稻成京川滬 (新都會廣場)

營業中

休息中

我的家人特別喜歡食上海野，成日周圍去試，見葵芳呢間終於開，我地一行4人就專登去會一會佢。星期日6：45去到暫時唔洗等位，但見一到7：15就開始聚集左一d人係門口等位。我地嗌左夫妻肺片，辣辣地好好食，超級推介，雖然貴左少少。又嗌左小籠包，非常多汁，值得一試！其他的擔擔麵、酸辣麵、上海粗炒都幾好😋會再去食！

是晚跟朋友到葵芳新都會吃飯，眼見這店都幾好，又好似幾新淨，於是入去試吓。服務都十分一般，侍應是要叫好幾次才來，我們都點了十分普通的 浙醋排骨(涼菜)(但實際來是熱), 東宮炸醬麵，一個甜酸蝦球和素菜餃。首先說他們食物喺可以的，不過四款裡有三款比較甜，而且都幾重味。之後就開始出現問題了，我們覺得那些餸都幾適合撈飯，於是便打算叫一碗白飯大家Share 。咁我哋就叫人嚟，又係叫咗幾次冇人理，之後見到個冇著制服的，高高大大嘅男士，就叫佢落柯打 (因為我一直都見到佢有幫手寫柯打)。但碗飯點了接近半小時都未嚟，咁算啦反正都飽。但我卻發現這位疑似侍應的男士的工作十分有問題的，因為我發現每逢由這男士負責的柯打，其他檯都係有問題，不是出錯就是漏單，甚至別人叫他埋單，他都是懶理，他根本就是走來hea 你，完全唔係Serve 你，我覺得成件事好有問題。之後埋單又係不停舉手，就算有侍應點頭知會都係不了了之，而且張單是嚴重出錯，食了四樣菜竟然有七個柯打，咁混亂都可以嗎？而且更要核對了幾次才正確。食物可以，但服務態度真係唔合格，需要重大調整才可以，而且我更發現其他檯的柯打很混亂，居然主菜未嚟就先上甜品，甚至根本是

新開張後已第三次來，可能是新開張，免3位大人茶介。小籠包豐富肉汁、皮夠薄，很值得推介。（但因趁熱吃，忘記拍照）這天1:40入座，原來2:00 有下午茶。價錢肯好不算太貴，雞絲粉皮、排骨辣味擔擔麵、陽春麵、鍋貼、小籠包。約合共$310-$320，三個大人，兩個小朋友也吃得飽飽的。職員也樂意加茶，服務態度亦尚算可以。上菜時間亦算很快，沒有漏單和錯單。環境光猛，地方寬敞，感覺亦舒適。適合一大班人談天、聚會。

今次呢間食午餐，葵芳分店，環境好舒服，不過放袋位置比較少，服務質素 OK，員工態度都好好，一向都鍾意雞絲粉皮同埋口水雞，二話不說即刻叫咗呢兩樣，口水雞比預期之中辣， 如果鍾意食辣嘅人，必定要嗌，，我三個女仔，叫咗二樣菜，仲有炒飯，雖然配菜唔多，但係都幾入味、份量啱啱好，嘢食嘅賣相都好靚，下次你會試吓其他菜式，因為中午，唔係食得好多野，唯一改善嘅就係雞絲粉皮吖可以分量多番少少，同埋口水雞唔會咁辣，會比較易入口

見佢新開咪lunch time走入去試，點知一埋位就俾張套餐我揀，心諗一個人點食得落2人餐呢，好彩我再叫佢哋俾本 menu我望下，睇咗好幾頁就叫咗碗豬扒擔擔麵，因為我個人對擔擔麵有一種寄望如果做到好個湯底已經夠滿足我。可惜個麵就好快到，不過所有嘢都係一般，麵唔夠爽，湯底唔夠香，少少辣都無連個豬扒都偏油...令我好失望，老實講依個價錢我過番隔離個廣場搵間食麵嘅，起碼味道好D選擇多D，價錢又平D仲可以飲埋杯嘢...。

見到稻成京川滬乾乾淨淨企企理理，所以就入去試試喇三個細胃人士，叫左三樣嘢，雞絲拌粉皮、巴蜀口水雞、稻成炒飯。。。全部都未食過架，都係試下。雞絲拌粉皮，好食，份量唔算好多，但都唔會少得過份。巴蜀口水雞，Menu 本身都註明係辣既，但比我想像中仲要辣。呢個就比啲辣味掩蓋左，雞味唔算好突出。最後係稻成炒飯，賣相都唔錯，用左小小海鮮去炒，有蝦...仲係面加左肉鬆，食落有唔同層次既咬感，比到驚喜，都幾特別架。

又係放工搵食嘅時候，同老公兩個嚟咗葵芳新都會嘅呢間稻城京川滬餐廳， 因為係放工時間我哋都等咗大約半個鐘頭先有位入咗。 我哋嗌咗以下嘅食品 :小籠包稻成炒飯乾煸四季豆雜菌蕃茄豆腐魚片湯小籠包佢即叫即蒸， 想枱嘅時候仲熱氣騰騰， 裏面仲有好多湯汁添。 佢個炒飯都好好味，D 飯炒到分開一粒一粒，同埋佢個飯有少少辣味增添惹味。 而佢個四季豆，我好耐冇食過啲四季豆係冇筋嘅，又可能就係因為現在是四季豆嘅季節啩🤔，所以啲四季豆冇筋又嫩啦！ 佢個雜菌蕃茄豆腐魚片湯都做得非常惹味，夠鮮魚肉夠嫩。除咗食物之外佢餐廳最抵讚嘅地方，就係佢啲服務員個個都好有禮貌，所以呢間餐廳都係唔錯嘅。

葵芳新都會裝修完，見多左好多新既餐廳，但偏偏我自己好鍾意食小南國，放工諗住去食，點知已經轉左手，而家間野叫做「稻成京川滬」，見佢唔多人咪入去試下，應該唔差卦⋯喺出面等位嗰時比左份外賣紙我地，點知叫野食係講number，我地2個人叫左呢幾個餸，連甜品到左，但小籠包都未到⋯⋯次序完全係錯曬⋯最失望係個酸辣湯，湯還湯，麵還麵，當你撈埋左佢地就完全見唔到有湯，我覺得自己食緊個無味既撈麵。到埋單嗰時我見佢有寫「前菜」，一味個服務員，佢就話「你地無食咩」無喎！佢就話「咁幫你地取消返」心諗：雖然$15唔係多，但係好似佢係存心厄錢咁。去呢間野度食真係要小心，唔知下次佢又有邊樣野多收錢🤣🤣

近排新都會真係好多人，可能佢哋大裝修完，引入咗唔同餐廳同鋪頭，所以人流大增。一行七人，最終決定食稻成。就等我一連串講咗我哋叫咗啲咩啦，佢地就係口水雞、糖醋排骨、京蔥爆牛肉、松子大黃魚、金菇上湯翡翠苗、小籠包、四喜烤麩、芝麻肉鬆大餅、稻城炒飯同高力豆沙。其實樣樣份量都比較below average ，但勝在好食。最令我估唔到嘅係，竟然令我最深刻嘅就係個炒飯。炒飯材料充足，有蝦有帶子等。最緊要好香，好夠火喉。

第一次嚟呢間新開嘅稻成食飯，地方闊落舒適，侍應有熱情禮貌。我地三個人食飯，叫左【炸饅頭】、【糖醋排骨】、【奶油津白】、【稻成小籠包】、【上海粗炒】、【雪耳燉津梨】......【炸饅頭】，炸到表層脆卜卜，大人細路都覺得好食，好香口。【甜酸排骨】，味道尚可，但有啲啲韌。【上海粗炒】顏色賣相都不錯，但不夠味。【奶油津白】，呢個係我最喜愛，奶油味很重，津白新鮮清甜。【稻成小龍包】，賣相飽滿，湯汁十分充沛，摺而且很清楚，挾起嚟包頂唔會穿，肉餡不會鬆散，比例亦不少。【雪耳燉津梨】，滋潤清甜，十分好食。埋單$446，價錢合理。

今天帶小朋友到新都會廣場新開的歷奇公園玩，玩完了便到稻城這間餐廳用晚膳，由於時間尚早，剛好不用等位。因為有小朋友的原故，點了上海粗炒、小籠包、蔥油餅及毛豆百頁給她們，而我點了水煮牛肉及酸辣湯，小煮牛肉足料，麻麻辣辣，有四川的味道，值80分。蔥油餅值得一試，鬆脆有特色。只是整體食物略嫌咸了少少，需要改善。可惜要掛住照顧小朋友，沒有時間拍照。但最值得一讚就是員工的態度，數面的兩位後先仔經理真是十分體貼，由於我們帶住小朋友，他們安排了卡位給我們，在上菜的時候，也經常提醒傳菜員要小心小朋友，而替我們落單的待應（FUNG)也十分有禮，餐廳整體服務態度真的很好，令人讚賞。

新都會廣場大改造之後, 環境好左好多! 而且添加左好多新食肆。其中一直期待的就係稻成京川滬。自認係超級麵控。無論咩麵, 點煮, 一有新野想去試。呢間係圓方既同系稻成亞丁, 以京川菜為主打。今次就多一個元素, 上海。星期五既LUNCH TIME, 一行4人, 好彩12:25pm就到, 唔使等位就可以入內。坐左係左手邊卡位。呢個舖位之前都係做食肆, 但今次裝修真係超一流! 又靚又舒適! 特別鍾意佢卡位 (似房), 因為有門可以拉埋, 私隱度大增。枱邊仲有個"服務鐘", 可以隨時因應需要呼叫店員, 正!一坐低當然叫碗麵, 四川擔擔麵。味道正常, 好味! 份量出奇地多, 非常抵食! 同行友人鍾意頭盤, 於時叫左夫妻肺片、四川涼粉呢D經典野。首先, 呢碟夫妻肺片係我近期食過既最好味既一碟, 原因: 用料豐富, 調味用心, 而且肉質嚼落軟硬度非常適中, 溫度又唔係你常會遇到的"凍"! 非常值得推介再來講下碟涼粉相比起夫妻肺片, 呢碟就有進步空間。又唔可以話唔好食, 係個人喜好。擺碟相對單調, 唔夠吸引, 太多"水", 涼粉亦唔係鍾意既QQ感覺, 係粉嫩個種。還記得學生時代某年, 係北京食過既那道粗

真係又貴又難食，一條魚要258，但真係好小隻，三個人食都沒食到幾啖一個高麗菜好小一碟，要88，蔥爆牛肉真難食，肉係酸腥味，total一共500幾蚊，千萬不要中招

桂花魚258一條，超級小，又難食，其他菜都完全無曬味道，仲幾貴，一條魚，一個蔬菜，一個蔥爆牛肉，要成500蚊，米飯15一碗，千萬不好再黎食大家不要中招千萬不好再過黎食，圖都唔想曬時間影埋。

葵芳越開越多餐廳，新都會商場裝修後更進駐了不同類型餐館。今天就跟家人一同到新開的稻成食飯，環境不俗，先賺了印象分！夫妻肺片辣辣的，但作為前菜，絕對吃不停翡翠苗爽爽的，滿口新鮮味道這道茄子看著普通，吃下卻驚喜，鹹味，油香味剛好雲吞雞雞湯一絕，能喝出沒有味精。雞味濃郁，肉質嫩滑