稻庭養助

營業中

休息中

天氣悶熱，食碗冷烏冬。今日去紅磡食冷烏冬，我們叫左三款食物，分別係華麗三色烏冬、大蝦天婦羅烏冬及追加了炸雞。我選了華麗三色烏冬，呢款烏冬係「稻庭烏冬」結合咗日本傳統食烏冬嘅三種食法。講得個“三”字就緊係有三款唔同嘅烏冬啦，首先係熱湯烏冬，上面有一塊魚片再加上蔥花,令整碗烏冬更香更爽口；跟住就係清湯冷烏冬,烏冬上面有紫菜條，將佢同烏冬一齊擺入冷湯,紫菜遇上冷湯時產生唔同嘅風味，隨住你嘅喜好加入蔥花或薑蓉，亦都有唔同嘅口感架；最後就係獨特嘅沙律烏冬，師傅用涼拌蔬菜托住烏冬,喺烏冬度淋上白芝麻汁，呢種拌麵嘅食法令烏冬變得好特別。如果想食出「三色烏冬」嘅真正滋味，師傅建議先由冷湯烏冬食起，之後再食沙律烏冬，最後先至食熱湯烏冬。由冷到熱，由淡到濃，咁有特色嘅烏冬喺澳門稻庭養助先至有得食架咋，快啲約埋朋友過嚟試吓啦!!

稻庭養助由尖沙咀分店食到黎黃埔分店，呢度冇尖沙咀既海景夜景欣賞，但黃埔分店既裝潢多了一份日本地道味。呢晚都有幾枱日本人，就知呢度有幾地道啦！講返食物，基本上餐牌上的食物都好有質數，今晚經大廚介紹，食咗以下幾款沙律菜拌勻溫泉蛋，味道清新生蠔，有手掌咁大隻，新鮮肥美必食稻庭烏冬，叫咗炸蝦天婦羅烏冬，大廚炸功一流，醬粉唔會太厚，外脆內軟；蟹肉湯烏冬，滿滿新鮮蟹肉，烏冬入口軟滑另外，大廚亦介紹食燒魚，但唔記得咩魚了，魚質嫩滑，有少少咸香燒牛舌都係不能錯過，牛舌燒得好香口，又唔會「un」，必食下次一定再黎食！

紅磡之所以稱為日本村因為真係好多日本人喺度住呢間餐廳專食日本正宗稻庭烏冬😃同時亦都有刺身同埋天婦羅食👍 平時如果口痕想食日本嘢喺紅磡毫不猶疑就會走入呢一間食😌💟牛肉咖哩烏冬全部係手打嘅稻庭烏冬牛肉唔係肥牛 係薄切嘅牛肉咖哩味濃好香 唔算好甜牛肉烏冬同咖哩湯 配合得好好🥩🍜熱辣辣又大碗 正👍.💟雞肉椰菜沾烏冬呢個比較清淡 由去皮雞肉同椰菜煮埋嘅湯點凍烏冬食🙊夏天食好清新 烏冬又彈牙🍢🍡🍬.💟豬肉炸藕餅豬肉分量好多 少炸粉食到蓮藕香同豬肉味 唔算油膩即叫即炸 脆卜卜🐷冇諗過蓮藕同豬肉可以咁襯❤️.💟原隻魷魚刺身魷魚新鮮彈牙 無雪味不過份量少咗啲 唔夠喉😿.🎀稻庭養助Inaniwa Yosuke🎀紅磡黃埔新村民泰街27號地下A1舖

呢間由日本開過嚟既烏冬店，除咗烏冬以外亦有好多選擇。有d似一間主打烏冬既居酒屋。烏冬凍食係好味d，如果熱食，都有幾種湯底可以揀。如果烏冬唔夠飽，可以食迷你丼飯，有吞拿魚、天婦羅、鯖魚等等，都幾多選擇。每次嚟我都一定會嗌個沙律，牛蒡沙律或者南瓜沙律都做得唔錯。而注意翻，嗌酒飲係會跟一個佐酒小食費，見過有食客不滿同餐廳嘈，但呢個其實係好多日本餐廳既規矩，入鄉隨俗啦～另外，侍應轉咗制服，係鮮橙色overall，唔⋯⋯🤔

小的喜歡四圍覓食，特愛非連鎖式之地道小店，除了品嚐獨有滋味，更能吃出淡淡的人情味。這回跑到久違了的黃埔，在友人的帶領下試一趟地方特色。曾經何時，黃埔乃小的經常盤桓的據點，但自投身社會，黃埔變成了淡淡然的一段過去，揮一揮衣袖，沒帶走一點雲彩。在以前，黃埔總給人一個交通不便的偏遠感覺。及至地鐵觀塘線伸延至黃埔，在廣漠的覆蓋下，香港變得更是無遠弗屆矣！然而，小的到過何文田站，卻仍未有一訪黃埔。在黃埔中午飯，朋友居然相約小的於北角地鐵站等，然後再一起坐船到黃埔馬頭去。小的心想，不是罷！咱家居於將軍澳區，何解要特意跑到香港島，再走到馬頭坐船回歸九龍？小的忍不住提意直接於黃埔站等，友人卻堅持這樣走會快好多。其實北角站深入地底，由月台走到地面需用上5-8分鐘的時間，再由地鐵走往馬頭，然後再候船登船，最後只可能比地鐵快上15分鐘。為了15分鐘而經歷這樣的折騰，值得嗎？結果是日狂風驟雨，小的還是直接坐地鐵到黃埔站去。在微雨下跑到一家叫「稻庭養助」的和風店，就是門前裝飾，其日式味道已是溢於言表。店名既云稻庭，該是出名麵條。可是小的搜尋餐牌，麵類只有熟食，沒有小的至愛之刺身。最後小的還是揀了主餐牌內的刺身定

剛去完日本，仍然掛住日本的美食。於是自己一個變態地繼續去食日本菜！睇完餐牌先醒起到日本無食牛舌！當然要補番數啦！燒到剛好，唔會好乾，有趙口，旁邊的配菜都好食！這是加面份量！晚餐是我全日的第一餐，請見諒！

最近突然好想食烏冬，收工就黎左民泰街食啦。睇menu 既時候發現都幾多日本人黎幫襯一共叫左五樣野食，池魚刺身，好味椰菜沙律，雖然價錢$78貴左小小，不過估佢唔到咁好食啊，應該係水耕菜，超甜超爽口，幾驚喜豚肉燒三色烏冬，兩個係冷烏冬，一個係熱既炸蝦天婦羅冷烏冬價錢中規中矩，味道就的確唔錯，冷烏冬比熱烏冬好味。不過服務可以加強，侍應無乜笑容只管做😅都多人幫襯，一路六點半食到八點都一路有人入黎，如果繁忙時間應該要訂位啊～～

稻庭養助係我同先生係香港最喜歡的日本餐廳之一我地叫左兩個烏冬set..一個天婦羅大蝦配熱烏冬~天婦羅炸得好好.. 粉漿又薄又脆蝦的份量又多~~!! 另一個係三色烏冬非常岩貪心的我地..可以試幾個口味..哈哈另外仲叫左兩個串燒..一個係豆腐串..另一個係食完…直到而家仲好掛住的鹽燒青森豚肉串.配柚子胡椒醬.

平日喺馬頭圍道舊區附近返工，附近都係啲茶餐廳麵檔，嗰日想食好啲所以就嚟行咗過嚟呢度食日本野😂餐廳係日本人開嘅，略略望到入面嘅廚師都係日本人，啲嘢食嘅質素有一定保證😀入邊裝修都係日式風格，有少少去咗日本嘅感覺😂我揀咗天婦羅丼飯，本身睇Menu唔多覺，點知個飯一攞上嚟先發現佢大份好足料，有三隻天婦羅蝦，仲有魚、生葵、豆角、蛋等等。每一樣都好好味，尤其是個蛋真係有驚喜😂伴碟嘅沙律菜都幾好味，幾啱食熱氣野嘅時候食👍🏻跟餐仲有碗麵豉湯同埋熱飲，呢個份量同埋質素來講算係幾抵食，值得再試！

紅磡附近見到呢間個名都好架勢嘅日本鋪頭於是就同幾個朋友入去試吓啦本身都幾鍾意食日本野因為夠晒清淡唔會太肥膩 但係呢間鋪頭入到去先知原來老闆都係日本人仲見到佢用日文同幾個人喺度傾緊計老闆態度亦都好好主動幫我同幾個朋友影相今次去到主要都係朋友發板所以冇乜嘢點留意餐牌 朋友叫咗一碟鰻魚 大概有三舊 都幾肥美 另外我哋就叫咗一個雞烏冬 烏冬食落去都幾清 同幾有口感唔會一咬就斷 幾有嚼口 啱晒啲又想減肥又想體驗美食嘅人啊由於其中一個朋友想食返少少菜健康少少於是我哋就叫咗一個炸雞沙律講起都矛盾又炸雞又沙律 不過個人覺得佢嘅炸雞炸得啱啱好 食落口仲係熱嘅炸嘅粉漿亦都唔會黐住最後就係呢一個忌廉餅 朋友極力推介於是就信佢試吓啦 入邊係類似粟米忌廉湯忌廉加咗少少粉漿炸 食落去幾脆 覺得炸得啱啱好 唔錯！埋單四個人平均每人都只係食咗百幾蚊都幾抵食

平日晚上，友人特別想吃日本菜，適逢黃埔已有地鐵站，收工立刻跑到香港小日本的黃埔。稻庭養助招牌菜秋田名物稻庭烏冬價錢平，用料卻大方，聽聞食材均由日本市場空運來港，即使是熬煮高湯的材料等均來自日本。餐牌一看以為全是日文字，本來以為飽覽多年日本動漫的經驗終於大派用場，但友人提醒原來大部分都有中文字在旁。解決了餐牌問題後，點了兩個菜，一個當然是招牌雞肉野菜沾烏冬，另一個是迷你吞拿魚腩飯。先來了迷你吞拿魚腩飯，比想象中大哦，滿滿的碎蔥吞拿魚腩在飯的表面，未放在檯面已經好想吃一口。再多等幾分鐘，雞肉野菜沾烏冬徐徐送上，湯和烏冬是分開上的（當然，因為是沾烏冬），烏冬擺設十分講究，對於有強迫症的朋友十分治愈。itadakimasu（開動了），碎蔥吞拿魚腩十分新鮮，放了醬油再挾一口碎和飯，魚香、蔥香伴著暖暖的飯，迅間好像置身於日本秋田般。至於沾烏冬，湯底肯定未有加任何味精，喝了一口，鮮味十足。將烏冬放進湯底再品嚐，烏冬吸收湯底的溫度、雞肉的鮮味，再加上烏冬本身質感超彈牙，咀嚼時更有小麥的香味。整體來說，如果人在香港想一過日本美食的癮，稻庭養助是絕對推薦一試。

店內約有40座位左右，亦設有吧檯位置，環境整潔簡單，似日本小店裝橫，感覺不錯店鋪主打烏冬，但除了烏冬外，餐牌上亦有很多不同選擇，有多款小食、魚生飯、天婦羅等等…亦有設有時令餐牌當日我與友人二人點了雞肉野菜沾烏冬、迷你蔥吞拿魚腩飯及豚肉藕餅，三樣食物都很有水準雞肉野菜湯味道鮮味，唔會太咸亦唔似味精，正！烏冬勁滑，一齊食味道極佳！迷你吞拿魚腩飯份量唔算迷你，女仔食完都有7 ,8成飽，吞拿魚份量多味道亦不錯！豚肉藕餅，用藕片夾豚肉再炸，上菜時仍熱辣辣～藕片爽脆，炸粉薄，口感豐富，有驚喜～整體食物質素很好，服務態度正常，加一埋單＄240，物超所值！見到附近食客點的燒物亦很吸引，一定會再食！

女友愛食烏冬，所以便來一試。餐廳裝修全日式風格，坐得非常舒服。店內也出其地多日本食客，叫了兩個烏冬，吃得出同市面聲稱的稻庭烏冬明顯不同，入口非常彈牙，和上次日本吃到的真的差不多口感。值得一提得是，那個雞沙律，那個日式燒汁非常頂級好味，下次一定會再試。

這間在德民街，有日本主廚打你的到庭烏冬店，在日本有很多分店，香港是他們總公司的第一海外店在尖沙咀及紅磡亦有分店。店內很有日式居酒屋的風格，態度招呼殷勤，每天也有新鮮廚師推介，很適合啊全家人朋友一起到左

覆完診 就係附近醫肚仔戒口多時 所以想食好d貪心叫左set 三色麵 有一碗係另外熱烏冬唔記得影相可能期望過高 所以食落又覺得正常 冇特別出色 可能係個湯底唔係我鍾意 烏冬係煙un既好食過出面 另外兩款係凍烏冬真係好清淡 食後感冇乜特別 所以唔記得豚肉飯 仲未燒到焦香味出黎 所以還可以仲有燒魚飯都冇食到 未可以食海鮮 但跟餐附帶 讓比🐷大人食🐷大人話佢個碗蟹烏冬 唔錯 會回頭佢都算嘴叼之人 因為成日食慣好嘢所以我都好想試下 但要等多1個月後所以總結係可以一試餐廳完多謝收看