱讀