米気

營業中

休息中

專登嚟黃埔試咗呢間熱門又長期排長龍嘅人氣店餐廳日式風格 簡約木系裝修🇯🇵當日星期日下午3-4點左右 竟然唔使排隊😳.主打日式家庭料理🍱🍚食物有好多選擇 可以自己揀幾多款都得擺盤好精緻 細細碟 咩都可以試吓 影相又靚整體味道唔錯 但未至於網上講到咁出色🥲感覺只係食咗餐比較有儀式感嘅日本家庭餐勝在真係多選擇同埋可以自由配搭但加加埋埋其實價錢不是太便宜💸～—.蘭王醬油蛋飯 ($22)紅酒汁煮牛肋條 ($48)月見博多地雞團子 ($48)明太子雞翼 ($38)和風茄子 ($18)帆立貝裙邊海藻沙律 ($26)忌廉蟹肉餅 ($26)

米氣嘅午餐定食有素食提供，定食嘅價錢係根據所選嘅主食而定，可以加錢追加其他食品。定食附送味噌湯同漬物。午餐定食 (米+主+冷+飲；附送是日湯品及漬物)米: R2 醬油蛋 (+8)主: L5 味噌蕃茄豆腐漢堡 ($68) (可走蔥花)冷: S3 海苔醋秋葵飲: Y1 米氣黑糖米水 (常温)追加温: W2 炸蓮藕脆片 (+$18)甜: D4 米氣雪糕 (+$20)味噌蕃茄豆腐漢堡味道偏濃，味道幾得意，又酸又鹹，質感比較實。豆腐漢堡類似琵琶豆腐，入面有燈籠椒、洋蔥、黑椒粒等食材。米氣黑糖米水味道似薏米水，味道清清哋，唔係好甜。炸蓮藕片好薄身，食落似食薯片，但冇蓮藕嘅味道。米氣雪糕似旺旺仙貝嘅味道，雪糕質感偏實，冇一般雪糕球咁滑，表面放有卜卜米。

疫情後 都好耐冇去日本 實在太掛住日本喇 所以搵左黃埔呢間日式料理 好有儀式感😌 叫左兩個set 都正正常常 😎食曬成個set非常飽 價錢合理 唔算貴 一個set $8x 性格比高 👍🏻👍🏻

見咁多人推介又咁熱門，緊係要嚟試下。個餐盤大細就好適合放六樣嘢，但其實唔使叫咁多已經好飽，同埋每樣餸都唔平，雖然有齊晒就打卡靚啲。🤣當日星期五放工去，落好大雨，但都好多人排隊。環境比較迫，唔係好適合坐低慢慢傾偈。-❤️海苔醋秋葵 $18唔錯，可以用嚟解膩。-❤️‍🩹茶碗蒸 $28冇咩特別，冇壽司郎嘅咁好食。-❤️‍🩹月見博多地雞團子 $48比較膩，雞肉比較多，如果會有多啲雞軟骨就更好，撈埋隻蛋落啲雞肉度就更滑。-❤️醬油蛋飯 $22撈飯食唔錯。-整體來講就係好普通嘅日本家常菜，味道冇咩特別，但係價錢都幾貴，我只叫咗3餸一飯，咁樣一餐就食咗$116。💸

食物可以 西京燒銀雪魚- 是凍銀雪魚 用火燒至面層燻黑的 ，神奇的黑焦味是炭烤嗎？芝麻味增苦瓜拌炸豆腐皮 - 真的冷盤味道可口， 苦瓜爽脆口感一試難忘食物上齊 清潔人員就開始打掃工作 9:15 ，非常認真工作 ，在我桌後方的時候 ，可能眼見滿是灰塵的垃圾鏟 垃圾過多？ 需要 凳幾下才肯繼續 掃地 ， 天啊 他的認真 ， 掃灰手藝跟我的桌上的食物質責 可以溶合一起 9:35 工作人員表示最後落單時間9:45 不加單 請先找數啊 我滿口美食 也要得意忘形 地取銀包 内的錢給她 ，如此招呼周到 ，不用客人外出排隊等候！ 別忙記自己去慣 速食店 這間店其他食物都好想試， 下次同朋友坐卡位

專程試食三個套餐主食有豬軟骨，黑醋豚，牛肋骨。配搭另外各種不同小食。環境衛生合格，主食優質，小食有新鮮感。整體食物屬中上偏高。以配合價錢算是性價比較高的日式料理。比一般港式日式料理當然有日本風味。值得作為飯堂類別。但個別員工服務態度尚欠訓練。清潔劑注意安全不要噴霧至其他食區，需要加強服務態度管理。甜品好到位，飲品質素平均且高，每一份量足一成人飲飽食醉。值得一班朋友食飯消遣。整體來說非常滿意且有質素。

今次帶男朋友食呢間米気，因為我上次食過覺得味道唔錯，小碟小碟上又可以每樣試少少～座位雖然唔算話坐得好舒服，但我覺得都算係咁😌呢個menu真係好正，勁多選擇！揀咗好耐先揀到😂我就揀咗醬油蛋飯、豚軟骨煮、海苔醋秋葵、北海道芝心粟米球 ($122)😋首先我覺得個飯撈埋啲醬油同埋蛋非常好食，口感變得好creamy😋之後豚軟骨都好入味，我個人好鍾意咬啲軟骨～秋葵好清新，個汁嘅調味亦都啱啱好，酸酸甜甜超開胃～最後粟米球嘅味道同我想像中有啲分別，原來佢係一啲比較煙靭嘅波波，甜甜哋，裡面亦都有好多粟米粒😚而另一個揀咗普通嘅日本國產米、西京燒銀鱈魚、炙燒和豚腩、明太子雞翼 ($167)🥰我覺得銀鱈魚嘅份量相對比較少，但係佢嘅燒得非常之香，而且有好豐富嘅油脂，都算幾好食～另外豚腩表面上嘅調味有少少辣，塊肉亦都好厚，作為食肉獸嘅我哋，都覺得呢個豚腩好好味🤤明太子雞翼我哋覺得略鹹咗啲～整體嚟講，我覺得呢一間真係冇令我哋失望，就算我今次回訪，都覺得佢啲小碟小碟令我覺得好滿足，加上原來佢哋定時都會出一啲期間限定嘅小菜，希望下次嚟到都可以試到新嘢啦！

每一款都好難食,究竟佢點煮的?餐牌好多款比人揀,但款款都難食有咩用🤢🤢1️⃣講個飯先,蟹膏蟹肉飯,蟹味就唔係好鮮,同埋似係一pat蟹肉醬咁,又加左wasabi,完全唔夾.😓💰HKD$382️⃣紅酒汁煮牛肋條個汁完全唔得,勁淡味,牛都唔係好淋同唔入味💰HKD$483️⃣蒜蔥燒牛肩肉卷嘩,硬過狗官條命🥴點咬呀💰HKD$455️⃣鰹魚汁菠菜唔淋.....菠菜都可以整到咁怪,個汁就正常,超市倒出黎果D味💰HKD$186️⃣西京燒銀雪魚OVERCOOK左,睇樣都知,仲要咁貴咁細條,搵苯🥵💰HKD$687️⃣松葉蟹薯仔沙律沙律醬唔夠,口感麻麻,鞋身💰HKD$268️⃣蒜蔥厚切牛舌厚你🧑🏼‍🦰,薄到,又韌💰HKD$34安排入座已經有問題,咩都要自己點餐都收服務費. 人生中食過最難食日本菜.價錢定價過份,冇質素. 仲keep住咁多人排隊😓😓

好有儀式感嘅日本料理🤓🇯🇵，未有旅行去嘅各位可以去思下鄉（不過香港食一定貴過係日本食好多🤣🤣，好多人推介雞團子 可能期望太大所以唔覺得好特別出色，反而有少少略甜。。。不過整體唔錯～下次去可能會試下其他主食👅🌟蘭王醬油蛋飯 $22🌟蘭王醬油蛋魚籽飯 $38牛肉壽喜燒 $48月見博多地雞團子 $48🌟鰹魚汁菠菜 $18🌟金平牛蒡 $22柚子醬油煎鴨胸 $34忌廉蟹肉餅 $26杏仁豆腐 $28乳酸燒酎 $42

成餐飯分開咗 米/主/溫/冷/甜/飲，概念先行，有啲想法！不過，你可以揀唔同嘅飯，唔同嘅熱主食 / 溫菜式同埋涼拌菜，有選擇困難症嘅就慘慘了！ 哈哈哈我今次點咗個「蟹糕蟹肉飯」，本身諗住要醬油蛋飯，因為諗住主菜叫「地雞團子」都有蛋，所以就揀咗蟹糕蟹肉飯，個飯都幾多蟹肉，不過蟹味不夠重。另一個就揀咗「蔥燒牛舌」，佢有少少味醂嘅甜味，幾配搭，好味。仲有就係「涼拌帶子裙邊海藻」，爽口非常，值得一試。甜品就叫咗「蜜柑白玉」，甜甜滑滑，合格！一餐飯食到咁多樣野，都幾開心！😙😙

同朋友約食飯，就大家方便揀咗喺紅磡～ 睇OpenRice見到呢間專門食飯嘅日式餐廳☺️☺️ 食物好靚，好精緻好吸引。我哋嗰日大約七點到，等咗一陣入座。呢度飯 前菜 肉類主菜 甜品 每一part都係自己選擇自己配搭，而且每一part都有好多選擇😋😋😋我就揀咗明太子拌飯，前菜要左薯仔沙律，肉類主食 香蔥牛舌，南蠻炸雞。因為已經叫咗兩份肉 驚自己太飽就冇再叫甜品。另外，朋友叫咗紫菜拌飯 前菜要左2款 麻醬秋葵 & 忌廉蟹肉薯餅 主食要香蔥牛舌 壽喜燒牛肉 🤣🤣 好豐富❣️其實唔係誇張，真係每一款都好好食，拌飯上面比嘅醬一啲都唔少，好足夠撈晒成碗飯🍚🍚🍚 喂香蔥牛舌好香好香❤️🧡💛 南蠻炸雞嘅他他醬 入面仲有啲碎蛋撈埋一齊 好滋味😋佢每款食物有$2x-6x 一份，其實CP值都高 因為份量一啲都唔少 我哋食到🤰🏻🤰🏻都食唔晒🫣

上網見到呢間人氣餐廳，所以一於去附近試一試。去到嘅時候八點，但係都需要排隊，入到餐廳環境都幾舒服，佢個餐牌好多選擇，可以唔使配晒咁多種食物！但花多眼亂，樣樣都好想試。松葉蟹薯仔沙律：呢個配搭好特別，薯仔同其他蔬菜配料好清新，完全帶出到松葉蟹嘅鮮甜，亦都係好好嘅涼拌菜，令你開一開胃。蕃茄味噌豆腐漢堡：個賣相好特別，入面漢堡嘅肉係一啲好淋嘅肉餅，質感配埋酸酸地嘅蕃茄味汁幾好味。蕃茄味汁送飯一流。炸蓮藕片好脆、好味，多一種層次。醬油蛋飯：賣相就吸引，但係味道就比較單調，雖然蛋黃味夠濃味，夠creamy，加醬油，但係始終味道比較單一，我會加埋蕃茄汁去食，味道先會比較豐富。餐牌多選擇，所以下次都可以揀唔同嘅菜去配搭。食到日式住家料理嘅感覺，成個定食都可以好豐富。

呢間日式料理一直都好受歡迎因為有好多選擇可以自己揀餸菜試過幾次感覺都係覺得日式感覺唔係太正宗 新鮮度亦都唔係非常高 價錢相對來講比較貴 CP值不高 冷盤例如沙律基本上質素都好穩陣 但係熱食例如炸粟米球有啲淋好似放耐左嘅感覺 蕃茄汁豆腐球嘅感覺醬汁太過鹹 失去左想食清淡家常菜嘅原意 值得一讚嘅係米氣雪糕嘅牛奶味夠濃郁 但係Texture比一般雪糕較黏 唔知係咪雪糕粉嘅感覺 覺得口感麻麻地 總括嚟講呢間舖頭嘅日式風味包裝得不錯 但質素需改善

今日去開紅磡嗰頭，由紅磡站🚇步行10分鐘左右，剛剛好12:00🕛前去到，唔駛排隊等位✌🏻。🪑第一輪座位好快已經full咗。地點好近大學宿舍，因此環顧四周都好多貌似大學生嘅客人。我一個人被安排坐吧枱，地方乾淨有自然光透入☀️，空間足夠坐得舒服。🍱定食基本上係由4個項目因應個人喜好組合而成，選擇非常豐富，有日式有西式、有素有肉，有濃有淡，套餐附有味噌湯及漬物。💰價錢按所選主菜而定。我第一次去又有選擇困難症🤣，所以首先鎖定主菜，再依照味道作配搭，由於我睇過食評已經一早想試牛肋條🐂，仲打算用啲紅酒汁🍷撈飯，所以今次冇揀到有topping 嘅飯。1. 🍚米（飯）4選1：日本國產米白飯2. 🐂🍷主（菜）8選1：L2紅酒汁煮牛肋條（分量比想像中多，牛肋條好入味煮到好腍，最欣賞係加咗滑子菇，滿意！）$781. 🥗冷（盤）8選1：S5芝麻味噌苦瓜拌炸豆皮（切成幼條嘅苦瓜味道好清爽甘而不苦，芝麻味噌之外有明顯嘅薑味，唔錯！）2. 🥤飲（品）4選1：Y2 烏龍茶+$6另外可追加冷盤、溫菜、甜品，今次我冇追加都夠飽，埋單唔駛$100，整體感覺幾好。

今次來試係紅磡超高人氣既日式家庭料理～木系裝修環境已經俾人一種好舒服既感覺，加上多款菜式任君選擇。首先賣相已經好靚，食物質素亦一點都唔馬虎，連碗碟都係增強緊視覺效果，非常值得一試👍🏻👍🏻👍🏻 另外甜品收尾叫做清酒雪糕，非常難忘，好特別🍦😋