篤篤船麵 (V Walk)

營業中

休息中

朋友新搬去附近，首次拜訪..就係附近睇下有咩食..3個人叫左金邊粉 海南雞半隻 泰式酸辣鳳爪 雞翼 我哋幾個朋友都覺得 嘢食都係好食嘅住附近嘅朋友 更加話佢最近都成日食呢間最令我哋意外嘅就係個奶茶平時嘅泰式奶茶都係超級甜..呢一杯奶茶唔係太甜仲要有茶香反而會推薦下個奶茶

午餐諗吾到食咩，行過呢間即管試下。一去到就有位，裝修簡單整潔。叫左海南雞撈金邊粉，海南雞好好食，好滑好有雞味，反而撈金邊粉真係未食過，本人覺得普通。叫左個雜錦船麵，湯底好正宗好好食，d丸好好食，又大碗好足料。小食叫左炸蝦餅同泰式鳳爪，一樣甘好食，夠唒味，飲品係泰式奶茶，好出色！之後仲叫個豬手，呢個菜係呢餐既大驚喜，豬手好好口感，食完想再食，最緊要配埋個酸菜，配合得好好，吾會肥膩，食完好舒服。呢間一定會再食，吾會貴，性價比高！

價錢親民嘅泰式美食🇹🇭晚餐時段去到人氣爆棚，不論堂食定外賣都超多人🫣1. 秘製泰式燒豬頸肉（$88）厚切仲要好大舊😳燒到外皮微焦，非常香脆油脂在嘴裡迸發出黎，本身味道比較淡，但配埋泰式酸辣汁都幾惹味評分🌕🌕🌕🌕🌑2. 什錦船湯河（$60）勁大碗，配料超多，有豬紅、魚蛋、豬肉丸、扎肉、牛肉、蘿蔔，好似食咗碗好豐盛嘅車仔麵😂湯底應該用牛骨煲咗好耐，幾香濃～呢個價錢黎講真係無得輸🫶🏻評分🌕🌕🌕🌕🌗3. 酸辣無骨鳳爪沙律（$58）酸酸辣辣好開胃，鳳爪爽脆可口，夠曬入味🥰評分🌕🌕🌕🌕🌗4. 篤篤柚子沙律（$75）泰式經典🙉柚子配埋各種炸過嘅配料，仲有少少洋蔥碎，望落好奇怪，但食落都幾夾🙊柚子酸甜多汁，好啱炎炎夏日食~如果柚子肉再多啲就perfect la評分🌕🌕🌕🌕🌑5. 泰式奶茶（跟餐+$8）利申：飲完冇肚疴😂比起港式奶茶多咗少少香料味🤌🏻但真係好少，唔洗驚奇怪，係好飲嘅～見到係預先沖好一大壺擺喺雪櫃，所以冇得改甜度，本身仲驚會甜到漏🙊但其實本身都係少甜！評分🌕🌕🌕🌕🌗

⭐️海南雞船湯河 $68牛肉湯味道濃郁，但唔會油膩，仲有啲豬紅、蘿蔔，炸豬皮配料！⭐️袐製泰式燒豬頸肉 $88⭐️蝦餅 +$22⭐️雞翼 +$20兩款小食都熱辣辣，香口味道幾好，而且細分量可以叫多幾款share 食～⭐️芒果糯米飯 $62有原味同班蘭糯米飯，軟硬度啱啱好

開係公司附近，以後真係走唔甩啦🙊之前經過見到，最近第一次入嚟食，無論係船湯河或海南雞，真係低調又出色，🤣以後個姐姐應該會成日見到我~🥩肥牛船湯河 $68必定再叫！！牛肉比預期仲要多，多片牛肉鋪滿麵面，加入地道炸豬皮，軟嫩豬紅，清甜蘿蔔，夠哂足料🍜麵底我揀咗滑溜金邊粉，👍吸收埋湯汁一齊食，仲正。🐤泰式海南雞(半隻) $118份量夠大，上到嚟嘅時候朋友仲問我係咪叫咗一隻雞🤓雞皮金黃色已經非常吸引，色落去雞肉夠嫩滑。而且有幫手起咗骨，所以食得更加方便👍每一嚿，無論係雞脾肉定雞胸，都好香好滑，唔會有粗纖维嘅感覺。🐮沙嗲牛肉(半打) $78即叫即燒，好唔錯！🍢肉質實正，鍾意佢個沙嗲醬，傑身有椰香。🦐泰式蝦餅$20加咗麵包糠，炸得香脆，🔥熱辣辣，爽口彈牙。🧊泰妹蘭香籽飲品(荔枝味) $12玻璃支裝好有泰國風味，😙荔枝味濃，出好自然。店鋪牆壁精心畫上泰國嘟嘟車，好有feel。餐廳出品性價比高！

最近星期五下午4:00阿女都系V-walk附近學游水，所以我每次送完女去游水肯定去V-Walk去覓食，見到篤篤船麵裝修唔錯又未食過，仲有下午茶餐，大約40幾蚊一個餐，好似好抵食，買個外賣今晚唔使煮飯😂。有位姨姨幫我落單，態度都十分好，我話轉頭來攞，都話可以態度各方面都幾好（絕對無西口西面）。T7 豬頸肉撈金邊粉（HKD 46）：豬頸肉好香，又唔肥，好爽口，加埋個泰式辣醬，甜甜Ｄ，酸酸地又辣辣地好好食，好開胃，金邊粉炒的好香，好多泰式香料味道，又乾身一Ｄ都唔油，真系唔錯，下午茶餐包一罐可樂。

已經唔係午市繁忙時段，落單有野想問店員，有一個男店員好大聲態度好差咁話”又乜野呀！點呀！”我只係諗問下佢湯底點轉。點解個app轉唔到好日都唔黎下呢一區，難得放假去到南昌食下野，點知破壞哂心情。無下次！！！

已經唔係午市最旺時段，有一位男店員，態度超惡劣，另外嘅店員好似發夢夢遊咁，問佢嘢都九唔搭八，其實已經唔係旺，有好多吉枱，點解態度要咁樣，冇下次以後都唔會嚟！！！

好難得嚟到呢個商場，因為好少嚟呢一區。午飯時間都算多人。等咗大約10分鐘就有位，可能因為我哋只係兩個人，侍應態度都非常之好。我哋原本係坐係一人枱，侍應都有問過可唔可以先俾我哋坐，我哋當然可以。我同朋友就揀咗湯粉，我哋見到有冬陰功湯底，雖然要加$10但係都好想試吓，我就叫咗泰式豬手，我朋友就叫做泰式豬頸肉，仲叫咗杯泰式奶茶同埋青檸梳打，再加咗個泰式鳳爪。坐左冇幾耐，侍應主動幫我哋轉做二人枱，非常有禮貌。而嘢食方面呢，泰式豬手都比較煙靭，係好食嘅。冬陰功個湯底呢就唔算太辣，我哋兩個食完仲飲埋啲湯添。而家泰式奶茶呢，個杯就非常之精緻，其他嘢整體嚟講都算係唔錯。兩個人埋單平均每人$80

之前同朋友行V-walk食過呢間餐廳，覺得價錢好抵食，所以今次路過呢區，再黎幫襯。抵食在你叫一個主食，可以加少少錢要埋一個小食（唔洗正價叫一大碟太多），再加少少錢又有埋飲品，所以好化算。叫咗主食：豬扒撈金邊粉，香葉肉碎煎蛋飯；豬扒撈金邊粉意外驚喜，個麵辣得黎好惹味開胃，豬扒夠香口；香葉肉碎煎蛋飯如果可以乾身d更加好；配小食：蝦餅，春卷（加配小份，兩個人啱啱好，又可以試多樣）；所以加多蒜蓉飽；飲品：泰妹蘭香籽飲品，荔枝味同芒果味，幾好飲，唔會太甜，有個d 蘭香籽粒粒好特別，推介！！甜品：芒果糯米飯。另外，餐廳服務好好。食咁多種類，份量又啱啱好，都只係$250兩個人，因為有埋九拆 = 唔洗加一，抵食！！

泰式香葉肉碎煎蛋飯：小辣、肉碎除咗鹹味之外食唔到咩味，成個飯最好食就係個荷包蛋。😅冬陰功香茅豬扒金邊粉：豬扒都還可以，但湯底好鹹，仲要轉冬陰功係加$10。失望。唯一好處係v walk比較平嘅選擇，星期六lunch唔使加一。如果唔係一定要喺V walk度食一定唔會食呢度，寧願行遠少少去返福榮街嗰邊。

同朋友去，睇見menu食物種類都好多選擇，而加有埋QR CODE自己落單都方便咗不過電話落單既menu冇咗相片，希望可以盡快加番～咁就唔使睇住本menu篤電話落單大力推薦豬頸肉豬頸肉撈金邊粉，食落好有驚喜，肉質有嚼口燒得好好，下次去會想試單點一份豬頸肉，食過翻尋味金邊粉軟硬度適中醬汁好入味豬手肉質鬆軟，肥瘦適中，而且夠大份泰式鳳爪比較一般沒有太大驚喜另外朋友叫咗碗雜錦船河，大大碗好足料，湯底好好飲(如果唔係有其他野食應該會飲哂）以呢個價錢嚟講絕對抵食，下次會再去試下其他菜式

嗌咗湯河 跟小食蝦餅 同一杯泰奶。一開頭收銀已經打錯單，分開計貴咗。但諗住佢收咗就算數啦。返去食到一半見到成隻水蛭痴喺度。即刻攞落去換，順便同佢講返打錯單。個收銀阿姐仲態度極差，話番個客轉頭，最好笑係居然賴個客寫錯單。對味道都已經冇咩期望，但冇諗過態度、衛生都可以差成咁。

總結：其實味道真係好ok (以呢個價錢嚟講)..仲要有大檯可以5個同事一齊食👍👍食物種類多，又可以QR code落單正。係個位比較難搵😅推薦：燒豬頸肉（建議唔配麵，單叫一份，真係好食）海南雞（嫩滑，皮薄）香葉肉碎煎蛋飯（可以轉油飯，唔記得洗唔洗加錢，但要開口request, 油飯正😋）豬手（好多膠質😍呢個可以拎生菜包嗰份菜黎包住食，無甘膩）芒果糯米飯（外賣帶走，無影相。食嘅同事反映好好味）椰子水（唔推薦，呢個牌子太甜）

約咗一班同事去食，咁就可以叫多幾樣嘢一齊食啦！第一次去食，大家嘅評價尚算滿意最有驚喜係豬頸肉撈金邊粉👍🏽豬頸肉肉質嫩有嚼口，香口熱辣辣，非常好食金邊粉硬度控制非常好，夾落去唔會散晒！另外，個例牌豬手，豬皮充滿厚厚嘅骨膠原味道剛剛好，送飯一流雜錦船湯米粉呢～船面係呢度嘅主打，一定要試吓！真係好有泰國嘅風味湯底出色，一定會去再食！不過，都真係幾大碗，冇咗船面細細碗嘅特色....大碗又抵食，夠哂Hong Kong style整體來講都算唔錯當然有要改善嘅地方。例如醬汁用咗塑膠兜上，都好唔環保。希望有待改進！