稻埕飯店 (K11購物藝術館) (已結業)

今天來到這家跟自己公司很近的台式餐廳親愛的有點忙 所以在下先坐下來等著先看餐牌 （這裡也是高科技點餐😑）先點了一杯檸檬愛玉走甜 $36在沒看圖的情況下點餐來到的居然是檸檬沙冰心傷痛..從來未撤底流露.......喝一口 身體真的受不住在下也不想遲下痛死自己所以唯有先放一邊吧同時再加點一杯Fox Brook White Wine $65酒香細膩 清爽的口感 有微黑梅香味柔滑的單寧氣味 再略帶點橡木味道餘韻極好 然後看圖點了份 青龍皮皮挫 $58看沒放大的圖 還以為只是碟炒菜之類的沒想到是皮蛋 🤣親愛的 很抱歉 這碟..要拜託你了 🙇‍♂️親愛的表表示尖椒和紅椒都是辣辣的而對在下而言 椒是甜的汁就有點粘口 杰撻撻的在下再加點一份 不夠。臭豆腐 $68這是一份鬼食物聞香（臭？）不錯 可惜咬下去沒味道而且沒肉食 就只咬到炸脆脆像餅乾一樣的豆腐..點完這些乖乖坐著等著我親愛的 🥰讓在下猜猜他會點什麼紅燒牛三寶自家製作麵 $58裡面有牛腱 牛肚 牛筋台式的麵底 其實在下也是滿喜歡的只是湯要跟台灣的相比 就稍為差點畢竟在香港的需要迎合香港人的口味吧？滿滿骨膠原豬手 $88好大一隻手 每次看到那麼大一舊

未能去台灣，又很想吃台灣菜，經過看見這餐廳座位非常寬敞，就決定試試。我們雖然只有兩個人，卻點了三個菜及一包括鵝肉、臭豆腐、鹽酥炸雞扒飯，再加一個大甜品。份量不是很大，卻都很美味。最推薦黑糖珍珠舒芙蕾班戟配抹茶冰淇淋！味道及賣相都100分，兩個人分享剛剛好。鹽酥炸雞扒飯都是讓人喜出望外的，雞扒內脆外軟，能夠鎖著肉汁，不過乾也不會硬，非常推薦。肉燥飯的豬肉也不錯，不會只有肥膏，略嫌雞扒細了一點點。另外還點了白肉苦瓜蜂蜜，感覺不會太熱氣

首次係openrice訂台被取消最後等左差不多一粒鐘入座都係用電子落單,我地叫左 滿滿骨膠原豬手 $88 因為太餓而食剩兩舊花之月亮蝦餅 $92好脆有彈性 見到隔離台有叫就叫埋見到佢餐牌都有推介 唔錯野生豬脆皮炸大腸$78第一次食大腸比想像中好食 以為會好臭佢洗得好乾淨但又唔怕, 點埋醬但脆身的皮加彈性皮好似有d唔夾至於野飲 叫左半個鐘都仲未黎催左幾次都仲未有 好飲 清ge 係個奶蓋有奶粉感覺pancake明白要等但最後等到佢出埋單都仲未有建議早小小好叫定我食過兩次,但今次服務好令人失望d野要催4-5次先幫你跟個pancake由20:45等到21:51先到仲話擺緊碟,又擺左15分鐘仲要聽到佢地碎碎唸一個推一個話張單我地聽到架黑糖珍珠梳乎里 $98等左咁耐,終於再食同上次食差好遠今次邊位成團粉團咁,似好濕左ge蛋糕咁有蛋香ge但texture今轉唔得整體今次應該會係最後食太失望

2:30剛好下午茶時間，其實又唔係好餓，又想搵個坐得舒服嘅地方，見環境唔錯，又唔會坐得太迫，就試下。餐廳用QR code落單，亦有用電子機械人送餐（應該只有一部，所以有部份都會由侍應直接上餐），機械人到達上菜枱位置會停下，有侍應將餸菜上枱。叫咗2份下午茶餐，最快送上當然係飲品，左邊係跟餐送桂花薏米水，有淡淡桂花味，幾清新，右邊黑糖珍珠奶蓋跟餐要加錢，好似係+$8，黑糖甜度適中，珍珠有咬口，奶香幼滑👍🏻稻埕牛肉麵招牌麵$62麵質彈牙，裡面有幾款牛肉都質嫩爽口，再配上紅蘿蔔白蘿蔔，半隻流心蛋，色香味俱全。黑糖珍珠舒芙蕾班㦸配抹茶雪糕$58因為即叫即整所以需時，我哋等了$25分鐘，個麵食晒，甜品就上啦😂班㦸好鬆軟，班㦸內忌廉好creamy，雪糕有香濃嘅綠茶味，美中不足就係。。。兩粒炮谷梳咗氣唔夠脆！成分甜品差啲可以攞滿分。下午幾十蚊有嘢飲，唔限時坐得都舒服，抵食嘅👍🏻

🚩鵝不是鴨肉(例牌)💰價錢：$130味道唔錯滷得好入味👍🏻肉質口感唔會太乾太嚡其它配菜有豆乾、豆芽都好食😋唯一缺點就係份量少咗啲🚩滿滿骨膠原豬手💰價錢：$106呢度菜絕對要一試望落反哂光 勁吸引🤤一份有三大舊食落非常細嫩 輕輕一咬已散接近入口即化既口感「滿滿骨膠原」既名冇改錯無敵級黏稠！俾既醬汁味道略嫌唔夠重口味😈但份量夠多可以撈飯！撈飯！撈飯食🤪🚩 石鍋三蝦泡台梗飯💰價錢：$98真係痴咗線外賣先嗌呢度菜🤦🏻‍♀️完全冇咗石鍋既風味而且份量極少🙄台梗飯粒口感硬硬地味道太普通似一般湯泡飯

星期六晚餐，提早book左位，入面空間都鬆動，坐在係近走廊既位。主菜點左鵝肉同蟹肉蛋捲，一個肉燥飯，鵝肉拼盤入面有豆腐、芽菜， 味道唔錯，我覺得最特別係蟹肉蛋捲，表皮香脆，蛋捲好有彈性而且好多蟹肉，十分推薦。甜品叫左薑汁桃膠燉杏仁鮮奶同桃膠燉蛋白，味道唔錯但蛋白唔太凝固。

第一次試這間，這間餐廳價錢並不便宜，稻程牛肉自家製手作麵餐要$118，加了$24要個熱薑汁桃膠燉杏仁鮮奶，牛肉麵啲牛肉好軟身，入味，牛肉份量適中，不會過多變膩，但麵的份量比較少，個湯有少少so味，啲蘿蔔唔夠淋身，未入味，有啲渣，唔知關唔關因為我係食午餐，未夠時間煮淋的關係，至於個杏仁鮮奶，唔知係咪因為係附加叫的關係，比較細碗，但啲桃膠也不少，味道不錯，至於餐飲叫了熱桂花胚芽米水，清甜，幾好，又多桂花胚芽，服務也ok，整體ok.

第一次去稻埕食飯, 有自動傳餸機, 很新奇, 食物好味, 不過就細碟咗啲, 甜品珍珠奶茶薄餅好味又靚, 最啱打卡😋今次笫一次寫食評原因係想讚揚一下-做接待既waitress(唔記得名)做野超級勤快, 又細心, 很用心工作, 值得讚👍👍👍

本身睇MENU見佢TEA SET價錢唔貴而且款式又幾吸引就入去，落單要自己掃QR CODE點餐，當時都未見有寫製作時間幾長，以為都係等十零分鐘，點知打完機已經等咗29分鐘都未到就問下職員，女職員首先望到我枱未有食物，唔係行來問我咩事，係衝返去電腦望下我點左咩餐先，再埋來同我講鬆餅係要等30分鐘以上，我心諗你都幾醒喎……我等左近半個鐘，你就講要半個鐘以上……好啦都照等，諗住應該幾分鐘內點都有，點知係等到42分鐘時另一位職員都覺得唔妥，主動叫其他人睇睇呢張單出未，然後廚房方向有一位女職員跑出來同其他職員講『Sorry呀xx(職員名)原來12號枱張單……』(後面細聲左我聽唔到)咁我唔知究竟係漏單定點，但講完呢句冇耐就真係捧到個餐出來俾我，我懷疑根本係整好左唔記得上碟……但食物本身我覺得又真係抵食而且好食，鬆餅真係做到外脆內軟，有奶蓋泡、黑糖珍珠、一球雪糕、cream、仲有少少士多啤梨，而且個黑糖漿幾濃郁，配雪糕食已經好好食，奶蓋泡有少少鹽味，令成碟野都有層次唔會一味死甜，係k11來講連埋加一都係64蚊算平，如果同朋友來可以一直吹水等落去我都未必介意，但都係希望餐廳可以係落單時大隻字寫明呢個餐

星期六午市餐廳已經好full，難得仲提供lunch set。餐廳環境舒服，scan QR code落單，主打家常台式菜式。叫左鵝不是鴨肉套餐，古早味三杯雞套餐，跟餐加配2個小食(合共$66)，餐飲黑糖珍珠奶蓋(加$8)，桂花胚芽米水(跟餐免費)。菜式賣相非常靚，每個set用托盤裝起。鵝肉滑嫩唔鞋口，滷汁唔會過鹹，就算連鵝皮食，都唔會覺得膩。伴碟有土豆絲，軟爽適中。另外套餐會附送紫菜豆腐湯、半隻糖心蛋、醃蘿蔔，紫菜湯味道濃郁，醃蘿蔔非常脆口好食。三杯雞更入味，味道最為濃厚。雞件大約有7件，件件有肉，醃得好夠味。另外套餐可以以優惠價加配小食，麻辣腎片一大碟好多，腎片厚切大塊，麻味重過辣味，幾過癮。而另一個加配小食薑汁桃膠燉杏仁鮮奶就細細碗，杏仁味好濃，而桃膠量就正常，唔會太甜，夠滋補養顏。飲品賣相睇得又食得，珍珠煙韌，奶蓋濃烈，帶甜。桂花香，大量胚芽，好健康，難得唔駛加錢又可以飲特別飲品。整體，可以好舒服咁嘆lunch，而且食物質素有保證，想食最好訂位就唔駛等。

在K11食嘢唔平得去邊見到尼間有茶餐！價錢又合理可能限聚令關係，二人jan安排我哋坐圓枱坐得舒適可以慢慢嘆足一個下午下午茶餐～稻埕牛肉自家制手作麵+凍桂花胚芽米水～牛肉夠諗不過分量唔太多！米水～我麻麻哋，好似飲緊洗米水下午茶餐～稻埕骨膠原猪手滷肉飯+熱咖啡～猪手OK！不過無嘜肉食～熱咖啡送粒鳥結糖

掃QR code落單，唔洗搵侍應唔洗拎住個餐牌。落單後等咗大約10分鐘有得食 (餐廳當時得兩、三枱客)。成個點餐流程都幾暢順，唔錯。餐廳地方幾闊落，比起其他台式餐廳坐得較舒服。嗰日我哋叫咗兩份午餐▫️稻珵牛肉自家製手作麵 (HKD108)我覺得質素真係好普通，一碗麵幾片牛肉幾舊蘿蔔半隻溏心蛋賣$108，就算套餐有飲品點都唔值呢個價。湯底好淡，一啲都唔吸引。▫️鹽酥雞排滷肉飯 (HKD88)鹽酥雞排只係個皮係薄脆香口之外我搵唔到其他理由再試。完全食唔到嗰種台灣鹽酥味。第一次見有機械人送餐服務，好似好勁咁。但原來唔係每一枱都係用機械人送餐😂😂咁啱我嗰碗牛肉麵係先至大開眼界咋。(呢兩日清緊電話裡面啲相先知原來我仲有好多美食相未出帖㗎。當然唔係所有食過嘅都係好西啦，不過都想喺度紀錄一下😆)

點咗個墨魚腸拼台式香腸滷肉飯。加杯熱咖啡總價$86。用手機程式下單。個墨魚腸同台式香腸入口鬆軟。唔係太肥膩。冬天食臘肉，混入台式滷肉飯，好開胃。食得出唔係國內出品。個滷肉飯好鬆軟，飯粒彈牙。埋咖啡好飲。誠意推介。

-朋友喺尖沙咀返工 令我相當羨慕 附近嘅K11成日有新派飯店進駐 今晚我哋食台灣嘢-🐂#香辣牛腱 ($48）牛𦟌有肉又有筋 辣勁強🌶-🦆#鹽酥獅頭鵝頭頸 ($78）獅頭鵝肉味重 肉質鬆軟 用嚟做鹽酥小吃 有肉入口兼且幾嫩滑 唔使擔心齋啃骨冇啖肉食😛-🥣#石鍋三蝦泡台稉飯 ($82）台稉米有黏性而入口Q彈 石鍋上令口感同熱度都強 仲有蝦仁🍤肉碎同鮮魷🦑-🥣#芋圓珍珠仙草奶蓋 ($38）奶蓋下面有三色芋圓酒釀小丸子🍡仙草同紅豆 仲有新鮮士多啤梨🍓同綠茶嶡餅 豐富到呢🥰 -🥤#蜂蜜白苦瓜汁 ($38)今晚食香辣炸嘢 飲杯清熱解毒嘅白苦瓜汁就啱晒啦 -🍵#紅棗杞子桂圓米水 ($32）米水有保健功效 由紅米白米生薏米浸泡而成 加埋紅棗杞子桂圓一齊當茶飲 養生度爆燈💡-📍#稻埕飯店尖沙咀河內道18號K11購物藝術館B1層

同朋友黎聚聚～我幾鍾意呢個胡椒蔥肉包，可能因為我鍾意食台灣胡椒餅，佢用嘅餡料同胡椒餅相似，個包嘅表面係用煎嘅做法，外脆內軟，賣相都好靚。聽個名就好搞笑，鵝不是鴨肉（獅頭鵝），雖然份量唔係多，但係肉質比平時食嘅鵝肉鮮嫩入味，伴有少少鹹菜，滷水豆腐片放底，每樣野都好好食。石鍋三蝦泡台梗飯係用台灣米煮成，石鍋上熱辣辣。有貼心服務，店員會喺旁邊分好每碗再遞上，可以隨意加埋脆米胡椒粉調味。我就覺得冇需要加其他調味都好好食啦～白苦瓜汁加蜂蜜飲用鮮蜂蜜，去苦味，好飲又好有台灣風味。另一杯蜂蜜茉莉綠茶奶鐵，未飲過，又幾好飲。面層嘅奶泡係用鮮奶打成，入口軟滑後感清新。朋友話呢個甜品都好好食，芋圓珍珠仙草奶蓋，裏面有芋圓、珍珠、仙草（涼粉），個底仲有少少豆腐花，入口香滑， QQ又甜甜地嘅珍珠，有趙口嘅芋圓，清爽嘅仙草，呢個配搭好Perfect，不過甜又豐富。食嘢期間發現有着咗制服嘅捧餐機械人經過，感覺有幾得意又衛生～