稻香超級漁港 (已搬遷) 新店位置

舊同學聚會，想食火鍋但又唔想有時限，最後都是決定上酒樓叫餸食飯。一行六人本來諗住散叫小菜，但發現有個精選套餐，又好似幾抵喎！有半隻阿拉斯加凍蟹、燕窩羹、燒雞、魚、菜、炸帶子、半隻乳豬、糯米飯及壽包，仲送六罐汽水，非常滿意的一餐，每人只需$215，超值。

若與家人飲茶，每次都選此店，因為媽媽不喜歡間間試吓，今次該店的午餐食評還是我第一次寫。陳醋雲耳醋酸度適中又有醋香味，可惜太鹹，惟有盡量不沾汁以減低鹹度。豉蒜秋葵，原粒蒜頭炒，雖沒有蒜味，但帶有少許辣味，整體味道唔錯，平時若不愛吃秋葵的質感，也可一試。雞絲粉皮不是一般的麻醬雞絲粉皮，而是用芥苿來調味，配料還有青瓜絲，所有食材本身沒有調味，要沾滿醬汁來吃，味道不錯。义燒酥尚算夠新鮮，吃時微暖夠酥鬆，味道雖不達我心意，但整體仍可以。煎薄罉不燶又不過油，味道正常。名字好像是七味豆腐，炸得鬆化，皮是類似用麵粉來調成，厚度適中，豆腐嫩滑，一口一小粒，每粒都沾滿像是七味粉，不怕熱氣的話必會多吃。豉汁鳳爪味道可以，鳳爪和花生煮得夠腍。南乳豬手，豬手碎濕濕的，好像沒有怎的吃過，且南乳味不濃，下次必不會再點!我很喜歡吃珍珠雞，但這裏的珍珠雞鹹味不夠，所以不能引起我的食慾，餡料亦不多，但仍可接受。至於糯米卷拼馬拉卷，味道同樣是不能提起我的興趣。總括來說，挑選合我心意的來吃，這餐還算不錯呢。

從來，都好怕買/Keep乜劵乜券，因為總有失手的時候，會miss左個使用期限，然後就變成廢紙一張，再加埋「戚戚然」的難過感，及揼心口的動作。所以，見到雅蘭稻香出的這個「過左再算」的推廣，真係覺得好窩心。咁先係真正的以客為先，尤其係我呢種大頭蝦。最正係連父親節正日、星期六日都用得，咁都好易安排就可用左佢，唔使特登平日去。雖然推廣期只有一個月，但我覺得本來是已出之物，突然可變回現金，都算係一個不錯既驚喜。

蝦餃(特點)$22通菜$13南乳豬手(大點)$19叉燒酥(中點)$16叉燒餐包$15皇家乾果杯$16金錢肚(大點)$192位茶$9/位另加一=$151.5點心種類多，每次嚟都唔知揀咩好2個人又食唔到好多…（唔知點解係都要食叉燒酥同叉燒餐包 (￣∇￣)）見到隔離枱個泰式併盤好似幾吸引，有機會要試吓^^*搭枱嚟講算濶落，坐得舒服*點心等咗一陣就到，夠熱*地點方便，旺角地鐵一出就到

同屋企既親戚預祝生日，就梗係唔少得要去酒樓食返餐中餐啦，家人一直都去開稻香，皆因覺得價錢公道，味道合理，而且夠大碟睇左一輪餐牌，決定叫一席金豬l龍躉宴，又有豬又有壽包，侍應姐姐仲話有得將翅轉燉湯，梗係要轉啦，由於呢晚係星期六，價錢就比平日會貴少少鴻運乳豬，層皮脆卜卜，點埋甜醬好味翡翠潮貢櫻花蚌，甜豆好好味吉列炸蠔，炸得好香口芝士蝦球伊麵，蝦球爽口，不過略嫌伊麵剪得太碎脆皮吊燒雞，味道都可以金錢遼參，冬菇好入味，遼參燜得非常淋蒸龍躉 唔會太老，啱啱好夠熟大大碟，好夠份量最後壓軸 壽包，白蓮蓉夠滑，都幾好味。屋企人都食得好飽好滿足，價錢相對合理

過完年約左姑媽一家飲茶！約左近佢地既稻香飲！一行10人禮拜六都好快有台！但由於節日既關係！就冇咩平價既點心同野食啦！過年期間都預左架啦～都冇漏太多單！只係漏左一個牛肉球同佢地講左之後好快都補上！服務黎講算係唔錯啦！點心黎講不過不失啦！都算新鮮熱騰騰！但係上茶時間偏慢！蝦餃值得稱讚都算大粒結實有肉地！其他排骨金錢肚等等都尚算入面！但係個鴛鴦炒飯就麻麻地！真係又冇白汁味！紅汁又太浠！只為求飽肚但係絕對上唔到大場面！建議大家下次去就叫其他飯啦！呢個炒飯絕對唔推薦大家食！

見好耐無同mama出街飲茶，所以見放假就拉埋成家人去飲早茶。母親最愛稻香，因為夠近😂一定要叫嘅係麻油脆豬耳😚😚夠辣，係世界級😳😳😳江南小食拼盤都好抵食，30幾蚊就有5種野齋腸都係必叫，因為佢都算整得滑，唔會太難入口。稻香要求唔好咁高啦😂

2017年1月2日（星期一）早上10:40分至中午12點30分［如非必要，請不要來。］1）員工態度差，問他們有什麼點心紙？語氣極差回應。2）透過觀察，收銀員與客人爭論結賬時，收銀員不想再爭論後，自行離去。客人亦十分不滿離去，未能平息客人心情。整體員工工作態度與熱誠十分差。 評分（5分滿分）-----------------員工工作：1分食物質素：2.5分環境：2分價錢：2分-----------------整體：2分本人不會推介任何人來這間集團用膳，以前，此集團質素，但經過幾年來營運及擴充，唯其員工、食物及環境一直走下坡，未能保持以往質素。

天氣凍，當然要邊邊佢架啦夜晚收工同媽咪兩個人去到旺角打邊爐，諗住呢間稻香像茶食晚飯就多，打邊爐都係第一次，未知質素如何呢？晚上7點到，個場都已經差不多坐滿晒，仲好多人打緊邊爐添！坐低首先揀湯底，逐碟計，不是任食，醬料自助吧值得一讚嘅係：有我我鍾意食蓎蒿菜，而已都係$28/碟價錢唔算太貴，以旺角地點而言，都係每碟$28-$48左右，份量每碟可2-3人，但係味道及新鮮度就令我失望啦可能人太多，又是大集團，當然要求不能太高啦！

同朋友去佐飲茶，整體食物質素ok，個牛肉球幾好但一餐茶中發現個場真係人手不足，嗰d侍應姐姐一個人招呼好多張枱，我哋想加水都見到佢哋根本分身不暇其他枱有d客都係咁希望管理層注意

：瑤柱裹蒸粽 $78/兩隻 仲記得上年端午節有爬龍舟，曬到甩晒皮😂今年端午節係六月九號😆我就之前提早同屋企人食左稻香，估唔到有驚喜！都幾濃味而且頗足料，雖然瑤柱得一粒，個蛋黃屋企人話夠沙，而且綠豆都幾夠多🙆🏻重點係肥豬肉夠大舊而且好入味👍🏽overall稻香都算係咁 size都幾大～缺點就係個粽好散😆

第一次係到發表意見昨晚帶外國朋友去食。果時都係930左右 問左佢有無宵夜佢話有 之後入到去 無人理 佢d服員係到汁野一路好大聲 嚇親朋友個女都算我忍 第三次居然成套碗飛落朋友個女後面地下 嚇到大喊 得果一歲多d 態度差到不得了。果張菜單少到不得了。叫既菜轉頭又話無 真係覺得好無奈 我帶朋友黎食香港野 果時真係想走算數D呀姐係到吹水又唔理 叫佢同我加水 連個水煲都攞走埋又唔比返 居然係咁 食左4個菜三個飯 埋單要400 唔係宵夜時段應該幾錢呢？原全唔值

時代嘅腳步走得太快啦，總是忘記最初果份內心嘅平靜稻香嘅名字有一種田園生活嘅feeling，你能夠恢復最初對大自然嘅熱愛是一份彌足珍貴嘅感情稻香嘅早茶一貫以來都系品質上乘，食上去有種古人嘅味道，好傳統，但不失水準我比較中意食佢地嘅蒜蓉排骨，我聽一位廚師講，一碟好嘅排骨，應該食起身唔粘牙，但又唔會粉，稻香嘅排骨就系剛剛好嘅味道！皮蛋瘦肉粥入邊材料好足，鮮甜可口！鳳爪都幾唔錯，比起出邊果D鳳爪，呢間比較注重調味，味道唔會好鹹，剛剛好！

稻香成日食嘅系尖沙咀同埋深水埗果間，旺角呢間都係第一次食。一樓入去坐電梯上去。呢間餐廳嘅下午茶系下晝兩點到四點半，不過基本上4點就已經催埋單啦。。。蝦餃皮比較嫩滑，不過比尖沙咀過間差少少。腸粉味道一般，造型真係麻麻地，粉皮比較松。流沙餐包味道比賣相要好。鳳爪味道唔錯，不過皮有啲老、有啲粗糙，唔夠彈性。材料比較失望~~！

去開銅鑼灣皇室堡間稻香打邊爐飲菜小菜都食過好多次，所以寫下雅蘭d間打邊爐既話真係去銅鑼灣個間好d因為雅蘭d間係無自助吧既！有自助吧抵好多，有好多唔同醬料簡，乜醬乜配料都有，麻醬，豆瓣醬，甜醬海鮮醬都有，葱蒜任筆。野飲豆漿，酸梅湯可樂等都任飲仲有中式糖水，通常有兩款簡，芝麻糊紅豆沙咁，，所以打邊爐真係唔好去雅蘭d間，人又多，而且打邊爐最重要既指天椒佢係無架，得普通辣椒，，，，一d都唔辣，唔過隱。而響鈴都係，唔多脆，炸得唔夠耐，反而銅鑼灣食開都ok，睇落都深色小小，好好味最鐘意係峰巢豆腐，豆腐加湯汁，一咬咇得d汁出來，好味！必叫！而飲茶點心既話呢，蝦餃唔知幾時開始由四粒變左三粒，第四粒變左白焯西蘭花，，，心唸搞咩，，好似無咁好食，珍珠雞，凰爪dd，都仲ok既，凰爪底下d花生小小淋，但好好食，小辣味濃多汁。蝦腸重點在除左蝦外，重點係豉油而唔係皮到，豉油唔會過咸有小小甜，份量調得好好，好好味！ 如果蝦多d就好🙈🙈另外，間唔時佢地會賣椰皇燉蛋白，好好好味，蛋白好滑，椰子味好濃，唔係死甜，有機會真係要食，仲要28蚊炸！