米子

營業中

休息中

在九龍灣工業區附近工作，收工後同林生到附近食晚餐見到openrice comments不錯，就選擇在此店用餐約晚上9時到抵達此店，店內裝潢都很有味道，店鋪比我想像的小，我們等了約15分鍾就有位兩個人點了3樣菜

貪Megabox少人冇咁逼.見到呢間越南野就試下諗住越南菜冇乜特別所以廢事影相.點知好後悔冇影到.... 打開個餐牌其實唔係好覺得好越南既感覺..有啲泰國菜feel. 感覺有啲怪囉ORDER左以下: ..其實我得2個人.但因為好想飲..結果每人都飲左成3碗.都幾多料喎.有少許辣但都夠酸.我覺得都算好飲.可以一試 一睇到menu張相已經即刻決定叫...嘩!!一黎到係成隻燒春雞上. 隻雞都唔算細.見到流晒口水.跟住個waitress即席幫我地切開幾份.(影唔切相...)見到入面啲黃薑飯好飽滿咁塞爆成雞  . 試落去真係好正..其實3至4個人食都夠...好後悔食之前冇影相本來只ORDER左燒春雞同冬蔭公.落完單心諗唔知夠唔夠食.所以問個waiter隻雞幾大度. 佢答我似乳鴿咁上下...我地以為係細隻所以叫左個...不過有啲失望..啲金邊粉好碎..我覺得呢個麻麻...唔太好食..如果唔係佢話乳鴿咁大..我唔會叫多個粉..唔好食之餘又食唔晒見隔離枱啲雞翼好大隻幾正咁.下次要試下

日前在MegaBox逛街時發現8/F玩具反斗城旁邊的CÓMMM，覺得它裝潢十分特別，起初以為它是Cafe，後來搜尋一下才知道原來它是食越南菜的！我覺得它選址不錯，因為德福有嚐越、淘大有越棧，而CÓMMM則在MegaBox，這樣就不會硬碰，當然最終的得益者是作為客人的我們啦！打鐵不如趁熱！就在發現這店的兩日後我們就去光顧了 (笑)CÓMMM的裝潢很有特色，招牌採用了霓虹燈，十分搶眼！總感覺這裡的把懷舊及新潮融合在一起，甚有特色。當我們在門外窺探的時候，Reception的男生很熱情，態度很誠懇，印象不錯喔！好，就決定試試吧！店面不算大，起初我以為很大，但原來是鏡子的錯覺！我們被安排到最裡頭的兩人座位，覺得比卡位坐得更鬆動呢。這是虎蝦蛋包金邊粉，本來被MENU上的樣子吸引了，怎料實物的蛋是網狀的，MENU上的虎蝦蛋包金邊粉是將蛋弄成四方形的兜，然後金邊粉放在兜裡，最頂有虎蝦。完全和這個樣子風馬牛不相及啊！我們就是覺得MENU的樣子很特別而點的，結果這個和過往吃過的外形都一樣，失望！虎蝦共有2隻，我吃的那隻都正常，男朋友吃的那隻是不新鮮的，記得之前看食評也有食家說蝦是不新鮮，看來CÓMMM真

去megabox睇戲前，先食個午餐，其實到時已經兩點幾，呢間新開嘅越南菜想試好耐，唔使等位，坐靠牆四人枱，裝修新潮，好有貨倉型格！門口睇其實唔似食越南菜！似食西餐！唔使等位，坐中間四人枱！餐具都好型枱格，乾淨企理！簡單叫幾個食品！店員比較夢遊，唔積極，不過叫都會做！好似我叫一碗粉，三個人都唔會主動比埋碗仔（唔細心）要叫佢先比！牛油果芒果軟殻蟹米紙卷（$72）：賣相靚，木板盛住上，有酸汁拌碟，但主題牛油果、芒果同軟殻蟹都好少（每樣一小條，以米卷嘅size)最多係紅生菜同火箭菜，所以似食菜卷！幸好菜都好爽脆！酸汁又過酸（盲婆都開眼），一般！生牛肉河粉（$46）：湯底好正，又濃又清，唔味精，金邊粉都滑，配菜有洋蔥絲，另上有芽菜、青檸、九層塔！我勁喜歡九層塔獨特嘅口味，所以落晒！芽菜全生，浸湯都唔太熟！一般！生牛肉好快就熟！唔韌兼有牛味，唔錯！單骨雞中翼（$44）：其實都係炸雞翼，只不過剪開兩半，所以食時會方便啲！味道外脆內軟，有肉汁！如果牛油味濃啲就正！芒果椰果冰（半價$12）：芒果汁加梳打，有椰果粒！比埋粗筒吸！唔太甜，幾清爽！半價都抵飲！食物唔錯，環境好坐！可以一試！

其實一早已經好想試MEGA BOX 裹面的COMMM，貪它裝潢不俗，頗有特色。但COMMM午飯時間一直大排長龍，每都都被侯座的人嚇退。琴日同事生日，所以就去左試。午市時間等左成半個鍾頭先有位，不過餐廳會為左等位的客人先落單，所以坐低好快好得食。午市套餐大約五十至六十元，在MEGABOX來說都合理。我叫左虎蝦蛋包海鮮金邊粉，十分失望! 金邊粉外貌精緻，包在外層的蛋呈綱紋狀，十分美麗。只可惜金玉其外，敗絮其中。成碟野只有一隻蝦，仲要不新鮮，根本不可以稱為海鮮。裹面的金邊粉炒的好濕好油，素來大食的我都食剩一半，可見碟粉認真麻麻。不過我試了同事叫的香矛豬排湯河則不錯，豬排十分香口，可能我不幸運簡了個不好食的，下次有機會再試多次先。

晚餐，同老公撐枱腳。很久沒有到Megabox吃越南菜。選這間餐廳，因為早前在Megabox拿到一張這間餐廳的肉碎生菜包免費coupon.兩個人，叫咗四樣菜和兩杯飲品，菜出得非常快，味道不錯，服務也很貼心!最好味的，是免費那一道菜，肉碎是甜的，配有應該是薄荷葉磨成的汁，等別!

約左2個舊同事食飯, 因為大家都冇咩所謂, 最近睇報紙見到有新餐廳就去試下~又因為係megabox, 平日人流唔多, 所以就唔會限時限刻鎖死時間冇得傾計，同埋周圍有d機械人係到幾得意～ 3個人, 叫左4樣野, 有3樣都係o係報紙見到推介的~首先叫左唔係推介o既春卷, 跟一個小小的沙律(早知唔另外叫個沙律啦)之後就係燒牛肉青芒果沙律, 個燒牛肉都算入味~第3樣係炭燒羊扒併黃咖哩, 加蒜蓉包羊扒好食~~ 有3支, 1人1支岩岩好, 黃咖哩唔係好辣, 岩我唔食得辣gei人個蒜蓉包就不過不失~~ 跪跪的~最後1樣就係主打果樣啦~ 燒雞黃薑飯~隻雞一到, 先知原來d飯係釀左入個雞入面, 所以d飯好香好入味~同埋個雞一d都唔老, 幾嫰呀~~~ 正~~影完相，姐姐會過尼幫你切開隻雞，要俾like!一間餐廳除左食物，我都好重視service所以下次有機會, 我都會再幫襯架

同同事去左MEGABOX食晏, 佢話係MEGABOX網站見到有一間越南餐廳新的, 咁就嚟試下啦, 環境幾特別呀. 有D機械人公仔係度.我們都食濛粉,我食香茅豬扒湯濛, 份量OK啦, 唔算好多, 豬扒是分開上的, 有四五件左右, 個湯底都係清清地的, 入面有塊扎肉. 有些泰式辣醬, 酸辣汁可以加埋一齊食, 就會惹味D.豬扒都入味的, OK, 唔會好肥呀. 飲品我飲咸檸七. 唔係成個咸檸檬的. 所以冇咁入味呀.