篤篤船麵 (V Walk)

營業中

休息中

V Walk位於南昌站上蓋，2019年7月開幕。雖然唔算大商場，但都有唔少餐飲選擇。與其食大型連鎖店，不如試下只有2間分店既篤篤船麵好似比較特別！船麵係泰國地道及著名的麵食，就好似香港車仔麵咁。湯底、麵底、配料全部都可以自己揀。淨係湯底都有7,8種：牛湯、豬湯、牛辣湯、豬辣湯、冬陰功湯、牛清湯、雞清湯、彩虹湯。除左有一般預設份量，食量大的話可選擇4-5碗細船麵套餐。每碗屬迷你SIZE，可以拼砌唔同口味。🔸泰式牛魔王 $48餸料包括：肥牛、牛丸、牛柏葉。每樣少少，略嫌份量少。其餘附送豆卜同蘿蔔，好吸味，唔錯。我選擇了金邊粉配冬陰功湯。湯底有冬陰功味，屬於淡身，唔似平時食泰菜飲湯個種咁濃味，食唔出辣。🔸細碗船麵 （每碗 $13/ 四碗 $48/五碗 $58）細船麵套餐自由度最大，全部都可以揀自己鐘意既組合！每碗餸料同麵底份量不多，賣相未算吸引，放哂4-5碗係枱面都幾誇張。🔸蝦餅 $16 / 🔸薄脆 + 炸豬皮 $8小食價錢幾抵食！$8 - $60都有，份量唔太多，可叫一兩樣嚐下。蝦餅熱辣辣炸起，面層酥脆。唔係好厚，咬落彈牙，好食！炸豬皮炸到同薄脆差唔多口感，同朋友吹水飲啤酒配依碟唔錯。

星期日同老婆去南昌站v walk 食午餐，呢個商場已經嚟過幾次，之前都見過呢間餐廳，但都冇入過去幫襯 ，今次終於可以試一試呢間篤篤船麵， 裝修風格令人真係覺得好似去咗泰國咁， 我同老婆兩人分別叫了泰式豬八戒湯麵和自選三味湯麵。泰式豬八戒湯麵，入面分別有豬腩片，豬肉丸，扎肉，我哋要了檬粉和牛肉湯。 豬腩片冇乜味道，豬肉丸都算彈牙， 扎肉有少少辣味，湯底都好重牛肉味。自選三味分別選了炸魚蛋，牛腩，牛肚，金邊粉和彩虹湯(要加兩蚊)， 炸魚蛋吾彈牙，牛腩牛肚都係一般大路味道， 反而係個彩虹湯飲落有小小甜甜酸酸辣辣咁幾好味。2碗湯麵最好食都係個湯底， 但無論係粉麵還是餸菜份量都真係偏小。

飛唔到去曼谷，唯有食下泰國嘢☺️呢間分店好少人唔使排隊就入到。選擇好多好啱一班人食💁🏼‍♀️上菜速度好快👍🏻細細碗可以試好多隻味☺️☺️☺️牛清湯河粉最好食😋

We walked pass Vwalk and wanna have something quick and easy so we picked this.Their price is reasonable but their food is just so so.Their snacks was free but full of oil as can be seen in the picture.....and the oil seems to be used for many times already by looking at their colour.....Well, I don’t think I will order their snack again...Noodles wise, if u wanna eat some portions in different flavour, you could try!!

第一次咁後悔無睇清楚食評貢左入去......今日因為太肚餓，無睇OpenRice 食評之下，俾佢個餐牌嘅相同價錢吸引左入去。兩人叫左一個海南雞飯同一個超級牛魔王飯。海南雞飯一黎到真係嚇親我地😨個樣好似煲完湯拎番上黎咁，一啲黃色都無，係灰灰白白甩晒皮咁都算，但係係配生抽+葱蓉都有啲怪啦😑食落係真係乜味都無，配個湯係所有嘢入面最濃味，味精重到飲完一啖勁口渴😑😑牛魔王餓餐牌寫到推介咁，諗住會正路啲，點知好似白洽牛雜咁...頂唔順落左勁多魚露同辣椒粉調味先勉強食完兜嘢。比較之下佢跟set個通菜都ok 嘅，雖然都係無味但已經係除左白飯之外所有嘢入面最正路😐😐😐總結：可一不可再，極伏😵唯一好處係間嘢唔貴😐

叫左牛魔王飯58蚊，結果送餐上黎見到既係一碗水煮無鹽無味牛雜😑，而且牛少得可憐，得兩三舊，其他都係啲豆卜蘿蔔肉丸，完全唔明點解叫牛魔王。真心呢個價我去食街邊牛雜仲開心。另外上左通菜，都係水煮加無味（佢比左個鼓油，最過分係鼓油都無咩咸味）好老實講，我 絕對唔係一個重口味人士。我黎既時候佢地冇曬飯，個飯係問隔離店借，不作評論。btw個餸沒左只蛋，佢地話送野飲，但都係改變唔到難食既事實。總之黎過一次，我以後都唔再黎。完。極難食。完全真實評價

篤篤船麵，聞名已久，但地點雖不遠卻不太就腳，固拖至今天放假才來會一會他。船麵五碗$58可享受到五碗不同湯底不同配料的泰式船麵，對於貪心，想一口氣滿足所有願望的人，實在沒有抵抗力。1. 鴨血/冬陰公/米粉2. 豬膶/牛湯/全蛋麵3. 豬腩片/雞湯/金邊粉4. 牛腩/牛清湯/薯粉5. 牛百葉/牛辣湯/河粉整體來說，份量是可以接受，畢竟是船麵，你也不會期待要靠他吃飽肚子。味道來說，只有牛清湯不錯，其他不過不失，冬陰公實在無法接受，酸、辣、蝦味皆沒有，令人費解。可以一試，畢竟價格不貴，還算有特色，可以自己答配。超級牛魔王船飯$58，看到有特別推薦，就選他了。上菜的時候十分驚喜，份量很吸引。看起來很可口，但又一次讓人有點失望，實在沒有味道...。當然旁邊有很多醬料可以幫助調味，但我所說的沒有味道實在不是清淡，而是真的沒有味道。不要點這個，除了可以吃飽外，實在找不到再點它的理由。泰式墨魚$19爽脆口感，冰涼，味道還不錯，這價錢也沒什麼可以挑剔。泰式酸辣無骨鳳爪$19口感依然是爽脆，但同樣是0味道，不辣不酸，就算是$19很便宜，也真的十分不建議試這個。整體來說，價格及份量是可以接受的，可以吃飽的，但

以為有人排隊，應該還可以，點知。。。。劣評😤😤😤 叫咗五小碗，無一碗合格，牛栢葉係咬唔斷，豬膶唔新鮮🙈🙈 整體都係食材唔好！不過可以話幾十蚊冇嘢！最好飲係杯冰極雙檸 真係無下次，大家小心中伏

篤篤麵真係可能麵先好味。確實，我地叫左3個飯餐，真係抵，6折。但無諗過咁唔討好。顏色：是一個tone, 感覺很冰冷。食落去，無咩味，只覺得很乾。鹵水豬手飯：豬手好像沒有味，被瀝乾所有東西，變了很乾的豬手。但份量是足夠的。整體來說，如果加番d 汁或配湯，應該好味。但6折，你一定會食得飽。都會再比機會，試埋個麵先。順帶一提，外賣時要留意。真係有時聽唔到號碼。就算你唔係玩電話、手機，都會miss 左。最好就自己再問下到你個份未？上次等多了15分鐘，仲未叫我地再問，先知原來一早出左。

成年幾冇去泰國，見有船麵緊係狗衝去試下解思鄉之苦啦。見到OpenRice 都40個🙂應該都唔伏就專誠行去食下啦...坐埋枱見佢調味料都齊都應該地道啦。點知...真係完全唔係想象中回事....Lunch hour得2個人做樓面，又喪做外賣單，跟本兼顧唔到堂食既客人，每次嗌都要嗌2次先應到。佢地擺地左點餐紙但冇提供筆俾我畫lol呢間鋪係有QR code俾我地電話點餐，可能佢expect我地用電話掛。但呢d都係小事，食物質素先係大佬🤧泰奶：可能配合香港人口味，本身已經唔夠濃味仲要勁多冰，明顯係茶包沖出黎。飲左半杯之後其實已經冇味。木瓜沙律：一上已經o左咀，我第一次堂食係汁同木瓜係分開上（外賣分開放我都明白，但堂食都分開放？），枝枝硬屈屈完全冇「鐘」過。仲要冇豆角冇車厘茄冇花生，個汁又唔夠酸。玻璃魷魚：19蚊...一上枱真係笑左出聲。我隻手都夠細，果d魷魚7舊加埋都冇我半隻手大，真係一隻碟加7舊細件魷魚，仲要有色冇味，又要我地自己調味。唔怪得menu唔擺魷魚圖啦。薄脆+炸豬皮：薄脆係墨西哥片lol 炸豬皮一d都唔脆，係擺到漏晒氣，浸埋湯都咬唔開，點食？5碗船麵：試左佢牛辣湯，豬辣湯，彩虹湯。u

食左半世紀食物，未試咁差的餐廳。滷水牛魔王飯，完全冇味，係冇味，唔好話滷水味，白烚一樣，又咬唔入，仲有，滷水豬手未見過白色，完全冇滷水，mud滷水好貴咩，鹽都冇落，夠竟呢間食店想點?唔D野冇得呃，唔想做無謂咁攪呀。奉勸大家幫襯要三思，無謂食到一肚氣。我懷疑呢間店係冇厨師既，求求其其隊D野出黎當交差，大佬呀，完全食唔落口，兩老婆食唔到一半，焗住要放棄，真係一肚火，有冇攪錯竟然有D咁差劣食物質素嘅食店，真係晒左D舖租。

自己食咗都有十幾年泰國嘢，都真係第一次喺香港食到咁唔正宗、咁難食嘅泰國嘢（我覺得可以話佢係侮辱咗泰國嘢都不足為奇）首先上台嘅係木瓜沙津同撈檬，個木瓜沙津完全係唔掂，啲木瓜同青瓜係硬身。加上啲汁係完全唔掂，又唔酸又唔夠味，冇花生做伴菜，同埋係好隨便撈出嚟嘅醬汁噉。第二，個豬扒撈檬嘅豬扒係超級鞋，超級難食，唔知咩味（感覺似雪藏味為主）。個撈檬汁亦係唔夠味，同埋唔知點解會加咗啲櫻花蝦米，九唔搭八。成碗撈檬真係10分只可以俾2分，因為啲檬粉係正常。到咗小食，可以見到19蚊嘅玻璃魷魚係有成“5大嚿”，原來嗰幾塊魷魚有咁珍貴！重要啲汁又係冇味，要自行調味，又唔爽脆，到底邊度玻璃呢？？？脆豬皮，有啲係硬到一個點，差啲咬唔爛。感覺走咗氣定唔知係存放不良。啲船麵湯飲都算叫做okay，不過只係得彩虹湯比較似泰式，其他你唔講真係唔知食緊泰國船麵。同埋叫5碗，又可以有一碗做俾錯咗湯，飲落都唔知咩湯嚟。最後要講個嘢飲，無錯，係連嘢飲都唔掂。杯泰式奶茶，又係唔夠味，唔夠甜，之後飲飲下直頭冇埋味，好神奇！大家如果想食超難食啲泰國嘢，不妨過嚟一試。不過預咗有心理準備食到講粗口。補多些少，當時我哋用order紙落單，其

朋友話去篤篤船麵，我心諗咁得意船麵。一去到原來泰國嘢😊呢度都好多選擇。我哋叫左三 款唔同嘅麵同泰國海南雞飯，放到成枱都係🤣🤣又有香茅豬扒檬粉（可以多D香茅就好）雞飯份量都大份雞好肥滑😋呢度最好係有一款可以叫五碗麵（有雞翼，牛腩，牛魔王（係佢地既招牌麵）！其實每碗都係一兩啖size ,但係一次過試到五款唔同嘅面，呢個真係非常之值得推介 👍🏻

原本去泰國旅行諗住食船河🧳不過最後冇食到😟見呢到有 價錢又平 就黎試下🤤但係嗰日去又唔見有好多人食🤣多數都係嗌碗麵/船飯🙈.泰式無骨海南雞飯配篤篤例湯🐔 $64呢到嘅海南雞飯同平時喺香港食到嘅好唔同🤔飯同雞個味道都比較淡🤏🏻睇個色水都知🤣不過佢側邊都有醬料比你自己加🤪最欣賞就係雞嘅份量好多 肉質都滑又唔肥😋但係如果佢調味濃番少少 其實都似泰國食嘅水門雞飯🤫.細碗船麵(四碗)🍜 $48佢有18款配料 6款麵底 8款湯底可以揀🤩仲可以走通茶炸蒜芽菜 不過就算我冇走到 都唔多覺眼🤨同埋餸都真係幾少下~~乖乖地嗌碗麵都係一樣價錢 抵食好多🤧所以貪玩試過一次就算👋🏻.彩虹湯鮮蝦薯粉1️⃣見啲人話呢個湯底幾伏 但係我覺得幾好味👻淡淡地嘅酸甜味 配蝦食唔錯🌈薯粉都幾滑幾煙韌👍🏻.牛湯牛展金邊粉2️⃣四碗我最鐘意呢個 不過唔係因為佢好好食😂牛展唔會切到好薄 終於有番多少少餸食下🤏🏻肉質係唔錯 但係零牛味😣連埋個牛湯食會好啲🧐.雞清湯牛腩全蛋麵3️⃣最鐘意呢個湯底😚係最正常嘅味道😋不過牛腩就唔太掂 得兩舊 但係其中一舊仲要成舊肥膏黎...同埋好唔新鮮🥺.豬湯牛丸檬粉4️⃣個湯底有啲臭...可能因為我唔太鐘意食豬🤭牛丸應

趁週末，同friend 來V Walk 試下呢間泰國菜。我叫咗青木瓜沙律同四碗麵。首先，呢間店舖唔算大，等咗十分鐘就入座。環境唔錯，工業風格。服務都OK。自助scan QR code點單。呢個青木瓜沙拉唔錯，魚露味濃，最主要喺佢放咗唔少櫻花蝦喺入面，唔錯唔錯，總體味道啱啱好。四小碗其實喺試過湯底，份量感覺少咗D，但係味道都OK。牛湯同牛辣湯好味！可惜去遲咗，冬陰功湯底沽清了。推薦乾河粉，滑D好味D。牛腩、牛肚唔錯！總體評價：環境、服務唔錯，食物質素唔錯，價錢適中。