稻成京川滬 (新都會廣場)

營業中

休息中

4/4襯5/4唔洗返工想同男友食餐豐富D.今次就揀左稻成京川滬la.唸住食一餐全四川菜.打開餐牌展開我地味蕾挑戰......川菜之夜開始la.全餐最唔辣的只有lee樣小龍包la不過一夾個包就爆曬D汁出黎.成都夫妻肺片.好麻辣ar....不過唔夠香.只有麻之後一味麻婆豆腐.豆腐好滑好唔錯.因為食左最辣的第三樣所以lee味變得唔辣...到最辣的水煮牛肉la.足料水煮牛肉.內面有粗薯粉/蓮藕/冬荀/牛肉等。。。我地叫左碗白飯送tim.不過真係真係太麻太辣食到我地sss聲面又紅又出曬汗完全食唔到.....叫埋杯豆漿都食唔到...所以我地決定打包返屋企先挑戰la...打包個時發生小插曲.同個姐姐叫佢麻煩打包.点知佢講左句叫樓面la.之後就拎左兜野人去..我見怪怪地即刻問樓面.之後佢答我入去包緊..點知個經理走黎話唔好意思佢倒左...我都未黎得切回應個經理已經話係我地問題幫我再整一碟幫我地打包...不得不大贊個曲髮男經理.反應快又不得失客人......成餐飯點曬D辣野.真係有D不自量力...下次都係叫一樣辣算la....不過食完咁辣ge野出一身汗sss曬聲又幾爽ge!!!食得辣的人應該會喜歡的一間

一家人星期六晚上打算開開心心食餐飯，但比職員激死。食佐30分鐘職員左右，職員巳經不斷問要否加單加甜品，到佐50分鐘左右，在無問人情况下直接比張單我埋單，我覺得係迫人走，好無禮貌。5個人叫佐6碟餸。

是日與朋友二人聚餐，事前已訂座，19:00來到入座，點了糖醋排骨、乾煸四季豆、雜菌蕃茄豆腐魚片湯、上海炒年糕。整體而言，食物唔錯，環境舒適，服務態度好，會再光顧。

想帶小朋友去食D令佢有興趣既野,所以就決定帶佢去食片皮鴨,有好多介紹但都人多要等位,又怕唔乾淨,所以最後選左依一間,睇落十分乾淨, 很信得過既餐廳!可能因為我地7點去,比正常既晚餐時間早左小小,所以唔洗等位,一入去要讚既係知道我地有小朋友,比左個角落我地坐, 又即刻拎張BB椅比我地,員工好貼心,而且仲要有兒童餐具提供!真係服務很好!我地叫左4-5樣野4個人食,都夠飽,個面好好食但唔記得影相,因為主要係想食片皮鴨,所以黎講下片皮鴨啦,個片皮鴨十分好食, 一D都唔肥同油,arm曬帶小朋友黎,而個皮就好似同出邊果D有D唔同,可以話係一D都唔正宗,有D厚, 但食落又出奇地搭,都因為佢厚而唔會食到成手係油,完全就係出奇地欣賞佢地既設計!總結黎講,正常價錢下可以食到咁既服務同質素我覺得夠曬!帶住小朋友, 最緊要食得開心同乾淨。

同屋企人食飯，所以book咗枱，俾咗一間房俾我哋坐，服務態度真係好好👍叫咗個四人餐，有我最愛嘅扁皮鴨，真係超好食，蟹黃小籠包一定要試，屋企人話唔夠食再叫多兩籠😂雲吞雞湯好正，食落好清甜個雞媽咪好鍾意飲🤭整體來講都好不錯，下次一定會再嚟🙆‍♀️

食LUNCH時間周圍都好多人FULL哂得而間有位就諗住試下叫左片皮鴨,雲吞雞煲同粗炒野食好快到齊包片皮鴨個皮好厚塊鴨D肉多過D皮雲吞雞煲黎到係凍嘅 食落一D味都無個粗炒係比較下算好食小小

昨晚跟家人到稻成飯眾團拜， 我們共20人一早訂了兩張枱，座位算寬敞。由於我們有三位小朋友，服務員還主動查問是否需要bb椅，感覺良好。因為整晚忙著跟家人談天，所以忘記了拍攝食物照。 我們點了很多食物當中最印象深刻的有北京填鴨， 麵包皮夠熱夠薄加埋片得啱啱好的北京填鴨，不經不覺吃多了幾件。 原來雲吞雞都非常美味，湯底非常足料，隻雞吃落很滑。 賽螃蟹亦非常嫩滑，大大碟幾抵食。 最後蟹粉小籠包皮薄餡靚，亦是必叫之選。這間屬於可以回頭的餐廳，重點是沒有限時這點已非常難得。

現在香港農曆新年越來越無新年氣氛，以往好多食肆都會在農曆年開業，但今年發現好多都無開，咁啱今日在葵芳閒逛，剛到5點多便在附近找到這間店沒試過，便去試下。2個人點了2個前菜，1籠小籠包及1個麵。這餐前小食又香又辣很開胃雞絲粉皮，個醬汁剛好超香濃好正最愛食的醉雞完全無味，失望小籠包皮薄，一夾即穿😅😅担担麵不過不失，還可以

緣份是屁，話來就來。係KCC返工既老友，近來好有神心lunch多次「山長水遠」過來葵芳新都會食呢間稻成京川滬。食極唔厭，竟中午食完，約我食飯晚。佢要癲，個屁要放，作為老友，當然二話不說。平日既夜晚。預先打來訂枱，故此好快獲安排入座。一行四人，幸運地坐係入口左邊個排半封閉式「卡房」。呢個真係要讚！好有誠意既裝修安排。冷盤唔講啦，早前幫襯過，已知佢水準一流。今次講三道主菜，首先係水煮牛肉好明顯，師傅係有功架！Ｄ香辛料亦真係有係滾油爆香，而唔係純粹有形無實。食得水煮，當然期望佢有水煮應有既麻、辣、香、鮮。呢度水準係坊間平均水準之上，但食得辣既我，希望佢可以做得辣Ｄ，食落先夠過癮！水煮，食配菜先係識食。蓮藕片，芽菜，萵筍固然好，我更愛粉條。煙煙韌韌，入哂味，非常美味。乾爆蝦球，你咪以為乾曾曾，獻汁豐富架！而且蝦球並非平價白蝦，而係肉質鮮甜既虎蝦，啖啖爽口彈牙，非常美味，送白飯一流！作為京川滬餐廳，上海菜代表賽螃蟹當然唔少得。蛋白潔白滑嫩，加上瑤柱絲，更鮮甜可口。雖身處「房」內，但枱邊有各類標示清晰呼叫店員既按鈕，一按唔使幾耐就有人來服務，加分！其實，稻成京川滬位處新都會，於下層就係通往葵芳港鐵

#小秘書 今日真係好充實呀！朝早十點唔夠就出門口，就係為咗要搵我個 #御醫 把把脈😌 10:15去到診所已經一屋都係病人，我攞咗籌唯有落樓下食個早餐攝吓時間，不過都仲係好早呀 好彩比我見到間足溶店，一於入去比人按吓，好過四圍流浪🤩時間啱啱好，relax完返診所等一陣就有醫生睇👍🏻 忙完呢度，又要趕去整指甲... 最終搞到差唔多三點先去 #食早午餐x下午茶🤣 見 #稻成 都裝修得靚，下午餐又幾吸引，就入去試吓啦🤤 #嫩雞煨面 係 #小秘書 其中一個至愛，加埋 #糖醋排骨，味道應該幾好🥳 個麵水準唔錯，係我預期中嘅味道，再加埋少少豆瓣醬，特別野味👍🏻 不過個 #糖醋排骨 就麻麻地，似一早煮定喺度，上枱嘅時候都唔熱嘅、肉質比較硬😅 唔好同我講呢個係冷盆呀！加上原來下午茶時間都要收茶錢同加一㗎，最終加加埋埋就由餐牌價$69變成$81埋單... 下午茶要比呢個價貴咗少少囉🥴

中午經過葵芳，臨時決定駛入新都會廣場，停車場車位充足，食飯之余仲有泊車優惠。我地一行到了稻城京川滬，店鋪寛敞光猛，窗外對住人造草地既中庭，空間感十足。我地隨便點了幾道人氣之選，特別推介雞絲粉皮，一般坊間既粉皮口感不足，往往預先準備令到粉皮失去彈性，呢到既質感不錯，麻醬份量適中，青瓜幼絲顯出廚師用心刀工另一道百結紅燒肉材料豐富，肥瘦肉比例均勻，味道略鹹。整體食物不錯，店員服務爽快，以商場餐廳黎講質素中上。

臨近聖誕，相約親戚食餐飯，無話慶唔慶祝聖誕嘅，只喺搵個藉口嚟番餐而已。不過，佢哋就喜歡食中餐多，就番大家都喺西九龍人，而上次嚟「新都會」食飯時，發現呢家「稻成」，見佢閒日都人氣咁旺，故今次晚飯就揀咗佢。果然上次所見嘅都唔喺偶然，今晚嚟到，同樣喺閒日，未夠7:30pm就已經有8、9乘滿，好在一早訂咗位啫。而地方原來頗大，入到去轉個彎仲有個大嘅用餐區，裝修亦好「骨子」。近門口左邊，有啲卡位，特色在於有通花屏風間起晒，變相多咗少少私隱，減少受騷擾度，人唔多嘅話喺上佳靚位。睇餐牌面面嘅餐廳名，已標注咗「京川滬」，所以，食咩菜系唔使多講。原來，「稻成」喺四川西南邊嘅一個地方，有「香格里拉之魂」嘅稱號，仲話喺風光如畫、世外桃源添，有機會真喺要去吓。翻一轉就知菜式選擇甚多，種類由涼菜、肉類、海鮮、豆腐蔬菜、招牌水煮、湯羹、點心、麵飯、甜品，以及飲品、酒類。太多選擇，唔知點揀好嘅人，簡單啲就不妨晌套餐度落手，佢哋有啲2、4、6人套餐。不過，最後我哋都喺散點，自主啲。前菜 $15先上嚟一小碟大豆芽，幾爽口，有少少辣勁。餐牌有注明，如果唔要前菜，喺可以向店員提出。順提一提，茗茶就每位收$6。雞絲拌粉皮 $

琴日同屋企人去稻成京川滬食冬至飯，本來見到食評麻麻，有晒心理準備，點知有驚喜。因為一早入咗，唔駛等位直入，坐低就有前菜飲茶，餐牌選擇不多，但貴精不貴多。三個人分別點了蟹粉小籠包、孜然寸骨，北京填鴨半隻、擔擔麵同高力豆沙。上菜速度好快，蟹粉小籠包無乜蟹粉味、略貴，北京填鴨用料多，比某某樓更抵食！！讚。擔擔麵份量剛剛好，孜然寸骨好種孜然味，不欺場！高力豆沙就略嫌少豆沙餡，但綜觀係節日飯黎講，性價比絕對ok

去到葵芳都成七點幾同屋企人行吓街 買吓嘢都成8點幾同長輩一齊食 都係食返啲中式啲稻成之前仲裝修緊嘅時候 就已經想試平時行過都見到好多人等位咁可能因為平日又已經 8點嘅關係啦唔需要等位就可以入座座位唔算擠迫 我地四個人 就叫咗雲吞雞半隻 $188螞蟻上樹 $72稻成炒飯 $98乾煸四季豆 $78焦糖燉蛋$32x2螞蟻上樹同乾煸四季豆都係偏咸如果係配白飯 應該會更美味雲吞雞 就唔係太過特別好似 5粒定6粒雲吞 加少量菜稻成炒飯炒飯係粒粒分明總括而言 味道還好 價格偏貴員工服務態度不差另外可能圓枱先會提供茶壺俾佢地自行添茶而較少人嘅 就未能提供 所以都叫咗啲員工添幾次 就有點不便

剛開業時食過幾次，覺得佢地個糖醋排骨好食，好入味仲有陣大閘蟹醋味....但最近三次食都好唔掂，無寫開食評嘅我都忍唔住上嚟評下，唔知佢係轉左廚師定還是想慳皮入啲差料...糖醋排骨完全變晒味，由以前深棕色變到依家橙紅色，完全唔入味之餘仲好大陣油膱味，肉質極韌，莫講話糖醋味，就連基本嘅肉香都無，碟底汁少但油多到嚇死人😨，入口好似食緊臭油膱味嘅千年油浸豬肉....🤢🤮另外佢個上湯翡翠苗 - 價錢貴份量好少，正路應該係清淡菜式，但都可以俾佢煮到油浸咁，唔知佢啲油係邊度入貨，陣味...好懷疑係大陸山寨劣質貨...雞絲粉皮- 份量足料多，但可惜佢個麻醬好唔得，自己去超市求其買一樽麻醬去撈都好食過佢.**平心而論，香港飲食業競爭大，市面上比佢價錢實惠又好食嘅京川菜多的是，依間開業不足半年就變差到咁，堅失望😞⋯⋯今次食過真係要入黑名單零回頭餐廳！🙅🏻‍♀️🙅🏻‍♂️