穴蔵

營業中

休息中

經常到又一城，都是去意大利餐廳，但今日特別在旅行前吃亞洲菜，就去咗好一陣子沒吃的穴藏。仲記得第一次去嘅時候好有驚喜，覺得食材新鮮，份量又足，用餐感覺愉快。今次去，仍然係叫咗壽司天扶良定食，有前菜，沙律，壽司，天扶良和烏冬，天扶良的秋葵太老失色（偏偏我最鍾意秋葵），幸好其他都維持到。套餐有五件壽司，最欣賞炙燒壽司，其他材料厚實口感彈牙，中規中矩。同伴點了北海道海鮮丼（$228），海膽鮮甜，刺身水準不錯。壽司天扶良套餐$208，以份量黎講性價比好高，海鮮都新鮮。但用餐環境較擠擁，以至有點嘈雜。

呢日同同事放工去Chili下，去食正嘢，滿心期待。入到裏面燈光好有氣氛，有分吧枱同普通枱，重有罕有嘅圓型卡枱，居然比我哋坐到，好幸運。特上刺身拼盤呢個特上刺身拼盤食材新鮮到一個點，魚類刺身全部厚切，而且鮮味十足，帶子大粒又彈牙，海膽又新鮮又甜，魚子大粒又通透，牡丹蝦又大隻。特上雜錦天扶良炸粉唔厚，恰度好處，食材炸後不失鮮味，部分外脆內軟，如茄子、蝦，蔬菜則外層鬆脆，內層爽口，炸蟹腳好特別，蟹肉鮮甜、唔散。牛油果軟殼蟹卷牛油果醬上滿滿飛魚子，飯身軟硬適中剛剛好，軟殼蟹炸得鬆脆，成個組合好有口感好好味。燒牛脷牛脷唔韌，牛味重，配埋少少鹽燒，好入味。燒西京銀鱈魚銀鱈魚魚肉燒得剛好，魚肉配埋燒汁好夾，點唔剛唔沙律醬都好好食，碟上都有貼心提供沙律醬。燒年糕配紅豆年糕燒外層有d薄脆咁，內層煙煙韌韌，配埋紅豆，好好味。柚子雪皅配蜜糖柑肉+芝麻雪糕呢個柚子雪皅味道好清新，配埋蜜糖柑肉，都唔會太甜，好清甜。芝麻雪糕外有威化，好特別，配埋芝麻雪糕食都好match。

和太太二人訂了枱共晉午餐，質素有所下降。魷魚海膽 - 第一碟的海膽是臭的，退掉，第二碟的海膽也是臭的，唯有取消…雜錦天掃羅 - 較多月前失色少許，粉漿厚了一點，顏色偏黃，火候過熟不太到位，由 A- 少跌到 B；應該是人客太多，師傅忙不過來，油溫難以控制。（師傅忙到後來爆粗有點好笑…）另一方面，沾醬實需要多幾倍。甜蝦松露卷 - 甜蝦有「甜」味，不知是否食品工廠貨；個人覺得黑松露醬很「搶」，不屬我茶。雜錦刺生定食 - 除元貝和海膽外，魚全部都是魚，厚切較瘦的一塊搭肥美的一塊，吃了兩三樣已經覺得肚濟，最後實在吃不下去。感覺只是肥魚每樣來一點，不覺當中有什麼巧思。薄燒佐賀牛定食 - 太太喜歡，可惜最遲送來，已吃飽大半。火喉看上去差一點，較少部份有梅納反應，不夠肉香。炸蒜用得很大方，口氣熱氣怕怕。可能晚上較少客人的時候會有更好的用餐體驗，夏天食材容易變壞亦是挑戰。

食物質量很差, 刺身雪得過份, 串燒太焦, 但拿出來卻完全不熱!門口的接待晚娘的口面! 價錢卻是貴得名不符實!!衛生程度也差!  簡直元氣都不如!! 浪費時間去!!

呢間有唔少分店 但係以我理解應該每間分店既食物同埋價錢都有少少唔同而且呢個集團仲有越南餐廳 好似聽講都唔錯👀我呢日係lunch過去食 套餐包一個沙拉🥗 同埋茶果作為甜品雞扒烏冬(~$180) & 牛肉烏冬 (~$180)先講一下個麵 佢哋應該係用左日本稻庭烏冬超級彈牙 而且我哋放左d麵一陣都無漲/淋嗮🍜雞扒係配個燒汁令到佢更加香口😍但就算唔點個醬一齊食 個雞都超級嫩滑同埋juicy 而且個雞皮燒得脆脆哋🍗佢哋個牛肉都食得出係有咁上下級數肥瘦比例好平均 唔會太肥 或者太乾🥓帶子壽司卷物 (~$100)呢個係單點 並唔係套餐一碟有6舊 帶子超級鮮甜🍣呢間餐廳的確唔平 但係食物質素真係有保證 魚生都好新鮮✨久唔久都可以放縱一下的～📍穴蔵 (九龍塘)地址：九龍塘達之路80號又一城UG樓UG-35號舖

每次去穴藏食lunch,我都會叫呢個lunch set ,D刺身有七款咁多，件件都厚切，啖啖肉好新鮮，其實食完，都有D飽，個飯通常食唔晒，仲有麵豉湯、醃菜、茶碗蒸，最後仲有一粒甜品🥰，真係好豐富👍♥️♥️♥️

聽完talk黎食lunch，都幾多人排隊，排左半個鐘到，終於有位。一個人，坐bar枱。叫左個壽司set，有前菜、沙律同味噌湯，壽司都係連鎖店水平，魚身都新鮮，但唔會話有驚喜。

很喜歡去穴藏食lunch,呢度嘅刺身，非常新鮮高質，今次呢個set ($268)可試齊7 款刺身，件件厚切，好滿足，另外配有白飯、茶碗蒸、前菜、野菜沙律，仲有甜點，食完真係好夠飽。

食物一般，同一質素銅鑼灣樓上舖應該平10～20%。重點只想說一個，既然收費是高級餐廳價錢，為何會容許員工，在有客人在用餐的桌椅旁，放滿其他客人用完的碗碗碟碟？從圖可見，那些髒碗碟幾乎就在鄰邊，實在影響食慾（這張圖已經是清理完一回才影的，之前疊得高高的）。我第一次要求店員收起髒碗碟，只得到不耐煩回應，也完全沒有收拾起。直至我買單時，與經理再交涉衛生問題，建議餐廳可立起一個小屏封即可解決，經理表示需要與管理層反映才可……真的無語。

好少係又一城食嘢，因為價錢都比較貴，但呢日喺九龍塘工作，於是同同事早早book定呢間餐廳。雖然價錢比一般的午餐高，但食物都算高質，偶爾豪一餐都冇所謂！呢日我就叫咗個炙燒魚生飯套餐，首先會有個沙律，然後有一個熱烏冬，仲有兩串任選的串燒，然後就送上主食。兩串串燒，我同同事都係揀左一串牛肉一串蔬菜，牛肉味算係濃郁，秋葵亦算新鮮，而個湯烏冬十分彈牙有咬口，個魚生飯肉質好厚，但咬落去亦都好嫩滑，亦都好新鮮，而最後仲有一個日式小甜品，比呢個價錢一試都算值得啦！

一家人食晚飯，原本開開心心。早一個月前訂了枱，但食前一晚餐廳沒有至電確認訂位已覺其怪，所以打電話去確認，有位的，但要立刻去付定金喎，大哥。。。打電話時是晚上，第二天就來了，先前定位又不講，他說先前幫我訂位的已走了，現在規矩要，blah blah, 最後幸好他同意搞掂。準時去到，叫咗章紅魚帶子沙律，安格斯肉眼薄燒，銀鱈魚西京燒，天婦羅拼盤，特上壽司拼盤，再叫咗啲卷物同鍋飯烏東，最後甜品以雪芭同雪糕作結，其實食物本身都可以，幾新鮮。可惜店員服務太差，首先點餐後已經聽到佢哋話我哋只係點丼飯，態度嫌棄。下單時説好我們是share的，餐來時沒給碗，叫佢拎碗，佢就咁擺低喺長枱嘅一邊，叫我哋自己傳開去。跟住叫人加茶，成枱8個人佢只加一位，服務水平奇低，但收費唔算平，8個人食咗加信用卡優惠3500元，卻一肚子氣，以後唔會再幫襯了。無論呢間餐廳覺得自己嘅定位係咩，其實一個weekend night 第一輪都唔爆場，又冇第二輪嘅客，就應該自我檢討下點解冇回頭客，只係做十領廿個你哋認為嘅豪爽客係唔會維持到嘅，你哋唔係喺中環，呢度係又一城。

呢間穴好多間我都食過, 但係當中食完又食都係九龍塘呢間]。呢度D刺身係好新鮮,而且係厚切，唔會好似出面D壽司店咁, 唔夠新鮮, 刺身好薄, 不過呢間晚上較貴，所以我每次都食午市定食, CP 值好高!

今晚向九龍城又一城搵食，因為好倦，諗住搵間唔駛等位，但質素又ok既餐廳食就算。見呢間野既餐牌價錢，唔算貴，中價路線，就去試下。食物尚可：唔算「哇」一聲，但中規中矩啦。不過其實以佢既price list 黎講，咁既質素叫「貴」。服務態度：超差！其實唔係有咩要求，但係應該at least有基本尊重人嘅態度。咁既價錢，唔會要求「米芝蓮」服務，但係我黎食野，你at least都要當我係一個「人」。服務員既態度差到一個點，尤其係門口嗰位阿姐。佢哋大部份服務員塊面都有色，所以佢地成日比「面色」你睇…..😅

一早book左包房，最低消费6000，宴请贵客，却系门口比个衰面婆刁难。佢反覆用轻蔑态度问我哋，知唔知包房要消费几多，仲话间房都系个半钟食饭时间。你有冇搞错？态度极度恶劣，好明显个态度系 你哋食唔食得起呀？ 经理出面先解释清楚包房冇时间限制。买完单经过佢，都比白眼我哋。如果唔系贵客一起，一定即场投诉你！食物质素ok，其他服务人员都好有耐心介绍，添茶收拾台面服务都极好，唔知餐厅点会搵咁差个前台负责接待客人，戴眼镜门口阿姨！

近日很多朋友也移民，所以突然選了一間交通比較便利的餐廳，朋友喜歡吃日本菜，所以選了又一城的餐廳，想大家輕輕鬆鬆舒服地傾偈。。餐廳的定價並不是很親民的，所以不期然對服務和食物質素也有期望。由於朋友離港在即，所以大家也大部份時間在敘舊，訴說以往，也展望將來。我們點了一盤特大刺身，因為中年經理？ ！走過來先要收我們的刺身，由於當時刺身上還有一隻蝦刺身，所以我們向經理表示先不用收回。但是經理態度非常惡劣，表示冰塊已經溶化了一部份所以就算吃不完，也要收回到廚房。他的語氣和用詞也令大家感到不太愉快，始終這裏是一間高級食府，應該和客人也有充分的溝通吧，不是在高級食府內提供大排檔的服務質素。平心而論，食物是新鮮的，不過價錢可能由於地段關係，不算太親民，但是服務在我們幾位朋友來說是10分差，所以不會再訪。