稻成京川滬 (新都會廣場)

營業中

休息中

又係放工搵食嘅時候，同老公兩個嚟咗葵芳新都會嘅呢間稻城京川滬餐廳， 因為係放工時間我哋都等咗大約半個鐘頭先有位入咗。 我哋嗌咗以下嘅食品 :小籠包稻成炒飯乾煸四季豆雜菌蕃茄豆腐魚片湯小籠包佢即叫即蒸， 想枱嘅時候仲熱氣騰騰， 裏面仲有好多湯汁添。 佢個炒飯都好好味，D 飯炒到分開一粒一粒，同埋佢個飯有少少辣味增添惹味。 而佢個四季豆，我好耐冇食過啲四季豆係冇筋嘅，又可能就係因為現在是四季豆嘅季節啩🤔，所以啲四季豆冇筋又嫩啦！ 佢個雜菌蕃茄豆腐魚片湯都做得非常惹味，夠鮮魚肉夠嫩。除咗食物之外佢餐廳最抵讚嘅地方，就係佢啲服務員個個都好有禮貌，所以呢間餐廳都係唔錯嘅。