篤篤船麵 (V Walk)

營業中

休息中

今晚屋企無煮飯，帶左媽咪去屋企附近個商場食野，媽咪見到哩間食馬來西亞特色船麵餐廳就帶左我入去搵位坐低，餐廳內佈置色彩繽紛，牆上除了掛有馬來西亞由水上坐艇先食到既特色船麵演變至今天我地身處既餐廳裡食到既船麵的變化相片。我地望一望個餐牌，我幫媽媽點左個自選船麵，以牛肉濃湯做湯底，金邊粉面底，媽媽喜歡食肉，配料就選滷水雞翼、牛展、扎肉、豬頸肉多肉種類。我就望到枱上貼左個芫荽山牛柳船麵，食芫荽有多種功效，除能夠解毒、止咳、化痰，以及緩解胃脹等，可說是加強身體的保護力食療，但因為味道特殊，未必人人接受到，我一於挑戰下先。飲品係泰妹蘭香籽的荔枝口味同椰青水。自選粉麵濃底濃郁既牛肉味，滷水雞翼同牛展都煮得好入味。芫荽山牛柳船麵，湯面鋪滿大量芫荽和炸豬皮，青草般顏色既湯底，麵底採用特幼細的米粉，當中既牛肉片鮮粉嫩色，食落唔會韌及榎口。飲埋滑溜既蘭香籽飲品如同去了一倘馬來西亞之旅一樣。

這天舊同學在南昌站上蓋的新居入伙，當然要去參觀一下豪宅，參觀完畢便去醫肚，樓下商埸很多食肆，路經一家名為篤篤船麵的餐廳，她說經常路過都看見很街坊光顧，姑且進去試試。餐廳装修簡潔，坐得也頗舒服，望着牆身掛上的泰國照片，勾起我思念泰國的情懷。枱上的餐牌是這期餐廳的主打麵食，既然是主打項目，當然要一試。等候食品期間，望着枱上各式各樣的泰式醬料，巳令我垂涎三尺。主菜未到，先來了兩個冷盤小吃，第一個是泰式酸辣無骨鳳爪，酸辣適中，胃口大開。另一個是木瓜沙律，木瓜絲爽甜，又是另一開胃之選。推介主打麵食終於來了，這個名為慢煮牛柳濃湯船麵，它標榜牛骨湯慢煮8小時，果然牛味濃郁，牛柳嫰滑，牛丸彈牙，沒推介錯。由於混了泰式辣汁醬料，口腔熱辣辣，立即叫了青檸梳打救火。由於舊同學想吃點飽肚的，於是叫了一客泰式青咖哩燒雞脾飯，青咖哩有別於紅咖哩，沒那麼油腻之餘亦較為香口，配以嫩滑雞脾肉，確是一頓不錯的晚餐。

今餐係為咗泰多茜而嚟，果然餐廳入面都好多宣傳。牆上面嘅畫吸引咗我，搞到好肚餓。事不延遲─泰多茜～唔只係芫茜湯，仲加咗好多芫茜喺面。值得一讚仲有個牛柳，唔會太熟，軟硬適中。我地仲叫咗個豬八戒，非常足料，有豬腩豬肉丸豬皮豬大腸。。。仲等我地驚唔夠食加咗個雞翼🤣 個湯我地揀咗牛湯，好濃又唔會太咸。鴨血以19蚊嚟講份量都多，唔算辣，不過要趁早食，因為一拎出嚟已經暖暖地。沙嗲同泰式奶茶就中規中矩啦～不過以咁嘅價錢算性價比高。

自選大碗三味 $58這碗是老公點的，配料方面他選了牛柏葉、滑牛和牛展然後是乾河粉和牛湯🐂------------------------------老公一向對食沒什麼研究他只在乎能否吃飽，幾乎從來沒有對食物的味道和烹調方式有任何要求😂我總是擔當他的美食導遊🌍我是泰國迷🇹🇭疫情之前，每年必定去泰國至少兩次很喜歡泰國的食物，不能旅遊的這段期間就一直很想念那裡的路邊攤其中最心心念念的兩種食物是烤大頭蝦和船粉今天能在這裡吃到船粉，有一點點緩解到思鄉之情😝------------------------------泰多茜牛柳船麵 $75配料和湯底是指定的，然後我選了米粉牛柳還帶著粉紅色，挺嫩的湯底是濃郁的芫茜味（而且還真的有不少芫茜在上面，確定自己是不介意這種味道才點哦）泰式時菜 $12泰式脆皮燒腩 $48

來到南昌站上蓋， 行完商場， 去食個晚餐😋今日想食惹味嘅麵， 又想飲碗湯， 就決定嚟咗呢間泰國篤篤船麵🛶餐廳衛生乾淨企理， 職員態度友善殷勤， 仲會介紹菜式。🐮泰式牛魔王配牛湯，有牛𦟌牛柏葉牛丸牛滑， 湯底牛味濃厚， 配上金邊粉 ，吸收咗湯底嘅味道， 叫泰式牛魔王 真係實至名歸。🛶話明船麵就梗係一會碗碗嫁啦， 三碗細細碗嘅船麵， 有唔同嘅配菜， 唔同嘅湯底， 唔同嘅麵底，一試無妨 - 鹵水雞翼清雞湯金邊粉， 扎肉牛肋湯米粉， 魷魚煮辣湯米粉， 一個餐滿足你三個願望， 滿足你三個口味🥣冬陰功湯， 辣度適中， 仲有新鮮大蝦🍤仲叫左蔗蝦同蝦餅食左好多野，飽飽😋

冇煮飯就落街食，喺v walk行過見到有個芫茜山既牌吸引咗我， 所以就走入去試下我自己就叫咗呢個 泰多茜牛柳船麵， 家人叫咗 5碗船麵， 小食揀咗一個串燒+木瓜沙律+鴨血1串雞+兩串牛，個醬有濃濃嘅花生味， 串燒有燒烤感覺很好吃鴨血微微冷唔會覺得腥， 份量比想像中多木瓜沙律勁辣， 第一啖唔覺，之後個回辣好勁 ，食得很爽皮朋友叫嘅5碗船麵，可以各自揀湯底、餸、麵底成功搭配咗幾個好奇怪但又幾好食嘅組合重頭戲係泰多茜牛柳船麵， 牛肉新鮮夠淋， 非常有肉味， 淨係牛嗰部分已經係食唔停口， 嗰個湯底每一匙都見到有勁多芫茜， 面又有勁多生芫茜 ，一食完牛就直接食嗰啲芫茜 面仲有D炸咗嘅豬皮，夠脆，同芫茜都好夾喺Vwalk 搵到第二個飯堂

好有特色既泰式船麵。 見到都好多人食, 就入去試試。見到menu原來都好多選擇, 好多麵款簡。 我同朋友簡左: 泰式牛魔王配米粉辣牛湯, 泰式豬八戒配米粉清湯。 2碗都係肉臟，一次過試晒牛同豬。 碗麵黎到都好足料, 好大碗。 而且加餸仲只係加$8/款。 我地另外再加左鴨血同魷魚。 都幾抵。首先清湯好甜, 可能因為白蘿蔔甜啦, 都幾好飲。 鴨血冇腥味, 豬皮, 豬腸, 豬肉丸...都好入味。 而牛方面, 牛湯好香, 有種特別既香茅味, 又係另一種口感。 牛，牛百頁, 魷魚, ...都好正。 淨係食2碗麵都好滿足。 不過, 晚餐當然要叫d小食, 泰國野更係要試木瓜沙律, 冇骨雞腳, 蝦餅。 雖然細細份, 好夠味。 木瓜沙律有d辣紅蝦仔好得意, 好開胃。 雞腳好爽口, 蝦餅好甜爽。 最後, 唔少得2杯青檸梳打。 係咁熱既天氣, 真係食得好暢快。

今日放工同老公一齊去嘆吓佢係超鍾意食芫荽 係芫荽關注組嗰啲朋友所以見佢啲芫荽湯直頭係綠色嘅 就帶咗佢去食呢間餐廳正正減緊肥嘅佢 覺得呢個芫荽牛柳麵好啱佢 因為連肉都係瘦嘅部位見到碗湯都係綠色就知道芫荽味有幾重 仲要碗上面有一堆生芫荽 所以佢好開心牛柳本身生生地 靠啲湯浸熟成碗粉都好夾不論係牛柳搭芫荽同金邊粉 高質好食另外叫咗個青木瓜沙律佢啲醬汁撈好晒 仲要入晒味少少辣 真係好好食好滋味 平時得我自己一個食晒成個木瓜沙律 今日老公都爭住食生蝦刺身 價錢相宜 醬汁調教得好好好食呀 😋😋我就叫咗個牛魔王船麵 牛柏葉 牛丸 滑牛同牛𦟌 勁多款餸好正 牛湯底好濃 但又唔油 豆卜同蘿蔔索哂啲汁 好滋味！真係減肥恩物 側邊仲有任落嘅醬呢度最好係樣樣少少 又平 兩個人食都可以試多幾款囉！

今日嚟到南昌V·Walk食呢個泰國船麵依家為來講估唔到一個大型商場入邊可以生存到一間平價嘅食肆一入到去就比呢個太多茜牛柳船麵吸引到睇圖連湯都係綠色令到我十分期待餐廳係用QR code落單禁入去之後仲會有唔同嘅選項可以揀返不同嘅配料，例如走青選擇辣度，都幾全面嗌咗個木瓜沙律同埋時菜木瓜沙律辣到十足，加埋酸酸嘅味道，勁開胃仲有勁多花生做配料食落去口感層次豐富性價比超高$19有咁大兜泰式燒豬頸肉份量相對比較少但食落去肉質唔錯泰式生菜包勁有鑊氣加埋醬汁嘅加持夾落生菜到勁野味太多茜牛柳船麵啲芫荽勁多，而佢嘅湯底都真係用芫荽打爛造成，真係綠色😝湯底濃郁得來調味啱啱好唔會過咸食到牛骨湯嘅油脂味炸豬皮就咁食就好爽口撈埋啲湯食就吸哂湯嘅味道牛柳相當之嫩滑，重牛味數量亦都有成5塊青檸梳打一如既往咁清新食泰國菜佢叫價錢真係相當之平值得一試

難得今日探朋友黎到南昌一定要佢帶我去試下附近既餐廳.估唔到VWalk呢個商場都幾多款式既餐廳.今次佢就帶我去到呢間食泰國特色船麵既餐廳試一試.泰式牛魔王船麵整碗麵有牛展,牛丸,牛柏葉,滑牛肉再配上牛濃湯底.牛湯既牛香濃而唔會過鹹膩,食完都唔會口渴.湯底再加上少少魚露,白醋及辣椒令整碗牛湯鮮味更香濃.牛丸細細粒但彈牙,牛柏葉夠爽脆.配料可以按喜好再加,豆卜配咁香既牛湯當然係最佳配搭.泰多茜牛柳船麵荽茜控注意 ⚠️,見到佢地新推出既海量荽茜船麵即刻雙眼發光！除左成碗船麵上放上大量荽茜外,仲加入荽茜汁落牛濃湯底內,令荽茜濃度大大加強.飲一啖湯底同時散發出濃香牛味及荽茜獨特既芳香,互不搶去各自既香味.金邊粉彈牙帶米香,充份地掛上荽茜碎,香口滿足.牛柳嫩香肉滑,再加上炸豬皮令口感添多一份香脆感.蝦餅雖然唔係厚身蝦餅,但入口同樣彈牙帶蝦香.外層灑上少少芝麻令味道更香,入口更酥脆.泰式時菜加上少少炸蒜令爽脆既生菜味道更香.泰式奶菜帶住香濃有標奶茶獨有既香味.奶香幼滑而且甜度調配返合適香港人既口味唔會過甜.

約左朋友到南昌站V Walk商場shopping，又到晚餐時間，朋友想食得清簡d，所以我地去左感覺上走泰式風味路線嘅<篤篤船麵>，試完之後，詁吾到有d驚喜喎！～餐牌其實都有好多選擇㗎，除左船麵，仲有船飯，又有其它泰式小食，仲有泰式奶茶供應㖭！！～就咁睇餐牌都已經好吸引，而且重點係價格吾貴，又吾洗加一，算係抵食！！原來呢道仲有以芫茜為主題嘅<真·激量芫茜山牛柳船麵>，視覺上已經勁吸引，雖然本身並不是超級芫茜粉絲，不過都好想試下吖！芫茜山牛柳船麵可以自選粉麵，我就簡左金邊粉。芫茜份量絕對吾少，鋪滿碗面㗎！牛肉湯底好清甜，同芫茜嘅清香味道好夾，配料仲有炸豬皮，同樣好好味！～值得一讚嘅係呢到嘅牛柳，牛肉味道夠濃郁，而且都好嫩滑，亦不會過肥。金邊粉掛湯一流，而且d粉質地好細滑，份量亦充足。另外叫左呢到嘅招牌船麵<泰式牛魔王>，材料有牛展、牛丸、牛柏葉同滑牛，配全蛋麵及清牛肉湯底。滑牛夠腍嫩，牛丸好惹味，牛展入味夠腍身，牛柏葉爽口。不過個人覺得全蛋麵不及金邊粉咁吸湯，麵身冇金邊粉咁滑甘好食，下次我都會配番金邊粉，應該會更完美。滑牛大大塊，夠嫩同埋好腍

船麵係泰國地道嘅麵食，可惜響香港好少泰式餐廳會以船麵做主打。咁啱同朋友經過V Walk見到一間以船麵為主打嘅餐廳，於是便入內一試。餐廳唔算大，裝修好有特色；彩色嘅小板凳加牆上面掛咗唔少泰國嘅裝飾品，好有心思。餐廳與時並進，客人可以選擇掃QR Code嚟落單夠哂方便！見到佢有嗰新出品“泰多茜牛柳船麵”，本身又鍾意食芫茜，於是決定嚟一碗試試。泰多茜牛柳船麵份量十足，有牛柳、炸豬皮同勁多芫茜。最欣賞嘅係慢煮嘅牛柳，好有牛肉味而且好軟腍。湯底唔太夠味，但加返啲魚露落去即時提升返嗰味道。篤篤船麵 (細碗)湯底、麵底、配料全部都可以自己揀。食量大嘅朋友可選擇5碗船麵套餐。朋友要減肥，所以叫咗三碗。三碗唔同嘅配料，唔同嘅湯底同埋唔同嘅麵，拼砌出唔同嘅口味。蔗蝦新鮮炸起，熱辣辣，細細嚿，爽口彈牙。泰式豬頸肉份量比較少，但係味道可以。沙嗲串拼盤串燒十分香口配埋嗰醬汁，好惹味。枱面上提供咗唔同嘅醬料而且好齊全，有魚露、辣椒粉、辣椒油、泰式辣醬等等。客人可以因應自己嘅味道嚟調配食物。最後發現餐廳竟然有競食比賽，只要係限時內清哂指定數量嘅船麵就可以上榜，有興趣挑戰嘅朋友就要嚟試下喇！

作為芫莤黨黨員, 見到有芫莤出沒就即刻去試下!!呢間野係 V WALK都開左一段時間, 終於搵到機會一試泰多茜牛柳船麵$75之前係泰國食過船麵覺得幾有特色, 全部細細碗, 不過係香港就無試過!!而呢間係專食船麵既, 不過呢碗 泰多茜牛柳船麵係泰國既船麵都無架XD雖然上枱果下覺得 都唔係好多茜姐, 不過睇真D, 原來佢湯底都有打爛既芫茜, 每淡掛汁既麵都食到芫茜味, 唔錯唔錯!牛仔柳唔係熟晒, 所以唔鞋口, 可以一試!!另外叫左個豬排飯, 豬排香脆, 份量都幾多, 好食!冬蔭功湯都幾大煲, 有幾隻蝦, 2個人飲都分到幾碗, $68 都幾抵!

琴日有d事要去南昌附近，做完就順便行下V Walk。其實個商場我覺得就唔係好特別，同平時大商場大同小異。咁午飯時間當然係食lunch啦，我就揀左呢間篤篤船麵💛💛。佢主要有分大船麵同小船麵，我諗5碗小船麵既份量等於一個大船麵吧。我自己就叫左一碗三餸麵同一份蝦餅小食。佢先上一個蝦餅，外表脆口，而且好野味，但調味料既濃度有少少遮蓋左蝦本身既味，如果我閉上眼咁食真係未必食得出係蝦餅😂。之後再黎個三餸麵，我叫了滑牛，豬大腸同豬頸肉，點了豬濃湯。味道十足，湯底亦很濃，但就細碗左d係食唔飽既，唔知有冇得加底呢 😂?而且豬頸肉就不是很夠味。總括黎講真係食得過，性價比都高，係大商場食到間好食又可以100蚊內找數既餐廳真係唔多。👍👍三餸麵 58蚊 (豬頸肉額外加2蚊)蝦餅 16蚊

有人咁啱行過南昌新商場V walk ，見呢間餐廳唔駛等位就試吓舖頭嘅裝修好有泰國嘅感覺😂，牆上面掛咗唔少泰國船夫嘅帽做裝飾品，都幾有心思嘅！兩個人叫咗兩個套餐，其中一個餐係泰國出名嘅船麵🛶🍜，有得揀四款面同餸菜自由配搭，雖然個餐好快送到，但啲嘢食份量超少，每碗面都得一兩啖同埋一兩舊餸，四碗面嘅份量加埋應該先得完整嘅半碗，好唔抵得來又唔係好味，都幾失望🙍‍♂️套餐仲唔會包嘢飲，如果要飲水嘅話仲要買支裝嘅礦泉水都有啲奇怪整體來講唔會再試第二次，除咗舖頭裝修都算新淨同有少少特別之外無一可取之處