第三站

估唔到係金雞樓上會有間幾好食嘅餐廳，重點係好抵食。我哋叫咗兩個二人餐，加$38有沙律同埋甜品，另外再加多個薯角。因為佢每樣嘢份量都好多，我哋食到超級飽。.主菜係意粉同埋牛肉沙律，比起出面啲餐廳大碟好多，味道都唔錯。.兩個甜品我哋叫咗朱古力蛋糕同埋紐約芝士蛋糕，無特別驚喜，味道正常。.如果同朋友gathering呢到會係一個幾好選擇，座位一定比地鋪餐廳寛，又可以坐得耐（勁多餐廳都有限時，傾耐d都唔得)。Window side都好開陽，旺角黎講又望到球場有遠景幾舒服！

Badboy同好耐無見嘅朋友聚聚，所以揀咗嚟旺角呢間可以坐好耐嘅樓上cafe😗本身badboy同朋友諗住點兩個dinner set同小食，但原來最低消費係每人一個set。-🦆西班牙煙鴨胸燴飯$112Badboy覺得最好食係呢個飯，好夠味，飯粒分明，煙鴨胸都唔乾硬👍🏼-🍝煙三文魚野菌忌廉燴闊條麵$126煙三文魚好難唔好食，忌廉汁夠濃，整體ok👍🏼-🦀蟹肉鮮菌忌廉闊條麵$118闊條麵偏硬，一般般。-🍯蜜糖雞翼$62賣相幾好，唔錯👍🏼-🍟松露薯條$66Badboy同友人都大失望，以為佢係黑松露醬，點知原來係灑咗d黑松露粉係上面然後配茄醬，無黑松露味不特只，薯條本身都好一般😅-現場環境比相有d距離，偏殘舊。Board game種類太少同舊，擺放亦有d亂。破冰企鵝有兩sets，懷疑有set非正版所以d冰砌極都跌，另一套先玩到。

放工同朋友上咗呢間位於金雞廣場25樓嘅「第三站」相聚閒聊！呢度全部都係梳化椅,仲有間獨立VIP房,同落地大玻璃窗,空間感非常大,適合三五知已開P聯誼。飲品同小食配搭多樣set dinner 都有八種選擇我哋點咗两個,其中一個更升級加$38,配田園沙律同蛋糕。沙律菜新鮮爽脆,芝麻醬汁足夠食晒成個前菜！套餐包一杯$38嘅飲品,我哋每杯補$6差額,點咗抹茶朱古力同熱金橘蜜。小食~蜜糖雞翼外表金黃香甜,內裡嫩滑。F.蟹肉雜菌忌廉闊條麵闊麵有咬口,條條掛滿忌廉汁,除蟹肉外,仲有青、紅椒絲同鮮磨菇等。G.黑松露帶子鮮菌燴意大利飯意大利飯有黑松露香味,雖然帶子係細細粒,不過都有好多。法國朱古力芝士蛋糕食埋件軟滑朱古力味濃嘅蛋糕,滿足晒！我哋坐咗好耐,侍應都冇催促我哋離開。🙏👍

難得同一班朋友聚會，當然要搵個舒適既環境，而且重點係食物質素唔錯，價格亦算便宜、抵食當日食左好多豐富既食物，值得推介既係香草芝士肉醬闊條麵，芝士味道濃郁，肉醬很香，闊條麵也很入味，不愛吃闊條麵的我也覺得味道很好。小食方面，一定要試下蜜糖雞翼，好香既蜜糖味道；還有香辣炸薯角，外脆內軟，超好食，超級推介。

餐廳位於金雞大廈高層, 旺角過嚟都係十分鐘左右, 餐廳地方好大, 唔單止有普通嘅卡位, 仲有一啲大嘅梳化位可以坐.餐廳嘅私隱度都幾高, 枱同枱之間距離都大.一入門口就見到唔同嘅board game, 可以其實慢慢坐,坐足成日.但係由於我哋嗰時淨係諗住食嘢, 就冇特別拎到黎玩. 但係基本上嘅三國殺, 狼人都有.食物方面, 兩個字,抵食. 餐廳嘅晚市價錢好平, 相比起其他地方要叫個set可能要200蚊, 餐廳叫埋飲品再加埋蛋糕都只係$150左右, 性價比真係幾高.我地叫咗黑松露意大利飯同埋三文魚闊條麵, 分量好足夠, 而且黑松露味都好重, 闊條麵方面, 係好重嘅忌廉汁, 但係食落又唔會漏. 而飲品, 我哋叫咗花茶, 佢嘅花茶會幫你自己加熱水, 打卡一流.

今日係公司傾美食話題，講到話有間cafe環境五錯，野食都算好，就同同事穩到過來。間cafe位于25樓，真係好高入到去發覺呢度滴沙發都好寬落，好適合一堆朋友過來食飯傾計同玩遊戲。白色的沙發，睇落都比較乾淨，最主要真係好大，坐得舒服，一滴都五逼。我地叫左一個海鮮小食拼盤，一份意粉，兩杯野飲同甜品。首先點評一下個海鮮拼盤，吉列蠔算係正常既，最好食係個魚手指同炸帶子，炸蝦食得出蝦係新鮮既。個蟹鉗好似粉多左少少，不過都算OK。墨西哥香辣肉丸燴意粉，個意粉好好味，有酸酸甜甜辣辣，多重味道，點意粉套餐會有沙律同野飲送，沙律好好味我叫左柚子蜜，會有少少甜，鐘意甜的朋友可以試下。不得不提一下個單骨雞翼，第一次甘食法，真係好方便，同埋滴雞肉五會柴，外皮脆，內裡都嫩，好容易脫骨。最後，朱古力蛋糕好好食

S T A T I O N 3 CAFE 第三站 旺角洗衣街39號金雞廣場25樓08-09室麥花臣運動場附近 雅蘭中心行過嚟都唔遠聳立於旺角中心地帶位置方便 而且上到嚟 乾淨 衛生 企理樓上Cafe就係要呢種感覺 善用大玻璃透光俯瞰旺角東及旺角中心一帶景色另外設有廂房 方便包場或者一大班朋友gathering成間Cafe善用灰色 白色做主調 簡樸 簡約風 睇落去舒服白色梳化成為咗一大特色輕輕鬆鬆播住歐美音樂 抹茶朱古力咖啡塔羅特飲 女皇墨西哥雞翼 蜜糖雞翼蟹肉雜菌忌廉闊條麵

有時行街行得太多，唔想再喺商場走，搵一間空間大，又可以Stay得耐嘅cafe好重要。夜晚就同男朋友上去旺角嘅第三站，食飯傾偈玩board game！👍🏻Order咗兩個main course再加兩個小食，再加飲品🍹，真係滿足食飽飽😌蜜糖雞翼🍖👍🏻蜜糖雞翼真係我嘅至愛，炸得來唔會太油，蜜糖味好出，整體好惹味，食到心情都好啲，作為前菜來講係非常好！魚手指配薯條🥔魚手指配薯條配埋蕃茄汁，新鮮製造特別好食，上菜前仲係熱。我感覺非常邪惡！而且份量都比較足，值得推介！黑松露帶子鮮菌燴意大利粉兩個人一路傾一路食，意大利飯個味道好出，食到啖啖帶子好正，整個口感非常好食😋卡邦尼煙肉雜菌意粉🤤估唔到份量咁大！入面嘅煙肉同雜菌份量都好多，配意粉一齊食，好豐富！另外order咗兩杯嘢飲，一杯節制！一杯熱情果乳酪！我就比較鍾意熱情果乳酪，男朋友就話節制比較好飲！行咗一日街，可以舒舒服服咁食一餐飽飯，食完再玩board game，平淡生活中嘅小確幸☺️☺️

網上搜尋發現呢間野好評幾多，而且訂位小食仲有半價，就約埋朋友黎一試。佢仲有晚餐同埋不同小食供選擇，飲品款式都幾多。叫左一個蟹肉雜菌忌廉闊條麵，加多$38就可以多一個沙律同埋蛋糕，套餐就包一杯$38既飲茶。呢個闊條麵口感煙韌，蟹肉份量好充足，配上忌廉汁，食完真係令人好滿足。另外，加$38既沙律都係比較開胃既沙律菜，而蛋糕就有3款選擇，最終選擇左法式朱古力，其實呢個係朱古力霧絲蛋糕，但食落唔會太甜同埋都算不錯的質素。另外，點可以少左叫半價既小食。叫左個特色拼盤（洋蔥圈、芝士條、蜜糖雞翼、餃子同埋咖哩角），全部都熱辣辣上枱，可見都係即叫即炸，味道都可以。最後叫多左一個蜜糖芥末單骨雞骨，呢個真係啖啖肉甘食，中意食雞翼就唔洗多講了吧。飲品叫左香蕉奶昔，呢個真係好推薦，唔甜又有好重既香蕉味，真係必試！總括然而，呢間係唔錯，性價高，服務態度都良好。

#ftf_旺角空間感十足 繁華鬧市中的輕鬆時刻店舖環境寬敞，坐得舒服，適合一班朋友小聚玩board games ，或者三五知己享受美食暢談一番又得。Dinner Set蟹肉雜菌忌廉闊條麵 $118⭐️⭐️⭐️⭐️蟹肉份量十足，鮮味特出，醬汁夠creamy，唔會太膩，闊條麵軟硬適中， 都算掛汁！鍾意味道濃重既朋友可以問店員加芝士粉！墨西哥香辣肉丸燴意粉 $108⭐️⭐️⭐️肉丸除咗肉香，仲帶微微香草味，意粉有咬口，醬汁味道正常發揮，個人認為稍微唔夠辣，不過加埋Tabasco就啱啱好，而且仲可以提鮮！藍莓乳酪 跟餐補$10⭐️⭐️⭐️⭐️質地幼滑，稀竭度啱啱好，藍莓酸酸美味同乳酪嘅甜度作互補，達致平衡，酸酸甜甜，感覺清爽，一啲都唔會膩。香蕉奶昔 跟餐補$20⭐️⭐️⭐️質地十分之Rich，而且好creamy，香蕉味濃重，有啲似盒裝明治香蕉朱古力嘅味道，不過個人認為稍為有啲甜。蜜糖雞翼 $62⭐️⭐️⭐️⭐️⭐️外皮香脆，表面沾滿蜜糖，內裏肉質嫩口，十分惹味！沙律、藍莓芝士蛋糕 跟餐+$38⭐️⭐️⭐️⭐️沙律新鮮爽脆，配上麻醬，夠開胃！藍莓芝士蛋糕擺盤見心思，質地實淨，個人幾欣賞，味道就正常發揮啦！回頭率🤡🤡🤡🤡性價比🤰🏻🤰🏻🤰🏻🤰🏻

今日做嘢做得夜，OT完想搵地方食嘢，搵咗呢間樓上Cafe，座位闊落，可以自己靜靜地食下。好，坐低睇吓有咩好食先。煙三文魚惹菌忌廉燴闊條麵，煙三文魚大大片，個寬條麵份量都好多，個忌廉好掛汁，夠creamy，食落又唔會太漏。加$38有沙律同蛋糕，個沙律菜好新鮮，最重要係有沙律醬，我喜歡。焦糖朱古力，呢個焦糖朱古力上面有個超大個cream，焦糖味好甜甜，都夠朱古力味。紐約芝士蛋糕，芝士蛋糕夠實淨，個cheese 好濃厚，餅底都夠鬆化，好味！

今日約左一個好耐無見嘅朋友，想搵個地方食飯暢所欲言，第一時間就諗起第三站。座位闊落，價錢合理，最重要係無限時，唔駛趕頭趕命，可以暢談暢玩，三兩閨密知己詳談傾心又得，一大班朋友聚會亦得，得咗。晚市有Dinner Set，好扺食，套餐包一杯38蚊飲品，仲可以加38蚊跟餐配上沙律同蛋糕。煙三文魚野菌忌廉燴闊條麵($126)作為Dinner Set當中最貴既一款，果然不負所望。份量好多，睇落亦幾精緻，將煙三文魚捲成花瓣形狀，放係意粉正中間，賣相吸引。煙三文魚新鮮，忌廉汁好濃郁，每條闊條麵都能掛汁，好入味。卡邦尼煙肉雜菌意粉($102)同樣份量好多，芝士碎舖係意粉中央，配上煙肉，野菌，同洋蔥，口感豐富，意粉亦同樣掛汁入味。蜜糖芥末單骨雞翼($76)單骨雞翼喺我嘅至愛，因為我鍾意食雞翼但又覺得食雞翼時食相唔好，單骨雞翼既存在就好似聽到我既心聲咁。共有6件單骨雞翼，外皮我略嫌炸過左龍，有小小硬，但入面既雞肉就好嫩滑，而且大大啖肉，食得很爽，配上蜜糖芥末醬一流。塔羅系列飲品~愚者($48) (跟餐補差價10蚊)蜜桃玫瑰紅茶，味道正常，但無諗過比左咁多玫瑰花瓣。熱情果乳酪($48) (跟餐補差價10蚊)

超級超級耐無上過樓上cafe，對上一次上好飲已經6-7年前（仲做緊學生既時候🙈），聽啲朋友提過呢間樓上cafe唔錯，搵咗日放工要出旺角買啲野順便兩個人上去試下(*¯︶¯*)餐廳以英國地鐵為藍本黎設計LOGO，好有特色，經過靜靜既走廊走到盡頭，一入到餐廳，估唔到平日都咁多人食，起碼坐滿咗7成，門口左手邊已經有一個櫃放滿boardgame，當然我哋目標緊係唔係玩啦，係黎醫肚架麻。我哋叫咗一份意式芝士焗肉醬闊條麵，一份黑松露帶子鮮菌燴意大利飯，一份蜜糖雞翼同一份魚手指配薯條。值得推薦個意大利飯，黑松露味好濃烈，蜜糖雞翼都好惹味，食到停唔到口😋飲品我哋嗌咗一杯芒果乳酪同一杯非常濃郁既榛子朱古力，好滿足(⁎⁍̴̛ᴗ⁍̴̛⁎)

環境舒服，好岩同朋友輕鬆傾計食飯，甚至玩下board games 既樓上Cafe~❤黑松露帶子鮮菌燴意大利飯 意大利飯軟硬度岩岩好，質地好creamy~ 每一啖都有好香既黑松露味，而且仲有好多粒帶子，非常高質🧡墨西哥香辣肉丸燴意粉 酸酸地微微辣好香既意粉，肉丸加左香料黑椒調味，又香又爽口，仲有三色椒增加唔同口感，而且意粉份量都唔少～💛特色拼盤 幾款小食味道都唔錯～一啖咬微微拉絲既邪惡芝士條，又甜又入味既蜜糖雞翼，仲有炸得好香脆既咖喱角+洋蔥圈+日式餃子💚藍莓乳酪 大大杯健康藍莓乳酪飲品💙檸檬紅茶 味道清新，入面有椰果粒粒

第三站，記得落車，因為有野食。😋美食一黑松露帶子鮮菌燴意大利飯；煮得軟糯的意大利飯伴著濃濃的黑松露味，整粒的小帶子鮮味爽口，海鮮菇菌的香味融合一起，美味非凡。美食二蜜糖雞翼；醃製好的雞翼加蜜糖焗得焦香嫩口，表皮酥脆，肉嫩多汁，是雞翼的上品。美食三田園沙律；青蔥翠綠的沙律菜，伴上濃香的芝麻沙律汁，開胃醒神，忘記了暑熱，忘記了減肥。美食四煙三文魚野菌忌廉燴闊條麵；煙三文魚做成一朵鮮色的玫瑰花🌹，在闊條麵中綻放，野菌忌廉汁又香又滑，豐滿了闊條面的味道。美食五花茶小天使；用薰衣草，紅玫瑰花，茉莉花，檸檬草配製的花茶，清香怡然，解郁舒心❤。坐在潔白寬敞的座位裡，窗外藍天白雲，遠望獅子山景，享受一個清涼舒暢的美味午餐。