稻成京川滬 (新都會廣場)

營業中

休息中

今日係新都會見到餐廳們外面的北京填鴨相已經好想食！！幸好朋友都鍾意食京菜。餐廳裏面的職員都好有禮貌，令人印象不錯。我地叫左半隻北京填鴨，窩荀同酸菜魚。北京填鴨：填鴨外皮的色澤光亮吸引，包上京葱，青瓜同醬汁一齊食味道極好！！！首先外皮外脆肉嫩，味道甘香而且能做到肥而不腻！我想我地叫一隻都食地曬啊。酸菜魚：酸菜魚的魚肉一般使用鱸魚，如果食落更嫩口無骨的話可以價錢轉最桂花魚。桂花魚的魚肉白滑鮮嫩，蘿蔔酸酸甜甜很開胃，酸菜也很爽脆。魚湯奶白甘醇味道鮮甜不油膩。正！！！窩荀：窩荀口感脆嫩，清炒後味道清甜可口最後還叫左我最鍾意的豆沙鍋餅！！！實在滿足。

今日嚟咗葵芳，選擇左呢間食中菜嘅地方，環境都幾大幾闊落。我哋仲有得坐包廂添！叫咗酸辣湯，材料都好充足，不過略嫌唔係好夠熱，可能天氣太凍啦！北京填鴨半隻，兩個人份量其實都幾多，仲包埋10篇饃饃皮，配埋青瓜同蔥一齊食，好正！填鴨皮亦夠脆！如果有埋蠟燭喺下面暖住更佳！中菜點可以少得叫小籠包！上菜時熱辣辣，皮薄餡靚，入面夠晒湯汁，值得推介！酸菜鮮鱸魚，湯頭唔會好油膩，鱸魚份量都幾多，食落唔似”拿”左好耐嘅魚，仲有淡淡麻香味，酸菜唔會好重口味，就咁食都好正！

鍾意食上海菜，四川菜之類嘅呢間質素都算高嘅，不過價錢都幾貴，真係過時過節，親朋聚舊先敢去，唔係就太肉赤。因屋企人鍾意食呢間，所以不時都會去，平時都坐出面啲位，點菜上菜收碟嘅速度同服務態度都算到位同流暢，唔會話食到背隻骨落咁。不過最近去嗰次就有啲唔愉快經驗，當晚全家總動員出去幫阿媽慶生，咁有機會第一次坐入包廂，原本仲幾高興覺得個裝修幾靚，但係襟極鐘都冇人應(包廂位特別有個鐘仔畀客人襟嚟呼喚侍應)，揮手啲侍應一係扮睇我唔到，一係就叫我襟鐘話有人會應，結果搞咗差唔多成30分鐘至落到單，心情已經唔係咁好, 之後唔知點解食緊嗰陣啲侍應突然好勤力咁過嚟收碟，你碟餸上左唔夠20分鐘，我仲有成一半多啲未食完，點解啲侍應會「誤會」我已經食完可以收碟呢? 啲侍應幾乎每5分鐘就過嚟想收碟，佢地唔係單純用眼望吓睇吓有冇碟收嗰隻，而係真係出手想攞走我碟仲有一半有多餸嘅碟。。。我記得當晚同一碟排骨我至少講左3次「唔好意思，碟嘢未食完」，然後個侍應至冇收我碟餸(我冇留意係咪同一個侍應)。。。啫我明白晚市客多急要枱，但我都係客嚟，可唔可以專重返啲，等我好好食完先呢? 認真講，好地地食餐生日飯食到咁唔開心，以後會少幫襯

稻成開張時試過一次, 當時只覺不過不失,所以之后都無再幫襯. 昨天朋友有點想食上海野,米說去稻成. 菜色改善很多,點了個2人餐, 黃金蝦肉質很彈牙及很大隻. 豆苗很嫩,朋友很喜歡. 食物質數明顯比開張時好,否則當時為什麼没再回頭而服務十分好,Sylvia服務很貼心,會自動安排你食完前菜,叫起菜才上主菜,不會好像迫你快些食完交枱. 成餐飯令你很舒服. 講真約朋友出街,你估真係食餐飯咩,主要是出來吹下水relax下. 所以地方和服務佔分也很重要的. 今次比個like佢

晚餐落腳在 葵芳-新都會廣場 的 稻成京川滬 ~Menu ~宮保雞丁 : 是川菜中很有代表性的一道菜 , 這碟宮保雞丁爆炒得很夠鑊氣 , 味道濃香麻辣，辣而不燥，又略帶甜酸味 , 雞肉口感滑嫩，非常美味 ~黃金蝦球 : 賣相吸引 , 鹹蛋黃蓉完全包著每件蝦球 , 蝦肉爽口彈牙 , 甘香惹味 , 超級邪惡 ~糖醋排骨 : 但凡一沾上 "糖醋" 兩字的菜式，筆者一家都非常的喜歡吃 , 這碟糖醋排骨的味道酸酸甜甜 , 酸甜度都很平均 , 排骨入味 , 肉質也不柴 , 確是非常誘人 ~本篇完 ~

難得今日出開黎，新都會既食肆大執位🤣全部都唔同晒（可想而知，有幾咁耐冇出葵芳）老豆想食中式，我就想食西式...難得佢肯出黎就去左佢介紹個間...早到，係門口望下...有梳化位可以俾我放低件細既，就同待應講想等個d位...服務好好見我帶住件細就叫我坐入去等下，好快埋單咁😉當然，我唔係最繁忙既時間去啦！中午個牌免加一、茶芥...大部分餐都係78、88咁上下價位，算係中間價錢叫左三個餐1. 雪菜肉絲麵加水餃🥟2隻淡口左小小，雪菜肉絲食唔到有筍2. 嫩雞煨麵加雞絲粉皮呢個推介，個湯底靚3. 咕嚕肉客飯咕嚕肉整得好過酒樓，但個白飯唔得🤦🏻‍♀️飯底好硬，一係放左好耐、一係d米唔掂佢個下午茶好似唔錯，襯未返工要睇下有冇機會出黎再試下💪🏻

We’re sorry to say...very poor taste of food, given that this type of Asian cuisine of Beijing/ Sichuan / Shanghai dishes is very common and usually very good...Nothing really was up to standard and not too worthy to mention. Xiao Long Bao tasted ‘normal’, but 2 of 4 of them bursted soup when it was delivered on the table Jinjiang Vinegar ribs resembled Hong Kong BBQ pork plus sweet and sour pork, and is absolutely weird, that’s a first for us.Ambience is excellent, the decor has this very eleg

第一次黎稻成，經過見到有片皮鴨就決定要入黎試試佢！首先上左小籠包，其實味道不錯，皮薄而且多汁，但皮會痴住張紙，太薄既皮一拎上黎結果有兩隻未食先爛開了d湯流哂落去但完整個兩隻都好味的跟住到片皮鴨出場！整體口感非常好，鴨肉juicy係肥左小小，加上秘制醬汁、青瓜、蔥絲，算得上正宗既味道。最值得一提既係個皮，因為佢真係非常薄，所以包住成份片皮鴨食落去唔會有食緊包既感覺，剛剛好。要讚呢個皮個鴨皮非常肥，但大約有20片，兩個人叫左半隻鴨都食得哂呢個碟下面有個位加熱，如果有得熱住就仲好！拿～皮薄賣相都不錯的另外，因當天食晚餐時比較趕時間，所以一開始等片皮鴨時有點唔耐煩，因為店員下單時無講到要等幾耐，最後大約要等30分鐘左右既正常同合理時間。但店員及經理均有立即跟進，並有照顧食客感受，服務態度滿分💯

喺葵芳返工既我，成日都會去新都會食飯，今次再食稻成，但係真係好失望，個酸辣湯完全淡而無味，連色澤都唔好睇，個四季豆平時之前食惹味得很，但今次食我覺得佢炒得好生，而且都係淡而無味，最後向一個友善嘅姐姐投訴完佢請我哋食高力豆沙補數

四川樟茶鴨子(半隻)🦆 $168煙燻味比較重 食落好似有啲燶咗嘅感覺表面某啲食落幾嫩滑底部有啲就硬咗少少較乾身鴨皮都有少少香脆------------------------------蝴蝶包🍞本身就無乜味道要加上D鴨嚟食先會比較好食但好多鴨有骨就食落唔係太方便包嘅質地唔硬同都幾淋身------------------------------宋嫂魚羹🐟 $138我自己個人就覺得薑絲味重用料份量都平均魚絲，薑絲，木耳絲，冬荀絲，蛋白同少量芫茜感覺似大雜燴咁------------------------------螞蟻上樹🍜 $75辣辣地都幾開胃粉絲，肉碎，酸菜粉絲係炒碎咗咁就比較易夾同放入口食酸菜，肉碎調味酸酸辣辣味道唔錯🤔------------------------------

今日嚟葵芳搵嘢食，由於大肚關係，選擇要小心d，選依間京川滬菜館，因為下午茶選擇很多。落單時老公嗌了凍豆漿，可惜沒有熱的，唯有無奈地睇住佢飲，誰不知細心嘅侍應生(阿俊)送餐後留意到，主動過來提議倒入小杯替我加熱，哇！會唔會細心到咁，真係今日好難得一遇嘅服務態度，好被感動！忍唔住向經理表揚佢！而食物方面亦不錯，上餐速度很快！環境舒服，有小調音樂陪襯，值得再食！

環境嘈雜 服務馬虎 食物質素好差 點左小籠包 皮的質素好差 一碰就破 肉汁根本無味道 孜然羊肉得個鹹字 又老又chewy 想點吖 簡單的菜都做得唔好 炸饅頭 根本唔係炸架 細到一個點 唯一ok係個前菜—-芽菜入得口 千萬唔好幫襯吖 很後悔

已經唔係第一次食呢間餐廳，通常諗唔到食咩就會黎，貪佢選擇夠多又好味每次必叫川北涼粉去邊間餐廳都好，一見到呢個必叫黎試，呢間啲粉好爽口，辣味夠，唔會好咸咁搶晒啲味大排檔既咕嚕肉都係我至愛，見到有就梗係試試啦！肉夠味，個汁有啲太酸，其他都普通，冇特別必食呢個螞蟻上樹，粉絲太漿口，唔夠爽身，唔啱我口味小籠包夠湯汁，皮唔厚，拎起又唔會穿，好味，記得一上枱就要食啦唔知點解炸銀絲卷係每次見到都好想食既嘢呢間炸得唔會太油，外脆內軟，即炸想提一提呢間餐廳服務好好，之前我都係帶埋飯團黎食，佢地都會安排張冇咁多人行既枱比我，同埋呢間係有BB凳既！本身我地叫左個豆沙窩餅，之前食過好好味，炸得啱啱好，外脆內煙韌，可惜今次炸到過左龍，又乾又濃，同佢地講返都即刻扣返單希望下次食得返好味果個啦！

心血來潮想食片皮鴨無意中搵到呢間試下想讚既係職員們服務態度超好⭐️⭐️⭐️⭐️⭐️打電話卜位聽電話果位職員（Eric)非常有禮貌去到未滿座，侍應帶位我一路行去個位途中d侍應見我大肚都會提我：慢慢行，小心地滑！坐底左侍應又好細心問我要唔要杯熱水，佢怕我孕婦唔飲得茶，非常細心我地兩個人食，叫左份炸饅頭，2份小龍包，半隻片皮鴨食物都算ok!! 片皮鴨偏油左，整體都唔錯埋單$384，比想像中平，短期內會再唻

之前見呢間食評唔錯，就係度訂位慶祝母親生日。先講食物，選擇多，種類亦多。我地點左6人餐有隻北京填鴨有半隻雲吞雞再另外點左魚頭（果侍應好落力推介）。上菜速度可以拍得住快餐，快到我地個口都追唔上佢地果速度，完全不得了。想慢慢品賞美食，係無可能，因為啲野食上到泥已經唔係熱辣辣，唔熱的中菜不如唔好食。 亦都可能因為佢已經唔熱，上菜速度先要快都咁。食物質素，前菜仲好過主菜。扁皮鴨係室溫，雞係老，水煮魚帶腥，魚頭得個樣。上菜侍應好壞參半，有啲好細心（值得一讚），但有啲真係差到無得彈，無禮貌，無笑容。多次講明係另一邊上菜（因為果邊放左酒），係都要逆天而行。普通級數侍應唔識，我尚可接受，連着住西裝位「部長」都唔識留意，呢個真係接受唔到。做飲食最基本上菜態度都無，認真唔掂。執枱果陣，侍應哥哥「唔小心」將啲油汁滴左落我地其中一個度，無道歉，無即時反應，唔係掛？唔通佢地公司無培訓？旁邊見到事發的女「部長」俾左數包濕紙巾同樣地無抱歉無應對措施。隔一會，我地向佢反應，所得回應係「妳都見到我有過泥野啦」。嘩，呢種典型「保住自己先」既態度簡直係令人髮指。食物差唔緊要，可以俾機會，但最基本服務都差，唔好意思，無下次。