篤篤船麵 (V Walk)

營業中

休息中

整體嚟講唔錯，雖然未去到蔗渣價錢燒鵝嘅味道，但價錢絕對對得上味道，偶有驚喜。個人極力推薦豬頸肉，非常好食，味道夠，肉質唔會煙韌。船麵都係極力推薦，一般價錢份量相當大，湯底十分夾麵底，性價比超高。香葉辣椒肉碎飯（配荷包蛋）亦係唔錯嘅選擇，肉碎唔會太乾又唔係濕到出晒水，味道偏濃，而辣度岩岩好。相對較失望嘅係咖哩牛肉配蒜蓉包，牛肉比較嚡。環境方面，營造到泰國氛圍，再加上很容易令人知店舖主打的是麵，因為牆上的畫。至於評分我個人會比8分（10分為滿分）

唔好食，啲嘢10分普通，自己喺屋企都可以煮到，睇到食評唔信佢真係咁難食，佢啲嘢味唔可以話難食但係就唔好食，清湯掛水，味道10分淡，有落味精。佢個湯底係味精湯嚟嘅。如果可以揀的話，大家都係唔好揀呢間啦。

一坐低見冇咗手機落單都知出事，一睇份menu冇咗勁多選擇，又冇咗牛辣湯、牛清湯等等幾款湯底，仲冇咗細碗船面，連好好食嘅雞脾都冇埋。本來餐廳會播一啲泰文歌，非常好feel，但依家改咗播容祖兒嘅舊歌，仲要勁大聲，個feel變咗做茶記feel，格調冇哂。跟住問一問個位男侍應，佢用不友善嘅態度話舊班底已經唔係到，得返咁多選擇，即管就試一試睇下水準如何。叫咗一碗豬扒船面，豬扒ok，但係湯底完全唔ok，落咗勁重味精勁多油，完全唔係以前個回事，唔掂。依家呢間餐廳只係普通中下低檔餐廳，唔應該再用篤篤船面呢個招牌嚟呃錢。

平價泰國船麵😂但真係無特別，🤔🤔未必會再食，唯一優點係好平，而且份量唔多，唔太肚餓可以簡黎食😲……..而店員🤵🏻‍♀️🤵🏻服務方面，🤔🤔感覺唔太好，有待改善😣😣，細細碗可以試多d唔同野，但餐廳選擇唔多😣😣…….泰式奶茶非常細杯🥺🥺唔抵飲，呢間餐廳好似咩都好mini咁🤣🤣🥺而且無左泰式奶茶獨有嘅香味☹️☹️………船麵缺少左平時泰國菜香料嘅味道，🤔🤔似乎本地化左，但就無左泰式嘅風味🥲🥲

本人今天中午到此光顧，雖然係食飯時間，但係我都係容易搵到位置，但係坐底之後才知道出現什麼問題，首先是坐底三分鐘才有職員攞餐牌過嚟，跟住叫了一份泰式豬手飯和汽水，跟住看完餐牌後落單又要再等還要受職員的氣，仲要見到個女職員係客人面前做唔切，唔夠人手就向客人發脾氣，咁呢樣野係寫字樓的問題，結果由落單到送到黎要10至15分鐘，其後到來的顧客只需要等5至10分鐘，咁即係廚房玩嘢啦，臨走前問另一個女職員攞客戶服務熱線電話號碼，她仲夠膽講冇客戶服務熱線，就算我要投訴都冇用，咁我就索性係呢度投訴囉。

某日，去 深水埗-V Walk 逛逛街，順便睇埸戲 ~睇戲前，肚仔餓，先去 💛「篤篤船麵」食個 lunch ~餐廳乾淨企理，店員精靈醒目又勤快，播的音樂都啱我心水，沒什麼可挑剔的 ~什錦船麵 : 湯麵大大碗，食材有 (豬紅、牛肉片、牛丸、魚丸、籮白、炸豬皮同其他香菜) 湯頭的味道濃香鮮甜，夠味而不會過鹹；牛肉&魚丸都頗爽口，籮白清甜冇渣，泰式河粉滑溜而有米香；整體而言，味道實在不俗 ~食船麵，配青檸流打，感覺就是 - 爽 ~本篇完 ~

跟好友挑起條筋去吃飯，就來了篤篤。尚未習慣影相，就衹能用文字分享。1. 食物 - 泰式拼盤，蔗蝦，青咖哩雞，泰式雜錦湯河 （忘記真名），蒜蓉包，青檸梳打，千層糕，各款味道都不過不失，但青咖哩雞啲雞大部份是雞皮，失望。個湯河每樣有一粒兩片，喜歡重味的可能會喜歡它，我就最喜歡個千層糕，唔太甜，好Q彈。2. 服務 - 認真麻麻，主持做野無勁度，可能很累吧？侍應姐姐經常走來打斷我們，但又不是招呼好那種，21:00分已加快速度走來轉去，為的是22:00準時關舖。我們明白的，但中間花了太多時間打擾我們了。3. 環境 - 其實因為坐位不太舒服，所以遲遲也不選這店。4. 兩人花了$268, 都算正常吧！

📍🇭🇰 篤篤船麵 泰式船麵專門店Tuk Tuk Boat Noodle.有一天我們兩人的對話👇🏻👦🏻：都行到攰，不如去篤篤個度吃野呀！👩🏻：咩篤篤呀？係邊到？👦🏻：（係商場入面，手指住）拿，首先我哋呢度直行到篤篤，轉彎就係篤篤啦！👩🏻：我表示聽到一頭霧水，去到先知原來餐廳名叫做篤篤！.我們點左👇🏻📌 肥牛船湯河 {HK$65}- 好大碗，十分豐富，材料十足！.📌 泰式青咖喱豬扒配白飯 {HK$62}- 青咖喱汁好好味，配飯配餸都好夾，食過返尋味！非常推介這個👍🏻👍🏻👍🏻👍🏻👍🏻.📌 正宗泰式豬手（例牌）{HK$88}- 豬手好有味，炆得好林！配正宗辣椒醬！.📌 泰式蝦餅 {HK$20}- 真係有蝦肉足料！仲有甜酸醬點！.仲要係泰國人做待應，很友善，彷彿置身於泰國一陣間！呢度仲要唔收加一服務費！晚餐價錢來講十分親民，吃到好飽！

特意去吃泰式料理，裡到滴價錢方面都還OK，可以接受船面可以自由配搭菜式，一大碗麵+4個自由配搭的湯底，餸，同麵。一大碗大概是$48咁樣。可以加辣，如果鐘意食辣➕起身好好食。聽講炸豬皮都好好食，特意點佐好脆，味道都OK鐘意食嘎朋友可以試下

之前食過兩次，食物偏咸但無乜特別出事今次去，佢準備咗譚詠麟playlist 一直播，成個體驗非常譚詠麟仲有個肥牛船麵，勁多肥牛超大塊咁，但係無牛味，都幾得意㗎真係

V walk都多嘢食，見到呢間舖就好掛住旅行感覺，決定入去止一止渴。用qrcode點餐，點餐畫面清楚方便仲可有多自選要求本來order幾餸船面，但見到5碗細船面可選不同面底湯底就改了，試晒每款味道同分。朋友都跟我一齊改，大堆頭影相滿足吓大食感我較為喜歡牛清湯及全旦面，豬湯牛湯味太濃但又不太似泰國的味道，可能佢無菜底少咗啲菜嘅甜味，至於辣味太死辣對我黎講有啲辣我不喜歡，不過朋友就話好味。餸方面牛展真係一啲都唔似牛展似一般烚肉，其他都ok啦。另外叫咗串燒，$28/3串呢個價錢你想點，算係咁啦。店內環境餐具都乾淨。如果你係想叫外賣，呼籲一下你唔好叫細船，儘量環保少少叫大船

我同同事嚟開V Walk食晏，我之前食過「篤篤船麵」覺得幾得意，而佢又話未食過，就一於入去開餐😊。啱啱到達嗰陣，餐廳都幾多人，始終正值午餐時間。店舖環境幾靚，因為周圍都好色彩繽紛🌈，有著紅黃藍綠四色嘅櫈仔，而且又有大大幅牆畫。我留意到餐廳有搞唔少噱頭活動，例如挑戰最多食幾多碗船麵同埋鬥快食船麵嘅比賽。餐廳現時採用QR code落單📱，但如果嗌細船麵餐就會揀到傻，要逐碗每個細項㩒，哈哈。反而以前劃喺紙更一目了然。泰多茜牛柳船麵($75)，「茜人」食佢就啱哂，因為碗麵堅係有真·激量芫茜山☘️。除咗面頭堆生芫茜之外，佢個湯底都充滿咗打溶哂嘅芫茜碎，所以每啖湯飲落都好重芫茜味。不過你亦都唔使擔心，佢個湯濃得嚟好易入口，唔重臭青味，否則我都食唔到。但湯底偏少，金邊粉又索湯，所以食到一半個湯已經蒸發咗八成。多茜船麵嘅餸料包括慢煮嫩滑牛柳同炸豬皮。🥩牛柳俾到意外驚喜我，佢並唔係一般肥牛，反而係有一定厚度嘅牛肉片，似似哋牛腩，牛味突出，由生浸到熟，肉質冇變嚡。豬皮就麻麻哋，因為唔夠酥脆。篤篤地道泰式細船麵($55/五碗)，細船麵好的骰，不過五碗夾埋食都飽㗎🖐。每款有大約三至四啖，一次過可以試到唔同餸料、

今日行經vwalk商場，唸住係果度食lunch，好耐無食泰國嘢，見到呢間唔洗等位，價錢又唔算貴，就試下la。點知中伏。叫左生菜包、黃咖喱豬趴飯、青咖喱豬頸肉飯、豬趴金邊湯粉生菜包d生菜新鮮的，但d肉碎完全唔得，睇落d色已經好淡，好似無炒過咁，出曬水，d肉好韌，又無調味，係我食過最唔好食的生菜包，沒有之一。豬趴又係無調過味，完全靠外在的咖喱味冲撐，d咖喱唔夠香唔夠辣，唔覺得係泰式咖喱。d湯又係無味，所以食到一半已經唔想食。浪費曬，真係唔好意思。青咖喱好重椰漿味，無咖喱味同辣味。我應該唔會再去。

半年前曾經嚟食過一次，當時覺得只係一般。不過最近聽朋友講餐廳請左位泰籍廚師，menu亦唔同左，所以剛好去開附近就去篤篤船麵食晚餐。今次試左4樣野泰式海南雞半隻皮薄雞肉嫩滑，好快清左成碟。什錦船湯河湯底有特式超正，扎肉好好食，如果只可以叫一樣野食我會揀依個船河。青咖哩雞肉+蒜蓉包咖哩汁做得唔錯，好香有小小辣味。雞肉同出面嘅做法唔同，會用海南雞。如果本身已經叫左海南雞，我建議要豬或者牛咁可以試多d口味。泰式小食拼盤蝦餅同香葉雞都好味，但我地兩個人食唔到咁多野，如果有多個朋友一齊share就好喇。依餐每一樣野都覺得幾好食，換左泰籍廚師之後質素真係好左好多👍🏻食完第二日已經開始掛住個船湯河喇！

今日收工之後過嚟南昌搵朋友，然後佢帶咗我去B WALK行街，原來呢個商場都幾野食幾多嘢行，行到咁上下就帶咗我嚟食呢間船麵。裝修佈置好有特色，成間店都好色彩繽紛。就連坐嘅凳都五顏六色。《沙嗲串燒盤》$28沙嗲好夠香，而且即叫即燒，肉質中保留彈性。《四色拼盤》$60有炸春卷、魚餅、蔗蝦、蝦餅，全部都即煎即炸，口感非常香脆。《生菜》$12分量幾多，而且好新鮮，唔老！食下菜感覺健康啲解下油膩感。《慢煮牛柳濃湯船麵》$78牛柳慢煮8小時，色澤鮮嫩，食落真係幾淋幾嫩，牛味好濃！慢煮果然唔同啲。另外算啦仲有好多配料，例如炸豬皮，牛丸、蔬菜，加返湯底都好香，調味有泰式風味得黎幾獨特，整體都好味。 總括嚟講，呢個價錢唔貴同埋選擇好多，經過行過呢度可以幫襯下。