米子

營業中

休息中

以前成日去Megabox都唔發現原來有間越南野！.今次經過見到一於去試下！.🐟💬：.星期六晚去到等左2張枱就有位，大約10至15分鐘到.然後同朋友叫左4樣野～～～～～.（1）香茅豬扒湯濛😆.都幾大碗，個湯幾好飲！豬扒脆口！👍🏻.（2）牛油蒜蓉雞翼😭.我重以為黎錯左⋯⋯一見到完全唔覺得係雞翼⋯⋯.叫左店員黎問下，原來無黎錯，所以就食啦！.勁多蒜蓉！啲皮夠味！但唔夠熱⋯⋯多碎骨，唔止雞翼又有雞脾⋯⋯好奇怪⋯⋯啲肉無乜味😭😭😭.（3）飛天通菜😍.好食！好惹味😍😍.（4）芒椰乳酪🤩.成杯都係乳酪，有好多芒果🥭肉！！！！.🐟📝：7/10.🍽🐟📝📌 CÓMMM Vietnamese Cuisine📍九龍灣宏照道38號MegaBox 8樓3號舖📞 23590117

整體不錯的越南餐廳咖哩牛腩小妹幾推介多腩夠多夠淋咖哩夠多汁 點完三件蒜蓉仲有汁👍🏻墨魚粒蝦餅 都幾多墨魚粒食落有口感 #米子越南料理味道：👍🏻👍🏻👍🏻👍🏻服務：👍🏻👍🏻👍🏻環境：👍🏻👍🏻👍🏻👍🏻價錢：👍🏻👍🏻👍🏻

一陣去睇吉卜力的動畫世界，所以就近揀左呢間係Megabox既越南餐廳，7:00左右去到唔使等位就入得啦!👍🏻今晚時間比較趕，我地只叫左簡單既麵食。朋友叫左海鮮喇沙（金邊粉），湯底有少少辣，好開胃，就算唔食得辣既朋友應該都可以食到，因為除左辣仲有少少甜，而材料都好豐富，有蝦、蜆、花枝、迷你帶子、豆卜同扎肉片，推介～！😋而我叫左香茅豬扒湯金邊粉，豬扒好厚身，咬落唔硬，入口軟腍，味道甜甜地，應該係加左蜜糖。飲品雖然略微平凡，但見野飲有買一送一優惠，非常抵飲，我地一人叫左一杯：芒果椰果冰、青檸梳打。平凡，但係唔會伏。好飲！

平日係MegaBox附近返工，通常都會係MegaBox 搵食，而依間越南餐廳係我地經常去既地方，因為味道不錯，而且價錢又唔貴。但一到午飯時間，門口就企左好多等位既人，所以想食既話就要預多少少時間。午市時間會有lunch set，選擇都幾多，有16個套餐可以揀，而且仲有一啲餐前小食，都係廿幾蚊！今日我就點左炭燒香茅雞扒湯河，雞扒都幾大塊，燒得岩岩好，外皮香口，肉質嫩滑，好juicy ! 另外，之前食過半生熟牛河都不錯，湯底味道幾濃！整體黎講，依度食物質素好，價錢又唔貴，唔怪得之午飯時間咁多人嚟食！

Commm vietnamese cuisine 最近去左mega box行街，周圍搵下有無好野食，之後我地見到哩間越南野 好似好好味，餐單好吸引，於是我地就入左去食😋我地叫左個燒雞黃薑飯$152😋雞雞燒得岩岩好，好juice，好嫩滑呀，啲雞油好香，皮好脆身😋，而且侍應仲幫我地切開隻雞雞😋入面饟既黃薑飯先係精華，好香好好味，又吾會太油膩，一啖又一啖，俾我食晒呀😂賣相好靚，而雞都好大隻，好足料，下次會再返黎食🥰地址:CÓMMM Vietnamese Cuisine (九龍灣)九龍灣宏照道38號MegaBox 8樓3號舖

早前有嘢要去ikea買，所以就揾個男朋友同我去mega box ikea買嘢，之後揾下mega box有咩食，揾到呢間越南菜，所以就去食啦。我地揀左燒雞黃薑飯、菠蘿炒飯、炒蓮藕苗同一杯藍天使。佢個燒雞黃薑飯真係好吸引，一來我好鍾意食黃薑飯，二來佢啲黃薑飯係釀入雞裏面，所以黃薑飯除左黃薑味，仲有雞味同埋吸到雞油，令味道更上一層樓，真係超好味。而菠蘿炒飯同我想像中有出入，我想像係有原個菠蘿裝住，唔知係咪越式同泰式的分別，不過就一樣都好好味，好夠火喉，我最鍾意就係佢啲腰果，撈埋一齊食，更加好味。我就見到飲品有杯叫藍天使的，所以就叫來試試，原來佢係藍莓加椰奶，我見到想以為係越南咖啡，不過都照試，但我問過，無得走甜，所以杯嘢都幾甜。炒蓮藕苗就真係好特別，出面好少見，但原來味道都好正，係一個不錯的選擇。

熱到唔想食野，如果你好似有我呢個煩惱不如試一下，我以下介紹的菜。我乘著午飯時間去食了個醒胃餐—越南菜，天然清爽，口味较重酸、甜。夏天很開胃。特点为清淡不油腻，添加蔬菜的比例高，保存菜料的原味，推崇健康饮食派我食咗過海鮮湯河，湯汁好鮮甜，河粉吸收了湯汁，好滋味。配上各種香料，讓湯頭很香，食慾大增。這碗麵的料也很多，蝦，魚肉，芽菜，香菜，鱿魚。味道很正宗，讓人想食完再食的餐廳。難怪這裡常常出現人隊。讚👍🏼

🔹生牛肉河粉(少河粉)份量真係好大😱😱😱已經嗌左少河粉但係食左一半已經好飽🙈價錢又唔貴😆味道黎講我個人覺得鹹左少少,食完要飲好多水😂不過啲生牛肉幾出色,幾有咬口~

朋友食過話呢間幾好食，我就去左等位先，真係幾多人，都等左陣先入到去，叫左個豬排凍檬，即係撈檬黎，佢有d汁係枱，自己想落幾多就幾多，都唔錯，個汁酸酸甜甜咁，幾開胃，但叫左杯餐飲奶茶就好澀好難飲，唔知係成日都係咁定我唔好彩

中午在銀行處理財務時,接到太太電話,相约2:00pm下午茶。在Mega Box 8楼,位置非常方便,出升降機第ㄧ間舖。越南餐廳米子,裝修簡單,用牆鏡、掉燈、掛劃、燈光,打做悠和氣氛,座位空間寛濶。今次食是下午茶餐,我们㸃了火車頭河粉HKD49.00、馬拉盞炒芥蘭HKD24.00、鳯梨豬頸肉炒飯HKD49.00、兩杯熱飲跟餐送。火車頭诃粉,有牛肉丸、肥牛肉、牛腩、河粉、銀芽、洋葱、芫茜。牛肉湯底非常清甜,份量和熱度適中。食時,把銀芽和香草,沖入已放入牛肉和肉丸湯底内,ㄧ起享用,近來香草请香。馬拉盞炒芥蘭,用合格來形容,鹹辛味可多少少,可能介蘭今天不是當做季節,有些影響。太太這時讚我ㄧ句:「你昨天炒菜好食D。」😅鳳梨豬頸肉炒飯,用菠籮、雞蛋、豬頸肉、腰果、青瓜、肉鬆。甜酸味道可以,十分香口,醒胃,菠蘿粒多少少更佳。分量和熱度適中。 結帳是港幣134蚊, 抵食。服務員给我足夠單據,使我享用"免費 泊車",服務非常體貼"抵讚"。後記:用餐看到ㄧ位婆婆坐在另ㄧ餐桌享用午餐,相信是做廚房工作。用善時,餐廳经理不時同她ㄧ起試食食物,ㄧ起给美食分享意見,大家工作氣氛融洽,可見出來食物都是用心做的。

今晚黎左試這間越南菜，黎到時才18:30所以不用等位就可以直入 👍🏻餐牌上的菜式名好泰國feel ，只知米紙卷一定是越南菜 😂😂牛油果芒果軟殼蟹米紙卷本身都有期待呢個菜，但結果入口既味道感覺有啲唔夾，感覺怪怪的 🤨虎蝦蛋包金邊粉2隻虎蝦出菜時好靚咁放左係蛋包金邊粉上，但侍應上菜時隻虎蝦跌左落啲花生碎上，我夾返上去，但隻虎蝦已經痴滿晒花生碎 🤣個金邊粉好似比泰式既無咁酸，個味道都👌🏻，隻虎蝦幾好食 😋香茅脆皮牛腩伴咖哩加左$14 蒜蓉包，但蒜蓉包味道麻麻地 脆皮牛腩係幾驚喜幾特別，未試過，味道幾好，呢個菜式值得一試 🥰🥰

公司喺megabox附近，所以都大概知道呢頭有啲咩野好食，諗返起以前lunch time 前就會同班同事一起討論下一陣食咩🤣其中一個落腳點就係呢度，可惜每次放飯時間，周圍啲餐廳都會超爆多人，等位都有排等😖😖呢間餐廳都唔例外，成個門口企滿曬人呢度嘅海南雞飯係我食得最多既一個選擇😂佢啲雞肉好滑，唔會鞋唰唰，個飯都唔會好油好油，加埋碗湯，飽曬🤪🤪🤪可惜每次都要吃得好趕急，因為等位都用左一半時間😔😔唔知平日去食會晤會好啲🤤

米子一向都係我同同事嚟食嘅飯堂😚貪佢有張八人大檯夠擺我地入去同埋下午餐一向都係大件夾抵食😃今日食咗雞扒飯雞扒味道不錯🖖蒜片同醬油嘅配搭好好食雞皮焦焦地好正💕唯一缺點係有啲細件😟菜都有兩三舊西蘭花👌如果多啲就好因為唔想食咁多飯叫咗少飯但係舊飯都係成座富士山咁高😭焗住食又唔係唔食又唔係其實飯真係唔使要咁多餐廳可唔可以有少飯嘅option 💁‍♀️仲有叫熱檸水飲個杯有濃烈嘅咖啡味😂😂😂飲咗一啖飲唔到落去啦

2019年1月1日黎九龍灣行街天氣比較凍嘅關係 想食一啲熱既午餐於是就嚟咗呢一間餐廳餐廳係越南🇻🇳菜館裝修唔錯 座位闊落我叫咗越南海鮮喇沙湯底好重嘅香 海鮮份量亦足 有有魚有蝦有蜆及元貝仔麵底特別地係用返越式河粉 而唔係一般既麵🍜唯一美中不足 係唔夠熱如果個湯可以再熱少少 就會更加好！另外仲叫咗個蝦餅，入邊有章魚粒，但由於我唔鍾意食芫茜，所以扣左分！蝦餅係即叫即炸 上枱時非常之熱！

今天跟家人來到megabox打算閒逛一下看看傢俬，但肚子忍不住餓了，上了數層樓發現有間越南菜，都好似好耐冇食過，就選擇呢一間了。站在門口的Reception，有位女仕充滿笑容，很快著來招呼我，説這裡環境也不錯 ，有不少人在吃。Menu的選擇咩都有一點，但嚟到越南餐廳當然要試一試春卷啦，還點了香茅豬扒湯檬和菠蘿炒飯。越南春卷咬落去還是熱的而且也很脆，配上生菜包來吃再點上醬汁就不會感到油膩，味道都算唔錯。另外就講下豬扒湯檬，份量適中，對男士可能會差小小啦食埋春卷就夠哂，豬扒的香茅味唔算太重，但面頭有d葱油就好正🤤，湯底並唔係死咸，有小小炸蒜令個香味有多個層次，整體上都ok。最後到菠蘿炒飯啦，除左飯裡面有小小菠蘿外，仲有條燒菠蘿係側邊，而面頭鋪上炸軟殼蟹，整個飯係非常足料👀，個飯基本上好小咸味，不過配埋面頭d肉鬆就ok，而且仲有d腰果粒增加口感，好味🤪最後埋單都係200蚊有找，係呢度搵食都算唔錯了。