稻香 (已結業)

星期六晚來到呢間稻香打邊爐，不過七點九到達都要八點半先有位，行左個圈上到黎都要等到八點十先有位，太多人等了。宵夜火鍋大概160蚊位，呢間質素還可以，起碼都有蜆，蝦同蠔既海鮮食下。蜆就有沙，食左幾粒都係有沙。蝦就唔錯，唔散唔林所以覺得幾好。蠔都幾生鮮，食落口都沒有腥味，口感可以的。其他食物有叫雞片雞件，兩樣味道都唔錯，算有肉感。蟹棒響鈴等就沒有特別，不過不失吧。雪糕就係牛奶公司雪糕。服務方面，唔知係咪人太多，叫左幾次濕紙巾而且唔同人都沒拎過黎，最終要出去問職員拎。總結食物質素是有的，服務就一般了。