穴蔵

營業中

休息中

之前都食過一次，上次喺食泡菜豚肉炒飯，上碟又熱又好味，泡菜豚肉好惹味，平時唔太鐘意食飯嘅我，都食晒成碗😋今日就食魚生飯，一上枱又靚又吸引，魚生好多又厚，真係心心眼，魚生好新鮮，飯有味暖暖哋，仲啱我，好食到食晒成碗😍呢間好高質，值得嚟多幾次啊～

同同事喺九龍塘開完會揾個地方食個正lunch, 同事介紹去又一城呢間日本餐，咁就去試咗。同事食刺生set我就食天婦羅蕎麥麵配壽司餐。食物嚟到賣相都ok，有啲擺盤嘅，但談不上精緻。天婦羅炸漿較厚，但温度夠，食落熱辣辣，隻炸蝦都算彈牙，其他蔬菜都鮮甜，蕎麥麵食落順滑，湯底唔會過咸，反而主角刺生就麻麻哋，魚味比較淡口，但好彩都叫做新鮮同有彈性。試咗同事嘅刺生set個魷魚，入面包住啲海膽，海膽好腥，味道麻麻哋。服務都可以，上菜快，會自動自覺加茶，侍應都好敏感客人需要。整體而言性價比唔高，呢個價錢可以有更好選擇。

午餐跟餐前菜好食，幾開胃。沙律醬既量剛好，唔會整到一食成口醬，亦唔會太酸。另外個個木耳絲好爽👍🏻甜甜地，有驚喜。迷你丼餐，可以選2個飯海膽三文魚飯海膽比menu睇落小，但比例上其實差不多🤣 Ok的👌🏻👌🏻天婦羅飯跟餐仲有個迷你烏冬吉列黑豚御膳炸得剛剛好，外皮好酥脆👍🏻點佢個醬食就超送飯。跟餐配有椰菜絲、白飯、茶碗蒸、麵豉湯、漬物。跟餐甜品，和菓子入面包左豆沙餡，唔算好甜👌🏻👌🏻

老婆寶寶早前到此光顧過後，便對其味道念念不忘，因而是日外出便特意攜帶我於此品嚐品嚐。店舖裝潢以木系配襯玻璃黃燈為主，並加入數幅魚隻壁畫點綴大廳，感覺是貴氣高端。鉾杉 山廃仕込 純米酒純米酒產自三重縣，用天然存在的乳酸菌所製造出的，此純米酒香味柔和，辛口濃郁，酸度豐厚。北海道紫海膽紫海膽特色是色澤淡黃且表面顆粒感強，入口味道濃郁清甜，香醇即化。而其內餡料三文魚子則鹹香鮮味，黏稠甘甜。北海道白象拔蚌北海道的白象拔蚌在優渥水質中成長，因而其上乘的肉質肥美濃厚，爽脆嫩滑，並富有海水鮮甜風味。松輪鯖魚刺身松輪鯖魚魚皮擁有著金色的光澤，而魚肉和脂肪部份則呈現櫻花粉色，咀嚼時口感是脂香清爽，鮮彈細嫩。長崎產華年蠔華年蠔為最高級的蠔類，其肉質肥瘦均勻，加入了蘿蔔蓉、醋、青蔥調味提鮮後，口感清爽甘甜，滑溜鮮嫩，並有陣陣海水氣味。白蝦海膽壽司以壽司飯做底，再配襯上爽脆鮮甜的白蝦和濃郁甘甜的海膽作配料，味道層次豐富，鮮味十足。吞拿魚赤身壽司以紫菜包裹赤身，並再加上青蔥粒、芝麻調味，令整體口感清新鹹香，鮮嫩結實，濃郁彈牙。活帆立貝壽司帆立貝肉質飽滿，將其對半切開後再包裹上醋飯同食，口感柔滑細緻，鮮爽帶甜。中拖

平日晏晝黎到又一城穴藏食Lunch好彩一早book左位，12點半左右到見到人潮已經開始多😯坐多陣已經要開始等位之前食過同一集團既其他分店，食物水準都唔錯😆/🍱燒西京銀鱈魚御膳（$178）餐廳冇set lunch，不過御膳都包左沙律、前菜、蒸蛋、白飯、漬物、麵豉湯同甜品👍份量好足夠，我一個人都食唔晒啲飯蒸蛋蒸得岩岩好，好滑🥚沙律同麵豉湯正常發揮🥗🥣銀鱈魚都燒得唔錯，好滑，而且面頭既醬甜甜地，好好送飯🐟而甜品係一舊好似紅棗糕既野，好煙韌但係就冇乜味🍇香檳葡萄梳打（$48）葡萄梳打唔太甜都幾好飲不過葡萄味就唔太出/😋食物質素：7/10🍽️用餐環境：7/10💰性價比：7/10👣回頭率：7/10

平日晏晝黎到又一城穴藏食Lunch好彩一早book左位，12點半左右到見到人潮已經開始多😯坐多陣已經要開始等位之前食過同一集團既其他分店，食物水準都唔錯😆/🍱燒西京銀鱈魚御膳（$178）餐廳冇set lunch，不過御膳都包左沙律、前菜、蒸蛋、白飯、漬物、麵豉湯同甜品👍份量好足夠，我一個人都食唔晒啲飯蒸蛋蒸得岩岩好，好滑🥚沙律同麵豉湯正常發揮🥗🥣銀鱈魚都燒得唔錯，好滑，而且面頭既醬甜甜地，好好送飯🐟而甜品係一舊好似紅棗糕既野，好煙韌但係就冇乜味🍇香檳葡萄梳打（$48）葡萄梳打唔太甜都幾好飲不過葡萄味就唔太出/😋食物質素：7/10🍽️用餐環境：7/10💰性價比：7/10👣回頭率：7/10

這間日式餐廳菜式多元化比較新穎，帶子沙律卷，帶子沙律卷的材料豐富一口一啖味道清新可口。柚子雞扒，平凡的雞扒配以柚子汁味道特別酸酸甜甜，是一個很好的配搭。黑松露甜蝦卷，甜蝦鮮味我好貼上黑松露口感豐富層次高。牛肉湯烏冬牛肉也很新鮮,牛油果卷，味道清新健康，鰻魚卷鰻魚味尚可。鵝肝炒飯，鵝肝炒飯熱騰騰，也很美味。因為每份食物份量也不多，剛好可以嘗試多款菜。但另一方面如果是一大班人聚會也就要點多幾個菜才可夠足夠多人份量。

諗住同媽咪行少少街食, 日本嘢之後返屋企. 點知食日本嘢嘅時候, 中伏😤! 我哋叫嘅嘢其實都幾基本, 由於媽咪準備入醫院檢查, 所以就叫咗一個特級刺身拼盤. 點知食到最尾嘅拖羅, 有骨!!!!!!!! 我本人覺得好失望. 係我人生裏面, 三X年, 我都未試過有食過刺身有骨!!!!!!!! 呢個係應該係日本餐廳廚師嘅基本功😑 餐廳有嘗試去安排折扣或甜品, 雖然我冇話要, 但係佢亦都冇自動自覺比折扣. 其實無論如何咁樣嘅事情只會令到客人對你嘅信心, 因為刺身係一間日本餐廳係唔應該有骨. 😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭

😍又嚟食日本嘢當去咗日本啦！今次揀咗呢間😋😋清酒煮蜆個湯超清甜😍🤤蜆又多，清清哋仲有菜墊一墊，好鮮甜🤤👍🏻之後嘅豚肉湯喬麥麵，豚肉好爽，唔嚡口，加埋喬麥麵食又幾夾😍🤤😍🤤好食👍🏻👍🏻之後嘅壽司就超級好味😋🤤嚟個蟹膏壽司🤤真心係日本嘅味道😍完全講唔到嘢😂食完先講到一句「真係好正呀🤤」一啖啪入口最正😆👍🏻推介另外個三蟹卷天扶良，本身睇餐牌以為有兩條😂點知原來係一條😆都幾貴吓！成88蚊一細條😵不過就真心好好味，好香🤤最尾就係天婦羅蝦卷😍😍好多蟹子，好味啊😋👍🏻推介-清酒煮蜆 $118-熊本豚肉湯喬麥麵 $148-蟹膏壽司 $78-三蟹卷天扶良 $88-海老天扶良蝦卷 $98

今日晏晝心血來潮去咗又一城食壽司、叫咗刺身定食再加幾件天婦羅原來滿心歡喜之後魚生魚味道不足吞拿魚淨係感覺到擺咗舊魚落口、完全食唔到吞拿魚油分嘅香味天婦羅想食目光與沒有改叫咗沙鎚魚好似怪怪有鹼水味叫咗三味蟹膏天婦羅以為有蟹膏蟹肉會好香完全冇蟹味好似食擦子膠咁食咗一啖跟住叫埋單仲問我食唔食甜品都唔方好嘢

今日放假又同老公搵野食，因為來又一城行街，所以又來穴藏食lunch，對上一次已係半年前😆。因為星期六關係，就算差不多2點先到，都要排隊等位。大概等左20分鐘就可入座。我地ordered兩個set lunch👇🏻🔸迷你丼物餐（鰻魚飯+燒霜魚生飯）呢間嘅鰻魚唔太好食，咬落有點硬身😅魚生係燒過嘅，但咬落魚香並唔太突出，質素上比以前差左。🔸天扶良刺身御膳蝦天扶良唔新鮮，就算炸完都食到唔新鮮😌而刺身更加唔使講，切得太厚，筷子夾唔到要吉落刺身度先食到😂。建議切薄d,易夾到又易入口，但最大問題係油甘魚有渣，食落口成件吐返出來😑😑😑呢餐lunch有段小插曲：呢兩個set lunch都附送蒸蛋，但職員拎來時手指插左落蒸蛋度（佢唔熱嘅咩😲）。想講係我地反映後，男經理知道後，即場拎多個蒸蛋比我地，再拎走原本果個，呢度值得一讚👍🏻但食物質素差左好多，以我地食過差不多10次來計，所以唔會再去食。

本身用OpenRice訂座，去到佢就求其比張枱嚟，我哋話要轉枱，佢話訂咗先有，我哋就同佢講話訂咗，佢話係得呢張㗎啦，冇其他，帶位嗰個肥姨姨，態度真係好差，我哋即刻叫另外一位經理A，態度即刻唔同，問我哋有乜需要幫忙，馬上幫我哋轉枱，態度親切介紹有乜嘢食推薦。叫左2個壽司餐，兩款壽司都超好味，魚生極度新鮮，厚切，仲有沙律蒸蛋同湯係前菜，蒸蛋真係好好食，沙律就一般啲，反正係送嘅，就冇所謂啦再叫咗個天婦羅，脆卜卜，炸皮唔算口，仲有紫菜卷海膽，非常鬆脆唔油膩，但係啲蝦比較細隻再叫咗個銀雪魚，唔算大件，一般啦，168，都係咁嘅㗎，都唔好期望太多，勝在夠魚非常亂滑，冇那個嘅味最出色就係海膽替代三文魚子吞拿魚茸飯，海膽唔算多，非常鮮甜，浸浸嘅海膽味道，一啲都唔吝嗇，極多嘅三文魚子，極多嘅吞拿魚茸，滿滿喺個碗上邊，非常新鮮，食晒啲飯仲有好多餸，推薦Alice介紹咗啲清酒俾我哋，非常仔細解釋，另外佢清酒嘅Menu，都做得好好，列晒甜辛味，分享到，嘅指標，令人好容易選擇雖然我哋四個人食，都食咗2000，相當唔平，但係計食物質素，算OK嘅

非常推薦特上炙燒壽司御膳，非常新鮮足料厚肉😊👍🏻炙燒過後帶出魚的油脂，令sushi口感更上一層樓。朋友叫了新鮮的sushi set，都好滿意😙同樣地新鮮多肉。樂師傅人都非常好和緊張食物質素，會特意過來問食物質素如何。整體服務非常好👍🏻☺️仲有我最愛既抹茶雪糕🥳據說是日本直送的，難怪抹茶味道很重👍🏻👍🏻😊😊推介好似我咁既抹茶控😆nice and valuable lunch overall☺️ highly recommended.

因為朋友話呢間好食所以試，價錢有d 貴但幾好食，刺身有d 脂肪，好食！即炸天婦羅都好食！食物完全冇問題嘅，但d 侍應真係好"出色"!間舖唔大，客又唔多，嗌極都冇人來寫嘢。最終有個侍應A來咗，然後話佢唔識寫嘢，搵人幫我地寫。侍應B上天婦羅冇汁，算，當你唔記得。食食吓，碟野未食完，侍應C 走來問仲要唔要？係咪傻嘅？然後一路食緊野，來來回回走過來問幾次？明明用餐時間係1.5hr，我地當時食左1hr!我地問侍應係咪好趕，想我地快D 走，佢話唔係！叫人來果陣冇人來，食緊野果陣又走來煩住晒！未見過成日餐廳嘅侍應全部都發緊夢，hang 機咁！呢個價錢，呢個地點，除咗對食物有期望，我expect 正常服務水準都唔過份下話？

Was thinking japanese offerings in a shopping mall would be pretty standard fare but not so. Offered some dishes on the menu you dont normally see.Went for a family celebration so ordered more than we would for a normal dinner outing. Started with sushi, although they have sets we picked from the a la carte, the Striped Jack Sushi being my fave.  We also picked the Sea Urchin and fatty tuna sushi combo, the 'ocean ' taste of the sea urchin was not that strong but the texture was was creamy and