穴壽司 (形點 I)

營業中

休息中

是日與友人食晚餐，晚市確實人客比較多，既然俾得我入席，我都希望有個正常既服務，服務員叫我地去最埋邊個到坐，走到過去，係冇凳既，想攞張凳坐下都冇人理，點菜又係叫極都冇人黎點，想加茶，食哂成餐飯，都冇人加，剩係見到d 服務員走黎走去，其實食物質素係唔差，不過人手唔夠既話，都要唸唸辦法解決

琴晚收工同老表去食飯，想可以坐得舒服，慢慢傾，所以揀左yoho食日本野，我地好早去，大概六點，又係閒日，所以無book位。去到亦有好多枱，但偏偏比左張最差既枱我地，兩個人其中一個坐左出路口。。。咁點原野食，我地見咁多枱，就問另一位待應轉枱，咁佢都ok gei. 食物方面價錢係偏貴既，不過都預左，因為yoho ma....我地叫左海膽炒飯上面個海膽好食既，但個炒飯就無乜味，好似$15x。另外壽司都幾新鮮。黑松露甜蝦一般，甜蝦打碎左，又無乜味，食吾出係蝦仲有牛乳蟹肉薯容餅，都吾錯既。整體黎講食物一般，服務都係一般，成餐飯都無加過茶。。。淨係一尾收碟趕客，又吾係多客，勁多吉枱，價錢又不是平，元朗大把選擇，無下次。。。

元朗-穴壽司：吉列炸蠔飯（午市：hk$88+10%）-穴壽司都算係元朗水準較高又穩定既日式餐廳🤗今次唔食生野食炸野，都非常唔錯，炸蠔唔油膩又酥脆，仲有洋蔥同滑蛋，難得個滑蛋無浸到隻蠔淋唒，very good. 這裡得飯也是我喜愛的，一粒一粒煙un帶飯香的珍珠米。套餐也包括了沙律（唯一扣分的一樣，菜唔多新鮮🙈）、麵豉湯、和甜品，就是一細粒聊勝於無的菓子。閒日午市1點peak hour，侍應很多，可惜一係傾計一係發夢，舉手左好耐先叫到人黎加茶，服務就只能說一般。

🇯🇵#穴👍🏻👍🏻👍🏻👍🏻👍🏻💁🏼‍♀️又食日本野喇🍽呢間日本餐廳有好多吾同名分店 今次去左元朗嗰間度食丼飯😋✨最愛海膽鮮甜 三文魚肥美 仲有帶子 蟹肉 同魚子💰👍🏻

已經係第二次去穴壽司用餐，今次不得不寫番個食評比佢消費大約每人$250-350 左右 有點貴，但間唔中都要奢侈一下 食下好野架嘛平時都要排下隊，等一段時間今日（星期三）去到就有位啦 見到外面等既人都唔多，好快有得入座壽司拼盆幾新鮮，朋友讚魚子好好味左口魚都唔錯但吞拿魚小卷同帶子就一般般唔係全個都好味 下次想食都係單嗌雜錦天婦羅不過不失！ 炸得唔錯唔會淋哂 但又無好食到要再encore 酢麵豉軟牛脷呢個牛脷超推薦 👅👅👅要比十分！！表面煎得好脆好香口， 但一咬又唔會過熟 仲係好軟身既牛脷而且配酢麵豉（左上影唔哂）都幾夾！點醬同唔點都一樣好味！ 明太子燒飯團飯團外圍全部都係香口飯焦，幾有趣！因為乾身，壓住紫菜都唔會淋哂但我就嫌咸左少少，又無乜明太子味月見免治雞肉串燒雞肉串燒並唔止雞肉！ 佢仲加埋軟骨做免治，好有咬口，又唔會太硬，點埋新鮮既雞蛋黃好味花生醬年糕呢碟就係我最愛啦！ 煙煙韌韌既年糕 燒到表面脆脆地，再配上花生醬同埋砂糖好幸福呀

經過見到有9折就諗住近近哋食完係對面睇戲，餐廳裝修都幾靚。抱住好奇心同朋友入去試下 ，两個人唔係好肚餓所以就嗌咗少少試。店員推薦日本空運嘅和牛刺身！和牛刺身賣相一流，呃like之選！入口即溶！(不過本人對牛冇咩特別喜歡，食第二舊就有啲濟同作嘔。)友人就覺得唔錯嘅仲成碗食晒。呢個真係各人口味唔通。仲有個蟹肉石窩飯！蟹肉都好多，份量好少。如果大食同肚餓一定唔夠食！另外再加咗一隻生蠔過下口引，生蠔好新鮮！口感100分！

我呢d平民要食好d當然要搵藉口，有開心事所以要食好d，咁就行左入去，平日晚上唔需要等位，穴餐廳嘅刺身及天婦羅都唔錯😊入坐後見到直送鮮魚，細問下侍應，佢有耐性介紹我倆唔同魚，而且價錢又唔貴，我地選了左條叫赤伊佐木既魚都係$250, 知道我地鐘意油潤d魚，廚師再建議鰈魚裙邊$150x 6件上枱時見到呢個價錢咁大條，已經覺得唔錯啦，條魚眼仔咁精靈就知新鮮，魚肉鮮嫩，魚皮帶靱，只是少左d魚味（侍應本來推介池魚or 連子鯛，因為我想肉質淋d，佢再介紹呢條魚），厚切鰈魚裙邊刺身，油份足夠，另一伴愛吃比目魚裙邊，今次係比目魚既高級親戚鰈魚既裙邊，佢當然話正👍🏻👍🏻，而我就覺得太油潤啦，食兩三件，已經飽左一半，但值得一試，唔係成日有架肉，質唔錯好油潤，唔使特登去d高級料理食另一魚骨可以選炸或湯天婦羅就有魦追、炸蟹肉蟹膏蟹子、吞那魚蓉卷，重點係魦追同炸蟹肉膏子，都好好味，我地驚蟹膏腥所以叫一個兩份試，㸃知有驚喜蟹味濃膏香滑蟹子夠脆，下次可以叫多份叫左壺海鮮湯，細細壺有d，有d柚子皮，清新，但無乜特別

在旁邊看完電影🎬，超人特攻隊2！！！因為趕時間，就近去了旁邊的餐廳🍴用膳。入座時已經是將近2:15pm，星期四的平日，所以入座人數不多。點了午市套餐，但職員態度麻麻，黑口黑面，毫無笑容，不主動招呼客人。😕😕😕 食物偏鹹，烏冬和鰻魚飯都鹹得不得了。上菜速度是快但次序錯亂。前菜未上就上了烏冬，主食未吃就放下甜品。😡😡😡唯一可取是食物上菜時夠熱，串燒味道不錯。中等價位不相符的一餐，不會再去。😪

差！黎左一坐低3分鐘就叫左個男仔落單，跟住等左半個鐘見唔對路，完全無人理過我地，就叫另外個男仔幫我地跟跟，佢好好禮貌！即刻幫我地上左沙律同一碟漬物，再等等等多半個鐘都仲係乜都無！痴線！

今晚放工同幾位同事去元朗形點行街街shopping,行到好攰好肚餓突然見到有間叫穴壽司好吸引，於是乎我地立即走入去坐低叫野食！飛驒和牛厚燒~和牛入口即溶，好好味鐵板燒大蝦~大蝦新鮮彈牙爽口，咸香惹味野菌炒蘆筍~鮮甜好味，一個字'正'！海膽炒飯~海膽新鮮，再配埋炒飯一齊食簡直絕配！最后食埋甜品（柚子雪皅）~柚子味香濃，凍凍地甜甜地好好食！

200蚊1個日本lunch set 其實都係中位價，不過整體感覺都麻麻地， 只俾到70分。首先，所有侍應經理個個都係木口木面， 零笑容，好似全世界欠左佢咁。問其中一個大隻男侍應攞隻碟，佢咩反應都無就咁行左去，佢又戴住個耳機，我地唔會知道佢聽唔聽到我講野。跟住講野食， 每個set都包蒸蛋我鍾意， 不過叫個安格斯牛扒係完全唔熱，我感覺煮完擺左20分鐘都無人拎出黎，跟住再俾商場強勁冷氣吹凍哂咁，失望， 我唔想同黑口黑面既侍應反映跟住俾人加料，所以無奈照收， 另外壽司set都新鮮， wasabi係俾靚既， 我欣賞。跟住叫左個橙汁，30蚊杯，非常難飲，好似用水溝稀左濃縮橙汁咁，千期唔好叫。最後埋單俾錢走人， 到上番屋企醒起係食到甜品， 即係d侍應連提下我地再有甜品未食都懶得講，個心唔gur, 但又唔想落番去問佢地攞， 無計、 又係硬食。希望下次有機會再幫襯， 佢地會有所改善。

形點一期開幕後，元朗找吃可多了很多選擇，雖然這裏有很多不同菜式的食肆，但未有一點意慾幫襯此店，可能沒有特別喜好選擇日本菜，所以從未考慮此店… 這天相約友人預早慶生地點正是元朗形點平日跟另一半外出晚飯已傷透腦筋難得今次不用苦惱吃什麼🎂菜式店鋪由壽星女選擇👏雖然是吃日本菜但始終離不開至愛牛魔王🐮午餐menu有套餐價錢方面亦算合理…先送上餐前小吃…沙律及牛脷粒，套餐內附送不久，接著送上主食五成熟燒牛肉恰到好處而且份量頗大肉質非常軟腍，肉汁豐富，加上日式燒汁夠香… 更能帶出牛香味定食套餐包括前菜小吃，麵豉湯，蒸蛋及主食還有指定甜品適逢當天相約友人是late lunch時段肚子已有點餓不然也未必能吃罷整客豐富定食撇除個別員工嘅服務態度整體上首次用餐經驗都算滿意應該會有機會再嚟嘆豐富午餐

帶住小朋友食飯真係無咁方便，今日行元朗要搵d小朋友坐得舒服既地方慢慢食😌，見到呢間「穴」，平時好多地方都見到呢間既分店，見佢環境舒適，今日終於可以試下😆枱上有2張紙可以劃刺身、壽司同串燒，但咩料其他熟食要叫職員落單。叫左幾件壽司，因為湊住小朋友關係唔能夠叫咁多壽司同刺身😭，所以今次叫咗熟食為主😋炸豆腐好滑，帶有少少鹹，食落唔會熱到入唔到口，溫度啱啱好😀和牛炒飯，炒得夠乾身，色香味濃👍🏻，份量唔會太細，可以分到三碗。串燒叫左牛舌同豚肉，我覺得重手左少少，比較鹹，但牛舌食落爽口，豚肉唔係太油膩！什錦天婦羅，唔會好厚天婦羅粉，蝦肉大大隻，特色在有條魚，食落完全無骨幾特別😁。帶住小朋友食都係不錯選擇，座位夠大，坐得舒服。

由於我很喜歡吃鰻魚，所以兩次來到穴壽司都是吃鰻魚飯定食的，不過好多時覺得好吃的東西，再次吃都往往會失望，這次也不例外~ 初次到來，店員問我們想坐卡位還是圓桌，那當然是卡位吧! 但原來一張4人卡位的餐桌中間放了小屏風，把一張卡位分為2組，那意味着人流多時會有2個陌生人坐旁邊，這種卡位就相當無私隱了. 故此，再此到來，寧可坐圓桌~ 鰻魚飯 ($76) 一客鰻魚飯還附上麵豉湯、沙律、前菜& 甜品等，相當豐富~ 麵豉湯不會過鹹，沙律菜冰凍又嫩綠，再加我喜歡吃的中華海草，就是前菜都令我放心! 鰻魚飯約等了十多分鐘才送到，鰻魚魚油豐富又厚肉，再加上大量鰻魚汁以及熱燙的白飯，很是美味; 可惜再次到來，鰻魚飯只帶微暖，令到本來很有期望的我，帶着失望離去!!! 吉列廣島蠔咖蠔御膳 ($69) 這款定食第一次來吃附上嫩滑蒸蛋，第二次則改了溫泉蛋，不吃半熟蛋的我們，問店員可否轉蒸蛋，店員問過廚房說沒有，換來了一小碟涼菜!! 至於媽媽則連續兩次都是吃吉列廣島蠔咖蠔御膳，當然我們也是share吃的~ 廣島蠔是現炸的，內裡嫩滑多汁，是有水準的，相比我第二次吃到失望的鰻魚飯~ 甜品是和菓子一粒

醒来已近中午，太太说好久没吃‘穴'了，欣然前往。两个无聊的人点得菜一模一样，都是双丼饭，海胆三文鱼+葱花吞拿鱼。好失望，用太太的话就是“也就海胆还OK”，连金×郎都不如唉，几年没加价了，挺不容易的，还是加价提升质素吧