稻穗亭 (已結業)

試過晚巿任點任食放題，魚生好新鮮，吞拿魚大大件，油甘魚好鮮美，仲有未試過油魚，口感好特別，入口即溶。燒物試過多春魚、雞軟骨串、免字雞肉丸、銀雪魚西京燒、燒鯖魚、八爪魚丸，樣樣都得，尤其出色係雞軟骨串，必試。天婦羅就普通點，蝦天婦羅隻蝦偏細，炸粉偏大。軟殼蟹天婦羅雖然好食，都唔夠軟殼蟹手卷，一絕。其他店舖的軟殼蟹手卷隻蟹好細，飯好多。呢間相反，仲加埋蟹子同少少日式沙律醬，係從未試過咁好食。呢個放題啤酒任飲，又有芒果橙汁俾我地揀，雪糕亦有數款：朱古力、雲呢拿、綠茶、芝麻、紅豆。芝麻雪糕係本人推介。其他炒野菜、日本餃子、牛肉厚燒都普通。男友讚牛肉薄燒好食，不過因本人不吃牛，加上見倒好多蔥薄燒裏面，所以都係免啦。服務方面一般啦，不過不失，一貫港人服務態度及作風。

我前幾日又去左o個度食, d食物真係唔差, 不過d服務依舊係麻麻去晚市任食, d魚生好新鮮, d牛肉薄燒好好味, 天婦羅都幾好. 可惜, d侍應令到整體扣晒分. 一路食一路聽到d侍應o係其他客背後話人地點得多. 而且叫加茶叫左4次經歷左大半個鐘都未加到... 總括黎講, 食物真係唔錯, 不過勸間野改善下d服務

d食物都唔差, 不過可能我之前試過碗屋, 相比之下覺得碗屋好食d. 不過價錢就lee間平d, 所以都ok既我係食佢o個個晚市任食, 可能我地太貪心啦, 食左好多, 有個侍應望住我地, 個眼神唔太友善, 好似唔多中意我地食咁多, 跟住開始漏單... 樂觀d睇, 即係佢地d野好食啦

今次已經係我第4次去食喇，d刺生實在太好味，好新鮮，好有光澤。d壽司猜得好好，夾起都唔會散。燒雞軟骨，元貝都燒得好野味。d銀雪魚好肥美。牛肉厚燒同薄燒好正架。今次我試左個咖哩牛肉飯，嘩~~ d 咖哩味道好特別，同普通咖哩好唔同，最緊要唔係得過辣字。仲有北海道蟹肉飯，當然唔係用蟹柳替蟹肉啦，蟹肉既鮮味真係難以形容。

9月24日去食任飲住食,$178 再加一,刺身唔多,只有4款-三文魚,紅幛魚,劍魚腩同八爪魚,其他全部要叫壽司,本人覺得呢價錢只提供4款刺身唔係咁抵,其他食物款式都唔算多,但係就有邊爐打,飲品任叫仲有雪糕,雪糕係最好食.環境就唔錯,幾闊落,唔使同人搭檯,都係一d食裝修既食店.上菜都幾快.整體上以咁既價錢咁既地點只可算及格,係一次起一次止既食店.

早前與朋友到太古城搵食，行下行下去到這裏，看見還有吉位便走進去吃午飯。環境算不錯，除了坐位迫了一點。因為肚餓關係，無心插柳下叫了一個午餐'稻穗亭便當'(約百八)而友人叫了個午餐魚生飯(約百五)。魚生飯先到(約五至十分鐘)，賣相十分好，而且看來亦十分新鮮，朋友亦十分滿意，份量亦算大。過了五分鐘約左右，便當亦來了，立即吸引了鄰桌的OL的注意力，並問服務員那個是什麼餐。便當有tempura, 刺身, sushi, 少少蝦沙律, 燒牛肉, 燒魚,misu soup, 燉旦, 飯, 生果, 可見份量幾多。刺身十分新鮮、tempura 亦不會很粉很油，剛到好處，塊魚柳好好食，個心岩岩好熟透，其他都算唔錯。服務員態度幾好，有笑容，即使我地是午市最遲離開，阻住佢地落場亦不會面黑黑。如有機會便會再去多次，試試晚市

有晚去左呢度試佢地既任食, 當日係平日, 未開始已經好多人排隊食了~~~ 好彩之前BOOK 了位~~ 呢間分店的裝修冇咩特別, 算係咁啦~~ 之後開始點野食, 野食都算多既.....刺身有三文魚, 魷魚, 劍魚腩, "魚立" 魚, 本人覺得劍魚腩最好食!! sushi 基本的都有, 仲幾好食tim, esp d紫菜, 好脆~~~~ 其他有天婦羅, 鐵板燒, 仲任飲野, 燒牛肉都唔錯~~仲有火鍋食~~~ d 牛肉佢地話係usa prime 架喎~ 望落又真係幾靚! 180幾蚊食晚飯, 任飲任食, 都算抵~~~ 好過去大久保~~~ 大久保d野都唔黎既!!!呢度唔同, 因為你點幾多, 佢地真係會黎幾多野~~~ 只要你食哂就ok喇~~~~ so 值得一試!!

魚生好新鮮, 牛肉厚燒同薄燒都咁正, 食到唔停口.... 燒物有雞軟骨等, 好好味.... 種類好多, 任飲任食, 比一般同類型餐廳抵....雪糕最好味係芝麻味, 好香, 食到好飽都忍唔住食左兩球....平日去, 無乜人, 仲正.... 上菜快...

以前o係鰂魚涌做part time時上司請過我黎呢度食飯幾次. 我食過佢個鐵板燒定食同埋蟹肉飯定食.味道係唔差,但又唔係好好! 都幾貴, 兩個定食分別都係around $100呢度最衰係有勁多surcharge!我個同事問可唔可以將定食個拉面轉做烏冬, 佢話要加$20. 但係過多一陣又走過黎話唔駛加, 咁我個同事就話要轉啦...點知黎到之後依舊係拉面!叫餐飲我地想要凍飲佢又話要加10蚊...而且佢地上菜好慢, 我地嗌侍應又無人應我地...唔會再黎啦

週末晚去食Buffet。薄燒牛肉即整熱辣辣上桌係幾正﹐除此之外﹐煎鵝肝唔好食﹐三文魚刺身唔夠鮮﹐其他熟食﹐例如Robata之類﹐都整得好求其﹐火鍋料都似菜頭菜尾﹐杯碟睇落都開始殘舊。至於服務﹐接待既女經理態度敷衍冷淡。全個dinner最驚喜既係雪糕﹐好味道﹗食得最多就係佢﹐一人食左足足四杯半﹐食多D就差唔多半個buffet價錢係番度。芝麻味同紅豆味比較﹐都係芝麻味道香~

可能我唔係今鍾意食日本野,都唔係今好食,而且都幾貴,除左壽師既魚生可以食下之外,其他都唔係真係今好食!始終都係唔夠鑊氣,d野唔好食!

i went there for dinner buffet last week. although it was only $210 (all inclusive) for a dinner buffet. The restuarant only provides limited food on the menu especially variety of the sashimi but fresh and the taste of the cooked food and sushi are just so so. This resturarnt is defintely not a tranditional japanese restaurant and try one time is more than enough.

住係太古城o既人一定要試下呢間野,佢可以係話呢頭最正o既食肆之一,而我最鐘意o既係佢地o既銀雪魚,非常肥美鮮甜;薄牛肉都唔差.雖然價錢係貴少少,但住係太古城o既朋友,奈不奈食番都應該俾得起既!!

平日去稻穗亭多數會叫照燒銀雪魚定食；以往試過叫活魚帶子，質素都不俗，但價錢幾貴。後來才有稻穗亭便當，份量十足，有各式刺身、銀雪魚、tempura、薄燒牛肉，質素不俗，午市只售百五元，算抵食少少啦。<br>最近發現晚市有日式Buffet，九折後around 二百元per head。任食日式食品包括：三文魚刺身、劍魚腩(回本食物)、minced toro maki (抵食)、各式燒物、tempura、厚/薄燒牛肉、冷/拉麵、日式雪糕、drinks 等等…都是比較貴價的食物。臨埋單才叫的一客minced toro，廚子更賣大包唔minced，即係toro maki，嘻嘻，正！Ends up 食到捧著肚子；喜歡吃日本菜的，不妨一試。

尋晚先食完個buffet, 魚生好新鮮, 薄燒牛肉好好味, 全場最正係個芝麻雪榚, 一問之下, 原來係佢地自己整, 即刻食左三轉, 兩個人食左$460, 價錢略貴, 如果唔係為慶祝生日, 都唔捨得去!