米子

營業中

休息中

在觀塘工廈見完客，要在附近較為像樣的食肆商舖，Megabox是唯一的選擇。與同事二人在水牌瞄了一瞄，挑了一家越南餐廳。餐牌只有兩頁約A5紙大小的紙，一頁是小食，一頁是主菜，連飲品都欠奉。因為選擇不多，我們很快便下了決定。生牛肉牛丸湯河轉為檬粉，湯頗清甜，不俗。數小片的牛肉略為過熟，牛丸兩粒，即使加入伴上的芽菜、香葉和辣椒都不夠餸，吃完還剩下大半碗檬粉。蝦醬海鮮炒飯倒亦不錯，蝦醬味輕微，除了魷魚、蝦仁、帶子之外，還有肉腸，甚是豐富，我們都給了讚。而馬拉盞炒通菜很夠味，然而通菜的質素不好，靭而有渣。小食最遲上，是熱騰騰的，吃時還有煙。炸蝦餅很大件，似是吃著酒樓的炸蟹鉗，相當鮮美。裏面的魷魚粒又多又爽，小人吃時更咇了一粒出來！後來還用它來佐著吃掉餘下的檬粉。滴漏咖啡的啡味甚為濃列，越南咖啡果然名不虛傳，加些煉奶集甜香濃於一身。青檸梳打清涼入心，勝在便宜，才$6一杯，乎復何求。上菜快，服務員亦是隨傳隨到，感覺良好。

我地今晚想食檬粉，近近地就諗起呢間！因為星期五嘅關係都等左陣位，甘我八卦下問侍應，佢話其實又吾係每個星期五都甘旺😜呢個係肉丸凍檬：😋😋😋肉丸好大粒，好熱，好juicy!4大粒都幾飽下😌😌呢個係馬拉盞通菜：正常，不過不失！呢個係生菜包：有別於泰式食開嘅味道，可能係越式卦🤣🤣🤣喜吾喜歡就見人見志喇！啲粉皮好薄，包埋落去，多一種口感！而綠色個碗仔係薄荷醬，大家可加可吾加，不過加左又出奇地同成個生菜包好夾☺️☺️有興趣大家可以試

食物質素普通，同正宗越南菜有距離，不過最大問題唔係食物，而係staff嘅服務態度！午飯時間，－定要等齊人數先可以入座，如果未到齊人，就俾張被飛你等位，咁做即係叫你唔好黎食啦！

我成日心思思去呢度食架，不過係平日呀，吾使等位，星期六/日就要等下了！佢嘅下午茶吾叫平嘅，但啲豬扒，豬頸肉，海南雞，真係好ok㗎！豬扒同豬頸肉燒得岩岩好，好juicy，外皮又香，加埋個凍檬，成個份量對於我黎講都叫大😋😋次次都飽飽💖而海南雞啲肉👌🏻滑，佢有三個汁點，好好味！有次我重同老公去試晚餐，佢啲二人餐，四人餐抵食，一定飽，好過你散叫，不過大家有興趣可以試佢個招牌菜薑黃雞飯，真係好飽，好香，如果大家叫呢個，記住另外吾好叫太多🤣🤣咪食吾唒！侍應服務還可以！

好多OL係12點幾放午飯時，因為工作活動較少，所以午飯時段未必會太肚餓。而越南粉係我其中一個最喜歡既light lunch選擇,因為食完都唔覺太飽。這間位於mega box的越南粉，每次去都人山人海，今次等左約30分鐘先入座。係等安排入座時，侍應已經幫我落左單，安排好座位後，我仲未坐底，碗牛肉牛丸金邊粉已經放左係枱👍🏻。金不換、牙菜、青檸等，是另上，客人可按自己口味自行調味。另外，值得一提大家，小食也好好味。今次加左炸雞翼和風爪，每款都是二十多元，lunch和幾個同事一齊去，一人都係俾多少少，但令成餐飯生色不少呢😋

很久沒有嚐越南菜，所以試試此店，我們點了一個2人餐，小朋友鍾意食香口嘢，所以加點了春卷和蝦餅， 套餐有蜆港椰青蜆肉湯、芒果龍利柳米紙卷拼扎肉碎蒸粉包及柚子蝦沙律、蕃茄牛尾煲配蒜蓉包、馬拉盞炒通菜 虎蝦扎肉炒粉絲、附送飲品及甜品。湯略 鹹，米紙卷、蒸粉包、柚子蝦沙律味道ok, 蕃茄牛尾煲番茄味香濃， 配蒜蓉包食 一流，可惜牛份量較少，炒通菜有鑊氣， 炒粉絲夠惹味但略嫌油膩， 春卷和蝦餅炸得外脆內軟不油膩， 甜品椰汁糕香滑甜度適中， 整體食物質素 ok ，但食完後有點兒口乾

本身約左朋友行宜家家私，但佢地未到時我地又肚餓，我同老公就去揾野食！突然間見到呢間好似又唔錯，Menu 放左係出面比客人睇，睇岩就可以入去食，當時我就問佢地有冇下午茶時間，佢地話三點，我地差十分鐘。佢地都照比我地太好了！本身係叫左生牛肉加牛丸河先，但黎先嘅係咖哩牛腩河👇🏻呢碗我老公食話好好食！叫左杯青檸梳打，咸咸的不喜歡飲！蕃茄酸辣鳯爪一流。。。大力推介，又夠酸夠辣超好味，粉本身唔辣，連埋食就會有辣辣地嘅感覺馬拉盞炒通菜老公最愛，話好好味！我都覺得好味嘅！分開比我地自己放入粉內，自己想放幾多就幾多！但好搞笑呢碗河粉嘅粉不是很粗，我老公問我你唔係食河粉咩，我話唔知，我冇咩所謂！但對比咖哩牛腩河嘅河粉太幼了。。。因為太好味我地又追加多兩碟，今次轉叫馬拉盞炒芥蘭都好好味芥蘭都好新鮮！

一向唔寫食評，但呢間實在太肉酸，不吐不快。叫個398二人餐，拼盤春卷冷藏加熱貨式，柚子蝦沙律得一隻蝦，算～當你夾漏左。軟殻蚧卷叫ok...跟住上的辣椒膏蝦粉絲，又係得一隻蝦，頭同身分開叫做當係兩件？！有冇攪錯說好的二人餐，點呀？一隻蝦你咬一半我咬一半？成碟粉得一隻實在肉酸。。。。杯咸檸七，一杯係七，一杯係水，咁得意既？個蜆湯。。。。我唔知點形容呢個。。水椰菜苗又老又un個魚爐未食，但賣相唔多開胃。

香港真係好多人🤦🏻‍♀️Megabox係個好地方～大部分時間都好少人🤣前排試左呢間越南野～都okay喎🤗#冬陰公湯 最抵讚！甜甜酸酸，係開胃個隻，唔係味精味😍唔會越飲越口乾😋 #越南炒粉絲 都幾得意，比韓式炒粉絲彈牙啲，幾惹味～ #椰青海鮮焗飯 都幾重椰汁味，味道都okay不過個人麻麻地鍾意😜

香港越南餐廳話多唔多，話少唔少，但講到要有「真」越南味既越南餐真係唔多。但今日竟然俾我無意中，撞到一間目前為止係香港我覺得好味而有越南味！自我係加拿大返香港之後一直想搵有越南味既越南餐廳，回味返係加拿大食既正宗越南餐廳，但一直搵唔到，可能因為加拿大既越南餐廳9成5都係越南人開，唔通香港剛剛相反？哈哈～ 先講講今日開左咩餐香茅雞扒配扎肉湯蒙1- 雞扒大大舊，啲肉又軟又juicy，個皮仲唔會乾爭爭 香脆帶少少蜜糖既甜，！2- 湯底先係重點所以，清香帶有越南風味！3- 根本成個餐都好足料，扎肉都有4片其實講真，出面先唔好講雨午餐份量細，出面正常午餐就算配埋扎肉，至多咪俾2塊，邊有可能有4塊咁多😆 更何況呢個係下午茶餐，都竟然有午餐既份量，簡直都抵到爛。餐飲叫左杯凍檸茶，凍飲加3蚊😜以上開餐試後感，只係本小姐個人感覺

今日同朋友出左Megabox ，原本想平平地食Ikea，但星期六日真係超級多人，唯有搵第二間試。見到CÓMMM Vietnamese Cuisine 環境都唔錯，而且唔洗等位，一於試下啦。扎肉肉碎蒸粉包 - 越式蒸粉包是越南餐廳必備的餐前小食，材料雖簡單，卻可以有豐富的的配搭。今次的蒸粉包用料充足，唯一美中不足係粉包皮太厚先可以包到咁多料，但味道係唔錯的。炭燒香芧豬扒 - 豬扒好大塊下，分量比出面多好多，而且唔會太乾身，加埋新鮮生菜真係一流。生牛肉河粉 - 生牛肉河粉用料充足，濃郁牛肉湯配上香葉辣椒青檸，酸甜開胃，值得推薦。整體而言，食物質素唔錯，分量充足，價錢合理，環境舒適，下次可以再來試其他野食。

每次計劃黎親呢間CÓMMM Vietnamese Cuisine都失敗，因為真係好多人，多人到排成半個鐘，都只入左兩三台客。寶貴的lunch時間，咁就無左一半。所以黎過２次排隊都排唔到，就決定以後都唔排了。今次好彩，有朋友黎搵我食飯！預早去排，等我放lunch時黎到，岩岩好入得，好開心！終於食到啦！入去之前要揀定比埋錢先入得。火車頭Pho！！個碗望落好似好細，但其實好深架。味道都唔錯，我慣常落哂全部配料落去要落哂青檸味道先夠酸！湯底好鮮甜，都幾美味！牛丸好彈牙，其餘幾款都好食。９層塔好重要，令到成碗麵更加香濃！算係唔錯嘅午餐！

好鹹，味精好似好重，食完超口渴，唔舒服。味道唔係靠天然香料既感覺。 環境算ok, 服務都好既，今次叫左豬扒湯粉，肥牛金邊炒粉（肥牛味道算可以，好薄量就麻麻，豬扒湯麵以48來講超抵，豬扒好大份。

女友於mega box附近返工，成日食呢間，話個燒豬排濛必食之選。豬排即叫即製，表皮香脆而且肉同肥脂分佈平均，入口即化。濛既湯底好清，加上新鮮九層塔同芽菜，中和燒豬排既熱氣同油膩感。女友叫咗碟炒豬頸肉，有D似中式菜，冇乜特別感覺。另叫一碟即炸既單骨雞翼，好食，但偏貴。

Food came at completely random times, staff were clueless.Had to wait almost 40 minutes for 6 chicken wings, which was supposed to be starter. This was the last dish out AFTER we finished all the other items.Quality of food was average at best, although the noodle soup (pho) was quite nice.