米真鮮

營業中

休息中

每次去旺角未諗到食咩，都一定會先行一轉通菜街‼️通菜街集合左各式各樣嘅食店～～呢間「米其鮮」嘅米線係用砂鍋上，可以保持熱度，米線湯底主要係雞湯做底，師傅每日都會新鮮熬製4個鐘❤️🍜我要左「招牌雞雜小鍋米線」配左酸辣金湯，第一次飲酸辣金湯係冇罪惡感完全冇味精的，湯底清甜左有少少酸辣味米線係淋得嚟有少少爽口，係我鍾意食嘅米線！加分嘅係雞絲係用新鮮雞，完全食得出⭐️藤椒雞肉丸係必食當中加左雞軟骨，味道既香，口感又鮮明❤️🐮「牛魔王小鍋米線」鍾意食牛嘅一定要食呢個，牛舌筋原來係咁好食好少地方可以食到！入口好順滑，味道有啲似牛腩小食都有好多選擇，仲可以半份咁order眼闊肚窄嘅我叫咗好多個半份強烈推薦：⭐️尖椒滑嘟嘟皮蛋⭐️惹味脆卜卜⭐️韭菜鴨血

路過見到呢間新嘅米線店，咁啱想食清啲，就入去try try佢坐低望menu先發現佢超級多選擇，睇到眼都花😂 貪得意數過，淨係default有嘅配菜（即係可以走嗰啲）都幾乎有十款，好誇張lol 隨即送咗個醃蘿蔔，但超級辣 我食唔到 😂我唔食內臟，所以要咗小鍋米線 可以自己揀餸，揀蕃茄湯，加咗娃娃菜、滑魚片、卤水豬頸肉同滑雞絲。上枱先飲啖湯，比較適合想食得清淡啲嘅人，但蕃茄湯俾嘅蕃茄片數量好似係比較多， 打卡幾靚。可能因為太多配菜，我最初都唔太揾到啲餸，餸嘅大細基本都比較精緻，mouthful size可以一啖放入口，唔駛擔心會食得好狼狽。娃娃菜安定甜，卤水豬頸肉都夠味，雞比起雞絲其實比較似雞件，好貼心裁成一口大小 方便食。 朋友費事諗， 直接叫咗個牛魔王小鍋米線，要雞骨湯，default有牛筋丸、麻辣牛舌尖、卤水牛舌筋同美國肥牛。牛腩超級淋，唔駛幾多牙力都咬得開，牛舌都好夠淋，食得出有調味，肥牛比較細塊但牛味都出。相較之下雞骨湯比較濃味, 同牛魔王呢個combination幾夾。新疆雞翼好香，而且唔辣，可以encore 韭菜鴨血對我黎講太辣了，好彩叫咗支凍豆漿解下辣🙈 而且同我想像中韭菜

之前係灣仔諗住食，點知人都比較多，所以冇食到，難得今次喺旺角行街見到佢開咗新鋪，所以入咗去試吓。應該係店主嘅一個男人好熱情咁樣招呼我哋。餐牌亦都簡單易明，我哋嗌咗個招牌豬八戒小窩米線雞骨湯同埋一個招牌牛魔王小窩米線酸辣金湯。仲有幾份小食，因為佢小食可以半份咁樣叫，所以我哋可以食多幾樣，惹味卜卜脆其實係豆腐卜，麻辣海蜇雲耳拍青瓜，麻辣豬耳沙律同埋尖椒滑嘟嘟皮蛋。豬八戒嗰雞骨湯飲落好清好鮮甜，啲豬雜好新鮮冇異味，一啖豬什一啖清雞湯配搭得都幾好唔錯，啲湯飲完唔覺得頸渴。牛魔王係酸辣金湯，但係我就覺得唔辣，所以店員拎咗地獄辣粉俾我加上去，好彩都係試一試，少少辣粉就已經好夠味辣得都好過癮，據說係用咗三種辣椒去配製而成嘅，所以食得辣嘅人可以加多啲落去，配料亦都好新鮮，特別係美國肥牛唔會過熟啱啱好。佢嘅米線好似同其他地方嘅有啲唔同，比較偏粗少少，同埋軟硬適中唔會好淋有咬口。至於其他四份小食每一樣都醃得好入味，尖椒皮蛋係最有驚喜嘅，脆卜卜亦都係好有口感有驚喜，其他兩款可能平時食得多所以冇驚喜，但總括嚟講兩份米線+四樣嘅小食真係唔差，下次可以再食過，最緊要嘅係佢可以免費追加米線。

今日係旺角行完街，見到呢間新開米線鋪，就入去試下原來呢到都有得轉菜底😳真係岩曬我呢啲健康人士！！！最誇張係呢到有得免費加湯加麵，真係唔洗驚唔飽😂🛎 小鍋米線 呢個酸辣金湯好岩我，酸酸地夠曬開胃～配菜我揀左新鮮嘅娃娃菜、香脆嘅腐皮春卷同滑嫩嘅雞絲，食落去真係好滿足！😋🌶️🛎 新疆雞翼 味道濃郁，外脆內嫩，三隻雞翼啖啖肉，絕對令人一口接一口！🍗✨🛎 惹味脆卜卜 呢個係店員極力推薦❤️‍🔥❤️‍🔥❤️‍🔥其實係脆版豆卜，口感酥脆，真係好過癮重點係啲麻辣醬汁真心正🛎 尖椒滑嘟嘟皮蛋呢個皮蛋幾特別上面係一個茄子醬口感又淋又彈牙😏半份都係十幾蚊可以試試喔～🛎 麻辣海蜇雲耳拍青瓜 🛎 麻辣胡麻番茄 🛎 炸墨魚丸 另外仲叫左幾款小食，全部都可以半份半咁叫人少少都可以叫黎share🥹✨🛎 無糖豆漿

📍 米真鮮 -旺角女人的胃，食米線🍜一間平平無奇既小店用心每日新鮮熬製湯底，用心經營🩷✨ 小鍋米線大大碗小鍋米線送到嚟 份量好多！當然要試下個招牌湯底 蕃茄湯底淡湯飲落已經唔係蕃茄湯而係番茄蓉，每一淡都充滿著茄蓉質感非常之細膩，creamy又厚身。味道酸甜，溫和，仲有鮮蕃茄🍅本身已經有芽菜、酸菜、韭菜、蔥、芫茜配料～✨ 雞雜小鍋米線本身依碗雞雜小窩米線入邊已經有齊晒雞嘅內臟同埋雞肉，雞腎、雞絲、雞肝雞心、藤椒雞肉丸🍡湯底每日熬製四個鐘，淡淡都飲到鮮雞嘅味道🐔雞絲好嫩滑，就算雞嘅內臟份量都好好多，價錢又收得合理，係一碗用心製作嘅米線🍜✨ 麻辣豬耳沙律豬耳口感爽脆，麻辣汁香濃入味，仲有青瓜絲做底🥒✨ 惹味脆トト炸豆卜卜卜脆，幾特別嘅口感，攪拌之後豆卜吸晒芫荽嘅味道👅✨ 郊外油菜新鮮清甜的蔬菜為一整天的忙碌畫上完美句號。住家飯一樣親切的口感！✨ 無糖豆槳真係完全無糖豆漿，一啲甜味都冇，比較健康🩷

冇幾耐之前喺灣仔見到呢間「米真鮮」，一眼被佢哋嘅裝修風格吸引住，仲以為係日本餐廳，原來係食米線嘅😯估唔到尋晚喺旺角經過見到開咗間分店，所以同朋友仔就入去試下喇！🔺重點🔺免費追加米線📣米線控+大胃王福音🌟📍服務細節一入座店員就主動遞上防污圍裙（好貼心），仲有佢地自家製嘅醃蘿蔔做前菜添，酸辣帶微甜好開胃，咬落「索索聲」，不過提提你🤫都幾辣㗎～ 🐷豬八戒小鍋米線（雞骨湯）$64•湯底：平時我就鍾意食酸辣嘅，不過想試真啲佢嘅原汁原味，所以專登揀雞湯，雞骨湯清甜唔油膩，好濃郁嘅雞味，飲完唔算好口乾。（Tips: 試完原味雞湯，可以用店舖提供嘅炸蒜乾蔥辣粉辣油等等再調味，成個調味料寶盒咁架！）▫️ 配料： - 滷水豬頸肉：薄切爽口，滷水味入到肉 - 豬軟骨：燜到非常入味‼️骨肉分離，軟骨位膠質滿滿 - 豬腰＆豬肝：處理得乾淨冇腥味，豬腰爽脆、豬肝粉嫩 - 豬腸：洗得超乾淨！滷得入味帶少少嚼勁 ▫️ 加配手工粟米餃$12@2粒：粟米粒好甜＋豬肉碎，兩個字--好食！ 🐮牛魔王小鍋米線（酸辣金湯）$64•湯底：酸辣金湯辣度大約係小小辣，入口酸香醒胃～ 朋友仔嗜辣，再加辣，佢話隻辣粉勁正，住得近

米線彈牙 唔夠仲可以免費追加 湯底個雞骨湯真係好讚 好香濃 係一間好推介既米線店 兩個字 好食 三個字好好食服務員態度非常好 招呼非常好 係一間我好推介既米線鋪 不妨去食下 湯底米線絕不令你失望

平時米線都食開連鎖嘅舖頭，好似冇乜新意。最近就留意到呢間位於灣仔嘅「米真鮮」。店內都有好多熟客，仲有一個話自己尋日先食完，等我試吓係咪真材實料先。招牌牛魔王小鍋米線 $64佢哋嘅米線標榜會彈牙好多，唔會好似坊間咁軟身，實測過口感真係會Q彈好多。而且份量非常之大份，材料包括有牛筋丸、麻辣牛舌、滷水牛舌筋同埋美國肥牛。咁大嘅份量男仔都會食得夠飽，我自己就係最鍾意牛筋丸，充滿夠彈牙。招牌雞雜小鍋米線 $58今次就揀咗酸辣金湯，酸酸辣辣真係好開胃㗎。而配料雞腎、雞絲、雞肝、雞心和藤椒雞肉丸。咁足料喺坊間好少見，雞腎夠爽口，而雞心都夠口感，絕對係值得一試。米真鮮 (灣仔)灣仔廈門街27號地舖