竹島水產 西日放題 (已結業)

上水有2間放題，一間是自助燒，聽聞質素麻麻，另一間就是取代橫檳的竹島，價錢好像比之前貴呢，質素如何？汔水的選擇都是最基本那幾款，還有hite啤酒可以選擇最特別是有熱飲機，我最愛就是熱朱！還有熱水可選😂二人同行送一個超豐富的海鮮拼盤，鮑魚，番薯蜆，帶子（沙插）件件都超巨型，鮑魚是超稔！不過間中有些有些沙就是。Wasabi用包裝令人有點驚訝，象拔蚌跟三文魚都不錯，幾肥美，還有泰式虎蝦比較罕見，比橫檳好太多火鍋料中生菜超爽脆，粟米也十分清甜。還有肥牛跟豬腩肉可以選，兩款都很肥美，肥瘦相間😮壽司系列中炙燒海膽醬玻璃蝦最特別，燒過的海膽醬有鮮味，加上有挑蝦腸的玻璃蝦肉，兩者十分相襯！天婦羅的蝦比想像中高，炸過後非常彈牙，似乎是用刺身級別的蝦呢！羊架也不賴，軟稔得來帶少量羊肉香。漢堡扒比較多洋蔥，味道有點刺激！炸物最好吃！芝士年糕，榴連炸彈，芝士南瓜餅都熱辣辣極流心，超邪惡！最後還一人有一杯Haagen Daz雪糕，有點驚喜！

上水區唔係好多放題店，見到有新開嚟試試先選擇唔算好多，仲好，唔怕眼闊肚窄，叫得少又遺憾試唔晒，叫得多又做大晒鬼同一個地點上一手都係做放題，但今次再開嘅集團都投資新裝修，地方算闊，亦有長長梳化位，方便多人一齊食。飲品自取，汽水檸茶烏龍茶都有。刺身上得快冇漏，真係叫幾多片嚟幾多，最正係赤蝦，大隻又爽甜，油甘魚都好肥美，其他魚生都OK由於凍冰冰，平時放題一定唔會叫嘅飯都會叫。壽司味道尚可，但壽司飯煮得過熟，醋味偏淡，但面頭嘅魚生，沙律醬同燒烤味都配搭得好好。火鍋亦係要留個位置嘅，每人送新鮮海鮮拼盆有誠意，其他任食火鍋料都唔輸蝕，肥牛大大塊滿有牛味，魷魚鬚仲係新鮮果隻，青口都大大隻任食熟食方面重點講蠔，有兩款：蒜香焗 配搭超勁辣椒，食落口真係嘩一聲，不過奉勸唔食得辣嘅朋友試第二款黃金汁 係甜甜地嘅沙律醬味，配合大小適中嘅蠔肉，有鮮味又有香味，哩個真心讚最後雪糕方面一人一份，雖然哈根大師感覺高尚點，但見到有甜筒，仲要係香芋味就好心動，希望餐廳可以開放雪糕quota,下次唔駛煩惱食邊款啦～服務態度幾好，店員收碟換碟嘅頻率高。上菜速度算快，所以建議可以點少少食住先，之後再點，咁就唔怕張枱冇位同食物凍

有女友住粉嶺經常投訴我們只有她長期出尖沙咀就我地我也同意有幾何入粉嶺食好野車錢都用晒quota 啦⋯⋯😵今日 入上水經過會計師友好介紹又睇晒開飯相關食記先至起程🤑女人以一個二人套午餐以及她的面子午任用梅酒引發小妹事實本人很十二分中意引誘咁老老實實開飯90%好評的店本人心中有數以我一個專業日本式食客對其醬油碟已經很like 因為有兩格專業吃日本料理魚生的醬油一定不能溝芥末是分開辦的竹島不愧上水奇葩👏⋯⋯還有餃子經過二十分鐘仍熱暖洋洋真正想不到😀少量辣最重要熱至於本人為什麼失禮一早取大量甜點呢？一方面我 一向不太怕醜二來經過凍櫃只剩一個奶凍唯有懶有禮咁讓給其他師奶因為我們飲清酒是高級客作作狀都好說到這套餐的沙拉平日奄尖要強的我吃完面一層蟹柳仍然讚因為作為一上海食客他們用大量生黃瓜條不知所以青瓜一直是少菜多肉的我也永遠至愛對著成碗青瓜絲不熟的以為在下梗會嫌棄那可以告訴妳本人會吃掉所有生黃瓜而生黃瓜凍冰冰點解我又中意？愛是永不用say sorry 😐 Sorry "Love means Never have to say sorry "這裡差不多滿座氣氛溫馨唯一大吃大喝不須氣氛扶助的本人都感覺

琴日同個朋友去咗上水食放題，間嘢叫竹島水產。我哋去到好多人喺出面排緊隊，好彩我哋提早book咗位，如果唔喺應該要等好耐。我哋啲吃貨當然食咗勁多嘢，刺身、鍋物、壽司、天婦羅等當然唔少得啦～～～串燒都好惹味，個冬菇好多汁！正刺身尼講，我哋叫咗三文魚、虎蝦、赤蝦、象拔蚌和刀馬貝，每樣都好新鮮，但我哋就最鍾意佢嘅三文魚同赤蝦。佢嘅三文魚係魚腩嚟架，好甜好肥好好味！！！赤蝦亦好肥好新鮮架！！！鍋物、壽司同天婦羅味道都唔錯，可以一試！！天婦羅即叫即炸，仲脆卜卜sushi好新鮮兩個字：鮮甜另外，甜品款式亦好多，除咗Haagen-Dazs雪糕之外，其他甜品都可以任食，自己出去拎幾多尼食都得^^飲品花款都好多，有甜有唔甜，任飲，飲到飽，有凍有熱，最特別係有幾款咖啡同熱朱古力，正！唔想飲飲品，仲可以任飲日式麵豉湯，好夠熱。

因為喺上水郊遊踏青，順便喺度食埋晚飯先走，雖然近地鐵站真係超級多人，好似全部都係藥房冇乜嘢好食，但其實行10零分鐘去到另一邊已經有好多食店。放題達人去到世界各地都要食放題，呢一間新開嘅貌似都幾多人，星期六晚都可以walk in, 而且入面裝修有別於一般嘅日式放題，反而有少少去咗Cafe嘅感覺。就咁樣睇點餐紙得六張 款式都唔算話好多但係好特別嘅係 可以打埋邊爐啊！！啱晒咁凍嘅天氣呀 呢一個係龍蝦湯底除咗紙上面嘅普通配料之外二人同行仲會送海鮮拼盤 以為係廢廢的估唔到係咁豐富 有四款海鮮整體來講都幾新鮮 特別係帶子好鮮甜 完全係一來就啖啖肉 勁滿足第二round就揀係食埋生嘅刺身啦來得好齊 冇甩漏 甜蝦同生蝦都好好食赤貝同埋北寄貝都好出色 全部都係我鍾意食嘅刺身～又係一堆我鍾意食嘅小食好頹但係好好味燒物都不錯 推薦台灣腸食返啲飽肚嘅食物—壽司基本嘅款式都有齊但係就冇創作壽司款式唔算好新穎 味道都還可以卷物 食食吓發覺啲飯有啲硬 有少少似生米所以我個人都唔係太推薦壽司另外基本嘅火鍋料 牛肉同豬肉食落都唔錯燒蠔值得一讚有兩款口味可以揀一個蒜蓉味 一個係黃金醬味道好特別 一定要試吓最後都係嗌咗啲海

住在北區的人就會知道，吃放題自助餐等永遠都要出去遠遠的九龍區或港島區，難得地上水開了放題，也一於去試下。坐下就見到火鍋爐，店員即時問我們要什麼湯底，我們挑了地獄辣湯底。附送的海鮮也很有誠意，元貝、蜆、鮑魚、聖旨，全部都新鮮。全晚的主角刺身份量十足！三文魚、虎蝦、赤貝、北寄貝等等，爽脆鮮滑，新鮮肥美。壽司一樣精美，花之戀壽司、帶子、火焰蟹棒、玉子、火焰三文魚，件件都是用心之作。蟹子沙律和枝豆是我的最愛，枝豆還特別的加了黑椒，味道更香口。蟹子手卷即叫即製，紫菜脆卜卜而且很足料。吉烈蠔和香芋波波熱辣辣。雞肉串香嫩美味，小番薯也甜美。甜品櫃選擇不少。最人有一杯雪糕。飲品以汽水為主，餐廳也同時供應熱茶。

平時都好中意食放題嘅我..今日剛好在上水探左朋友又見到一間應該系新開嘅西日放題餐廳，當然要入去試下啦！（其實西式加日式嘅放題真系未試過..😁😁)餐廳裝修簡約..地方都算好寬敞舒適..吾會似其他放題餐廳咁迫，吾錯👍👍佢地除左放題外，中午定食的選擇也很多，仲有甜品，咖啡等任攞任食叫左個刺身拼盆，有三文魚、油甘魚、赤蝦、鮑片、北寄貝...等等！三文魚肥美鮮甜，赤蝦好大隻又好甜，其他的也很新鮮⋯⋯😋😋😋之後我地再叫左個午餐壽司盛⋯⋯連加州卷也有十幾件..都系七十幾蚊..都幾抵食...最後當然也要攞返個朱古力奶凍做甜品啦😋😋😋

上水到處都係藥房全部都係藥房，上水好多人全部都係水貨客，這就是對上水的印象，住上水嘅朋友話最近都開咗好多食肆，於是帶咗我去其中一間竹島水產門口好靚吖，裝修簡約有啲日本feel，入去睇到Menu原來夜晚係做放題，Lunch幾抵食，甜品任食，湯任飲，自助汽水奶茶咖啡都係任飲叫了加州卷，鰻魚壽司，凡立貝壽司，皇帝蟹柳壽司，墨魚壽司，炙燒芝士凡立貝壽司，熟蝦壽司，赤蝦三文魚，火炙芝士蝦，壽司size唔細，三文魚油脂豐富，帶子墨魚鮮甜，皇帝蟹腳甘甜食完唔夠，再點個刺身盤，三文魚，甜蝦，油金魚，北寄貝，螺片，三文魚都幾肥美大件，有油甘嘅味道，甜蝦口感濃郁食埋芒果布甸同飲個湯。食得完滿

餐廳個裝修都幾靚，有少少工業風，座位都唔少。午市定食都有唔少選擇，有魚生飯、壽司同熟食等等。不過天氣實在太凍啦，同魚生飯冇緣，就叫個熟食定食。見到其他人食魚生飯，又好想食魚生，就決定食油甘魚刺身。油甘魚雖然唔係厚切，不過味道好好，味道濃郁，油脂豐富。一見到個鰻魚炒飯真係嚇一嚇，份量超大，對女仔來就，差不多是二人份量。炒飯上面有大量紫菜、木魚絲同青蔥，三種配料同炒飯又十分配合，增添左炒飯既香氣。炒飯中既主角鰻魚都好正，係又厚又大大粒，而且風味十足，口感又有點彈牙。有少少似半自助式，飲品、湯同甜品係自已出去拎，原來因爲晚市係做放題，所以有咁既安排。估唔到蛋糕咁好食，超濃厚的芝麻同綠茶味，忌廉又夠滑。

住喺新界區嘅我，成日發掘新界區美食！😏😏今日中午就同媽咪經過上水，見到呢間新開嘅日式放題餐廳，雖然放題夜晚先有，但我同媽咪都忍唔住試吓佢哋嘅午市套餐！😉入到餐廳，環境都算幾大，基本上全部都卡位坐椅，坐得幾舒服。👍好，睇睇個餐牌，午市都有好多選擇，刺身壽司熟食拉麵日式小食都有，由於呢幾日天氣太寒冷☃️⛄️❄️，所以我哋放棄刺身壽司，叫咗熟食，包括了：日式鰻魚炒飯套餐$68🦈🦈🍚🍚一上枱香噴噴嘅炒飯好吸睛，鰻魚都算大大粒，睇相啦⋯⋯套餐仲要包咗飲品，飲品竟然係喺晚市放題嘅飲品雪櫃裏邊任選擇自取，飲品包羅萬有，都你有誠意。日式叉燒烏冬套餐$48🍜🍜叉燒有三大件，烏冬係手打烏冬，套餐中包左兩件壽司，一樣係飲品自取。蒜香牛柳粒$58🐮🐂🐂呢個估唔到份量好多⋯⋯牛柳粒都算有牛肉，呢個真係估唔到，大份到兩個人都食唔晒🙈🙈🤣🤣總結：上水區日式放題餐廳比較少選擇，而家個返一兩間，可以唔使咁悶了，呢間都算抵食夾大件，午市就要唔冼加一服務費，下次會試吓佢哋嘅晚市放題後再報告！🤤🤤🤗🤗

late lunch嚟呢度，食咗個極上壽司盛，因為呢度最吸引係午市定食附送嘅任食系列：有自助汽水櫃、即磨機嘅奶茶、咖啡，以及甜品，太正斗啦😍😍點完個main dish，梗係即係去玩果部自助即磨咖啡機，見到店員倒d咖啡豆入去，好快就有杯熱辣辣嘅即磨咖啡出嚟☕️新鮮之餘，仲有好多味揀：大路之選有expresso、macchiato、cappuccino、甚至白咖啡、朱古力奶或奶茶都有，老闆，你係得嘅！大雪櫃有好多凍飲選擇，汽水、果汁，甚至啤酒，係呢度一個lunch都可以咁豐富，太美好了🤗🤗等咗陣，極上壽司到，見到有咁多件壽司實在有點驚喜😙每款壽司都精美吸引，兼且鮮味十足，大推三文魚，肥美肉厚；牡丹蝦爽口，亦多肉，生食先有嘅甜美；食完十幾件已經飽哂😋嘆埋杯咖啡，為呢個豐富嘅lunch畫上完美句號。

新開張走去一趟一試！主力嘅午餐款式算多但係相比起其他日本食店食物質素偏差，以為一驚喜嘅係自助任飲自助甜品🍮但係主菜方面就較為遜色拉麵好淋又淡味、壽司飯質地很差，刺身唔夠新鮮$60-70 價錢午餐有自助甜品汽水咖啡是抵食！但食物質素一般！

食左個超級飽既午餐。餐廳裝飾得靚，好有現代cafe feel。叫左個滑蛋豬趴飯。好快就上菜。滑蛋整得好滑，而且有陣香味。好正。成碗豬趴飯份量係超大，雖然好好味但最尾我呢個麻甩佬都食唔曬，因為份量好多，好正呀！豬扒厚切，好味。仲有木魚絲，蛋絲，令豬扒飯味道更加豐富，值得食。叫埋個牛柳粒，份量都係咁多。呢間野真係好捨得俾野食。牛柳整得好味，牛柳好滑，唔會老。好快就食完。蒜香味提升牛柳香味，洋蔥既甜同牛柳好夾，最重要係夠多，超抵食。之後再叫個日式煎餃子。煎得外皮乾脆，入邊夠熱。加啲醬油，好食。正呀呢個午餐。重點係已經包左飲品，甜品，湯，而且係自取，食得好飽，平，好抵食。

It was a cold day in the winter, I discovered a Japanese food and decided to give it a try. It was a shop modestly located on a hidden street row, which people may bypass it. The staff were so nice, friendly and helpful. There were choices for buffet and lunch period. We planned to order a two people’s set which would be an economical choice. But my friend is not into fish so we ordered separate lunch set. The egg and pork rice i ordered was good. The egg is smooth and the pork is not too harsh.