築地日本料理 (結志街) (已結業)

本想去試吓玉葉甜品, 但係12點幾去到雖竟然都重未有麵食, 咁算la, 記得途經一間"新築地"之前mark down過的, lunch set又幾平, 就去試吓la.雜錦魚生飯($58) 先送上了麵豉湯, 我從來都不懂欣賞, 小食中華沙律, 平日不太喜歡的, 但今次依個又幾惹味wor, 重好爽口tim.魚生飯真夠大堆頭, 滿放了三文魚, 吞拿魚, 魚立魚, 鱆紅魚, 玉子, 蟹籽, 魚生好碎, 而且都算不上鮮味, 其中一粒三文魚重有"骨"tim lor!!!!!!! 不可接受!!!!!!日本米頗黏, 但竟然有d暖暖地, 不過上面d紫菜mix埋蟹籽配飯都ok.係中環想食"平, 靚, 正"日本o野, 冇可能!!!!! $58食到魚生飯, 但要捨棄新鮮, 同埋要背脊"骨"落, 你願意嗎?

一到friday心情就開始放緊假咁，一早返到公司問同事們lunch想吃什麼，大家就提議去新築地吃，自從轉左做新築地，已同大家來過一次，不過都隔左好耐lu....今日我地一行六人，同事們叫了魚生飯、牛肉定食、豬軟骨拉麵。而我就比挑剔把人地供應的午餐雞扖拉麵改為烏冬，拼的三文魚壽司改做不要生的東西，有個同事跟我要了一樣的餐。上次也是這樣叫，他們給了熟蝦壽司，印象中很多吃，今次他們給了腐皮壽司，也不錯丫!!!至於個雞扖烏冬保持一定水準啦... 不過最後最surprise係lunch用dbs找數，都有九折優惠，成班同事都覺得好抵呀!!!

嘉咸街市節個日行到好肚餓...見有位即入去試下..過左午餐時間...我地問老闆可唔可以要午餐..哈..佢話得喎即刻要左個魚生飯餐.跟湯同辣螺肉.$58一上台..見到都好大碗,..魚生都很新鮮,份量不少呀!下次經過呢度一定會再來呀!

有緣來到這食店只因成了九記的棄客，所以若要描述這間非常難搵的店鋪，最直接了當的方法還是「九記行番出鴨巴甸街、上少少就會見到﹗」門外玻璃窗所見只有兩張抬，晚上９時看上去反而很有壽司小店的味道，原來內裡另有乾坤，樓上還有若十張抬。和女友早於門外已決定吃甚麼，她永遠都叫什錦魚生飯﹔而我則被豬排蛋飯的圖片吸引。友善的女侍應表示今天新鮮的秋刀魚刺身值得一試，看看牆上的黑板，飛魚刺身（整尾）才＄１２８，最後就叫了飛魚。先來飛魚刺身，味道幾新鮮吧，算是不錯。由於是定食，有麵豉湯，我是麵豉湯迷，可惜到來時已涼了。豬排蛋飯終於來了，豬排幾夠味，不過唔知點形容，只能說洋蔥及蛋未能融入白飯。都係好味，不過有更好的。整體來說甚有小店風情，地方舒服﹔味道不差但也不算太好。價錢比想像中要便宜，算是可以再來的水平，無奈是九記的鄰居，恐怕．．．

中環實在有太多野食喇, 見網友話呢度可以食到唔貴既日本野, 就一於試下喇, 不過我同友人搵左好耐見去到目的地, 好彩係車行o者....原來有2層, 侍應叫我地坐樓上, 地方唔算大, 但都算幾靚, 裝修唔係好求其, 有種warm既感覺, 樓上都有5張檯及一間vip房, 去到已經有2張檯坐左人, 點完菜, 有位女侍應"飛"左2碟wasabi比我地....佢真係飛, 隻碟差d跣落地, 但佢全無悔意, 唔知佢係咪真係唔知, 但當時只係得2檯人, 都唔係繁忙時間丫?! 唔需要咁講番正題, 我地叫左:3色剌身(三文魚, 甘蝦, 鱆紅魚) 各3片 $98 (刺身應該唔會難食得去邊既, 都ok, 唔係話唔新鮮)帶子壽司$22 (飯握得實, 唔會散收收, 帶子厚薄適中)綠茶冷麵 $38 (麵既質感ok, 唔會太淋)脆皮無骨雞翼 $15/只 (皮好脆, 呢個係佢地既推介菜, 面頭有有少少椒鹽, 好味)豬軟骨鍋 $52 (呢個真係好後悔, 有白蘿蔔同d好似牛腩既豬軟骨, 2樣都係硬既, 蘿蔔蚊得唔夠耐喇, d豬軟骨好似瘦肉咁既質感, 湯又非常喊, 可能加碗白飯會好d既)呢度好既真係唔使加一, 所以侍應唔會點

我同bb本身食過築地架啦~ 覺得好味又平, 最後都係決定黎返呢度~~連埋bb o既朋友3個人, 我地叫左個壽司拚盤 ($88)牛肉刺身定食($58), 吉列豬扒飯 ($48)個拚盤幾多架, 我食左半個花之戀, 一個帶子同一個唔知乜魚, 夜晚唔算好新鮮不過都okay啦~ 帶子最好味!個牛肉定食好正, bb好鍾意食果d開胃西瓜波!! 我見到果3塊厚厚既刺身眼都突埋呀haha!!d牛肉都好好味呢~ 不過個豬扒就普通啦, 可能我太飽掛~坐樓上又涼又靜~ 又冇人趕~~ 唔錯呀!!我諗我同bb第日都會成日黎食啦仲有呀, 食滿$200用dbs有9折呀~~ 抵上抵~~

七月九日(星期三)同老公仔一於去試試!之前同事話食過ok!12點幾黎到,有吉位!同埋有人會reserve定!坐得幾舒服!......我地叫左個劍魚,三文魚,油甘魚飯!同埋雜綿魚生飯!我地都覺得魚生應該係唔夠新鮮,因為連三文魚都有d腥呀!同埋d飯比較少,份量唔多夠我地大食既兩公婆!個面鼓湯就唔錯!豆腐都ok!不過如果以一間日本料理黎講真係比較遜色喇!!!!最少三文魚要新鮮ma!

有一日份書clear0左...要bulkprint喎...即係要留到好夜啦...咁緊係要好好咁慰勞下自己啦...於是...同d同事們一齊叫外買...食日本野...其實我dine in都食過依間ga la..都幾好食...而且係物有所值!好似我今次叫既極上魚生飯, 你地估下係幾多錢??? 有帶子, 有海膽, 有三文魚子, 有北寄貝........真係好正ga!!! d 材料都算係幾新鮮...咁都係....88蚊ja!!!!!!!!!! 仲要佢既WASABI 係新鮮0個種, 唔係一枝枝0即出來的貨色...至於個蟹籽沙律都好正...勁多青瓜絲同蟹籽, 至係22蚊..都好抵~

其實年多前我已到訪過這裡, 唯壽司飯好硬, 刺身唔新鮮, 令我之後也沒再來過. 但是夜友人宴客, 並說這裡已轉手, 讓有點不同吧, 便大伙兒到來.剌身盛合: 三文魚, 劍魚, 赤身吞拿...ok, 頗新鮮.壽司: 帶子已不新鮮, 有少少腥, 不行. 再試蟹膏軍艦, 這個較可取. 老實說, 這是罐裝來貨的, 只要keep 住新鮮, 該沒問題的. 其餘的也沒試.什雜魚生飯: 試了那該是中拖羅吧, 但有根, 不太新鮮....不行.珍寶牡丹蝦: 呢個都算新鮮, 都有大半手掌咁大, 肉質尚算爽口. 炸後的蝦頭幾可取. $35隻, 都算交足貨.蟹籽沙律: 清新, 唔錯.炸軟殼蟹: 新鮮炸起, 唔錯.牛肉煱: ok.餃子: ok我想這裡的熱葷問題不大, 但作為日本食肆, 最首要係剌生新鮮, 壽司有水準才能留住食客, 似乎老闆的定位要改改吧!

呢次係我第１次寫食評～點解會係呢間作為我第１篇食評呢？可能真係好似標題咁，希望太大啦~見到呢度既人都無比過劣評佢，d野又平，所以好想試好耐lu~尋日貓主人無飯比貓食，貓妹就話帶我同佢男友o係附近食野，咁我地個個都鐘意食壽司，咪上中環四圍搵下囉，點知原來就係我想去好耐囉@@o係門口見到起碼有4-5個職員企晒o係度，仲有幾個職員入去，都諗緊入唔入好，但我真係好想試下，咪入去囉。原來係要上樓上雅座架，全場計埋我地得3台客，好驚囉...我地叫左希靈魚壽司 $12 (我既至愛)鰻魚壽司 $12火炙三文魚腩壽司 $16鮮帶子壽司 $18蟹膏軍艦1件 $18牛油果軟殼蟹手卷 $16芝士天婦羅蝦卷 $48吉列炸生蠔 $36櫻花壽司盛 $88(有花之戀，鮮帶子，油甘魚，吞拿魚，鰻魚反卷)先講壽司先，希靈魚：係我既至愛，但呢度食落都唔爽同脆既，無晒口感，好失望。鰻魚還可以，無咩特別。三文魚腩：普通。鮮帶子好薄：薄到我仲以為係墨魚黎架，但個壽司盛既帶子size反而ok...好奇怪蟹膏：貓妹食，佢無講，所以無評語。

我已經食過2次, 第1次係晚餐, 第2次係剛剛食左午餐, 而家仲有食日本菜唔駛 +1, 少有!先講晚餐, 因為6點幾就去到, 所以全間舖得我地圍檯, 之後陸續有人黎, 基本上唔駛 book...waitress 好好人, 介紹舖頭做緊咩推介, 介紹我地食三文魚水潑鹽燒(7味粉)(詳細名字唔記得) $22, 但係好好味, 燒得好嫩,我係好怕魚骨同魚腥o既人, 都食左2碟, 仲知道咩叫水潑!劍魚腩刺身 - 超正, 好新鮮好美肥, 切得好厚3文魚刺身 - 又係好厚, 好新鮮活生赤貝(唔太記得個名) - 好爽, present 得幾靚, 至少有令人想食衝動炸蝦壽司 - 普通火赤吞拿魚壽司 - 普通蟹糕壽司 - 勁好味, 蟹糕好甘香, 留向口入面唔太想吞, 掂炒什菌 - 普通脆雞奕 - 大件, 中等炸雞軟骨 - 份量較小, ok枝裝汽水 1枝唔記得有無漏, 呢餐食左 $452, 我認為價$同元綠元氣差不多, 但好過佢地!至於剛剛食完o既午餐, 我見熱熱地點左刺身冷烏冬定食, 同事食左魚生飯, 刺身手打冷烏冬定食 $58 - 有麵士湯, 餐前小食(玉子豆腐上面加上少少蟹子同沙律醬)個烏冬係有凍湯,

果日經個ｆｄ介紹，九曲十三灣咁來到呢間日本餐廳，地方唔算大，不過幾骨子。點左好多小食同壽司壽司真係握得比較散，有待改進，不過勁鍾意個雞翼，餃子多汁，唔錯，好過平時晌日式餐廳食果ｄ急凍包裝餃子，真係呢間ｄ餃子好新鮮，睇得出係自己包的，仲有個天婦羅ｄ蝦炸完都仲係咁滑最正係個牛肉飯，無論係肉汁，飯同埋ｄ牛肉都好過吉野家多多聲。最後食左超多野都係六十幾蚊埋單，飽到濟時又抵都爛

男伴為我慶祝生日, 見網評好選這裡, 叫了雞扒拉麵餐, 男伴讚湯底好, 三文魚壽司,飯很散, 魚生有根。另叫了芒果青瓜三文魚壽司, 典型港式。最過份是鮫子, 蔥加肉, 完全港式, 很油, 不好味。不會再去。

男伴為我慶祝生日, 見網評好選這裡, 叫了雞扒拉麵餐, 男伴讚湯底好, 三文魚壽司,飯很散, 魚生有根。另叫了芒果青瓜三文魚壽司, 典型港式。最過份是鮫子, 蔥加肉, 完全港式, 很油, 不好味。不會再去。

早幾日前去新築地食嘢,d嘢掂咗好多,家俬都換咗,再問一吓個女仔待應,原來轉咗老板,多咗好多熱食,我食咗碗豬軟骨拉麵、蟹羔壽司,比起以前好好多,有時間一定再去試其他新出品！重係無加一服務費