竺扶大班燒味

營業中

休息中

今晚去咗大埔搵嘢食，去左大埔廣場地舖呢間食燒味店，掛出嚟嘅燒味好靚，好多時午市都大排長龍，今日夜晚去到，雖然係平日，但都幾乎坐滿，深受一眾街坊歡迎。除咗燒味之外，晚巿都有小菜提供，而且好多選擇，啱晒一家大細嚟食。燒鵝切雞飯果然係招牌菜，燒鵝同切雞都好好味，真係鵝有鵝味，雞油雞味，唔係講笑😝好香有質素豉汁蒸䱽魚另外試埋佢呢個豉汁蒸䱽魚小菜，蒸魚雖然要等，但係都值得等，䱽魚好大條，而且夠新鮮，豉汁好惹味。而且仲送埋個例湯，例湯好足料有飯有湯有小菜，滿足的一餐。

竺扶大班燒味（大埔）地址: 大埔安泰路1號大埔廣場地下61-62號舖 街坊話呢間餐廳的燒鵝一試難忘，今日同老公來試試，果然係好介紹，覺得相當不錯。❤️燒鵝脾瀨粉這裏的燒鵝是必試菜式之一，每日新鮮出爐，燒鵝的外皮酥脆，金黃誘人，肉質鮮嫩多汁，散發著誘人的香氣，瀨粉的Q彈口感，與燒鵝形成完美的搭配，令人回味無窮。❤️公司三文治麵包烘得香脆，用料豐富，有厚切午餐肉、火腿、蛋、蕃茄和生菜等，特製的醬汁則為三文治帶來了一絲酸甜，食完大滿足！整體來說，這裏環境乾淨企理，光線充足，有卡位坐得很舒服，食物選擇多，所以甚受街坊歡迎，午市經常大排長龍，而且他們的燒味是每日新鮮出炉，下次如果想食燒味，極力推介來這裏一試！#笙扶大班 #燒味 #古井燒鵝 #香港 #大埔##周星馳 #食神 #黯然銷魂飯 # 叉燒皇

晚餐選擇咗好耐冇食嘅燒味😍，收工就喺公司附近睇下有咩燒味店好食，見呢間網上評價都唔錯👍原隻至尊古井鵝脾雙拼飯｜$118聽聞呢到燒鵝幾出名，即刻叫碗燒鵝脾飯黎試下😍價錢唔算貴，燒鵝脾雙併都係$118👍鵝脾皮夠脆‼️肉質嫩滑😍仲要夠大隻😋雙併我揀咗燒腩仔🐖，陣皮燒到超脆😍，肉質又唔會太肥又唔會太瘦👍黯然銷魂鴛鴦飯｜$65(半肥瘦叉燒+冰燒鳳凰雞+煎雙蛋配大將燒肉汁+鳳凰辣汁)我覺得呢碗飯真係幾抵‼️有叉燒又有雞仲要配兩隻蛋😵🍳🍳🐖🐓叫得黯然銷魂飯🍚，叉燒梗係最主要啦，佢哋叉燒雖然唔太肥，有啲瘦，但一啲都唔鞋，都幾淋下👍仲有佢嘅鳳凰雞🐓，肉質都幾嫩滑，加埋辣汁都幾惹味😋仲要每碗份量都幾多，食完一碗都勁飽🫃服務員姐姐仲好體貼問你頭唔要例湯🥰每人送一碗例湯🥰真係幾抵😍佢除咗燒味外，夜晚都有小菜食🍲，價錢都唔貴，好多都係$100樓下😃，下次可以試下😋

今日約左老友去大埔行街 shopping ，順道去位於大埔安泰路1號大埔廣場地下61-62號舖的竺扶大班燒味食午餐，餐廳係大埔燒味人氣店，果然坐無虛席，店員態度良好，好快就安排座位給我們，真係人情味濃厚👍，深受街坊歡迎！我點左個 冰燒鳳凰雞飯 $48，配獨特醬汁（用蒜蓉、青檸、菠蘿、紅黃椒等調製）十分好味，餐飲係凍檸檬茶 $3（跟餐）；老友點左個下午茶餐：至尊古井燒鵝飯$45（指定鵝胸+$8）共$53，配上湯浸菜芯 $18，餐飲係熱駌鴦（跟餐）；另外點左個 金牌銷魂叉燒皇（例牌）$88。整體黎講係高質燒味，燒鵝皮脆肉嫩好味道；半肥瘦叉燒好香口，冰燒鳳凰雞的雞肉嫩滑，配秘製醬汁，十分好味道。

位於大埔既竺扶大班燒味，無論係午市定晚餐，經常需排隊等候，足見其受歡迎程度。今日同２個大埔友黎食下午茶，特別試左傳說中既黯然銷魂鴛鴦飯，半肥瘦叉燒色澤誘人，肉質爽口勁JUICY，搭配冰燒鳳凰雞，外皮香脆，內裡柔嫩，令人難以抗拒。兩隻太陽蛋既加入，令呢個黯然銷魂叉燒增添了滑順既口感，配上秘製既燒肉汁同鳳凰辣汁，味道層次分明。通常下午茶比較細份，但竺扶既茶餐份量卻相當大方，黃金西多士外層炸到金黃色，切開後，內裡係軟熟既麵包，濃郁蛋香味，配搭粗粒花生醬更添口感。乾炒牛肉要炒到乾身而且不油膩，係好考廚師既功力。竺扶既牛河堅好食，材料豐富，牛肉經過快炒，保持鮮嫩，河粉吸收哂醬汁，炒得均勻，質感Ｑ彈，芽菜同洋蔥既加入，加添了清脆口感。無論係咪大埔既朋友，經開大埔，不妨試一下竺扶，性價比幾高。

一定要食呢個燒味飯！！這碗叉燒燒腩仔飯真係好抵！✨叉燒的色澤金黃，表面微微焦糖化，咬落去時口感超嫩滑，肉質鮮美，每一口都令人陶醉。叉燒散發出迷人的香甜味，特別適合喜歡甜味的食客。🥩🔥燒腩仔更是這道菜的亮點！🍖外皮香脆，咬下去時會有爆汁的口感，內裡的肉質軟嫩，口感層次分明，令人一試成主顧。搭配的白飯更是無可挑剔，飯粒吸收了豐富的肉汁，讓整個飯碗的味道更加出色，令人吃得停不下來！🍚😍這碗飯不僅視覺上吸引，味道更是滿分，對於喜愛豬肉的人來說，這道菜絕對值得推薦。

我一向間中會幫襯，新開業個陣開頭真係唔錯，今年夏天時去過一兩次，唔知點解長期冇冷氣，食到人好辛苦，一係就熱到要自己開小風扇，一係就對住個吹風機，食風，淨係冷氣呢個問題已經唔想去；隔左段時間今日再去，真係o咀，第一，冷氣依然弱，天氣冇咁熱都算，我晚上7:30左右到，我3個人，有卡位佢唔俾我，個個白頭髮侍應話卡位係6人位，但張枱寫住4人坐位，全場唔full ，而且每張卡位坐緊2-4人，加上態度已經麻麻，咁都得，我覺得俾人歧視，我已經差啲想離開，我選擇咗忍，我見之後黎嘅人客都係咁，咁多位係要逼人搭枱，即刻諗起微辣茶記秘事，俾人影響咗心情，本身想叫下乳豬、燒鵝髀開心下，即刻冇mood，加上環境真係比之前污糟咗好多，枱枱凳凳都好油，結果求其叫個雙併燒味，切雞、有胳肋底毛！有4條好長好粗嘅雞毛未掹走，真係燒味舖罕見。有例湯，好鹹，好明顯冇之前咁足料，飲完好頸渴，有個男侍應執枱，見到佢好求其，啲食客食剩嘅廚餘跌晒落地，佢都無動於衷，但係想講而家間餐廳好污糟。D侍應服務態度&質素都好差，見到幫襯嘅人越嚟越少係有原因的，個人認為，間餐廳可能好快玩完。BTW，我已經唔會再幫襯呢間嘢

呢間既燒味由佢開張既時候幫襯到而家，一直以黎都覺得佢既叉燒係唔錯，間唔時都會幫襯下佢既午市同下午茶堂食，但次次一買外賣就會出事，平時都會算數由得佢，今次真係嬲到唔出食評都唔得。今次買左乳豬外賣，$230價錢絕對唔係平，返到屋企打開個盒完全係嚇左嚇，基本上有七成都係窿到變黑色皮，$230得個幾嚿仲要比啲咁既貨色我？乳豬味道得個死鹹，個皮又完全唔脆，真係出邊求其一間燒味舖都好食過佢👎🏼👎🏼睇住呢盒嘢真係好難唔躁，店家咁樣做生意真係好唔要得🥴 真係唔怪得個個都要北上消費呢間餐廳永遠都係搵外賣客落手，極搵笨，大埔街坊自己睇路咪中伏。

特登喺沙田去大埔買咗個雙拼燒鵝叉燒飯外賣，返到屋企打開見到黑色皮嘅燒鵝，打返去舖頭問，有位男士回覆話啲皮係咁燒到咁樣黑黑地係正常可以食，點知試一試係燶咗苦嘅味道啲肉又乾。越做越差，仲博人買外賣睇唔到啲燒鵝咁燶，太唔老實了。

而家d員工西口西面，行過三次叫佢都扮見你唔到，漏單錯單層出不窮。所有垃圾紙巾就咁掃落檯底就算，室外三十幾度餐廳裡面只係開幾把吊扇，今時今日做生意咁嘅態度，唔怪之得無人肯留港消費以後請我都唔去。

聽説係前酒店行政總名廚主理，專誠嚟朝聖食脆皮燒味！黯然銷魂鴛鴦飯（$70）嚴選靚梅頭的金牌半肥瘦叉燒加蜜香冰燒鳳凰雞，味道唔錯，配雙太陽蛋加燒肉汁撈飯一流！全部都有附送例湯！細個已經好鍾意食燒鵝瀨，所以今次重點係至尊古井鵝脾雙拼（$130）一次過滿足兩個願望！脆皮燒腩仔就算放涼咗，咸香滋味的豬皮仍然好脆口，而且唔算肥～古井鵝脾唔使點酸梅醬，就咁食亦好夠味，油脂多～聽侍應講6月開始新推出小菜，之後可以再嚟試下！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個分享可以俾個”心心”( ´͈ ᗨ `͈ )◞‎♡⃛

係上水搭車去大埔好彩冇失望可惜原來冇乳豬，改叫燒肉五寶飯燒鵝皮脆燒肉肥瘦適中叉燒雖然唔係靚部位，不過都夠腍口感佳咸蛋都係靚果隻唯獨其中一個侍應有啲吋落錯單仲要吋返我下次會夜晩去試埋乳豬同小菜

相信大家都認同大埔廣場竺扶大班燒味與沙田…一至燒鵝…XX專門店燒味同樣出色好味道。不知否是否同個老闆呢？連員工制服都相似！我日常多是堂食碟頭燒味飯，尤其是燒鵝五寶飯燒味滿滿，口壓十足。今次外賣加餸回家吃！買了銷魂叉燒皇併霹靂燒腩仔；銷魂叉燒燶邊夠賣點，口感軟腍有梅頭感覺、霹靂燒腩仔都OK。今次是打包外賣的，在門外看價錢牌標價『叉燒』或『燒脯仔』賣$150/斤。而『燒味雙併(叉燒併燒脯仔)』祇需$125。職員打包時本人眼見份量好少，向店員查問無效！回家秤秤淨肉重祇得 8.5兩！單項(叉燒或燒脯仔)半斤$75，而在門外餐牌顯示『燒味雙併』$125，我絕對相信是優惠，無13兩都有11兩哪，怎知道祇得 8.5兩。食雙併粉麵貴兩蚊我都知，但無想到今次雙併叉燒燒脯仔重量差這麼多…買唔買…你自己計算較下囉！！！

平時都鐘意食燒味飯🥢鐘意食啲燒味係用傳統古早做法烹煮，感覺會更香嫩皮脆呢間灣仔總店都試過，試吓佢大埔既分店既燒味😋➰ 原來佢哋小菜下個月會出新款式· - - · - - · - - ·🔸 乳豬燒鵝瀨粉 $88🔹 黯然銷魂飯 $60· - - · - - · - - ·一點完餐就有兩碗例湯比我哋飲😋乳豬燒鵝瀨粉 - 乳豬係我好鐘意食既燒味，呢度乳豬皮超級脆，乳豬唔會好肥，點埋乳豬醬勁讚👍🏻今次食到燒鵝髀(幸運嘅感覺）鵝味都濃但又唔會太肥配埋個酸梅醬食仲正個醬應該係自製，仲見到有啲山渣同梅子，配左瀨粉係清爽既感覺🥢黯然銷魂飯 - 蜜汁半肥叉好鬆化，有少少燶邊，仲好腍👍🏻 半肥叉充滿油香配埋咸香煎雙蛋既黯然銷魂飯好好味🍚🍳蛋可以揀太陽蛋、煎蛋、反蛋等等整體性價比好高，抵食～其實仲有小菜都好吸引，下次要試吓先✌🏻· - - · - - · - - ·個人整體評價📝/巧吃：7.5/10✨/價錢：8/10 🌟/服務：8.5/10 💫/打卡able：7/10✨/清潔度：7/10⭐️/人均： $74· - - · - - · - - ·竺扶大班燒味 (大埔)📍大埔安泰路1號大埔廣場地下61-62號舖#f

大埔竺扶大班燒味今日喺大埔嘉禾戲院睇完 無限制軍團 之後，老公帶咗我過對面一間燒味店斬料加餸返屋企食。喺門口見到「燒味之魂 肉罷不能」幾隻大字又幾有趣。鹽香燒腩仔 🐷半斤 $85老公話平時中午鍾意同同事嚟依度叫個「霹靂燒腩仔飯」來食，所以我地第一時間揀咗半斤燒腩仔加餸。燒到金黃色嘅脆皮就算拎到返屋企都仲保持到香脆，加埋肥瘦均勻嘅燒肉，好好餸飯。至尊古井燒鵝 🐦上莊 $138入到鋪頭我地見到有個好大隻嘅大廚燒鵝「Hey, Goose」燈牌，所以我地都叫咗個燒鵝上莊試試。相信依個就係鋪頭入面寫住嘅「金鐘罩燒鵝」，啖啖肉之餘，配合埋燒到脆卜卜嘅外皮同埋恰到好處嘅油脂香味，堪稱一絕！總結：一定要試吓燒腩仔，唔會後悔2人總數💰223人均💰111.5📍 竺扶大班燒味 (大埔)大埔安泰路1號大埔廣場地下61-62號舖10分滿分味道：8/10環境：7.5/10價格：7.5/10#hkfoodie #hkigers #hkig #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfood #hong