2
1
0
港鐵香港站 C 出口, 步行約4分鐘 繼續閱讀
電話號碼
55967628
營業時間
今日營業
11:30 - 21:00
星期一至日
11:30 - 21:00
付款方式
Visa Master AlipayHK 支付寶 現金 八達通 OpenRice Pay
其他資料
當面支付
以上資料只供參考, 請與餐廳確認詳情
食評 (4)
等級4 2024-06-15
72 瀏覽
又食雞白湯拉麵,中環街市地下food court,日本過江龍嚟自北海道,精選三款招牌拉麵,和牛鹽風拉麵、九州豚頭背脂拉麵、名古屋雞白湯拉麵,因為前排食過一碗好味嘅雞白湯拉麵,所以好想比較一下。🥢名古屋雞白湯拉麵 $88x2 ⭐️⭐️⭐️先試一啖湯頭,第一個感覺係”鹹”,自問本身唔係食得清淡嘅人,但呢個真係好重口味,雞味係有,但鹽份高到令你唔想一啖麵一啖湯。至於麵係幼麵夠彈牙,雞胸肉入味唔會鞋幾好味,總算挽回些少分數。🥢免治雞肉棒 $48 ⭐️⭐️⭐️⭐️外表唔夠色澤,但原來入口好有驚喜,軟骨口感非常豐富,可能同雞肉各佔一半份量,好好味好爽口,係我食過最好味嘅雞肉棒。二人共消費:$224 繼續閱讀
(以上食評乃用戶個人意見 , 並不代表OpenRice之觀點。)
等級3 2024-01-26
917 瀏覽
最近和同事去開中環街市,見到新開既拉麵店——Takeroku Ramen,自然要試下。佢喺中環一帶,一碗拉麵只需要百零蚊,而且質素相當,值得推薦。Takeroku Ramen 有三款拉麵選擇,分別係牛肉、豬肉同雞肉。我同朋友分別叫咗三碗試下。拉麵湯底濃郁,而且每一款拉麵都有唔同嘅湯底搭配。我個人最鍾意嘅係牛肉拉麵,佢地話用福永和牛,真係可以食出同其他牛肉有分別,好正😊除咗湯底,拉麵嘅配料都好豐富。不論係牛肉、豬肉定雞肉,肉質都好嫩滑,好入味。面條本身口感都好好,彈牙有嚼勁。介紹特別講,拉麵製法令佢掛湯,欣賞呢份心思👍整體嚟講,Takeroku Ramen 都值得一試,價錢實惠,質素出色,而且有多款選擇。如果你係拉麵愛好者,不妨去試下! 繼續閱讀
(以上食評乃用戶個人意見 , 並不代表OpenRice之觀點。)
想食拉麵但中環要食要行上山。Search openrice 見到中環街市food court竟然有拉麵。再查吓間拉麵似係認真拉麵黎喎!日本人拉麵brand 喎!近近地又$88 試吓無妨。叫咗個九洲背脂拉麵。自己攞到返黎有少少懷疑有冇搞錯咗,因為個樣冇乜油,之前響新潟食背脂拉麵好鬼多油!同埋個賣相真係好food court 拉麵feel. 不過聞到紫菜好香。第一啖飲湯覺得好似冇乜味咁,有啲懷疑係伏。點知原來浸豬骨味係慢慢滲出黎,有啲家嘅感覺🤣 個湯仲有回甘味,可能就係佢啲背脂油爆出黎嘅小苦味,個湯底真係幾特別。可能個湯唔係重口味版,特別顯得蔥同紫菜都好香,都切得好幼,但份量比較少。我差唔多全碗湯飲曬,我真係好少會飲咁多。麵好幼所以偏軟唔係彈牙嗰隻。但麵都好多吓,比起香港其他拉麵舖似乎較多麵,男仔食應該都飽。肉好薄但好靚仔,肥瘦適中,完全唔鞋。食完半粒鐘都無飲過水但完全唔口渴。是晚有鬼唱歌,都唱得幾好。中環街市好多清潔阿姐所以啲檯都真係幾乾淨。不過就坐高櫈。總結:呢碗我會形容為豬骨湯嘅鳥華亭。唔想食heavy 嘅豬骨湯拉麵呢度啱曬,仲要唔洗上山。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-12-07
501 瀏覽
街市中雖然有好多選擇,但是那天下班後和同事想吃拉麵,就選擇了這家,現實和想像的味道有點距離 中規中矩不算有什麼特別如果去到中環街市想食拉麵嘅時候,都可以去選擇呢一樣嘢 繼續閱讀
(以上食評乃用戶個人意見 , 並不代表OpenRice之觀點。)