竺扶大班燒味

營業中

休息中

竺扶大班燒味：大埔街坊的抵食燒味食堂 位於大埔廣場地舖的「竺扶大班燒味」，門前午市總見人龍，玻璃櫥窗掛滿油亮叉燒、琥珀色油雞，香氣四溢，是街坊心中「平靚正」的燒味首選。 叉燒油雞飯＋鹹蛋＋菜心叉燒屬半肥瘦經典款，外層蜜汁焦香微脆，肉質鬆化不柴，脂香豐潤；油雞皮滑肉嫩，滷香滲透骨髓，蘸蔥油更提鮮。靈魂在於鹹蛋——橙紅流沙蛋黃鹹香濃郁，拌飯瞬間昇華。菜心焯得翠綠爽脆，平衡油膩。 叉燒燒腩仔瀨粉雙拼燒味份量慷慨！叉燒同上水準；燒腩仔驚艷：皮脆如餅乾，「咔嚓」聲中透出脂香，五層肥瘦分明，鹹香不膩。煎蛋流心蛋黃裹上瀨粉，湯底清甜不濁，吸足肉汁精華。 人均$90飽足，燒味水準穩定，尤其叉燒脂香、燒腩脆皮顯功架。加配鹹蛋、煎蛋等「邪惡組合」更添滿足感。街坊價錢、傳統風味，午市趕時間或想慰藉胃口，值得排隊一試！

今日喺大埔廣場食飯，毫不猶豫就入咗竺扶大班燒味，呢間茶餐廳主打燒味，味道果然名不虛傳。牆上擺滿獎杯，一望就知實力非凡。點咗原隻古井燒鵝髀飯（$98，附送例湯），鵝髀皮脆肉嫩，油香四溢，每啖都令人回味，再加個咸蛋（$8），更加惹味。乾炒牛河（$42，附送熱飲）炒得乾爽分明，牛肉嫩滑無筋，食到碟底都唔見一滴油，好有水準。黃金西多士（$33，送熱飲），切開見到蛋漿均勻滲入麵包，色澤金黃，香氣撲鼻。無論主菜定小食，每樣都展現出師傅嘅功力，味道出色。

去咗大埔探朋友，聽講 竺扶大班燒味 唔錯，就過嚟一睇！😎 餐廳喺大埔廣場地下，氣氛熱鬧，街坊傾計聲此起彼落，充滿人情味！🔥 望住廚房啲燒味，個肚即刻打晒鼓！🤤黯然銷魂鴛鴦飯 🍗🍖
叉燒軟腍帶蜜汁味，冰燒鳳凰雞皮脆肉嫩。仲有兩隻金黃煎蛋，蛋汁、燒肉汁同鳳凰辣汁沾滿飯粒，味道香濃。😋燒鵝＋叉燒雙拼飯 🦢🍖
燒鵝皮脆肉嫩，叉燒甜味明顯，白飯粒粒分明，吸收晒燒肉汁，食完意猶未盡。紅燒乳鴿 🕊️
乳鴿外皮微脆，肉質結實，紅燒醬汁甜鹹平衡，香氣ok。凍阿華田 ☕ 同 凍檸檬水 🍋
凍阿華田濃郁，甜度適中。凍檸檬水酸甜清新，搭燒味飯解渴！😊
竺扶大班燒味 燒味味道中規中矩，環境親切，街坊氣氛濃。套餐仲有例水送，夠晒香港風味！想食港式燒味，呢度算係一個選擇！😉

朋友入嚟大埔探我，入到嚟話想食燒味飯，我即刻諗起勁多大埔街坊介紹嘅竺扶大班燒味！呢間係大埔真係勁高人氣，我哋去到要排隊😮等咗一排，終於有得入座喇～據街坊們推介燒鵝飯、沙嗲牛肉麵、冰燒鳳凰雞飯、 祕製豬扒公仔麵等都係好好食。我哋叫咗燒鵝飯、沙嗲牛麵同埋生炸雞脾配薯條 。 至尊古井燒鵝飯$55（有埋例湯飲）味道：⭐️⭐️⭐️⭐️賣相：⭐️⭐️⭐️⭐️⭐️第一次食燒鵝覺得個皮唔會太肥同埋薄脆、燒鵝啖啖肉，係嫩滑有汁既，白飯口感軟硬適中，唔會太乾或者太淋。想講佢個酸梅汁同出面餐廳不同，係超有梅味，好似食緊粒梅糖咁，但係佢個質感似柚子蜜質地，非常開胃解膩。沙嗲牛肉公仔麵配火腿奄列+厚多士$55味道：⭐️⭐️⭐️⭐️⭐️賣相：⭐️⭐️⭐️⭐️⭐️呢個沙嗲牛肉公仔麵係茶餐廳來講算非常出色，碗麵入面有8片牛肉，牛肉片係淋肉，唔會有筋，唔會咬唔開，沙嗲汁係偏濃味，唔會稀，麵條煮得岩岩好，係爽彈既，仲要掛到汁，仲要有奄列同牛油多士，$55係值既！非常飽肚！生炸雞脾配薯條$42味道：⭐️⭐️⭐️⭐️賣相：⭐️⭐️⭐️⭐️⭐️雞脾一切開入面啲汁咇曬出黎，外皮係脆，入面啲肉一啲都唔乾，係嫩滑架！ 隻脾既size都ok ,唔會話炸到得皮同埋骨，推介！❣️超推沙嗲牛肉公仔

🩵古井燒鵝脾瀨粉切件鵝脾，每件都好有鵝香味😍 鵝皮燒得香脆，肉質軟淋，再加埋滿滿既鵝油，好正！配左瀨粉中和下油膩味🤣🤣🩵大班玫瑰豉油雞叉燒雙拼飯下午茶時段，轉埋雞髀雙拼都只係$54，CP值極高😍 唔怪得日日都坐滿人，豉油雞好入味，記得叫半肥瘦叉燒，唔係既話叉燒可能會偏瘦，但肉質唔算乾柴😌😌🩵鵝汁菜心一份菜心份量唔少，菜心新鮮爽口，鵝汁唔會過鹹過油，有淡淡鵝油香味～ 絕對物有所值😛😛

Kumamon Run後到大埔品嚐高質燒味叉燒熊本熊在參加完2025年的Kumamon Run後,跟好朋友鞠智城君到大埔一間好有名的茶餐廳品嚐燒味和下午茶,此店在灣仔相當有名氣,因為叉燒而引人注目~之前熊本熊的其他朋友在灣仔試過一次大力推介,今次就決定來到大埔區吃下午茶。等了15分鐘左右就有座位,還好呢~燒鵝拼燒腩仔飯 (下午茶)輕盈份量的燒味飯,鵝皮香脆油脂甘香,肉質鬆軟而味濃郁~燒腩仔的皮脆,肉質軟嫩,做下午茶份量剛剛好~星州炒米說起星洲炒米自然就是香港地道的茶式,以香料配搭港式叉燒,再混合蝦仁和雞蛋,深受香港人的喜愛~下午茶來一客星州炒米實在滿足!鞠智城君第一次吃呢,好有感覺~叉燒(半肥瘦) 例牌一場來到竺扶大班燒味就是為了例牌叉燒,所以剛才的燒味飯都沒有叫叉燒,果然沒有失望~半肥瘦的梅頭瘦肉,配上琥珀紅色的甜蜜汁,焦香中帶點點炭火香味,鬆化中帶嚼勁,絕對是叉燒的上品~熊本熊們都很喜歡!飲品: 凍檸水(少冰)及凍央(走甜)竺扶大班燒味大埔安泰路1號大埔廣場地下61-62號舖#竺扶大班燒味 #大埔 #大埔廣場 #燒味 #燒鵝 #燒腩仔 #叉燒 #星州炒米 #熊本熊 #kumamon

今日點零兩點鐘左右，餓餓地又懶得出街就想嗌外賣食啦。今次用外賣平台 嗌外賣食，叫咗個雙拼燒味飯同乾炒牛河。個燒味飯就叫做正正常常，不過不失咁，但啲飯係淋咗少少，無乜咬口。至於個乾炒干河直頭係離哂大譜勁過分，成個乾炒牛河係得兩片牛肉，無講笑數過哂係得兩片咁大把，真係從來未食過有一個間餐廳係會咁，啲洋蔥韭菜就勁多，牛肉你就得兩片有無搞錯呀，仲要又唔係平架喎，都要60十幾蚊碟，個份量又細份。如果堂食真係會叫佢換過碟，可能就係因為外賣所以就衰到咁！

大埔中心的商場現在越來越多連鎖店進駐，連茶餐廳車仔麵都是有連鎖店提供，普通的街坊茶餐廳已經越來越少了。這間位於大埔廣場的竺扶大班，我和老公都很喜歡來這裏吃飯，店員都十分有人情味。這間也算是大埔其中一間人氣茶餐廳，午市經常都很多人排隊。這次我們是下午茶時段來的，點了兩個下午茶餐和兩隻乳鴿。芝士火腿西多士 $35外表平平無奇，一刀切下去，流心芝士立即湧出！！再加上裏面有一塊火腿，令到整個西多士的油膩感減少。比起傳統的花生醬西多士更好吃。乾炒叉燒公仔麵 $42燒味是這間茶餐廳十分出名的，下午茶的叉燒也很好味，公仔麵炒得很乾身，配上蛋碎洋蔥更添美味。乳鴿2隻 $90一定要介紹乳鴿！！而且一定要原隻上。因為這樣乳鴿的肉汁就更能夠保存在裏面，做到外脆內多汁的口感。這裏的乳鴿不會太乾身，調味也剛剛好！！而且這個價錢，性價比真的超！！級！！高！！總括來說，這間茶餐廳各樣食物都很不錯，來大埔又想吃中式菜式的好選擇。

朋友住大埔，話呢間燒味餐廳係大埔嘅人氣店，非常受附近街坊歡迎，午市經常會大排長龍，朋友經常會幫襯，話佢啲燒味超好食。我哋咁鍾意食燒味，當然要去朝聖下喇。原隻古井燒鵝髀拼油雞飯$118 鵝皮香脆，油脂甘香，肉質鬆軟而味濃郁；油雞皮爽口，肉嫩夠滑。叉燒拼燒腩仔飯$52叫咗瘦叉燒，雖然瘦，但完全唔柴，鬆化中帶嚼勁；腩仔皮脆，肉質鬆化軟嫩。餐湯奉送咗個蓮藕湯超足料。冷熱飲+$3熱檸茶📍竺扶大班燒味安泰路1號大埔廣場地下61-62號舖

呢間係大埔街坊至愛嘅人氣美食！午餐時段經常都要排隊！平時食開會係出名嘅會係燒味，但今晚決定點小菜，品嚐一下其他菜式！蜜桃咕嚕蝦球~酸酸甜甜嘅口味的確非常開胃，大蝦夠哂彈牙，裹著薄薄一層炸漿，再沾滿醬汁，配料亦都好多元化有三色椒、洋蔥、蜜桃.....魚香茄子班腩煲~由於用煲上，夠曬熱辣辣！茄子夠曬香口，班腩亦都非常入味！不得不提，呢度嘅例湯非常香濃！絕對唔似坊間食店咁大量溝水😂飲品都用上不銹鋼杯，可保持該有嘅溫度！食咁豐富嘅晚餐，都係呢個價錢真係好抵！

一推開竺扶大班嘅玻璃門就聞到陣陣炭燒香🔥，呢間隱藏喺大埔廣場嘅燒味小店，冇浮誇裝修但日日爆場（唔講人流但都知好受歡迎啦），全因師傅手勢夠老派！今次試咗兩款飯加飲品，食到舔舔脷～ ▪️金牌四寶飯 叉燒紅腸油雞鹹蛋嘅完美組合 👉🏻 叉燒係靈魂！半肥瘦梅頭淋滿琥珀色蜜汁，咬落焦香帶微微炭火味，肉質鬆化到呢～ 👉🏻 紅腸唔係求其街市貨，腸衣脆卜卜仲有酒香 👉🏻 油雞髀啖啖嫩滑，豉油滷得夠晒入味 👉🏻 半隻鹹蛋黃流油撈飯，邪惡度爆燈💡 ▪️叉燒燒肉飯— 脆皮控必嗌！ 燒腩仔層次分明，皮脆到「咔嚓」聲傳到隔離枱🤣！肥膏位似啫喱咁彈牙，配埋叉燒雙重享受～ ▪️凍檸茶 vs 凍朱古力🍋 檸茶茶底濃而不澀，戳爆檸檬籽先係識食 ☕️ 朱古力似足細個茶記味道，阿華田x高樂高懷舊感max 總結：燒味有水準過好多連鎖店，碟頭大到男仔都夠飽！經過大埔一定要試吓佢哋個蜜汁叉燒，食完真係會掛住陣炭燒香啊～

好耐冇過嚟大埔呢頭食嘢，今日記得轉過話開咗間燒味店入咗去同屋企人食晚飯，都有啲驚喜。餐廳除咗燒味之外仲有炒小菜食，今次冇機會試下次一於試吓。今次同屋企人試咗黯然銷魂叉燒飯同埋燒味雙拼飯。我哋一落咗單就有例湯飲，例湯係蓮藕湯，非常之足料夠味，可能本人好鍾意飲老火湯嘅關係，覺得好好飲。呢度嘅燒味都非常之唔錯，叉燒好肥美，而且非常之足料，食得好滿足。而燒味雙拼飯就我哋試咗燒腩仔同埋燒鵝，真係要讚一讚佢嘅燒鵝，肥美適中得來冇鵝腥味冇得彈。要提一提嘅係佢哋燒味啲菜份量好多，真係食得好滿足。另外我哋都試咗半隻貴妃雞，雞肉結實，冇雞腥味，鍾意食燒味嘅朋友真係可以過嚟試吓。

成日都知大埔好多好嘢食，今日咁啱入大埔幫朋友攞嘢，梗係要趁機嚟尋覓下一大步嘅美食啦！講真真係花多眼亂，完全唔知揀咩好！行吓行吓見到間茶餐廳門口排晒長龍，就知道呢一間一定唔會差！咁就一定要試吓啦！一打開餐牌，最吸睛嘅就係呢一個黯然銷魂飯，但係佢隔籬嗰冰燒鳳凰雞飯都好吸引，選擇困難症一事唔知道點揀！最後決定你個雙拼揀咗黯然銷魂鴛鴦飯呢個飯一上嚟就嚇一嚇，好大碗！而且叉燒同鳳凰雞都好多，真係好實惠！佢哋嘅叉燒肥瘦適中，唔會太乾，食落好軟腍，肉味好香！如果叉燒汁都配得好好，鹹香鹹香用嚟送飯一流！鳳凰雞肉質都好嫩，食落有一股淡淡嘅豉油香味，用嚟點一點個鳳凰辣汁之後就更惹味！仲有叉燒同鳳凰雞之外，佢仲有好醒目嘅兩隻太陽蛋，睇過蛋黃，就知道佢哋用嘅係靚蛋，蛋香味勁濃郁，用嚟撈埋啲飯一齊食，簡直係停唔到口餐廳做開街坊生意，啲夥計都係好熱情咁同啲客人打招呼，等我呢一個外鄉人都體驗到大埔龍龍嘅人情味！總括而言，我覺得呢間餐廳啲出品都真係唔錯，怪唔之得成日都大排長龍，如果大家鍾意食燒味飯嘅話我覺得值得推薦！

今日約左朋友去大埔食下午茶，當然要食當地燒味人氣店，聽講午市經常大排長龍，而且深受附近街坊歡迎，加上位於大埔住宅區，人情味雙倍增加。呢間茶餐廳係到香港必去朝聖之一燒味茶餐廳，我地必食香港茶餐廳嘅常餐，今次我叫左金牌蜜汁叉燒通粉配火腿奄列以及厚多士，份量非常大份，而且好好味！跟餐飲品我地都叫左凍奶茶，餐廳用上來自荷蘭新鮮牛奶「黑白奶」沖配奶茶，奶味香濃，入口醇滑。朋友就叫左下午茶餐嘅黃金西多士，大大份！黃金西多士外脆內軟，包裹著香濃的花生醬和果醬，口感層次分明。每一口都散發著淡淡的奶香與甜味，讓人忍不住一口接一口。

竺扶大班燒味是大埔區一間人氣爆棚的燒味店，每到午市時段總能看到長長的人龍。這家位於住宅區的小店不僅以美味聞名，更因濃厚的人情味而深受街坊喜愛，可以說是來香港必訪的燒味朝聖地之一。他們的叉燒燒肉飯絕對是招牌中的招牌。叉燒選用肥瘦相間的梅頭肉，外層裹著晶瑩剔透的蜜汁，咬下去肉質軟嫩多汁，帶著淡淡的炭火香氣。燒肉更是講究，皮脆得像是會發出聲音，肉質卻保持著恰到好處的嫩度，配上店家特製的芥末醬，簡直是絕配。米飯也煮得粒粒分明，淋上燒味汁後更顯滋味。蓮藕瘦肉湯是這裡的另一道必點。湯頭清澈卻不失濃郁，蓮藕煮得軟而不爛，還保留著爽脆的口感。瘦肉經過長時間熬煮依然保持嫩滑，整碗湯喝起來清甜滋潤，特別適合搭配重口味的燒味一起享用。竺扶大班燒味就是這樣一間能讓人吃得滿足、心裡溫暖的小店。無論是特地來朝聖的遊客，還是天天光顧的街坊，都能在這裡找到屬於自己的燒味記憶。