稻穗亭 (已結業)

十點半收舖，　九點半未夠入去就俾９０％伙記超住．．．口裡含住句ｘｘ，　額頭己經印住”喂，你ｏ地阻住我ｏ地收工呀！！”ｏ拿ｏ拿林叫特上ｓｕｓｈｉ定食，　點知冇呢樣，　冇果樣，　只可以做到普通ｓｕｓｈｉ定食．．．同銀雪魚定食．．．食物唔差，但趕收工之情言溢於表，食到一半已經攞走晒ｄ調味盤，連牙籤都攞走埋．．．喂，大佬，真係未食完ｏ架．．．點會咁快’ｌｉｕ’牙呀．．．？？跟住九點十就ｏ係問都未問嘅情況之下，無聲無色咁’隊’張單ｏ黎，叫我ｏ地埋ｏ左單先．．．唉，咁趕就唔好俾我入ｏ黎啦．．．去過咁多間中外日本餐廳，服務最大排檔都真係呢次！　呢ｄ咁嘅ｃｒｏｓｓｏｖｅｒ．．．．

本來book了12:45, 但早到了15分鐘, 因不記得友人用邊個電話號碼book枱, 所以擾攘了一陣, 門口的較高經理好黑面同埋唔理我,唔係太有禮貌..食物方面, 本人點了銀鱈魚定食, 樣子不太討好,但味道都唔錯, 伴菜的枝豆勁唔新鮮, 乾到無法吃..友人點了鹽燒薄牛肉定食, 一送來時完全無汁, 好乾, 跟住要求加汁, 都好願意幫忙..refill茶就完全無做到..綠茶雪糕幾好食..3個人埋單$350左右..

住太古城咁耐都未響呢度食過野，之前聽媽咪講o麻o麻地都諗住自己試一次先下結論。點知尋晚同老公入去食完放題先知道原來o麻o麻地都講唔上，應該係勁差先o岩！首先service：差！尋晚一半客都冇，o的服務員既面口都黑到咩咁，我地o的碟滿晒竹簽同蝦尾等都冇人會換一換。仲有，一炋茶飲到尾，唔會有人幫你添。最恐怖係食緊野時，響我身後唔夠十尺既cashier傳黎清翠既剪指甲聲，即時影響晒胃口。再講食物：都係差！燒物- 我知道放題唔應該要求太高，但就算食物一早煮再番熱都唔該熱透先攞出黎啦！炒物- 冇味！完全似係冇落salt同pepper！炸物：成擔油，算；o的軟殼蟹同蠔又唔新鮮，一陣味！試過就算，冇下次！

前幾晚黎呢度食過3飯~ 地點係住係附近既朋友仔大力推介咁其實都ok 既d 野食大部份都好味, 係少左d choice....意思係, 張list有既野.. 叫極都唔出比你但又唔話你知有冇~經常漏單service 一般好在我地7 個人, 人多夠自娛~~ XDd 刺身本來ok .... 叫多幾次之後就唔ok ...燒物麻麻...... 串燒唔好味, 過晒火薄燒牛肉超多油...................大家飲多幾杯情緒高漲哈哈食物都是其次吧~一個愉快的晚上=] Asahi ~~~~~~~~~~~~~

心目中，稻穗亭是一間走高檔路線的日本料理，食物質素有相當的保證可是，前幾晚幫襯了。也許期望甚殷，卻失望而回蒸蛋、天婦羅、炸物，都比以前無咁好食我叫佐個$188全晚任食，我落單叫的食物，卻成日漏單。好明顯唔多夠人手做野食物、服務質素，真的比以前差了呢！

食物款色雖然不太多, 但都幾新鮮. 最好味的是牡丹蝦,不過, 每一只送一隻. 有任飲啤酒, 芒果橙汁, 柑桔檸檬. 幾好飲la.. $188都ok!!

對上一次o黎呢度食放題已經係幾年前o既事...因為男朋友忽然話想試o下呢間放題]﹐所以夜晚就o黎呢度食。晚市放題6點半至9點半﹐無限時﹐每位$188(加一)。食物有魚生﹐壽司﹐一品料理﹐炸物﹐小食﹐火鍋﹐雪糕﹐飲品等等。魚生壽司都係大路o野﹐無咩特別。八爪魚一食落去就有強烈o既雪味﹐好難食!!不過三文魚同劍魚腩都好新鮮﹐我o地兩個食o左3~4轉。a la carte有細細碗o既拉麵﹐烏冬﹐冷麵﹐o加o里飯等﹐水準普通。天婦羅之中最好味o既係冬菰。都算幾juicy。不過甜薯同蝦就無味﹐而且凍凍o地。最值得欣賞o既仍然係o的小食。蒸蛋﹐冷豆腐﹐餃子﹐牛肉厚燒同薄燒都唔錯。飲品包asahi o卑酒﹐果汁﹐汽水同烏龍茶。烏龍茶完全無茶味﹐得冰(水)味。反而個芒果橙汁就唔錯!(因為加o左冰,沖淡o左o的甜味)甜品的雪糕﹐不過有5款﹐所以已經好滿足。個人覺得綠茶味麻麻o地,而且綠的有o的假。紅豆味唔錯﹐唔似加o左色素﹐而且有大大粒紅豆。vanilla cookies同埋朱古力味都一般。不過小朋友(即係我﹐哈哈)一定好鍾意。其實計落如果唔係趕時間﹐以一個正常食量o既人o黎計﹐早o既話可以食足3個鍾﹐

年假前最後一天要為同事餞行，我們一行十多人，怕中餐食肆爆滿混亂，主角又喜歡日式食物，所以選擇到來吃定食。這裏午市定食選擇不少，價錢中等，由$6x起至超過$100。自己選了鯖魚定食($88)，那塊鯖魚足有手掌般大，附上一碟魚生，包括甜蝦、三文魚及油甘魚各兩件，各樣都頗新鮮，總算不錯。不過服務就不合格，侍應們面口麻麻，連經理上菜也是面黑黑的，更令人不滿的是最後上餐飲時，那個侍應竟然叫我們坐邊位的將飲品傳過去！其實我們這一餐要過千元，都不算小吧！想不到會是茶記招呼！

今日同兩個同事黎左呢度食lunch,叫左1) 銀鱈魚定食- o的魚好滑, 唔會煎到乾"爭""爭"2) 薄燒七味牛肉定食- 連埋炒什菜, 呢個係同事既推介, o的好滑豆腐舖左係o的薄燒牛肉上面. o的豆腐好滑呀, o的牛肉就ok咁啦. 3) 咖哩吉列豬扒定食- 呢個係我最like既, 因為我like食咖哩, 不過今次o的咖哩醬太"傑"啦,搞到o的豬扒怪怪地咁. 但o的味道都唔錯.o的野食幾好味架, 但o的服務就真係麻麻, o個個waiter問佢野又唔知答乜, 人地o的野都未食完就拎走左. 唔知係咪俾人鬧呢?

大除夕去做呢度食任食放題。本人覺得以他們$188+1既價錢來說﹐食物水準都算唔錯。刺身都新鮮﹐同埋他們d牛肉薄燒及火鍋牛肉真係好好味﹗(相信係同一種牛肉﹐有奶油香味但又唔漏個種)。不過他們的服務就有d問題。訂檯時他們同我地講話任食時段由8.45-10.45.甘樣無問題﹐問題係他們十點中已經last order,而他們亦無在我地訂檯時提及(平日他們的任食放題係由晚上630開始﹐大約9點last order).甘都唔緊要﹐最慘就係他們1030 未夠就要我地先埋單﹐無幾耐(未夠10.45)經理就來催促我地離去﹕“因為今晚情況比較特殊”。我好明白大家都心急去倒數﹐但打開左門做生意就應該預左有trade off (是晚收費比平日貴$10架﹐但唔係價錢問題)﹐如果員工想早d收工﹐就唔應該將d時間set得甘趕。如果他們改早d(他們有兩段時間﹐分別係645-845 & 845-1045)﹐就唔駛自己趕客﹐食客又唔駛甘無奈。

相信，每一個老饕，都會有自己的一個Best Kept Secret，因為大家都會明白，當一間食肆因而交口稱譽而帶來的必然後果就是因客似雲來而造成水準不穩的現象，最後當你發現你心愛的餐廳不復以往之時，你就會覺得可惜．更可惜的時，這間本來是眾人的Best Kept Secret變得虛陷到最後再變得人影疏落．此餐廳本來是因為其新鮮的魚生，合理的價錢再加上甚"吊腳"的位置而不約而同的成為眾人的Best Kept Secret，但人潮過後，現在已不復當年勇．雖然，以其每位百餘元的放題的質數而言，再加上任飲的生啤及飲品，此店仍然可以選是十分的"抵食"，亦無阻它每個星期六、日晚爆滿的情形，但其魚生的新鮮度與當年的相比，可憾地還是有一段距離．但，每種餐廳又豈只有一種定位路線可循呢？雖然，它在刺身的新鮮度上再不能打動我，但如果是作為一間與良朋共聚談天的餐廳，我又不能不給它很高的評價，因為，在大家不是以食為最大前體的條件下，試問一間能給你無限refill啤酒飲品及提供多種下酒物同時能不限制你需在兩小時內用膳完畢的居酒屋，又怎能令你不心動呢？

其實我都唔係第一次黎呢度食放題..我見我女友咪食過呢間咁我就訂0左位去食..咁食物同之前0既都冇咩分別最好食0既牛肉薄燒都係保持到水準..魚生都係咁新鮮.我都知佢地係9點鍾last Order咁最後個order緊係叫多少少慢慢食啦...點知入0左order之後阿師傅哥哥係我地面前話唔係呀嘛40件食唔食得晒呀..咁waitress姐姐又同我地講話食唔晒要收additional charge0家...咁阿師傅哥哥又問我一次係咪total 40件咁我話其實我係要20件就可以啦..點知阿師傅哥哥cut到d三文魚刺身起碼兩件咁厚..好在我同我女友真係好hungry食晒..咁就俾我發現0左原來last order叫多少少師傅哥哥就會賣大包俾d客咁0既服務態度正呀...每人200都抵俾呀哈哈

我今日去左食佢地ge放題...值得推介的係牛肉薄燒厚燒,d鱼生好新鮮,啤洒仲任飲(Asahi)每位都係178加1超值~~~但係最美中不足的是有d"空軍1號"飛黎飛去同埋個場比較熱....服務都算唔錯個經理好有禮貌~~

9 June 2006 (Fri) - 晩飯好朋友生日，我請佢黎呢度食日本放題，因只需$178加一，但比預期差啲！食物種類都算多，但比起水車屋，好似又冇咁多！而且啲嘢黎得太快，跟本食唔切，所以奉勸各位如果想慢慢享受，每次點三至四樣好啦，因為佢真係會一次過攞晒比你！呢樣嘢水車屋就好得多啦！不過個薄燒牛肉就真係幾唔錯，仲有個鷄軟骨串都好味道！其他只係普普通通；另一樣抵讚既係佢既飲品都係任飲，當然只係佢紙仔入面嗰啲！而最唔好既就係成日有烏蠅飛黎飛去，令人好唔舒服，覺得好似好唔乾淨咁！總括，同水車屋價錢差唔多，去水車屋會抵啲！

i went there for lunch with 2 old friends there yesterday. a waitress 講粗口with her collegue. 我重以為自己去左茶餐廳... food as usual la, 普通. 唔可以話好奇但又唔會鬧law. 其實袖山會好食d.